يا أخي الكُبر دآ حاجة ثقيلة بشكل

[بابكر مخير]

سؤال ويا ريت، أهل العلم وأصحاب المعرفة يوروني.
بين الأركان الاسلام، لييه بس هناك ركن خص بي سورة والاركان الاخرى بأيات في سور من الذكر الحكيم..
والركن الذي خص بي سورة هو الحج؟؟؟

[عكــود]

الحبيب بابكير،
ربنا يتقبل منا ومنكم الصيام والقيام وصالح الأعمال.
بلغنا الله وإياكم ليلة القدر

[بابكر مخير]

الجفاف مشكلة كبيرة حيث ما كان.
جفاف البشرة، جفاف الحلق، جفاف التربة، جفاف الاحاسيس، جفاف العيون وجفاف الحبر من الورق وياهو دآ الحسي مزعجني من بين كل الجفافات "اذا صح ان تكتب"..
يعني أخر مشارك كانت قبال شهر وكمين يوم.
حسي قلتا مع جفاف الحلق العامي للناس مع الصيام وأنه بعد بكرا عيد الفطر. نبل جفاف الحبر دآ بي سطرين تلاتة وأهم ما فيها.
معايدة بحلول العيد وإن شاء الله ربنا يتقبل صيامكم ويحقق أمنياتكم ويدينا فيها مهلة، يجمعنا،، العيد الجاي ونعايدكم فيهو..
عيدكم مبارك

[بابكر مخير]

لك سودانيات وعضويتها الغالية..
إستعرت الكلمات لمخاطبة

"طال الغياب وزاد الشوق..
وأنا في ليلي أعيش الإنتظار..
ألم يسأل قلبك عني ليلاً..
ألم تذكّرك بي شمس النهار؟..
ألم يزِد الهيام بنبضك..
ألم تتأجج فيك عشقاً النار؟
أنت حبيبة لم أختارها..
بل قلبي أرادك بإكبار..
يا أنت الوطن أحيا به.."

[النور يوسف محمد]

المشاركة الأصلية كتبت بواسطة بابكر مخير

لك سودانيات وعضويتها الغالية..
إستعرت الكلمات لمخاطبة

"طال الغياب وزاد الشوق..
وأنا في ليلي أعيش الإنتظار..
ألم يسأل قلبك عني ليلاً..
ألم تذكّرك بي شمس النهار؟..
ألم يزِد الهيام بنبضك..
ألم تتأجج فيك عشقاً النار؟
أنت حبيبة لم أختارها..
بل قلبي أرادك بإكبار..
يا أنت الوطن أحيا به.."

دكتورنا
اخبارك ياخ
وين بلودك واراضيك ،

[بابكر مخير]

المشاركة الأصلية كتبت بواسطة النور يوسف محمد

دكتورنا
اخبارك ياخ
وين بلودك واراضيك ،

يا سعادتكم وبكم نفرح ونتشرف.. والله يابا الاخبار مبهمة وفي طي الكتمان كالعادة محتكرة من سلطة قابضة. ما تعرف تصدق أذانك فهي تسمع شيء ولا عيونك وهي في التلفاز تشوف أشياء ولا نعرف النعملهو في روحنا ظاتهو شنهو يانا يابا بين "الإنجغم" وبين "لا أرض ولا عودة للخونة وبل بس" والحكمة يابا أرضنا والله إلا غُّسب وحمارة عين سبناها وما ذي كان اليكون "بيدي ولا بيد عمر" بقا بيد عمر البشير بي ظاتهو..
دآ كوم يا الحبيب وكمان الشغل البيسويهو فينا العمر.. شيتن كتر.
بس إلا نخليها تاكل في حنانا وحشانا....
شكرا يابا ليك على السؤال وإن شاء الله إتا لساتك بي جمالك وبي صحتك وفي عطاك ديمة مداوم..
تعظيم سلام سعادتك و للأشراف "كاظمين الغيظ" وما نافسينهو حقد وشرور...

[بابكر مخير]

وإحنا صغار!! ودي ديمة لمن أقولها بشعر أنه هناك إستغراب ممكن أو فعلاً يعتري أبنائي وبناتي وحفيداتي وأحفادي وتسألهم. متين ممكن يكون كان صغير وإحنا مما إتولدنا شايفنه كبير(عمرا).
المهم هي حقيقة كنا صغار ووكتها البنعرفه عن المنجمين هو ما جاء في المقولة؛ كذب المنجمون ولو صدقوا..
المنجمون هم شكلين، واحد الملمين بعلم الفلك والنجوم وقراءة مجاريها وهم البيتكلموا عن الشهور والفصول السنوية ونوع تاني هم المقصودين في المقولة وديل البيقولوا ليك حيحصل شنهو متين وهم ديل الكضابين لأنهم بيتكلموا عن أمور هي من المغيبات.
أها زمنا طبعا كانت الأُمية أشمل مما هي عليه حسي وفكرة تصديق المنجمين البيتكلموا عن حاجات حتحصل في المستقبل كان لها تأثير أقوى، يعني يقولوا ليك؛ الشيخ فرح قال ......... وأنه نوسترادموس قال حيحصل كدآ وكدآ وإن كان لي حسي برضهو في شخصيات ذي دي وحكاية وسائل التواصل الاجتماعي أدتهم فرصة ظهور أوسع، يعني في سيدة عربية كتير يظهروها في الميديا وتقول أنه في يوم شنهو داك حيحصل إنقلاب في وين ما عارف وكدا يعني.
دا الكان زمان وكبرنا ووسعت معرفتنا ووتوسعت المسميات وتشكلت حسب الظروف فكلمة منجمون تشاركها الناس البتشتغل في المناجم، ذي بتاعين جبل شنهو داك في دارفور ومناجم الدهب بتاعت آل دقلو والمنجمون الذي يعملوا دون ترخيص ويتهربوا من دفع الضرائب "السيكورتا" وديل الفي السودان معروف بقولة سوكرتا وهم في ما تعرف هل هو الشمال الشرقي للسودان ولا الجنوب الشرقي للشقيقة مصر.
ما مؤرخن يقولوا أنه تابعة للسودان وحكومة الأمل بورتسودان ما مدينا أيتها أمل نصدق المؤرخين ديل.
طبعا كان ممكن حكاية منجمين السوكرتا يستمروا ويطلعوا ليهم قرشين تلاتة والشحنات بتاعت الصخور تستمر لي شركة ديب ميتالز وينغوشو.
لكن حصلت الضرابة ووقف المنجمون بتاعين المناجم عن تنجيمهم وبقا علينا نستنا منجمين الفلك يشوفوا لين من أين سيشرق أمل (حقيقي) للسودان ونشوف منجمين الحيرة يقولوا لينا متين تنتهي الحرب ومتين حيزول البرهان وحميدتي والكيزان من الحكم في السودان