جبهة الدستور الإسلامي...

[imported_أميرى]

بالأمس شهدت قاعة الزبير محمد صالح للمؤتمرات الدولية انطلاقة وبداية المؤتمر التأسيسي لجبهة الدستور الإسلامي

"لن نتراجع هذه المرة مهما كانت التكلفة لا بد من إقرار حكم الله وإلا فإن لنا كلمة في حالة رفض الحكومة للدستور الإسلامي"
الصادق عبدالله عبدالماجد

(الواقع الجديد للهوية أن الإسلام أصبح عزيزا في البلاد بعد ذهاب الجنوب ولا أحد يستطيع أن ينازعنا فيه سنحتكم للشريعة عبر هذ الجبهة).
الطيب مصطفي

«هؤلاء لم يستشهدوا من أجل قائد أو رجل وإنما مضوا إلى سبيل ربهم من أجل القضية والشريعة وتمكين الدين وربط الأرض بقيم السماء»
محمد أحمد حاج ماجد

يا إسلام بالروح نفديكا .....
نحنا الما بترهبنا أمريكا ....
نحنا سلاح مليان ومعبأ ....
نحنا الما بترهبنا أروبا ....
الهتيفة والمتحمسون ...موسيقي تصويرية

...............واللهم قبرا
أنا وشوية عشرين تلاتين مليون سوداني


............هو لسة في كدة؟

[imported_أميرى]

والله لو كان محمد صلي الله عليه موجودا الآن
حتما كان حيستثني السودان من البرنامج دة..

[imported_أميرى]

وما بعيد كان يقول لينا إذهبوا فأنتم الطلقاء..

[imported_أميرى]

غايتو من حفرة لي دحديرة واللهم لا اعتراض علي حكمك...

[imported_أميرى]

عندي صديقة "منقبة"سألتها أمبارح رأيك في الديمقراطية شنو
قالت أعوذ بالله دي حقت العلمانيين..قلت ليها رأيك في السلفي
المصري الأذن في مجلس الشعب شنو؟..قالت لي يؤجر إن شاء الله

قلت ليها طيب لو الديمقراطية أعوذ بالله طيب نختار حكامنا كيف؟
قالت لي ...قالت لي....في الحقيقة سكتت

قلت ليها عارفة سيدنا أبوبكر كيف بقي خليفة؟
وسيدنا عمر وعلي وعثمان كيف بقوا خلفاء؟
.....سكتت واتهمتني إني زول علماني ساي
وقالت لي الليلة بالليل حدعوا ليك ربنا إنو ينزع العلمانية من قلبك

اللهم امين...آمين

[imported_أميرى]

في الحقيقة أنا ما عندي مشكلة مع الشريعة ذات نفسها
أنا مشكلتي مع ناس زعيط ومعيط البحكموا بي إسمها

وطالما وعلي مدار التاريخ
الحكموا بإسم الدين هم من آل زعيط ومعيط

فأنا أعترض
أو كما قال

[imported_نبراس السيد الدمرداش]

والكلام دا لكل الناس
ولا فيهو خيار و فقوس

[imported_فتحي الصديق]

محاولة بائسة ويائسة للعب على عقول السودانيين الباقين بعد أن ذهب الكثيرون منهم وأسسوا دولة خاصة بهم .

[imported_عادل عسوم]

وقالت لي الليلة بالليل حدعوا ليك ربنا إنو ينزع العلمانية من قلبك

اللهم امين...آمين

اللهم آمين اللهم آمين

[اشرف السر]

ما أشبه الليلة بالبارحة...

قولهم واحد.. وقلوبهم شتى
اصحاب الدقون الضلالية
هم يريدون الكرسي..
عبر أي شيء
انقلاب.. انتخاب.. دين.. أي حاجة.. يحكموا وخلاص

اسه اللمه المؤتمر الوطني مع الشعبي مع صادقق عبد الماجد مع الاتحادي
مع الصوفية
كلام كدا زي دكوة بطحنية وليمون وغرنجال..

[اشرف السر]

بعدين زاتهم فهمهم للشريعة شنو؟
تطبيق الحدود وبس؟!!!!!!!!!!!

ارتبط فهم الشريعة عند عامة الناس بالقطع والجلد

أين دستورهم الاسلامي المزعوم
من الحكم الراشد؟ من امرهم شورى بينهم؟
من قانون الحسبة.؟
من رد المظالم لأهلها
من بنوكهم الربوية الاسلاموية؟
من كذبهم وافتراءهم على الشعب وهم من تحت أكبر المتعاونين مع الاستخبارات الامريكية ومع الصهيوينة العالمية؟


والله إنها كلمة حق أريد بها باطل.. والله على ما أقول شهيد
لم أدخل قلوبهم لكن كما قال المسيح "أحذروا الانبياء الكذبة" قالوا وكيف نعرفهم
قال "بثمارهم تعرفوهم"...
ورأينا من ثمارهم حنظلا.......

[اشرف السر]

المشاركة الأصلية كتبت بواسطة أميرى

في الحقيقة أنا ما عندي مشكلة مع الشريعة ذات نفسها
أنا مشكلتي مع ناس زعيط ومعيط البحكموا بي إسمها

وطالما وعلي مدار التاريخ
الحكموا بإسم الدين هم من آل زعيط ومعيط

فأنا أعترض
أو كما قال

وأنا بلضو


ما دام فهمهم للشرع قاصرا....
فأنا
أعترض

[imported_أميرى]

المشاركة الأصلية كتبت بواسطة نبراس السيد الدمرداش

والكلام دا لكل الناس
ولا فيهو خيار و فقوس

لكل عاقل بالغ يلبس جلابية وتوب و يمشي علي قدمين و يبتسم ببلاهة حين يقول أنا سوداني

غايتو الأنا متأكد منو إنو نزلاء التجاني الماحي و خارجها برة الجك

[بابكر عباس]

المشاركة الأصلية كتبت بواسطة أميرى

في الحقيقة أنا ما عندي مشكلة مع الشريعة ذات نفسها

المشاركة الأصلية كتبت بواسطة اشرف السر

والله إنها كلمة حق أريد بها باطل..

هسع وحات سيدي الحسن، أنا إحترت!
هسع موش، شيخ صادق، الطيب مصطفى، وصديقة أميري المنقبة وعادل عسوم ديل، أكثر إتساقا مع روحم من أميري وأشرف السر ديل؟
لو كلمة "إتساقا" دي زعلتكم، أشرحوا لي كيفية التطبيق المثالي للشريعة، وأنا بسحبها!

[imported_أميرى]

المشاركة الأصلية كتبت بواسطة فتحي الصديق

محاولة بائسة ويائسة للعب على عقول السودانيين الباقين بعد أن ذهب الكثيرون منهم وأسسوا دولة خاصة بهم .

والله يا فتحي كلامهم دة تاني يقولوا لي زول ما عندو حديدة