الرجل البعرس تاني...

bayan · 23-09-2008, 02:51 AM

سلامات
طبعا ما بتكون فايتة عليكم حركة موضة تعدد الزوجات ..
اها هنا عايزين نعمل كتلوج للرجال البتزوجو فوق زوجاتهم...
ما هي صفاته وطبيعته حتى نجنب بناتنا من الوقوع في براثن الرجل الذي يتزوج فوق مرتو.

الصفات التي اخرجها مجلس نسوي انعقد لمناقشة هذا الوباء الاجتماعي وخرج بتوصية اساسية
قديمة قدم الكسرة والملاح
الا وهي
الراجل لا تخلو عراقيه يفوت ركبتو (كناية على الفقر)
كل قروشو من الشمارة للخمارة يعني كل القروش تتحرق وقتي,,

بكدا نعرف اي راجل يجيه قرش زايد بعرس في مرتو..
فاهمات يا اخواتي؟
دي تتعالج كيف بحرق القروش وقتي اول باول اذ ان توفيرك لزوجك يعني جية ضرتك

دا شعار المرحلة.....

bayan · 23-09-2008, 02:57 AM

وذلك المجلس الانعقد
طرح سؤال هام
ايهما افضل ان يكون لزوجك عشيقة او زوجة اخرى..
تراوحت الاجابات بين عشيقة وزوجة ولا واحدة
ناس عشيقة قالو اذ لونق انها ما معروفة ليهم ما عندهم اي مشكلة
ولا بتشاركهم في الورثة ولا العيال بسمعو بيها عشان تجيهم اضطرابات وجدانية..
المتدينات قالو احسن زوجة عشان الحرام وكدا
ردو ناس العشيقة انهم لا يهمهم لو اتحرق في جهنم مالهم ومالو كمان مدخلنو النار على حسابهم..
شوف بالله؟

الموضوع
حتعملي شنو لو اكتشفتي راجلك معرس فيك؟

bayan · 23-09-2008, 03:02 AM

الموضوع الهم التاني
حتعملي شنو لو اكتشفتي راجلك معرس فيك؟
ناس قالو الطلاق والذهاب مفردات الى اهلهم ذي ما جن ناس قالو يطلع هو من البيت بحجة الخفيف يطلع
مع الطلاق.. وناس قالو ما بطلقو لكن برمو طوبتو ويرفعو شعار المرحلة ضل راجل ولا ضل حيطة وكدا والراي الاخير كان للنساء فوق الاربعين..وناس قالو لازمن يجبر على تطليق الاخرى دي
دا شرط العودة بدون غفران...
اها ديل كدا انتو كيف؟

فيصل سعد · 23-09-2008, 06:39 AM

سلام يا دوك و مساء الخير ..
حجزنا كنبة وسطى في هذا البوست الجميل الجاد الهام ..
الى ان نعود بمهلة ، اعتقد جازما و على حسب وجهة نظري المتواضعة،
ان من يدبل دون اسباب و ظروف موضوعية لا نملك امر تقديرها ،
فهو طيار عين و افتراء و اجحاف و جبن و عدم مسؤلية
و عدم احترام و عدم ذوق و سؤ نية و خيانة و عدم وفاء و خراب بيوت ..

jezabell · 23-09-2008, 08:01 AM

بوست حلو حلاة

نجي للمهم، تعرفي يا دوك زمااان انا كنت طواالي بقول انو الرجال مستهبلين وبيحبو يحرفو الشرع عشان يوافق هواهم، يعني انا اصلن حتة انو الدين حلل ليهم اربعة نسوان دي زااااتا عندي فيها راي، لانو ربنا لما نزل الاية دي قرنا بشرط لازم لتحقيقا والشرط نفسو نفى سبحانه وتعالى انهم يقدرو يعملوهو وان حرصوا.. (وانكحوا ما طاب لكم من النساء مثنى وثلاث ورباع، فإن خفتم الا تعدلوا فواحدة، ولن تعدلو وان حرصتم) يبقى بالتالي الزول الما عاوز يمسك العصاية من النص ويفصل الدين جلابية عشان توافق نزواته مفروض يعرف طوااالي انو ما محلل ليهو من النساء الا واااااحدة بس تقتلو وتحييهو

