جوال طلح يذهب باثنين من السودانيين فى المملكة العربية السعودية الى الاعدام بالسيف

[imported_عمر صديق]

شرعت وزارة العدل السودانية فى مخاطبة نظيرتها السعودية لايقاف حكم تنفيذ الاعدام قصاصا على سودانيين اثنين تم ضبطهما فى اتهامات بتهريب مخدرات كانت مخفية فى تجويف حطب الطلح ,وجاءت اجراءات التوقيف بعد ان توصلت السلطات السودانية الى ان المدانين كان ضحية لعصابة لتهريب المخدرات وان احد عناصرها قد سلم المدانين طرد بداخله ادوات تجميل وطلب منهما ان يوصلاه لاحد اقرابائه بالمملكة وكان الطرد قد ضبطته الشرطة وبداخله كمية من المخدرات ووجهت اليهما الاتهامات لتصل المحمكة الى عقوبة الاعدام عليهما قصاصا وفور وصول تلك المعلومات لفريق مكافحة المخدرات السودانية باشرت اجراءت اولية وجه بها المدعى العام ونجحت الشرطة فى القبض على المتهم الاساسى الذى كان يخفى نفسه باحد المنازل فى منطقة جبرة وكشفت التحريات ان المتهم كان مقيما فى المملكة العربية السعودية وتم ابعاده بعد تورطه فى قضية مخدرات وتم القبض عليه بناء على معلومات توفرت بانه يريد مغادرة البلاد وقد توصلت السلطات السودانية الى ان السلطات السعودية ستقوم بتنفيذ الحكم عليهما خلال فبراير الجارى
نقلا عن صحيفة الاهرام اليوم عدد الاحد 12 /2/ 2012

[imported_عمر صديق]

مرة اتذكر انى ماشى القاهرة
فجاءتنى احدى الاخوات
كانت تحمل شنطة فى يدها قالت ارجوان توصل هذه الاشياء فى القاهرةالى التلفون الموجود خارد هذا الطرد
حاولت الاعتذار لها بكل ادب
فقالت لى وحلفت باغلظ الايمان بان الشنطة لا يوجد بداخلها اى شئ غير ادوات تجميل سودانية لاحدى العروسات من حنة وصندلية ومحلب اشياء مختصة بالريحة السودانية
المهم اتوكلت على الحى الدائم واخذت منها الطرد واوصلت الى ميدان الطاهر بييبرس احمد الله انو ما كان فى الطرد طلح
ولو قابلت هذه الاخت او اى كائن كان مرة اخرى ما حاشيل ليها اى شئ

[imported_أبومنذر]

كم آالمتنى هذه الواقعه , وقد سمعت بها فى وسائل الاعلام منذ زمن او نقل سنوات
فهى تعطينا درس جميعا فى عدم حمل اشياء من شخص مجهول لنا , وحقيقه القصه
ده قد تقتل فينا المروءه والشهامه , ولكن ان كان لابد ان نشيل , قد يتطلب الامر بعض
الحذر والحيطه , ومن الممكن تفتيش اى شى قبل ان تحمله , تفتيش وفلفيل كمان ..
لانو العمر ما بعزقه , وقد سمعت بها وان هذين الشخصين قد قابلا شخص
فى مطار الخرطوم وقد طلب منهم ان ينقلو طلح لشخص معين فى المملكه . وهم بكل
اريحيه وافقو على حمل الطرد , ولم يكن لهم علم بما يحتويه الطرد من فخ وبلاوى .
وقد تفاجئو به وبما يحتويه اثناء الوصول والتفتيش فى مطار المملكه هنا , ومن المطار
الى السجن مباشره لم يرو الشمس وقد صدرحكم عليهم بالقصاص بالسيف ..!!
نتمنى ان يظهر الحق وان يكون قد تم القبض على المجرم الحقيقى ..حتى يتم اطلاق
سراحهم , صراحه الناس ديل هنا فى السعوديه لا يجاملو ابدا فى مسائل مخدرات ..
( طوالى رقبتك حد السيف ) وقد شاهدت احدى المرات واقعه حد فى احد الفلبيين
منذ سنوات على الملاء وامام ساحه كبيره كيف ينفذ الحد وطريقته , وصراحه الى الان
اهلوس بيهو وبالفلبينى , وانا ارى رقبته انفصلت تماما عن باقى جسده ..!! اللهم فرج
عليهم واظهر الحق واحفظنا واحفظ المسلمين جميعا ..

