يا عكود الحق، نقطة نظام

[بابكر مخير]

يا صاحب العقل الرزين والقلب الحنين
بالله عليك في سودانيات قريت "من القصص العجيبة المريرة" كلام كتير حار وفيهو المرارات الخاصة إتحولت الي أمور خطيرة والغريب فيهو أنو القصص العجيبة إتغيرت لي قصص محيرة.
العزيزة بيان مطلوبة أن تبرد نفسها في البورد دا وزعلها تصبو في الأفراد العندها معاهم مرارات ما في الجميع.

المشاركة الأصلية كتبت بواسطة bayan

الاساتذة الذين فصلوا من جامعة الخرطوم كانوا كولهم من الشمال
ولم ار اي شخص من دارفور فصل في تلك الفترة بل رئيس نقابة الاساتذة
كان من دارفور
والذين تم تعذيبهم في بيوت الاشباح غالبيتهم من الشمال
عذبوا بواسطة اناس من دارفور.
وهناك عدد كبير من دارفور تم تعينهم في وزارة الخارجية بدون وجه حق
وفي كثير من المناصب...
حكومة الانقاذ هي امبراطورية ناس دارفور الى ان طرد الترابي
الذي كان يطن انهم اكثر طاعة ومطالبهم صغيرة. مثلما لجأ محمد احمد المهدي الى دارفور فعل الترابي
ودا سبب الازمة الان .
حيث اتشاكلو الكيزان اولاد البحر مع الكيزان من دارفور.
واخرج الترابي واشعلت ثورة دارفور..
ليضيع من في المعسكرات الان
قلبي عليهم..

المشاركة الأصلية كتبت بواسطة bayan

واكاد اقول جازمة ان من حضروا الى ماليزيا منذ 1993 الى الان من مساعدي التدريس
من دارفور..يشكلون حوالي 80%
..

إذن مليزيا هي مستنقع الالكيزان من الغرابة وإن كان ما شايف فيها عيب، بل مفخرة أن 80% مساعدي تدريس "سمعة حسنة للغرابة"

برضو شايف قريبي

المشاركة الأصلية كتبت بواسطة Hassan Farah

دكتورة بيان-الاخ الجيلى سلامات
اتفق معكما تماما فيما ذكرتاه هؤلإ القوم يتاجرون بمحنة اهلهم وساعدتهم فى ذلك تصرفات الحكومة الرعنة هذه الحكومة هى التى نصبتهم فى اجهزة امنها وفى بيوت الاشباح لقد اذاقتهم طعم السلطة والتحكم فى العباد فافتتحت شهيتهم ونمت تطلعاتهم ليعيدوا حكم ودتورشين --لماذا دفن الرؤوس فى الرمال--انها الميكافيلية الجديدة التى تسمح بعذاب الالاف وتشريد النسإ وبيع الاطفال فى سبيل الوصول للسلطة-----

هو تور شين ولا تور الشيل دا ما مات وشبع موت، طاريتو لسة معلقة، مرارات قبلية قديمة لسة معشعشة في القلوب، مع أنو أنا دا واحد من تمازج قبلي "رباطاب قريبي حسن فرح مع تعايشة سيدي خليفة المهدي"

ما عاوز أخوض كتير يا عكود الحبيب في بورد النيران دا وعاوز أضم صوتي للدكتورة العزيزة أم راشد في قولتها

المشاركة الأصلية كتبت بواسطة omrashid

تاريخ السودان ملئ بالمرارات --ولكن وبغض النظ عن من وراء ذلك اذا كان درافوريا او دنقلاويا --لابد لنا من تجاوز ذلك --كما ان الحديث الجهوي يضر بمجمل القضايا فنرجو الانتباة لذلك

المهم الحبيب عاوزين سودانيات بعيدة من جنس دا وكلامات "ما عارف إسمو بالضبط،مصطفى حاجة كدا، بتاع جريدة الإنتباهة" والاراء التي تدعو للفتنة في وقت يستوجب فيه التكاتف والتعاضد.
إن كان ضروري أفتكر بمنصبك تحد من هذا
لك الشكر والرجاء من المشاركين مراعاة مشاعر الأخرين