أسامة الكاشف · 23-09-2008, 09:00 AM

خالص التحايا با دكتورة
غايتو أنا قبل ما أدخل في الموضوع أؤكد وبشدة إني ميت على ديني
يعني ما عندي أي فرفرة أو محاولات كده وكده
لكن في رأي أن ما في راجل (أقصد عاقل) بسعى يتزوج تاني
إلا كان البيت أصبح لا يطاق

كدي ربنا يقدرنا على الفي
قال عرس تاني قال

غايتو كان فيصل ديل عندهم النية ما بعرف لكن نحن ميتين على دينا
(هسه يقوم واحد حاقد يقول ليك ده مضفور وكده) لكن أضان الحامل طرشة
ومرتي ما عندها عضوية في سودانيات
شفتو الولاء ده

بابكر مخير · 23-09-2008, 09:01 AM

العزيزة الدكتورة
رمضان كريم ومبارك عليك وكل الأهل والأحباء
شوفتي يما كلامك دا ممن يردو عليهو
المجريبنو
سؤال أنا واحد من ناسك ديل، وبقول ليك دون كذب ورياء
السبب شنو؟؟؟
الله أعلم...........
الحبيب فيصل دخل عكس، حامل ومتحامل مع أنو سؤالك ليهو أبعاد إجتماعية، نفسية، في دوافع شتى بتأدي وتقود للقصة دي وفي مسببات تخلق الجو البيسوق لي هناك،،،
ما شرط تكون أنانية ولا من المشى ليهو الحبيب فوفو،،، بعدين هل هي بس الرجال،،، نعم الرجال ممكن ينطبق عليهم في حال أنه: في حبال الرجل،،، لكن مش برضو السيدات بيتعدد زواجهن،،، طبعن تطلق وتعرس، تاني وتالت (ما في حبالها).....
العزيزة رشوية ليها وجهة نظر وإتخيل ليا متحفظة بعض الشئ في طرحها.... ما هو الدين أدى النور الأخضر وعليه كل من تعددت زوجاته محمي بالدين،،، وممكن ما يمكون عايز الدين يكون ليهو غطاء، لكن برضو عرس، مثنى وثلاث ورباع..
آها أسألوني وبرضو ما عندي رد واضح

تماضر حمزة · 23-09-2008, 09:35 AM

بكتتتتتتلو

بعدينك ربنا قال ليهم ولن تعدلوا تاني في شنو؟؟

بعد ده ممكن نقول سلامات ،وصباحك ورد،

أسباب تعدّد الزوجات كتيرة حسب كلام المتسببين
ممكن تكون الزوجة لاتستطيع الانجاب،واذا حصل العكس غالبا بنشوف الزوجة بتضحي وتواصل حياتها ،
وممكن واحد يجي يقول أنا مقتدر ومامقصر في بيتي والشرع حلّل ليّ كده!
وينسى شرط التحليل (العدل) الذي أستطيع أن أجزم انو مافي حد يقدر يوفيه تماماً،إذا مابالتجارب الحصلت قدامنا يبقى بدراسة بسيطة لمقدرة الانسان على الكمال،والعدل التام ..كمال،
وتتعدّد الأسباب والموت واحد

لي عودة،

تماضر حمزة · 23-09-2008, 09:38 AM

اقتباس:

لكن مش برضو السيدات بيتعدد زواجهن،،، طبعن تطلق وتعرس، تاني وتالت (ما في حبالها).....

سلامات،
وطيب المشكلة شنو؟؟
كان طلّق وعرّس..بي نارو

لكن يجيب واحدي فوق للأولى؟؟
حاااارة والله

jezabell · 23-09-2008, 09:46 AM

اقتباس:

المشاركة الأصلية كتبت بواسطة تماضر حمزة

بكتتتتتتلو

لي عودة،

هو بقدر زاتو؟
يلقى وين ضفرك انتي، الهدية الرضية السمحة ام عجن الرايقة الما متضايقة حبيبة قساي