[imported_عمر صديق]

يا دكتور احمد محمد زين هذا الحظر لا يشملك
انت وعم فتحى مسعد
لانى متاكد من اخلاقكم الفاضلة انت وعمو فتحى ولو عندك جبنة مضفرة او حلويات لعم فتحى زى ما وصلت فى السابق حاوصلا بكل طيبخاطر وانشراح
لانى متاكد من اخلاقكم الفاضلة ولما كده يا عم بابكر
لكن يا دكتور انا داير نسبة فى التوصيل لانو عمك ده بقى يملحنى ساكت
يعنى المرة الجاية جيب معاك كيسين واحد لى واحد لعمك

[ناصر يوسف]

المشاركة الأصلية كتبت بواسطة عمر صديق

شرعت وزارة العدل السودانية فى مخاطبة نظيرتها السعودية لايقاف حكم تنفيذ الاعدام قصاصا على سودانيين اثنين تم ضبطهما فى اتهامات بتهريب مخدرات كانت مخفية فى تجويف حطب الطلح ,وجاءت اجراءات التوقيف بعد ان توصلت السلطات السودانية الى ان المدانين كان ضحية لعصابة لتهريب المخدرات وان احد عناصرها قد سلم المدانين طرد بداخله ادوات تجميل وطلب منهما ان يوصلاه لاحد اقرابائه بالمملكة وكان الطرد قد ضبطته الشرطة وبداخله كمية من المخدرات ووجهت اليهما الاتهامات لتصل المحمكة الى عقوبة الاعدام عليهما قصاصا وفور وصول تلك المعلومات لفريق مكافحة المخدرات السودانية باشرت اجراءت اولية وجه بها المدعى العام ونجحت الشرطة فى القبض على المتهم الاساسى الذى كان يخفى نفسه باحد المنازل فى منطقة جبرة وكشفت التحريات ان المتهم كان مقيما فى المملكة العربية السعودية وتم ابعاده بعد تورطه فى قضية مخدرات وتم القبض عليه بناء على معلومات توفرت بانه يريد مغادرة البلاد وقد توصلت السلطات السودانية الى ان السلطات السعودية ستقوم بتنفيذ الحكم عليهما خلال فبراير الجارى
نقلا عن صحيفة الاهرام اليوم عدد الاحد 12 /2/ 2012

يا عمر صديق يا أخوي
كيفنك ونعلك طيب

عادتنا البايخه دي ،،،
هل هي جهل وعادة بايخة بالجد جد ولا عادة كويسة تقول إنك سوداني شهم
تشيل أي حاجه من أي زول يقول ليك وَصِّل لي الحاجه دي معاك لفلان
ما زلت أتذكر حكاية مظروف قالوا لي توصلوا معاك الشارقة لشخص ما وهو حيكون منتظرك ،،، المظروف طلع فيه جواز سفر مزوَر ،،، قبضوه كيفن ؟؟؟ دي خلوها ساكت ،،،
عموماً فوتوني الطائرة في مطار الخرطوم وقعدتَ تلااااته ساعات محبوس ،،، يا أجيب الزول الأداني الباسبورت ده ويا كمان أفضل في الحبس مع الأمن
في النهاية إتصلت برقم الراجل المفروض ينتظرني في مطار دبي وقلت ليه ياخي عندك باسبورت أداني ليه قريبك هنا في مطار الخرطوم ،،، بس أنا غيرت رأيي وما جاي ،،،
أها قريبك ده أنا ما عندي ليه أي رقم عشان أتصل بيه وأديه الباسبورت بتاعك ده ممكن تدلني عليه ياخ
أدني الرقم وأديت الرقم لناس الأمن وجابوا الزول الغبي ده وفكو أسري
تاني لو لقيتك إنت ظاااتك ما بشيل ليك بصــــــــله شفت كيف

التووووبه يا حبوبه

هههههه

[imported_البرنس]

قال الرواى فيما قال فى قصته

خشيت أن يقال لقد ذهب الخير من الناس

ماذا يريد هذا ؟؟؟؟ يريد ان يرفض طلبه فيذهب الخير من الناس
ام تحمل امانته فتزهق ارواحهم بسبب فعل الخير

