اشراقة مصطفي ماتجي نحتفل بي كوستي هنا

[فيصل سعد]

المشاركة الأصلية كتبت بواسطة Ishraga Hamid

كمل جميلك يافيصل وجيب لينا الصورة اللى فى بوست كوستى التانى

دى كانت مدرستنا الثانوية العليا
قلبوها جامعة لمن شفتها مسكتنى قشعريرة
فى روحى ومافكتنى لحسع


تشكر يا ذوق على الاستجابة

سلام يا دكتورة و حبابك الف،
غالية و الطلب رخيص بس اوعدينا بان تظلى معنا هنا،
و لا تطولي الغياب، و نحن دوما نحتاج وجودك الباهي في هذة الديار
"سودانيات" العامرة بالجميع، ضمة جناح صمة عدد ..

[align=center][/align]

[iman mohamed hussien]

amal

ishraga hamid

كوستي عذابي حنيني ليك طال
يا سلام فجرتوا فينا احاسيس كتيره

امال هل انتي امال عبد الرحمن الطلائع والرواد الحله الجديده عمو حسن
اذا انتي يكون يوم سعدي
منقاويه معاك .
ايمان

[AMAL]

تصوري ياشراقة وانا برد في البوست دا
التلفون رنا
نمرةغريبة من السودان
رديت
المفاجأة كانت
الرشيد علي عمر
الاستاذ المحامي ومسئول الحركة الشعبية بولاية النيل الابيض
احلي مفاجاة
شوفي الصدفة معتصم الطاهر كان معاه في المكتب
وتلقي اتصال من الاخ ناصر بخصوص التنسيق لي لمة ناس سودانيات في الخرطوم
وجات سيرتي والرشيد شال النمرة من معتصم
وكلمتهم الاتنين
سعادتي لا توصف
الرشيد ياود حلتي
الحلة الجديدة
طفولتي
وشبابي
واحلام النضال المشترك
الرشيد من رموز كوستي ودعائمها
محامي ضليع
وله صولات وجولات في محاكم كوستي
وقصص طريفة
سرعة بديهة وخفة دم عينة
دوخ ناس امن واخد علي يدهم دقات محترمة
سعيدة يارشيد بسماع صوتك
واسعد اكثر بقلمك هنا في سودانيات
وعارفة عندك كتير بتقال ويتكب ياجزو من تاريخ كوستي وتاريخي الشخصي
اخوي وصاحبي
يارشيد عشتا

الي ود الطاهر

الرشيد قال انو عديلك
غايتو ما عندك عديل
اعوج عديل

[AMAL]

المشاركة الأصلية كتبت بواسطة iman mohamed hussien

amal

ishraga hamid

كوستي عذابي حنيني ليك طال
يا سلام فجرتوا فينا احاسيس كتيره

امال هل انتي امال عبد الرحمن الطلائع والرواد الحله الجديده عمو حسن
اذا انتي يكون يوم سعدي
منقاويه معاك .
ايمان

ماممكن مستحيل
منقاوية شخصيا
الليلة يوم المفاجات العالمي
ياني امال عبدالرحمن سليمان
الجماعة ديل كتبوني امال سليمان
ياخ مابصدق ابدا

[فيصل سعد]

[align=center][/align]

[iman mohamed hussien]

يا امال
ما رديتي علي انا في انتظارك

الرشيد علي عمر من اعز اصدقائ اشتغلت معاهو في محكمة كوستي ايام التدريب لمهنة المحاماه بلغيه التحايا
ايمان

[AMAL]

المشاركة الأصلية كتبت بواسطة iman mohamed hussien

يا امال
ما رديتي علي انا في انتظارك

الرشيد علي عمر من اعز اصدقائ اشتغلت معاهو في محكمة كوستي ايام التدريب لمهنة المحاماه بلغيه التحايا
ايمان

ياخ دي مبالغة عديل يامنقاوية
رديت لمن ردت فين الروح
عايني فوق
وتلفوني برمي ليك في الخاص
وينك ووين مني
مشتاقييييييييين

[iman mohamed hussien]

المشاركة الأصلية كتبت بواسطة AMAL

ماممكن مستحيل
[frame="7 80"]منقاوية شخصيا
الليلة يوم المفاجات العالمي
ياني امال عبدالرحمن سليمان
الجماعة ديل كتبوني امال سليمان
ياخ مابصدق ابدا

[/frame]

حبيبتي امال

اين انتي في هذا الحياه
يا سلام اليوم انا اسعد انسانه انتي وين وصلتي وين
ايمان

[iman mohamed hussien]

امال

مني عايشه في انجلترا سوف ارسل ليك تلفونه
ذي ما خليتيها
ايمان

[AMAL]

المشاركة الأصلية كتبت بواسطة iman mohamed hussien

امال

مني عايشه في انجلترا سوف ارسل ليك تلفونه
ذي ما خليتيها
ايمان

والله ايام يامنقاوية ومني
احلي بنات
مشتاقين شديد
رسلي لي تلفونك بالمفتاح وخلينا نحكي
ماتتصوري شعوري شنو في اللحظة دي
انتي كنتي مدسية وين اخر مرة كنتي في لبنان اعتقد

[خضر حسين خليل]

أمال وإشراقة والجميع هنا
كل عام وكوستي أجمل مدينة


يا فيصل ممكن تبرني بي صورة لمدرسة كوستي القوز
ياسلام عليها ياخ
ايام جميلة قضيتها هناك


ــــــــــــــــــــ

دايرين صورة برضو للرديف !! واللية كمناطق الواحد عندو فيها ذكريات وتضحيات

[خضر حسين خليل]

صورة تانية برضو لي فول الزين يا مسلمين

[Ishraga Hamid]

ياله من احتفاء

وفى البال انادى منقاويتنا
واهى جات تسبقها منقة روحها


شكرا يافيصل على الاستجابة


وبالله صورة للرديف واللية خاصة وانو منتظرين خدر يفك آخرو عن الحكايات هناك



الرديف... تفاصيل حياة كاملة
تفرهد فيه نوال حسن الشيخ بقامتها الفارعة وشغلها السياسى النطيف


واصلوا وبجيكم راجعة

[AMAL]

فول الزين
ودكان تبوري
وغنا الشايقية الطاعم
الشاب الاصبح فنان مشهور
كان في ذلك الزمن دندن بي طمبور يافع وشافع
في بواكير وجدو وينعة صباه الاخضر
كوستي وذلك التمازج والتناغم الغريب
البوتقة
ياخضر
شارع الدويم
محطة الكشك
حلة العراقاب
دكان خرساني
بيت ناس ابوحرة
بيتنا الما ناصية
وشبابيكنا الفاتحة علي شوارع عامرة
بي ناس طيبة
ومحبة بدون حدود

[AMAL]

المشاركة الأصلية كتبت بواسطة Ishraga Hamid

ياله من احتفاء

وفى البال انادى منقاويتنا
واهى جات تسبقها منقة روحها


شكرا يافيصل على الاستجابة


وبالله صورة للرديف واللية خاصة وانو منتظرين خدر يفك آخرو عن الحكايات هناك



الرديف... تفاصيل حياة كاملة
تفرهد فيه نوال حسن الشيخ بقامتها الفارعة وشغلها السياسى النطيف


واصلوا وبجيكم راجعة

نوال قبل ان يختطفها علي محجوب
خطفها خطفها
البت الجدعة الطالعة لي خالا
احمد حسن
الشيوعي الجميل
الرجل الذي تاتا وعينا وهدهدو
له مني التحية ياشراقة
صبره علي البنيات
والتربية الحزبية الصارمة
وياعلي اطلق سراح نوال