كدا طالباك تلجاية بالله

bayan · 23-09-2008, 12:10 PM

اها يا اخواتي العزيزات ...
تشريع تعدد الزوجات اتى في آية عن اليتامى والارامل اي لحل مشكلة اجتماعية..
وصعب جدا وارتبط بالعدل وهو مستحيل...عشان كدا مرة واحدة تكفي يا رجالة..
الاسلام دين يقوم على العدل والحق يعني لا يمكن ان يخلق انسان ليلهو به انسان آخر
خاصة ان المرأة والرجل متساوين في التكليفات الشرعية ومختلفين في الوظائف حقتهم..
يعني ما اللعوبة خلقوها للهو والمتعة سامعين يا رجالة ولا اللبس ليكم كبك بشلاخات اسع..
بعدين ىية اليتامي تحث على زواج الارامل و اليتيمات فيحلاة العدل..
لكن جماعتنا ديل اي واحد صبغ شعرو ولبس ليه بنطلون جينز وتي شيرت وعمل وليد
وجكس ليه بت قدر بتو وهاك يا مسجات نوع صباحك حنين وشوق السنين

تشبب للاخر اها البت المابتعرس عرفي يعرسها سرا والما بتتعرس سرا يعرسها جهرا
ويقابل براطيش المولد..
الزول كمل طاقتو في نبيشة رجال صاحباتي وقريباتي العرسو فيهن لما ما عارفة حالقى طاقة من وين
لو زوجي عرس..
يلا يا تماضر ورشا نشوف الصفاااااااات لانه بالجد موضوع محير جدا
ما ان ينقرض الرجل والا تظهر واحدة بعيالها وتقولي ليها هوي راجلي بس من الشغل للبيت للجامع وللبيت
تقوليك ما انا الجامع ذاتو..
ولا الراجل يكون ضلو ميت والغنماية تاكل عشاه تلقيه يا اخواتني معرس تلاتة سرا..

اها دعونا نحصر الصفات,,
علما في ذلك الاجتماع قبل ان الرجل الجنو كلام عن العرس مؤمن بنظرية الحداث ما سواي ما بعرس خالص
لكن كعبين ابان غموتي دابي الموية ديل..
يا فيصل يا راجل يا رائع انت ماخود؟
وخلو اخونا محير يفتو لينا بالتفاصيل المملة كيف حدث ذلك وليه؟
عشان ناخد حذرنا..

تحذير المرحلة
[move=left]اوعي تقطعي بورا عربية زوجك احسن يخش فيك ويعمل ما شايف
خاصة لو معرس ليه 20 سنة وما فوق..[/move]

تماضر حمزة · 23-09-2008, 12:27 PM

اقتباس:

تشريع تعدد الزوجات اتى في آية عن اليتامى والارامل اي لحل مشكلة اجتماعية..
وصعب جدا وارتبط بالعدل وهو مستحيل...عشان كدا مرة واحدة تكفي يا رجالة..

ينصر دينك بيان
جبتي المختصر المفيد،

أهم شئ التقشيط أوّل بي أوّل عشان لو اتملا جيبو بقعد يبصبص

ومافي زول يجي يقول عاوز يحل مشكلة البورة في البلد زي ماسمعت من شيخ في تلفزيون السودان
هّي وكت عاوزين تعالجوا مشكلة زي دي مالكم بتاخدوهم ناس 18 وعشرينات؟

ديل ماعليهم خوف إطمئنوا

bayan · 23-09-2008, 12:33 PM

اقتباس:

توافق نزواته

دا الكلام الختري ذاتو نزواته دي
معقول بس الله يكن خلق المرأة عشان تغذي نزواتكم دي؟
اكيد لا.
والغريبةيا رشا الجماعة البيقولو ليك الاسلام والدين
تلقيهم بيسكرو ويسرقو ويعملو اي حاجة الاسلام مانعها
بس في العرس التاني يعملو ليك ديك يا المرجعية الدينية..ودا الانفصام ذاتو..
ولك التحية وانت تحفرين وتنبشين معنا رجال المرة الماحلوين حلا ديل,..