[بابكر عباس]

موقع تواصل الإلكتروني يا عمر، ذكر معلومة ممكن تستبعد حسن النية (لاحظ الكلام البي الأحمر)

"تواصل – وكالات:
طلبت الحكومة السودانية من السعودية وقف تنفيذ حكم الاعدام على سودانيين اثنين ضبطا بمطار جدة وهما يحاولان تهريب كميات من الحبوب المخدرة باخفائها داخل (أعواد الطلح) و(الدلكة)، وقد أدانت المحكمة بمدينة مكة المتهمين بالاعدام حداً بالسيف، وجاء طلب الحكومة السودانية بعد مستجدات في القضية وبعد أن توصل رجال مكافحة المخدرات إلى ان المحكومين كانا ضحايا لعصابة لتهريب المخدرات بين السودان والسعودية وان أحد عناصر تلك العصابة سلم المحكومين كرتونة بداخلها (كمية من الطلح والدلكة والخمرة)، وقد نجح فريق مكافحة المخدرات بالخرطوم من الوصول إلى عنصر العصابة الذي سلم المتهمين (الكرتونة) واتضح بانه مبعد من المملكة العربية السعودية في قضايا تتعلق بتجارة المخدرات.
وتوصلت إليه المباحث السودانية بعد عملية معقدة ختمتها بمداهمة على مكان يختبئ فيه بمنطقة جبرة بوسط الخرطوم وأمر المدعي العام لحكومة السودان باتخاذ إجراءات تحقيق مع المتهمين بالخرطوم وإيقاف تنفيذ حكم الاعدام على المحاكمين بالسعودية خاصة وان الحكومة السعودية أرسلت صورة من ملف التحقيق وفيه اتصال قد تم بين المدانين مع شخص سلمهم رقم هاتف عنصر العصابة بالخرطوم"

[imported_عمر صديق]

اقتباس:
المشاركة الأصلية كتبت بواسطة أبومنذر


, ومن الممكن تفتيش اى شى قبل ان تحمله , تفتيش وفلفيل كمان ..
لانو العمر ما بعزقه



الاخ ابومنذر
كلامك صاح
فى زمنا هذا النوايا الطيبة
براها غير كافية
لهذا الزمن الصعب
لكن انا وصلت ليقين تقديم الخير فى اى شئ الا فى المطارات

[imported_فتحي مسعد حنفي]

المشاركة الأصلية كتبت بواسطة عمر صديق

يا دكتور احمد محمد زين هذا الحظر لا يشملك
انت وعم فتحى مسعد
لانى متاكد من اخلاقكم الفاضلة انت وعمو فتحى ولو عندك جبنة مضفرة او حلويات لعم فتحى زى ما وصلت فى السابق حاوصلا بكل طيبخاطر وانشراح
لانى متاكد من اخلاقكم الفاضلة ولما كده يا عم بابكر
لكن يا دكتور انا داير نسبة فى التوصيل لانو عمك ده بقى يملحنى ساكت
يعنى المرة الجاية جيب معاك كيسين واحد لى واحد لعمك

ياعمر ياخ أنا لو داير حاجة من أحمد زين ولا ناصر ما بحتاج لي زول يبلغم وانت شكلك كدا داير تشحت بي اسمي عشان الحاجات دي أنا طالتها منك انت شخصيا..
انت نسيت لامن أديتك صينية الحلاوة لي ناصر أصريت الا أجيب ليك زيها عشان تشيلابطل الشطارة وكشكش جيبك وأمشي اشتري الحاجات الطلبتها منك.

[بابكر عباس]

المشاركة الأصلية كتبت بواسطة فتحي مسعد حنفي

ياعمر ياخ أنا لو داير حاجة من أحمد زين ولا ناصر ما بحتاج لي زول يبلغم وانت شكلك كدا داير تشحت بي اسمي عشان الحاجات دي أنا طالتها منك انت شخصيا..
انت نسيت لامن أديتك صينية الحلاوة لي ناصر أصريت الا أجيب ليك زيها عشان تشيلابطل الشطارة وكشكش جيبك وأمشي اشتري الحاجات الطلبتها منك..

مداخلة لم تضف أي شئ للبوست!
وكمان بالفونت 7!!

