اشراقة مصطفي ماتجي نحتفل بي كوستي هنا

[فيصل سعد]

المشاركة الأصلية كتبت بواسطة خضر حسين خليل

بالمناسبة فيصل بكون أساسي في الرديف
موش كدة يا فيصل
تحياتي يا صديق

للاسف ما شفته و ما بعرفه يا ود عمك ،، و انا ناس كوستي ديل (آمال و اشراقة) ريدة و محبة لله في الله جمعتنا عشرة هذا المنبر
و متضامنين معاهم في كل الظروف و كدا

لكن ما تقلق زمان كنت اساسي في سعد قشرة و سبعة بيوت و ديم سلك و الاشلاك و الشهداء، و زبون دائم عند قسيمة و حواء كلاب و بت كبسور و مدينة و النعمة يديهم العافية و يرحمهم احياء و اموات، و كنا في البهجة برضو متصالحين مع انفسنا و ندعم الصناعة المحلية و التكافل الاجتماعي، و الذ قعاد و ركلسة و انجمام، و اجمل ونسة بوداد و انشراح و صفاء و طيب خاطر، كانت في اندايات بلادنا العزيزة محنة و طيبة و بساطة يا صديقي العزيز ..

[فيصل سعد]

[align=center][rams]http://sudaniyat.net/up/uploading/asrar-anasudani.wma[/rams][/align]

[شبارقة]

[align=justify]آمال وإشراقة وإيمان وكل ناس كوستي الطيبين ... سلامات

نهنئكم بمئوية مدينة كوستي الرائعة .... وكوستي بالرغم من عدم رؤيتها ولكن عندي في الذاكرة منها : د. حمودة فتح الرحمن (ناشط في حقوق الإنسان - حاليا ً في أمريكا) وشقيقه إبراهيم فتح الرحمن (دفعتي بالجامعة) - صديق جبريل (الدفعة القدامنا) -عدنان محمد عبد الرحمن (دفعتنا) والكثير من الزملاء والزميلات ...ومعظم طلاب مدرسة القوز الثانوية ... بالإضافة إلى أحد أعمامنا وكان مدير النقل النهري بكوستي وهو الباقر دليل .... لكم ولهم جميعا ً التحية[/align]

[Ishraga Hamid]

مساكم طيب يا اهلنا

شبارقة سلام عليك وعلى النوافذ اللى فتحتها
ذكرى حمودة فتح الرحمن وابراهيم فتح فى خاطرى بحيرات الذكرى
بين بيتنا وبيتهم خمسة بيوت

عم فتح الرحمن الله يرحمه كان الصباح اللى بيطل على الحلة ويغشاها بالمحبة والسلام, كنت اندهش على ختميته المنفتحة وتصالحه مع ايقاع الحياة الضاجة - جوه بيتهم شغاله اجتماعات الحزب وبره النوبة والذكر.
ابراهيم رفيق طفولة وصبا
مدينة ليهو باصراره لينا على الاطلاع وتحميسه ومرات استفزازه المحرض عشان نقرأ- اذكر واحدة من استفزازاته المحفزة انو جانا يوم وقال عاوز مجلة كيى ماوس
ولا مجلة سمر اللى كنا بنداوم على قراءاتها فى التاشرات من العمر { ياخ فرانكو داك كان عجيب والعجب ميشيلا}

قمنا سألناهو عن آخر كتاب بيقرأ فيهو
اذكر انو كان علم الجمال الماركسى واستفزازو ده كان سبب انى اقرأ الكتاب ده وانا فى الثانوى- اذكر انو كتاب صعب وما سلسل على الاقل بالنسبة لىّ فى عمرى داك.