عادل عسوم · 23-09-2008, 01:10 PM

اقتباس:

المشاركة الأصلية كتبت بواسطة bayan

وذلك المجلس الانعقد
طرح سؤال هام
ايهما افضل ان يكون لزوجك عشيقة او زوجة اخرى..؟
تراوحت الاجابات بين عشيقة وزوجة ولا واحدة
ناس عشيقة قالو اذ لونق انها ما معروفة ليهم ما عندهم اي مشكلة
ولا بتشاركهم في الورثة ولا العيال بسمعو بيها عشان تجيهم اضطرابات وجدانية..
المتدينات قالو احسن زوجة عشان الحرام وكدا
ردو ناس العشيقة انهم لا يهمهم لو اتحرق في جهنم مالهم ومالو كمان مدخلنو النار على حسابهم..
شوف بالله؟

دكتورتنا
نعمل أستفتاء على السؤال دة:
ايهما افضل ان يكون لزوجك عشيقة او زوجة اخرى؟

تماضر حمزة · 23-09-2008, 01:15 PM

اقتباس:

المشاركة الأصلية كتبت بواسطة Rasha Hatim

هو بقدر زاتو؟
يلقى وين ضفرك انتي، الهدية الرضية السمحة ام عجن الرايقة الما متضايقة حبيبة قساي

كدا طالباك تلجاية بالله

ماطالباني شئ
ده كسير صادف اهله

23-09-2008, 02:51 AM	#[1]
bayan :: كــاتب نشــط::	الرجل البعرس تاني... سلامات طبعا ما بتكون فايتة عليكم حركة موضة تعدد الزوجات .. اها هنا عايزين نعمل كتلوج للرجال البتزوجو فوق زوجاتهم... ما هي صفاته وطبيعته حتى نجنب بناتنا من الوقوع في براثن الرجل الذي يتزوج فوق مرتو. الصفات التي اخرجها مجلس نسوي انعقد لمناقشة هذا الوباء الاجتماعي وخرج بتوصية اساسية قديمة قدم الكسرة والملاح الا وهي الراجل لا تخلو عراقيه يفوت ركبتو (كناية على الفقر) كل قروشو من الشمارة للخمارة يعني كل القروش تتحرق وقتي,, بكدا نعرف اي راجل يجيه قرش زايد بعرس في مرتو.. فاهمات يا اخواتي؟ دي تتعالج كيف بحرق القروش وقتي اول باول اذ ان توفيرك لزوجك يعني جية ضرتك دا شعار المرحلة.....
bayan :: كــاتب نشــط::	التوقيع: http://bayannagat.blogspot.com/2013/...post_4173.html شهوة ان تكون الخصومة فى عزها واضحة .. غير مخدوشه بالعناق الجبان فقبلات من لا اود حراشف سردينة وابتسامته شعرة فى الحساء من شهوات مريد

23-09-2008, 02:57 AM	#[2]
bayan :: كــاتب نشــط::	وذلك المجلس الانعقد طرح سؤال هام ايهما افضل ان يكون لزوجك عشيقة او زوجة اخرى.. تراوحت الاجابات بين عشيقة وزوجة ولا واحدة ناس عشيقة قالو اذ لونق انها ما معروفة ليهم ما عندهم اي مشكلة ولا بتشاركهم في الورثة ولا العيال بسمعو بيها عشان تجيهم اضطرابات وجدانية.. المتدينات قالو احسن زوجة عشان الحرام وكدا ردو ناس العشيقة انهم لا يهمهم لو اتحرق في جهنم مالهم ومالو كمان مدخلنو النار على حسابهم.. شوف بالله؟ الموضوع حتعملي شنو لو اكتشفتي راجلك معرس فيك؟
bayan :: كــاتب نشــط::	التوقيع: http://bayannagat.blogspot.com/2013/...post_4173.html شهوة ان تكون الخصومة فى عزها واضحة .. غير مخدوشه بالعناق الجبان فقبلات من لا اود حراشف سردينة وابتسامته شعرة فى الحساء من شهوات مريد

23-09-2008, 03:02 AM	#[3]
bayan :: كــاتب نشــط::	الموضوع الهم التاني حتعملي شنو لو اكتشفتي راجلك معرس فيك؟ ناس قالو الطلاق والذهاب مفردات الى اهلهم ذي ما جن ناس قالو يطلع هو من البيت بحجة الخفيف يطلع مع الطلاق.. وناس قالو ما بطلقو لكن برمو طوبتو ويرفعو شعار المرحلة ضل راجل ولا ضل حيطة وكدا والراي الاخير كان للنساء فوق الاربعين..وناس قالو لازمن يجبر على تطليق الاخرى دي دا شرط العودة بدون غفران... اها ديل كدا انتو كيف؟
bayan :: كــاتب نشــط::	التوقيع: http://bayannagat.blogspot.com/2013/...post_4173.html شهوة ان تكون الخصومة فى عزها واضحة .. غير مخدوشه بالعناق الجبان فقبلات من لا اود حراشف سردينة وابتسامته شعرة فى الحساء من شهوات مريد