[imported_فتحي مسعد حنفي]

المشاركة الأصلية كتبت بواسطة بابكر عباس

مداخلة لم تضف أي شئ للبوست!
وكمان بالفونت 7!!

الوندوز عندب ضربت.محتاج أفرمت الجهاز وأنزل وندوز جديدة..

[imported_خالد الصائغ]

تحياتي عمر و ضيوفك الاحباب الكرام

عمك راجل فارس و ضكران مرة قالو راكب جملو و ماشي في الخلا لقا ليهو زول مقطوع و قرب يموت من الجوع و العطش. نزل من جملو و أداهو أكل و شرب لمن شبع. و قام ردفو وراهو و ساقو معاهو. الشمس كانت حارة و قالو يقيلو للمسا فنزلو ليهم في ضل شجرة. عمك شالتو نومة و فجأة صحي لقي صاحبنا الكان المقطوع كتفو في الشجرة و بفك في عقال الجمل عشان يشرد بيهو. عمك عاين ليهو و ناداهو قال ليهو الجمل شيلو ما بدورو علا الدايرو منك ما تحكي القصة دي لي زول..... عشان المروة ما تموت في قلوب الناس.



تقديم العون للآخرين بما يستطاع أمر جميل و من أبسط متطلبات الإنسانية

لكن عفويتنا الزايدة في القيام بي كدة في الزمن البطال ده حقيقي مشكلة كبيرة

[imported_زول الله]

وأنا راجع من السودان آخر ايام رمضان الفات
واحدة قالت عندها شنطة فيها حاجات اجيبها لي إبنها هنا في الرياض
من المكالمة الأولى قلت ليها جيبي الشنطة مفتوحة عشان أشوف الفيها شنو أول شيء
قالت لي حاضر....
الغريبة ما كلمتني تاني ولاجابت الشنطة
تكون قايلاني عايز اسرق حاجاتها؟؟؟؟؟؟






اقول قولي هذا واستغفر الله لي...............

[imported_عبدو منصور]

(الطلح) و ( الدلكة ) و( الخمرة ) وتوابعهم يحملهم السودانى بطيبة خاطرة (توصيلة ) لعلمة بلهفة المغترب و ( قريفتة ) لهذا السحر السودانى الخاص ومن هنا يسهل تمرير الممنوع .

أللهم أسألك أن تفرج كربتهم وأن تحق عدلك عليهم يارب العالمين

[imported_عمر صديق]

اقتباس:
المشاركة الأصلية كتبت بواسطة ناصر يوسف
يا عمر صديق يا أخوي
كيفنك ونعلك طيب

عادتنا البايخه دي ،،،
هل هي جهل وعادة بايخة بالجد جد ولا عادة كويسة تقول إنك سوداني شهم
تشيل أي حاجه من أي زول يقول ليك وَصِّل لي الحاجه دي معاك لفلان
ما زلت أتذكر حكاية مظروف قالوا لي توصلوا معاك الشارقة لشخص ما وهو حيكون منتظرك ،،، المظروف طلع فيه جواز سفر مزوَر ،،، قبضوه كيفن ؟؟؟ دي خلوها ساكت ،،،
عموماً فوتوني الطائرة في مطار الخرطوم وقعدتَ تلااااته ساعات محبوس ،،، يا أجيب الزول الأداني الباسبورت ده ويا كمان أفضل في الحبس مع الأمن
في النهاية إتصلت برقم الراجل المفروض ينتظرني في مطار دبي وقلت ليه ياخي عندك باسبورت أداني ليه قريبك هنا في مطار الخرطوم ،،، بس أنا غيرت رأيي وما جاي ،،،
أها قريبك ده أنا ما عندي ليه أي رقم عشان أتصل بيه وأديه الباسبورت بتاعك ده ممكن تدلني عليه ياخ
أدني الرقم وأديت الرقم لناس الأمن وجابوا الزول الغبي ده وفكو أسري
تاني لو لقيتك إنت ظاااتك ما بشيل ليك بصــــــــله شفت كيف

التووووبه يا حبوبه

هههههه



كويس با ناصر انك انت فكرت
واستعملت ذكائك
كفاية مشكلة جوازى انا
والناس الاستغلتو وصرفت به شيكات وانا لا احرى لا ادرا
ولحدى الليلة مافى زول عارفهم وين
النوايا الطيبة زمنا ولى
وحمد لله على السلامة مرة اخرى