اما حمودة فدى حكاية براها- وماممكن اختصر جمال روحو وانسانيتو و محبتو للناس فى سطور
حمودة الانسان الطبيب اللى كانت عيادتو مفتوحة للكل من غير من ولا اذى
الانسان المثقف المهموم بالناس والبلد- بصراحة الشيوعين اللى كانوا موجودين فى كوستى ديل كوم براهم كدى- واتمنى تقدر تتابع سلسلة {حبيبتى كوستى فى مئوية شجونها} والتى ستنشر تباعا فى سودانايل وسوف اقوم ايضا بنشرها هنا فى المساحة دى

شكرى لك ومحبتنا الكوستاوية

[Ishraga Hamid]

شكرا يافيصل على تلوين كوستى بالغنا

فهى كما ربتنا نحب الحياة والغناء



------

ايمان.. بمناسبة البورمل- البص- الزول جاركم داك اللى كان مدرس ابتدائى وبعدين طقشو جن جميل- هو زاتو كان زول جميل
كنت بلقاهو الصباح لمن اكون ماشة على المدرسة
طوووووووووووويل وفارعة وسامتو- {جيرانكم بالهيتة يالهيته}- الايام دى شابك لىّ فى رأسى وظار الكتابة حايم حولو- الله يجيب عواقب الروح سليمة يابت امى

------

آمال ووينك؟ الليل مازال طفلا وسيبقى لحكاوينا طفلا

----
خدر ياخ انا مشتاقة لحكاوى الرديف والقوز تعال احكى ياخ

[شبارقة]

المشاركة الأصلية كتبت بواسطة Ishraga Hamid

شبارقة سلام عليك وعلى النوافذ اللى فتحتها
مجلة سمر اللى كنا بنداوم على قراءاتها فى التاشرات من العمر { ياخ فرانكو داك كان عجيب والعجب ميشيلا}

[align=justify] فرانكو كاسباري ؟ ولورا أنطوانيللا وكاتيوشا ؟ ... والله يا دكتورة رجعتينا لأيام خوالي ... أتاريها الحاجات دي كانت بتخش كوستي ...وأنا من زمان بقول يا ربي ناس كوستي ديل حبيبيين كده مالم !![/align]
[align=justify]على جنب: كان عندي قصة غرام خفية مع واحدة كوستاوية ... لكن أصابت هوانا عين كان القدر خافيها ... وبالرغم من ذلك صورتها في الفؤاد طاريها [/align]

[align=center]يا أعشاب النيل الأبيض ..
ماتتضاري ورى الدعوات ..
أقرا تاريخك ... أخاف ..
أقرا تاريخي … أخاف ..
أسأل جبين الفجر ...
ألقى الفجر مطعون في القفا ..
هل سافرت في دمعك المحقون جفا ..
ما شلنا جمرك وإنطفا ..
جوانا نارك والمطر ..
جايين بالكتابة ..
وضربة الناس المهابة ..
[/align]

[Ishraga Hamid]

نهارك خير ياشبارقه


فرانكو كاسبارى- مكسر البنات كلهن الاّ انا
الكان مكسرنى فى الموضوع الحالة نفسها- حالة الهيام واللوعة التى انتقلت لىّ على كبر ولله فى قلوبنا شئون...

كدى بالجنبة كدى قول لىّ دى منو الكوستاوية دى اللى لسه طاريها؟

[شبارقة]

المشاركة الأصلية كتبت بواسطة Ishraga Hamid

كدى بالجنبة كدى قول لىّ دى منو الكوستاوية دى اللى لسه طاريها؟

[align=justify]والله يا دكتورة إنتي وآمال هييّجتو علينا مشاعر متدفقة وصادقة وأحاسيس نبيلة وعواطف جياشة تأبى إلا أن تبث في النفس حزنا ً وفي العيون دموعا ً لاتجف وفي القلب جراحا ً تندمل .[/align]
[align=center]يا ريتني لو أقدر أقول في كوستي الكلام الما أنكتب
وأجلي المقاطع بالدهب
وأفرش صباح حـُسُن كوستي وشاح يمسح عذاب عمري المـُسطـَّـر باللهب[/align]

[شبارقة]

[align=justify]آمال يا بت كوستي ... إين أنتي ؟ عرفنا إنو الإنترنت مقطوع في الشرق الأوسط لكن يا ربي مانشستر دي ضموها للميدل إيست متين !![/align]

[AMAL]

المشاركة الأصلية كتبت بواسطة عبد الجليل سليمان

والله يا آمال .. تعثرت كثيرا .. وتعبت وأنا أبحث عن شعر يحتفي بكوستي .. ولما عجزت ..قلت مالو . محمد الواثق (رغم إختلافي) معه لما ذهب إليه ..لكن ما كتبه يمثل صورة كوستى (الأخرى) .. من وجهة نظر زول (قرفان) من كل شئ في السودان .. قلت أرفدكم بها في عيدكم المئوي.

سميت باسم غريب الدار نازحها ** ما كان كوستي قدر من الشرف
أورثها من طباع الروم ألونة ** من الفساد تراءت داخل الغرف
فصار باخوس رب الخمر ربهم ** ما بين منهمك منهم ومرتشف
حتى كأن أذان الفجر يبلغهم ** حي على الشرب في حانوت منحرف
قوم من الطيش لا ترجى عقولهم ** كأنما العقل فيهم صيغ من خزف
إن الإمام الذي عادوا جزيرته ** قد كان يخشى عليهم غصة الأسف
أما تراني شددت الرحل منصرفاً ** أحاذر الناس في حِلي ومنصرفي
لا أقرب الدار تستعلي النساء بها ** ولا أقيم بدار اللهث واللهف
كوستي الرديف ترى بانت نصيحتنا ** لكل رادفة فيها ومردتف

عبدالجليل
التحايا لك من مدينتا المترفة بالحب وايقاع الحياة المتدفق في شرايين
ا شكرا مرتين
اولا لي تعبك في البحث عن شعر يحتفي بكوستينا
ثانيا لاختلافك مع الشاعر محمد الواثق فيما اورده عن كوستي
في اطار قرفه المزمن والمتجذر من كل المدن السودانية
وان شا الله ما يكون هبشك في مدينتك يلا يدك معانا
اكيد في ناس وقعوا حبهم شعرا لكوستي وعيون كوستي

[AMAL]

المشاركة الأصلية كتبت بواسطة شبارقة

[align=justify]آمال وإشراقة وإيمان وكل ناس كوستي الطيبين ... سلامات

نهنئكم بمئوية مدينة كوستي الرائعة .... وكوستي بالرغم من عدم رؤيتها ولكن عندي في الذاكرة منها : د. حمودة فتح الرحمن (ناشط في حقوق الإنسان - حاليا ً في أمريكا) وشقيقه إبراهيم فتح الرحمن (دفعتي بالجامعة) - صديق جبريل (الدفعة القدامنا) -عدنان محمد عبد الرحمن (دفعتنا) والكثير من الزملاء والزميلات ...ومعظم طلاب مدرسة القوز الثانوية ... بالإضافة إلى أحد أعمامنا وكان مدير النقل النهري بكوستي وهو الباقر دليل .... لكم ولهم جميعا ً التحية[/align]

شكرا ياشبارقة
وعقبال الفية شبارقة والشبارقة يارب
ما احلي سيرة من ذكرت اولاد فتح الرحمن الجميليين
وبيتهم الذي يبعث الدفء والحنية ويعكس التمازج الطيب
اشراقة اوفت في الحديث عنهم فقد كان منزلهم الاقرب جغرافيا
وانا كنت الاقرب في حاجات تانية حامياني
البركة في بوستينا الذي اثار شجونك
وحرك مخزون ذكرياتك
وعفيت منها الكوستاوية المتحكرة جواك الزمن دا كلو
يلا تعال كب لينا الذكريات بي جاي
وشكرا للسؤال عني

[AMAL]

المشاركة الأصلية كتبت بواسطة فيصل سعد

للاسف ما شفته و ما بعرفه يا ود عمك ،، و انا ناس كوستي ديل (آمال و اشراقة) ريدة و محبة لله في الله جمعتنا عشرة هذا المنبر
و متضامنين معاهم في كل الظروف و كدا

لكن ما تقلق زمان كنت اساسي في سعد قشرة و سبعة بيوت و ديم سلك و الاشلاك و الشهداء، و زبون دائم عند قسيمة و حواء كلاب و بت كبسور و مدينة و النعمة يديهم العافية و يرحمهم احياء و اموات، و كنا في البهجة برضو متصالحين مع انفسنا و ندعم الصناعة المحلية و التكافل الاجتماعي، و الذ قعاد و ركلسة و انجمام، و اجمل ونسة بوداد و انشراح و صفاء و طيب خاطر، كانت في اندايات بلادنا العزيزة محنة و طيبة و بساطة يا صديقي العزيز ..

فيصل ياصديق
شكرا علي تضامك معانا
ونحنا ريدتنا بالاكتر والقلوب لي بعضها
واصل ياحبوب وياريتك شوفتا الرديف
وتجولت في شوارعو
وتنسمت ذلك الحنين الذي يخرج من تلك البيوت
المفتوحة دوما ومشرعة ابوابها للغاشي والماشي
ها نحن نعطيك عضوية الشرف
ونسجل اسمك في دفاترها
مدينة العشق والتاريخ النبيل
التي كاجرها الحكام والظلام
فانكفئت علي احزانها وسؤ احوالها
موية عكرانة وبعوض مستوطن
وخراب في كل شئ
عدا انسانها الذي ظل عامرا ومحتشدا
بكل القيم السمحة والتعاضد الجميل

[Ishraga Hamid]

بركة الجيتى يا آمال

قلتى لىّ كنتى الاقرب؟

كدى بس النقعد فى الواطة واتوهط للكتابة
الذاكرة الايام دى مخموجة برحلتنا من كوستى وللديم

تفتكرى يا آمال دى جات صدفة انو من دون كل الدنيا نسكن فى الديم؟
رغم انو شغلى زمانئيذ كان فى الاذاعة فى ام درمان
تابعى التسلسل فى رحلة العجائب دى
بناسها وشجونى والشوق المنفجر فينى حسع دى!!

غايتو مقاومة الشوق ده الاّ باسترجاع الذاكرة وتتنهنهى بعدها وتستغفرى ربك وتنومى مغمورة بالرائحة التى تحبين.. او هكذا افعل

-----
على سيرة الرشيد على عمر
زرتهم فى بيتهم فى واحدة من زياراتى لكوستى
هو نفسو , الضحك والحكاوى والبداهة والنكتة السريعة
ضحكنا وحكينا لمن ناس الامن بعد الانقلاب بى اقلّ من اسبوع يجوا يداهموا بيوتنا- حلوة ياخ افلام الآكشن دى- المهم بيتنا وبيت ناس الرشيد ضمن الخمسة بيوت اللى اتفتشت
منهم بيت ناس عبدالمنعم الضابط الادارى- اموت واعرف اخبارو, بتتذكريهو؟ غايتو لو السودان ده فيهو عشرة زيو- الروؤية الواضحة واحترام الذات واللطافة والتواضع و...

قلت للرشيد عندى كلها نص ساعة معاكم عشان اتم المشاوير التانية واتذود بالاهل ومحنتهم قبل ما ارجع فيينا.. واتذكرناك يا آمال- يا ايتها الاقرب ولمن طلعت من بيتهم كانت تمانية مساء..

أها اتم باقى الحكاية المرة الجاية....


-------

السنة الجاية لو ربنا سهلّ الامور حا اعرض كتابى- الجزء الاول من {أنثى الانهار} فى كوستى والاعداد لدى على قدم وساق فما تفوتى القصة دى.. ياربى حايكون شكلها كيف وكل الاصحاب والصحبات والحبائب مافى؟

[AMAL]

قلتى لىّ كنتى الاقرب؟

فاهماني انتي ياشابة وقرضي علي كدة
غايتو شبارقة يديهو العافية ايقظ شجونا وايقظنا شجونو

تفتكرى يا آمال دى جات صدفة انو من دون كل الدنيا نسكن فى الديم؟

هي يا اشراقة نفس الصدفة التي ربطتني بالديم
وجعلت بيني وبينه وشائج ووشائج
نفس الناس الالفيين وولوفين
حتي البيوت بتتشابه
والتمازج العجيب
منتظرة هذا السِفر بفارق الصبر يا اشراقة

عارفة يا اشراقة سيرة الرشيد دي بتفتح علي طاقات عجيبة
مرات بحس اني اضعف من ان اتحملها
شئ احزان وشئ افراح
عمر كامل يا صاحبة
واي عمر

عارفة اليومين الفاتو ديل
كانو احلي ايام
اتكلمتا مع علي ونوال
والليلة اتكلمتا مع ايمان للمرة التانية
واتواصلنا انا وانتي عبر الايميل
ووعدك لي بالزيارة
ياخي في احلي من كدة
منتظرنك ومنتظرين الكتاب
ماتطولي يازولة

[wadosman]

لمه جميلة
و حكى عن مدينة اجمل...لينا فيها بعض من ذكرياات

التحية لك امال و للدكتوره اشرااقة
و لضيوفكم الكرااام...