قهوة النشاط !

[أبو أماني]

المشاركة الأصلية كتبت بواسطة قيقراوي

الما بخاف من مرتو ما بخاف من الله
ثم ماذا بعد

سلام جاكم

ما دام ندى القلعة بقت تغني الحب بقى بالمسنجر ، قطع شك الانترنت دخل بلدنا " كريعات " و اهلنا ديل متشددين و بتبروا مني ، عشان كدا ح احكي ليكم قصة صاحبي سامر و مرتو بطة
في مرة و الممرات كتيرة . . . بطة كان بتغسل و الغسالة مشترنها من سوق الاخوان في جدة " حراج الصواريخ " قامت ضربتا كهرباء .
انتظرت بعلها المفدى و اول ما جا خاشي من الشغل " منهك " و كاره نفسو بس . . .
هي وين تلاحظ دا كلو . قابلتو ليك بمظاهرة - وهي عارفة الشغلة عاضة و الحال حارن - :
سامر لازم تشوف ليك خمسمية ريال تشتري بيها خروف .
قل ليها : خير خروف لشنو ؟
قالت ليهو : كرامة . . . و باقي القصة الحزينة . . . الخ
قال : طيب لو لقيت خمسمية ما اشتري بيها غسالة جديدة طيب ؟!
استنجدت بي من مساختو قلت ليها : مش كويس ما قال ليك ( ما اعرس بيها مرا تانية ) ؟!!!

والله جرجرتني يا أخي في شمارات..أنا حارقاني لكن خائف على رويحتي دي وتاني هام .. ما عاوز أخسر مساحة عند حسناوات هذا المنتدى الرائع .. لكين والله مصيبتي كان جاتني شوتة على الطائر ما بفوتها .. وإت الله يجازي محنك .. دردقتها عديل قدامي .. أها هاك ..
أم أماني أطال الله عمرها كسائر بنات جنسها ورغم شهادتها الجامعية وخبرتها العملية المهولة عندها أسئلة تفقه المرارة وهي أسئلة خاصة ببنات حواء مثلا زي ...
*مرة من ذات المرارير كان في مناسبة عائلية تتعلق بختان حفيد أختها الكبيرة وهي متزوجة من إبن عمها وأسمه (على) الحفيد تمت تسميته على الجد فصار أسمه علي .. يعني في البيت حق أختها في إثنين على !.. فهل يكون لها الحق في السؤال: علي ياتو لما أقول بجيكم بعد الشغل لطهور على..؟؟؟!

*ولا تكون عارفه إنك ماشي لصاحبك فلان تجيب منو قروش مثلا .. وتجي متأخر وتديها القروش تختهم تحت المخدة بلا مبالاة .. وتقول ليك السؤال الخالد إتاخرت مالك ؟ تقول ليها ما مشيت (لفلان!) تقول ليك وبكل عدم إكتراث .. وليقيتو في؟؟.. هذا غيض من فيض نساء خلقن لنا .. روحا ورياحين ..لا بندورهن ..ولا بنحمل براهن .. وتشاووو إلى لقاء قريب مع الناس الحلوين .. رفاق سودانيات..

[AMAL]

ماعجبني ليكم ياشباب
بقو يبيعوا ويشترو فيكم كمان

[شبارقة]

المشاركة الأصلية كتبت بواسطة AMAL

ماعجبني ليكم ياشباب
بقو يبيعوا ويشترو فيكم كمان

[align=justify]شايف المشترية مبسوطة ومنشكحة التقول إشترت ليها خروف مدوعل [/align]

[طارق صديق كانديك]

المشاركة الأصلية كتبت بواسطة شبارقة

[align=justify]شايف المشترية مبسوطة ومنشكحة التقول إشترت ليها خروف مدوعل [/align]

ههههه

ياخ والله محن عجيبة .. !!

بيع ورهن راسو عدييييل ... !!

[AMAL]

المشاركة الأصلية كتبت بواسطة شبارقة

[align=justify]شايف المشترية مبسوطة ومنشكحة التقول إشترت ليها خروف مدوعل [/align]

شبارقة
ماتستاهلو لكن
ابواماني غلبو يعلق
غايتو انا عجبتني حكاية الرهن دي
بيع مابنبيع لكن امكن نرهن
وينك ياكيشو ما افتيت لينا في الحكاية دي

ياطارق ماهو التكييف القانوني لبيع الازواج

[شبارقة]

المشاركة الأصلية كتبت بواسطة AMAL

غايتو انا عجبتني حكاية الرهن دي
بيع مابنبيع لكن امكن نرهن
وينك ياكيشو ما افتيت لينا في الحكاية دي

[align=justify]قلبتونا عقارات ولا ّ شنو ؟

فعلا ً محتاجين لناس كيشو وكل القانونيين لأنو قانون الأحوال الشخصية المصري ده قالوا مستمد من الشريعة الإسلامية والغريبة من أوائل المستفيدين منه كانت هالة صدقي (خلعت زوجها لامن نطـّا ) وهي مسيحية .[/align]

[طارق صديق كانديك]

تحياتي ابو أماني والمتداخلين الأعزاء

غايتو بي قدرة قادر البوست ده اتحول من ( مقهى النشاط ) للصراع الأبدي بين الزوج والزوجة ومايدور في كواليسهما .. !!

قال ليك يا حبيب ..

صديقي ( س ) محب جداً لعصير التمر وربما الذرة في السودان لا سيما اذا كان معتق وأبوهو راجل مولانا زهجان منو شديد المهم .. يوم صاحبنا عبأ من عصيره ما يكفي لِ (تيك أوف طيارة عدييل ) .. وفي رحلة بحثه عن البيت ضاعت لديه المعالم وبقى يجي ليك قررييييب بوابة ناس فلان ويقول ...

الللللللللله أخوك اتمقلب ده مااا بيتنا ... !!
ثم مكرراً ذات الجملة في بيوت الحي كللللها ( في مدني طبعا ) .. !!

أخيراً جلس في زاوية مجبراً في الظلام وجاء أبوه بالصدفة فقط فوقف على راسه .. !!

زولك عاين شديييد كده لي أبوهو وقال ... !!

ده انت ياااا جان ... مااا خلاص وصلنا ... !!!

[طارق صديق كانديك]

المشاركة الأصلية كتبت بواسطة AMAL

ياطارق ماهو التكييف القانوني لبيع الازواج

هههههههههه

تعرفي والله محتاجين جدا اليومين دي للإبتسام .. الضغوط كتيرة ياخ .. !!

حول السؤال ..

يذهب الراسخون في الجرسة الى الموافقة سراً .. وادعاء ( المسكنة ) .. غير أن هناك سؤال جوهري لتتضح الصورة .. هل الزوجة البائعة لزوجها أو الراهنة له .. ستشتري بثمنه أو ريعه زوجاً آخر أم أن الأمر فقط لتأخذ هدنة من الفكرة كللللها .... ؟

[AMAL]

طارق نطا برضو من الموضوع ياشبارقة
بيع
قال ليك بيع
وتداول وقانون عرض وطلب
والعجب اكان بقي فيها كسِر
ما اتمقلبتو عديل ياشباب
الهم لا شماتة

[طارق صديق كانديك]

المشاركة الأصلية كتبت بواسطة AMAL

طارق نطا برضو من الموضوع ياشبارقة
بيع
قال ليك بيع
وتداول وقانون عرض وطلب
والعجب اكان بقي فيها كسِر
ما اتمقلبتو عديل ياشباب
الهم لا شماتة

ما نطيت يا آمال كدي جاوبي على السؤال عشان نعرف نبدئ وجهات نظرنا .. !!!

بس بيني وبينك ( فرصة ياااا بلالة ) ... !!!

خليهن يبعوعنا يمكن تشترينا هيفاء وهبي ولا حاجة ....

[شبارقة]

المشاركة الأصلية كتبت بواسطة طارق صديق كانديك

خليهن يبعوعنا يمكن تشترينا هيفاء وهبي ولا حاجة ....

[أبو أماني]

المشاركة الأصلية كتبت بواسطة AMAL

شبارقة
ماتستاهلو لكن
ابواماني غلبو يعلق
غايتو انا عجبتني حكاية الرهن دي
بيع مابنبيع لكن امكن نرهن
وينك ياكيشو ما افتيت لينا في الحكاية دي

ياطارق ماهو التكييف القانوني لبيع الازواج

أأأأي .. غلبني أعلق .. يعني أقول شنو؟ .. كان جبتي لينا واقعة بيع موثقة كمان .. غايتو كان ما حلانا منها طارق ولا كيشو..يا نا البقينا في سوق ليبيا.. غايتو أنا كان بقيت بي هناك ولقيت ليك الفرد بتاعيني ناس .. الخال والباشا وعادل عسوم وعرابي العزيز رأفت .. كان باعوني بمقايطة ودفعت أم أماني الفرق ما بهمني .. واقول ليها .. ينصر دينك .. يا .... تفيدة !!! غايتو يا أمال والله ما أفوتها ليك .. وكان بقيتي مرأة صحي صحي .. أرجيني ... تشاوووووو

[عادل عسوم]

المشاركة الأصلية كتبت بواسطة أبو أماني

أأأأي .. غلبني أعلق .. يعني أقول شنو؟ .. كان جبتي لينا واقعة بيع موثقة كمان .. غايتو كان ما حلانا منها طارق ولا كيشو..يا نا البقينا في سوق ليبيا.. غايتو أنا كان بقيت بي هناك ولقيت ليك الفرد بتاعيني ناس .. الخال والباشا وعادل عسوم وعرابي العزيز رأفت .. كان باعوني بمقايطة ودفعت أم أماني الفرق ما بهمني .. واقول ليها .. ينصر دينك .. يا .... تفيدة !!! غايتو يا أمال والله ما أفوتها ليك .. وكان بقيتي مرأة صحي صحي .. أرجيني ... تشاوووووو

حبيبنا أبو أماني
معانا واحد بي جاي (متابع) للمنتدى وعاجبو البوست بتاعك دة عجب شديد
الراجل قال لي كلم أبوأماني قول ليهو المرحلة البتبيع فيها الزوجة زوجها هي مرحلة بلوغ الزوج للمرحلة التي تحكيها النكتة دي:
يجي الراجل داخل البيت حالتو بالبلا وداير ليهو نومة من العليهو
يقوم يتلفت يلقا ليك المرا واقفة جمب الكومودينو
قال ...وكيلك الله مدة يدها لي فتيل الصندلية هو بي جاي يصرخ جاااااااك زي الشافع الشايلين عليهو حقنة البنسلين

أها قال من دي والبيع بيحصل

[قيقراوي]

المشاركة الأصلية كتبت بواسطة عادل عسوم

حبيبنا أبو أماني
معانا واحد بي جاي (متابع) للمنتدى وعاجبو البوست بتاعك دة عجب شديد
الراجل قال لي كلم أبوأماني قول ليهو المرحلة البتبيع فيها الزوجة زوجها هي مرحلة بلوغ الزوج للمرحلة التي تحكيها النكتة دي:
يجي الراجل داخل البيت حالتو بالبلا وداير ليهو نومة من العليهو
يقوم يتلفت يلقا ليك المرا واقفة جمب الكومودينو
قال ...وكيلك الله مدة يدها لي فتيل الصندلية هو بي جاي يصرخ جاااااااك زي الشافع الشايلين عليهو حقنة البنسلين

أها قال من دي والبيع بيحصل

يا عادل زولك دا اسي كان باعوه بجيب كم ؟

[أبو أماني]

المشاركة الأصلية كتبت بواسطة عادل عسوم

حبيبنا أبو أماني
معانا واحد بي جاي (متابع) للمنتدى وعاجبو البوست بتاعك دة عجب شديد
الراجل قال لي كلم أبوأماني قول ليهو المرحلة البتبيع فيها الزوجة زوجها هي مرحلة بلوغ الزوج للمرحلة التي تحكيها النكتة دي:
يجي الراجل داخل البيت حالتو بالبلا وداير ليهو نومة من العليهو
يقوم يتلفت يلقا ليك المرا واقفة جمب الكومودينو
قال ...وكيلك الله مدة يدها لي فتيل الصندلية هو بي جاي يصرخ جاااااااك زي الشافع الشايلين عليهو حقنة البنسلين

أها قال من دي والبيع بيحصل

الله يسامحك خليتني أقهقه زي المجنون..وست الشمارات جاتني طائرة أنقر ما زوغت منها؟ والله صاحبك ده أحلف غيابيا دمو أخف من دمك .. وعشان ماتزعل مني بهديك وبهديه نكتة مقاربة ...
قال ليك واحد من (الجماعة ديل) يعني مش نحن! .. بتونس مع صاحبه ويتشهق كل مرة .. قام صاحبه قال ليو .. مالك أمبارح مانمت كووييس ؟ فرد عليه .. هو أنا أمبارح الباعوضة خلتني أنوم..راقد في الحوش الليل كلو أنكرش.. فقال له صاحبه مندهشا ونائم في الحوش مع البعوضة ليه.. ما تنوم جوه ..! فكان الرد .. جوه ما راقدة المرأة يا بني آدم !!!