23-09-2008, 06:39 AM	#[4]
فيصل سعد :: كــاتب نشــط::	سلام يا دوك و مساء الخير .. حجزنا كنبة وسطى في هذا البوست الجميل الجاد الهام .. الى ان نعود بمهلة ، اعتقد جازما و على حسب وجهة نظري المتواضعة، ان من يدبل دون اسباب و ظروف موضوعية لا نملك امر تقديرها ، فهو طيار عين و افتراء و اجحاف و جبن و عدم مسؤلية و عدم احترام و عدم ذوق و سؤ نية و خيانة و عدم وفاء و خراب بيوت ..
فيصل سعد :: كــاتب نشــط::	التوقيع: اللهم اغفر لعبدك خالد الحاج و تغمده بواسع رحمتك.. سيبقى رغم سجن الموت غير محدود الاقامة

23-09-2008, 08:01 AM	#[5]
jezabell :: كــاتب نشــط::	بوست حلو حلاة نجي للمهم، تعرفي يا دوك زمااان انا كنت طواالي بقول انو الرجال مستهبلين وبيحبو يحرفو الشرع عشان يوافق هواهم، يعني انا اصلن حتة انو الدين حلل ليهم اربعة نسوان دي زااااتا عندي فيها راي، لانو ربنا لما نزل الاية دي قرنا بشرط لازم لتحقيقا والشرط نفسو نفى سبحانه وتعالى انهم يقدرو يعملوهو وان حرصوا.. (وانكحوا ما طاب لكم من النساء مثنى وثلاث ورباع، فإن خفتم الا تعدلوا فواحدة، ولن تعدلو وان حرصتم) يبقى بالتالي الزول الما عاوز يمسك العصاية من النص ويفصل الدين جلابية عشان توافق نزواته مفروض يعرف طوااالي انو ما محلل ليهو من النساء الا واااااحدة بس تقتلو وتحييهو
jezabell :: كــاتب نشــط::

23-09-2008, 09:00 AM	#[6]
أسامة الكاشف :: كــاتب نشــط::	خالص التحايا با دكتورة غايتو أنا قبل ما أدخل في الموضوع أؤكد وبشدة إني ميت على ديني يعني ما عندي أي فرفرة أو محاولات كده وكده لكن في رأي أن ما في راجل (أقصد عاقل) بسعى يتزوج تاني إلا كان البيت أصبح لا يطاق كدي ربنا يقدرنا على الفي قال عرس تاني قال غايتو كان فيصل ديل عندهم النية ما بعرف لكن نحن ميتين على دينا (هسه يقوم واحد حاقد يقول ليك ده مضفور وكده) لكن أضان الحامل طرشة ومرتي ما عندها عضوية في سودانيات شفتو الولاء ده
أسامة الكاشف :: كــاتب نشــط::

23-09-2008, 09:01 AM	#[7]
بابكر مخير :: كــاتب نشــط::	العزيزة الدكتورة رمضان كريم ومبارك عليك وكل الأهل والأحباء شوفتي يما كلامك دا ممن يردو عليهو المجريبنو سؤال أنا واحد من ناسك ديل، وبقول ليك دون كذب ورياء السبب شنو؟؟؟ الله أعلم........... الحبيب فيصل دخل عكس، حامل ومتحامل مع أنو سؤالك ليهو أبعاد إجتماعية، نفسية، في دوافع شتى بتأدي وتقود للقصة دي وفي مسببات تخلق الجو البيسوق لي هناك،،، ما شرط تكون أنانية ولا من المشى ليهو الحبيب فوفو،،، بعدين هل هي بس الرجال،،، نعم الرجال ممكن ينطبق عليهم في حال أنه: في حبال الرجل،،، لكن مش برضو السيدات بيتعدد زواجهن،،، طبعن تطلق وتعرس، تاني وتالت (ما في حبالها)..... العزيزة رشوية ليها وجهة نظر وإتخيل ليا متحفظة بعض الشئ في طرحها.... ما هو الدين أدى النور الأخضر وعليه كل من تعددت زوجاته محمي بالدين،،، وممكن ما يمكون عايز الدين يكون ليهو غطاء، لكن برضو عرس، مثنى وثلاث ورباع.. آها أسألوني وبرضو ما عندي رد واضح
بابكر مخير :: كــاتب نشــط::	التوقيع:

23-09-2008, 09:35 AM	#[8]
تماضر حمزة :: كــاتب نشــط::	بكتتتتتتلو بعدينك ربنا قال ليهم ولن تعدلوا تاني في شنو؟؟ بعد ده ممكن نقول سلامات ،وصباحك ورد، أسباب تعدّد الزوجات كتيرة حسب كلام المتسببين ممكن تكون الزوجة لاتستطيع الانجاب،واذا حصل العكس غالبا بنشوف الزوجة بتضحي وتواصل حياتها ، وممكن واحد يجي يقول أنا مقتدر ومامقصر في بيتي والشرع حلّل ليّ كده! وينسى شرط التحليل (العدل) الذي أستطيع أن أجزم انو مافي حد يقدر يوفيه تماماً،إذا مابالتجارب الحصلت قدامنا يبقى بدراسة بسيطة لمقدرة الانسان على الكمال،والعدل التام ..كمال، وتتعدّد الأسباب والموت واحد لي عودة،
تماضر حمزة :: كــاتب نشــط::

23-09-2008, 12:10 PM	#[11]
bayan :: كــاتب نشــط::	اها يا اخواتي العزيزات ... تشريع تعدد الزوجات اتى في آية عن اليتامى والارامل اي لحل مشكلة اجتماعية.. وصعب جدا وارتبط بالعدل وهو مستحيل...عشان كدا مرة واحدة تكفي يا رجالة.. الاسلام دين يقوم على العدل والحق يعني لا يمكن ان يخلق انسان ليلهو به انسان آخر خاصة ان المرأة والرجل متساوين في التكليفات الشرعية ومختلفين في الوظائف حقتهم.. يعني ما اللعوبة خلقوها للهو والمتعة سامعين يا رجالة ولا اللبس ليكم كبك بشلاخات اسع.. بعدين ىية اليتامي تحث على زواج الارامل و اليتيمات فيحلاة العدل.. لكن جماعتنا ديل اي واحد صبغ شعرو ولبس ليه بنطلون جينز وتي شيرت وعمل وليد وجكس ليه بت قدر بتو وهاك يا مسجات نوع صباحك حنين وشوق السنين تشبب للاخر اها البت المابتعرس عرفي يعرسها سرا والما بتتعرس سرا يعرسها جهرا ويقابل براطيش المولد.. الزول كمل طاقتو في نبيشة رجال صاحباتي وقريباتي العرسو فيهن لما ما عارفة حالقى طاقة من وين لو زوجي عرس.. يلا يا تماضر ورشا نشوف الصفاااااااات لانه بالجد موضوع محير جدا ما ان ينقرض الرجل والا تظهر واحدة بعيالها وتقولي ليها هوي راجلي بس من الشغل للبيت للجامع وللبيت تقوليك ما انا الجامع ذاتو.. ولا الراجل يكون ضلو ميت والغنماية تاكل عشاه تلقيه يا اخواتني معرس تلاتة سرا.. اها دعونا نحصر الصفات,, علما في ذلك الاجتماع قبل ان الرجل الجنو كلام عن العرس مؤمن بنظرية الحداث ما سواي ما بعرس خالص لكن كعبين ابان غموتي دابي الموية ديل.. يا فيصل يا راجل يا رائع انت ماخود؟ وخلو اخونا محير يفتو لينا بالتفاصيل المملة كيف حدث ذلك وليه؟ عشان ناخد حذرنا.. تحذير المرحلة [move=left]اوعي تقطعي بورا عربية زوجك احسن يخش فيك ويعمل ما شايف خاصة لو معرس ليه 20 سنة وما فوق..[/move]
bayan :: كــاتب نشــط::	التوقيع: http://bayannagat.blogspot.com/2013/...post_4173.html شهوة ان تكون الخصومة فى عزها واضحة .. غير مخدوشه بالعناق الجبان فقبلات من لا اود حراشف سردينة وابتسامته شعرة فى الحساء من شهوات مريد

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري