إنفصال الجنوب .. القاه في اليم مكتوفاٌ و قال له إياك إياك أن تبتل بالماء

[hatim ALi]

أطالع هنا و هناك أهلي الطيبيين في شمال السودان يهمسون و أحياناٌ يجهرون : لا لا نريد إنفصال الجنوب. و كل ما تحدث أحدهم - من الحركة الشعبية - عن الإنفصال كالوا له اللعنات ، و هناك حالة رفض عامة لتأييد (القذافي) - الخجول - لإنفصال الجنوب.

ما أود قوله أن الأوطان (الموحدة) لا تبنى بالنوايا (الطيبة) و (الأماني) ، و ما أسهل (القول) و ما أصعب (الفعل) و قد أصبحت (الإنقاذ) كفارة (الذنوب) و حائط (المبكى) لأهل شمال (السودان) في شأن جنوب (السودان) يقولون إنها (الإنقاذ) و أقول (نعم) إنها (الإنقاذ) و لكن أين كنتم من قبل (الإنقاذ) ؟ لقد صبت (الأنقاذ) الزيت في (النار) المشتعلة القديمة ، و لقد لعبت (الحكومات السابقة) دوراٌ في (التمييز و التفرقة) بين (ابناء الوطن الواحد) و لكن ماهو (الدور الحقيقي) لشعب (شمال) السودان في جعل (الوحدة جاذبة) ؟ هل تخلوا عن عنصريتهم (المعهودة) ؟ هل لا زلنا ننظر اليهم ذات (النظرة الاستعلائية) السابقة ؟ هل نرضى (بتزوجيهم من بناتنا) و (نتزوج من بناتهم) ؟

ينبغي قبل (ان نستنكر) على الجنوبيين (استعجال) الانفصال ان ننظر الى انفسنا ماذا قدمنا من (اجل) الوحدة أكانت (طاردة أم جاذبة) ؟

________________
لم أرغب في توسيغ هذا النقاش في موضوع الاستاذ عبد الماجد و الخروج عن الخط العام و المضمون، و في نفس الوقت رغبت في الرد على منال في موضوع (الوطنية والمواطنة) و أرتأيت انه من الأفضل مواجهة الذات في هذا الموضوع

[hatim ALi]

المشاركة الأصلية كتبت بواسطة منال

حاتم احترم جدن جوهر خلافك هنا ... و لك ما تريد و اكتب عن الهويه و العرب و الازمه هى هى ؟
زغتا و قلتها يا اخوى ما بشيل ثقل السبقونا و اعيش على مراراتهم و خلافاتهم ... وندور فى كوكبهم ... لنا حقنا فى ان نعيش بعيدا عن نمطيه تفكيرهم و مأسيهم هذا ما اعتنى به دوما.
حاتم ادعوك فقط لان تذكر متين جات قصة الهويه و العنصريه ... و تنظير المثقافتيه ... الما جايب حقو ده ... ما بمش كتير فى الحته دى لانو فى تقديرى الخاص نجح الاسلاميون و بذكاء شديد و فى توقيت ظابط الى ان يشغلوا الناس بقضايا انصرافيه ... و توسعت حلقاتها لدى الكتاب و مادة دسمة للكتابه جعلتهم يتغيبون عن ام القضايا ... كدى سمعتا وين غير فى العقدين الاخرين ازمه الهويه السودانية ... ازمة الثقافه ... هو كلنا ازمات ... ليه التركيز على الهويه عشان نحقق بيها شنو؟ و ليه نعمى و نتغابى عن موضع الافه ... و ندور هل نحن عرب ... دايرين شنو ذاتو من نعرة العرب و الافارقه دى؟ ادتنا شنو ؟ بل و دتنا وين؟
استعلاء عرقى لو موجود و جاب لينا كارثه ح تكون بفعل متعمد لكتاب ينقرون فى لاشئ ؟
دعنى اخيرا اقول لو ما إنتبهنا لانو الجماعه ساقونا لنفق مظلم بتاع خلافات اثنيه و دينيه ... ح نكون لافين كده حول ازمة الهويه ؟ و يا حاتم بقول كلامى ده لانو قريبه من القراس روتز و عارفين الحاصل وسط مجتمعاتنا المحليه و الناس كيف متعايشين ؟ و خلينى كمان اقول ليك اطلب من دكتور الباقر عفيفى بعد ما جاء البلد و قعد كمين سنة اسالو تانى عن رايو فى كتاباتو دى ... البحكمنا الواقع الذى نعيشه .
معاك لا نهرب من الماضى ... وعارفين كوبس المظالم و المأسى وين و بنقولا بالواضح... بس كمان يا حاتم هل يفيد الاعتذار لمأسى توريت ... دارفور ... الشرق ... 40 عاما من حرب الجنوب ... و منو البعتذر لمنو؟ وهل من مارسو الاستعلاء العرقى يتوجب عليهم الاعتذار لمنو ... نعرف القضايا الحل فى المحاكمات و داخل قاعات القضاء السودانى فقط .
رد الحقوق بكون بالعمل الدوؤب ... المكتمل الجوانب ... تنوير ... توعيه ... مشاريع حقيقه تسد احتياجات المواطن و تستوعب طاقاته ... تنميه و عداله اجتماعيه ... ثم استدامة السلام للوطن.
خرمجه
لايهمنى كثيرا ... الى اى عرق انتمى و فى اى بقعه اكون .. بمارس حياتى فى السودان الكبير و لى كما للاخرين قضيه

بالضبط يا منال أنت تمثلين نموذج (الأجيال الحديثة) التي تنصلت من (مسئولياتها) و ألقت بالتبعية على (الأنقاذ) وما أسهل ذلك ، بل تعزين كل مبحث عن مشكلة (الهوية) بأنه ناتج عن إثارة (الإنقاذ) للمشكلة و فات عليك يا منال أن فرانسيس دينق عندما كتب (حرب الرؤى) و (طائر الشؤم) كان نميري في الحكم و مدارس الهوية الاربعة نشأت من نشأت السودان و إستقلاله و لأزمة الهوية جذورها التاريخية الضاربة في القدم منذ أن قرر (الفونج) أنهم (امويين) بمرسوم ملكي ، و منذ أن ترك (الرباطاب و الجعليين و الشايقييه) لغاتهم النوبية القديمة كوسيلة للحوار تبنوا لغة (العرب) ، و نلاحظ أن سكان هذه الاجزاء من السودان أنكروا هوياتهم الاصلية و تعلقوا بالعرب و صاروا هم مركزاٌ (عربياً) و همشوا باقي (السودان). و هذه الازمة ليست ابداٌ يا منال تنظير مثقافتية او حكي بتاع كتب ، أخرجي للشارع و أنظري للبؤساء من أبناء جنوب و غرب السودان و ستعرفين في عيونهم أصل الحكاية

مودتي التي تعرفين يا منال

[hatim ALi]

المشاركة الأصلية كتبت بواسطة هاشم طـه

ولكن كما أسلفت فالقضية المحورية هي أن أهل الإنقاذ وزبانيتهم هم من باعوا الجنوب مقابل الشريعة ، فتلك حكومة أجرمت في حق المواطن الجنوبي وأشعلت حرباً إسلامية الشعار دمرت قراه وحرقت أحراشة وأحشاءه ، حرباً راح ضحيتها أكثر من مليون سوداني .. ثم ضمروا في نيتهم الصفقة في نيفاشا .. إنفصال الجنوب مقابل حكم الشريعة في الشمال .. وبالرغم من أن جون قرنق يصنف بأنه وحدوي ولكن مسار الأحداث كان يرجح أنه في أسوأ الأحوال إذا إنفصل الجنوب فالحركة الشعبية لن تخسر شيئاً.
أقرأ في مقالك التحريض على التمسك بالجنوب وجعل الوحدة جاذبة رغم أنف القذافي .. وأقول لك أن الأمور لا تدرك بالتمني فأنا وأنت نريد الجنوب حضناً وملاذا لنا .. والإنقاذ لا تريده أصلاً بل وتعمل ليل نهار كي ترسخ عوامل الإنفصال وتضعف من مقومات الوحدة.
لذا فالسؤال المركزي هو : ماذا فعلت الإنقاذ حتى الآن لجعل الوحدة جاذبة ؟

الأستاذ هاشم طه استسمحك عذراً في نقل مداخلتك هنا لأهميتها و لحوجتي لسؤال هذا السؤال :

هل إذا خير (المسلم العادي) في (شمال السودان) بين وطن (موحد) لا تطبق فيه (الشريعة الاسلامية) و وطن (مفصول الجنوب) به (شريعة اسلامية) ماذا سيختار ؟

[خالد الحاج]

سلامات يا حاتم..
يا أخي المسألة أكبر من (تزويجهم بناتنا) رغم اتفاقي معك في تحليلاتك الأخري.
هنالك أزمة لا تحتاج تصريح من "مجنون " كي يبينها .
الدول يا صديقي لا تقاس بحجمها بل بقدرة شعوبها علي التعايش في سلام وكرامة.
هل مشكلة الجنوب وليدة عهد الإنقاذ ؟
نعم هم من ألقي الزيت في النار لكنهم قدموا من التنازلات للجنوب ما لا يحصي وما كان حلما عصيا من قبل.
البعض يتحدث عن صعوبة التعايش ؟ ألا يعلم هؤلاء أن هنالك أكثر من2000.0000 جنوبي (إثنين مليون) يعيشون في الشمال .
إن كان التعايش بهذه الصعوبة فكيف تواجدوا ؟
الحقيقة المرة "ولا يسمع لقصير أمر" أن الشمال لبعض أبناء عمومتنا الجنوبيين أكثر أمنا وأمانا من الجنوب .
تناقلت الأخبار الصراعات القبلية التي أودت بحياة المئات من أبناء الجنوب الشهر الماضي .
أين الجيش الشعبي ؟ وأين حكومة الجنوب؟
هذا الجيش الذي ركع عدد من الحكومات وأسقطها منذ الاستقلال ، هذا الجيش الذي قاد حربا
لعقود من الزمان ..
هل صعب عليهم جمع السلاح الغير مرخص من المواطنين ؟
أخبار الفساد في حكومة "الوحدة الوطنية" شمال وجنوب تزكم الأنوف ونحن نتحدث عن وحدة جاذبة ونغضب لتصريح أدلي به مجنون وتصريحه عندي "فسوة مدنقر" لكنه لم يتحدث عن خطرفة أو سُكر .
الرجل علي صلة جيدة ببعض القادة من الحركة الشعبية ويعرف نواياهم الغير مخفية في الانفصال.
نعم هنالك ظلامات كثيرة حدثت للجنوبيين طوال الحقب الماضية . لكنها ظلامات صارت بعيد اتفاق السلام مجرد "تاريخ" . نحن أبناء اليوم يا حاتم .
كفاية "دلع" للجنوبيين خاصة السياسيين منهم الذين يدفعون بجهد لا يخفي نحو انفصال صار أقرب لقبضة اليد من وحدة .
وحدة قوامها العدل والندية وعدم النظر للشمال كالبقرة الحلوب يستنزف مستخدمين ظلامات تأريخية وقد صار الأمر أشبه بقصة "الهولكوست" التي يستنزف بها اليهود أموال ومساعدات الغرب.
لن يؤدي تصريح مجنون ليبيا إلي انفصال السودان بأكثر مما تؤدي إليه تصريحات باقان أموم يا حاتم فاتركوا يرحمكم الله الأمر "للإنتخابات" كم يقول اتفاق السلام ودعوا السياسيين وتصريحاتهم في حالها فهذا هو دورهم في الحياة "الأذية" .

تحياتي

[الأغبش]

-- ------------------------------------------------------------------------------كانت هذه المداخله قبل قليل مع ود مخير ...

الحبيب ود مخير ...صباحك ورد
أسمح لي هنا أن أختط درباً يخشاه البعض ...وفكرت كثيراً أن أجعله في بوست منفصل منذ مده وتوقعت سوء الفهم له وتراجعت ...
سؤال ... لماذا نتخوف من إنفصال الجنوب ؟؟؟ وهل أبناء الجنوب في حاجة لرأي معمر القذافي حتي يقرروا ما إذا كانوا يسنفصلون أم لا ؟؟؟
في إعتقادي الخاص جداً طالما أن حق تقرير المصير قد تم إقراره لأبناء الجنوب فقط ...وفقط هذه تحتها ما تحتها من الخطوط .. فهم أحرار فيما يختارون ... دولفعهم لذلك تختلف ..وآراءهم تُبني وفق مرجعيات وخلفيات وتراكمات تختلف من شخص لآخر ... فإن إختاروا بكامل حريتهم تكوين دولة خاصة بهم شخصياً أفضل ألف مرة إنفصال بإحسان علي وحدة قسرية .. يتحدث البعض عن مآلات الإنفصال وتبعاته ويتناسون مآلات وتبعات الوحدة إن هي فُرضت علي أبناء الجنوب فرضاً ...
الثروة ..والبترول ... هل تساوي قطرة دم واحدة تهدر في حروب بين الشمال والجنوب ؟؟ هل استنفدنا ما لدينا من موارد في أقطار السودان الأخري حتي لم يبق إلا موارد الجنوب ؟؟
التدخل الخارجي ..الدور الإسرائيلي ... هل نحن بمنأي عنه اليوم ...وهل بوجود الحركة الشعبية في حكومة موحدة يغلق هذا الباب أم يزيده إتساعاً ؟؟
وهل حدود مع ثلاثة أو أربعة دول آمنة أكثر من حدود مع دولة واحدة ..؟؟؟بإفتراض أنها ناصبتنا العداء ..

خلاصة القول أن أبناء الجنوب الآن بيدهم الأمر وهم أصحاب الشأن ...فإن إختاروا الوحدة طوعاً عشنا في أمن وسلام وهذا مراد السواد الأعظم (من أبناء بقية السودان ولا أقول الشمال )..وإن اختاروا الإنفصال عن تراض وتشاور منهم فليكن فراق بمعروف ...

ولنضع نهاية سعيدة لهذه الساقية ...

[hatim ALi]

المشاركة الأصلية كتبت بواسطة خالد الحاج

سلامات يا حاتم..
يا أخي المسألة أكبر من (تزويجهم بناتنا) رغم اتفاقي معك في تحليلاتك الأخري.
هنالك أزمة لا تحتاج تصريح من "مجنون " كي يبينها .
الدول يا صديقي لا تقاس بحجمها بل بقدرة شعوبها علي التعايش في سلام وكرامة.
هل مشكلة الجنوب وليدة عهد الإنقاذ ؟
نعم هم من ألقي الزيت في النار لكنهم قدموا من التنازلات للجنوب ما لا يحصي وما كان حلما عصيا من قبل.
البعض يتحدث عن صعوبة التعايش ؟ ألا يعلم هؤلاء أن هنالك أكثر من2000.0000 جنوبي (إثنين مليون) يعيشون في الشمال .
إن كان التعايش بهذه الصعوبة فكيف تواجدوا ؟
الحقيقة المرة "ولا يسمع لقصير أمر" أن الشمال لبعض أبناء عمومتنا الجنوبيين أكثر أمنا وأمانا من الجنوب .
تناقلت الأخبار الصراعات القبلية التي أودت بحياة المئات من أبناء الجنوب الشهر الماضي .
أين الجيش الشعبي ؟ وأين حكومة الجنوب؟
هذا الجيش الذي ركع عدد من الحكومات وأسقطها منذ الاستقلال ، هذا الجيش الذي قاد حربا
لعقود من الزمان ..
هل صعب عليهم جمع السلاح الغير مرخص من المواطنين ؟
أخبار الفساد في حكومة "الوحدة الوطنية" شمال وجنوب تزكم الأنوف ونحن نتحدث عن وحدة جاذبة ونغضب لتصريح أدلي به مجنون وتصريحه عندي "فسوة مدنقر" لكنه لم يتحدث عن خطرفة أو سُكر .
الرجل علي صلة جيدة ببعض القادة من الحركة الشعبية ويعرف نواياهم الغير مخفية في الانفصال.
نعم هنالك ظلامات كثيرة حدثت للجنوبيين طوال الحقب الماضية . لكنها ظلامات صارت بعيد اتفاق السلام مجرد "تاريخ" . نحن أبناء اليوم يا حاتم .
كفاية "دلع" للجنوبيين خاصة السياسيين منهم الذين يدفعون بجهد لا يخفي نحو انفصال صار أقرب لقبضة اليد من وحدة .
وحدة قوامها العدل والندية وعدم النظر للشمال كالبقرة الحلوب يستنزف مستخدمين ظلامات تأريخية وقد صار الأمر أشبه بقصة "الهولكوست" التي يستنزف بها اليهود أموال ومساعدات الغرب.
لن يؤدي تصريح مجنون ليبيا إلي انفصال السودان بأكثر مما تؤدي إليه تصريحات باقان أموم يا حاتم فاتركوا يرحمكم الله الأمر "للإنتخابات" كم يقول اتفاق السلام ودعوا السياسيين وتصريحاتهم في حالها فهذا هو دورهم في الحياة "الأذية" .

تحياتي

ه
العزيز خالد ود الحاج سيد الحوش ، أعرف أن صدعت رءوس الناس هنا بموضوع (الهوية) و (إنفصال الجنوب) و المسئولية (التاريخية للشمال) الخ...

لكن يا ود (الحاج) لنترك (الساسة) و نتحدث على النطاق (الانساني) ببساطة لقد دفع (الجنوب) كما أسلفت ثمناٌ باهظاٌ من قبل ، و من قبل (الانقاذ) أيضاٌ و ينبغي أن يتم (تعويضهم) التعويض (المناسب) عن ذلك و (الاعتذار) لهم (أيضاً) وبالطبع هذا لا يعني بالطبع أن بغنى (منسوبي الحركة الشعبية) من على ظهر (ذلك).الهدف هو (المواطن البسيط) في الجنوب أخي (خالد)، و هذه هي الوسيلة (الوحيدة) لتجاوز هذا (الأمر) و قفل هذا (الباب) حتى لا يصبح (ابتزازاً كهلوكوست اليهود في الغرب)، إتفاقية (السلام) لم تكن حلاً للأزمة (القائمة) لأنها ببساطة كان تسوية سياسية بين من يحمل (السلاح) في (الجنوب و الشمال) - المؤتمر الوطني و الحركة الشعبية - و هذه التسوية لم تهتم بإنسان (الجنوب) البسيط بقدر ما أهتمت بمصالح (الحركة الشعبية في جنوب السودان) .

بالطبع تصريحات المجنون القذافي و لا حتى باقان اموم لن تؤدي للانفصال ، الذي سيصوت للانفصال هم مواطني (جنوب السودان) و هؤلاء و ان كانوا سيتأثروا (جزئياٌ) بتصريحات باقان لكنهم ليسوا عمياٌ ، سبق أن تحدثت هنا عن قصة مايكل :

المشاركة الأصلية كتبت بواسطة hatim ALi

انفصال الجنوب الذي يطالب به الجنوبيون هو رد فعل لكثرة التجاهل و الاهمال و الظلم الذي حاق بهؤلاء

تخيل أنك (جنوبي) تعيش في (الجنوب) ، يأتي قوم من (الشمال) يحرقون (بيتك) و (معبدك) و (مدرستك) و لا بأس أن (يسوقوا) أبقارك ، و لا مانع أن (يقتلوا) امك الحبيبة و (يسبون) شقيقاتك ، و يصرخون فيك (الله اكبر) قتلانا في (الجنة) و قتلاكم في (النار) . حاول ان تمد خيالك قليلاٌ لتتخيل نفسك تهرب من قريتك في (الجنوب) و تنزح مع الالاف الى (الشمال) و انت ابن (ثمانية) اعوام ، و من ثم تصير (شماشي) في خيران (ام درمان) تنام كل يوم في (جزيرة الزلط) في (شارع العرضة) امام (القسم الشمالي) حتى تأمن شر من (يغتصبك) ليلاٌ و أيضاً حتى لا يتهمك (البوليس) في الصباح بارتكاب (جريمة) فأنت بايت قدام (القسم) تلك الليلة. طعامك من (الكوشة) و الناس تنظر اليك بإشمئزاز و يصيحون فيك يا (عب) يا (جنوبي) يا (حرامي) يا (.............) و أملأ النقاط بما يسمح به خيالك. أنت (ملعون...ملعون) مطرود محتقر في (الشمال) و وطنك في (الجنوب) تحرقه (النيران) و (الحرب و الدمار) تأمل هذه الصورة الصغيرة لطفل (واحد فقط)

و هناك حكاية اخرى أيضاٌ من صحيفة أجراس الحرية :

وقبل ايام اجرت صحيفة أجراس الحرية عدة مقابلات مع شخصيات غير مسلمة عن رأيها فى معاملة رجال الشرطة النظام معهم بخصوص الشريعة ،فقال احدى الشخصيات وهى ربيكا انجلو – قالت ان (شرطة النظام دائماً ما تطاردهم وتقبض عليهم، وحينما سألتها الصحيفة عن الأسباب قالت انها تعول اطفالها من خلال عملها في بيع الخمور البلدية.. وقالت انها ليست لديها أي مهنة أخرى تمكنها من الانفاق على اطفالها.. واضافت في حالة القبض علي يتشرد اطفالي لأنني سوف ابقى في السجن لمدة ربما تكون شهرا او ثلاثة اشهر – وقالت المشكلة قد تضر بالاطفال الذين لا ذنب لهم، وطالبت الجهات المسؤولة ان تراعي هذا الجانب الانساني تجنباً للضرر الذي يتأثر به الآخرون.

بينما تقول اليسا وهي فتاة من جنوب السودان ان شرطة النظام العام احياناً تمارس الضرب والاهانة للنساء خاصة بائعات الخمور وقالت انها تعرضت للسجن لأنها تم القاء القبض عليها وبحوزتها زجاجة خمر، لكنها تعرضت الى الركل والدفع حيث استنكرت تعامل رجال الشرطة معها بهذه الطريقة غير اللائقة.. وطالبت بضرورة المعاملة الكريمة.

اما بيتر وهو مواطن من الجنوب قال قانون النظام العام حث على ضرورة التعامل مع غير المسلمين بشكل يختلف عن المسلمين لكن الى الآن لم نلاحظ أي تغيير في هذا الخصوص اذ يتم القاء القبض على غير المسلمين ويحاكمون وفقاً لهذا القانون.. صحيح ان الذي يشرب الخمر ويتعدى على حقوق الآخرين أنا لا أؤيد هذا السلوك.. لكن انا مع احترام معاملة الانسان لأخيه الانسان مهما كان دينه ..

مواطنة أخرى فضلت عدم ذكر اسمها قالت ان شرطة النظام العام تتعامل مع المواطنين غير المسلمين على حد سواء دون اعطاء اي ميزة للآخرين والذين هم غير المسلمين ولا اعرف اين يكمن الخطأ هل في القانون أم في التنفيذ الذي لا يميز بين المسلم وغير المسلم.. وقالت نتمنى ان يكون لغير المسلمين خصوصية تضمن لهم عدم الملاحقة اليومية.

ميري أجاك قالت (إننا نعاني من بعض التصرفات التي يقوم بها بعض من شرطة النظام العام في تعاملهم معنا كنساء، لأنهم يقومون بدفع النساء ويضعوهم بشكل غير لائق وهذا اهانة للانسان اولاً بغض النظر عن الدين الذي ينتمي اليه.. واشارت الى وجود ممارسات بحق غير المسلمين لكنها قد لا تصل الى الجهات ذات الاختصاص ولا الى المسؤولين عن قيادة شرطة النظام العام.. وأكيد لو عرفت قيادة الشرطة بوجود هذه الممارسات سوف تقف عليها وتحول دون حدوثها.. وفي سؤال لفتاة اخرى سألتها هل تعرضت من قبل شرطة النظام العام للمساءلة حول الزي الذي ترتديه قالت مونيكا الآن وبعد اتفاقية السلام قلت هذه المساءلات من قبل شرطة النظام العام في الزي اذا عرفوا بأنك من غير المسلمين وقالت لم اتعرض لأي مساءلة لكنها قالت ان النساء اللائي يعملن في مجال صناعة الخمور البلدية هن عرضة للملاحقة من قبل شرطة النظام العام.وأنا على الصعيد الشخصي أرى ان الشرطة تنفذ واجبها لمنع انتشار تجارة الخمور لكن لا اتفق مع اسلوبهم في تنفيذ عملهم، من خلال استخدام العنف مع النساء. واضافت تنفيذ القوانين بهذه الطريقة يمكن ان يؤدي الى خروقات تؤدي في نهاية المطاف الى الاذى الجسيم..

بلسان كل هؤلاء يقول سفير السودان بواشنطون لأجراس الحرية :

سفير السودان في واشنطون: الجنوبيون سوف يصوتون لصالح الإنفصال

أجراس الحرية: واشنطن: عبد الفتاح عرمان

كشف سفير السودان في واشنطن، الدكتور اكيج كوج، لـ(اجراس الحرية) بان معظم سكان جنوب السودان سوف يصوتون لصالح الإنفصال عند الإستفتاء علي حق تقرير المصير المزمع إجراءه في عام 2011م، و تابع:" في احتكاكي بالكثير من المواطنين في جنوب السودان اثناء زيارتي الاخيرة اقول بان الجنوبيون سوف يصوتون لصالح الانفصال لانهم يشعرون بان الاتفاقية لم تُنفذ بالطريقة التي اتت بها وليس هنالك اى مشاريع قامت بها حكومة الوحدة الوطنية لجعل الوحدة جاذبة فعليه ارجح خيار الإنفصال". ولكنه عاد ليقول :" انا شخصياً كنت اتمني ان يكون السودان موحداً. ولو كان هنالك شىء في يدى لجعل الوحدة جاذبة لقمت به لان العالم كله ذاهب في اتجاه التوحد ".

أخيراٌ أجري إستفتاء على (الفيسبوك) حول "إنفصال الجنوب" كانت النتيجة 87.3 % صوتوا لصالح الإنفصال (معظمهم جنوبيون) ، الجدير بالذكر أن جزء من (الشماليين) صوتوا للإنفصال أيضاُ و يبدوا أنه (الواقع للأسف) .

موقع الاستفتاء للإطلاع على النتيجة:
--------------------------

http://apps.facebook.com/realpolls/m/bzwymxds6

الرجاء قراءة التعليقات في الاسفل للنتيجة فهي وحدها تشرح تعقيدات المشكلة و سمح الكلام في (خشم سيدو)

تحياتي

[hatim ALi]

المشاركة الأصلية كتبت بواسطة الأغبش

--------------------------------------------------------------------------------كانت هذه المداخله قبل قليل مع ود مخير ...

الحبيب ود مخير ...صباحك ورد
أسمح لي هنا أن أختط درباً يخشاه البعض ...وفكرت كثيراً أن أجعله في بوست منفصل منذ مده وتوقعت سوء الفهم له وتراجعت ...
سؤال ... لماذا نتخوف من إنفصال الجنوب ؟؟؟ وهل أبناء الجنوب في حاجة لرأي معمر القذافي حتي يقرروا ما إذا كانوا يسنفصلون أم لا ؟؟؟
في إعتقادي الخاص جداً طالما أن حق تقرير المصير قد تم إقراره لأبناء الجنوب فقط ...وفقط هذه تحتها ما تحتها من الخطوط .. فهم أحرار فيما يختارون ... دولفعهم لذلك تختلف ..وآراءهم تُبني وفق مرجعيات وخلفيات وتراكمات تختلف من شخص لآخر ... فإن إختاروا بكامل حريتهم تكوين دولة خاصة بهم شخصياً أفضل ألف مرة إنفصال بإحسان علي وحدة قسرية .. يتحدث البعض عن مآلات الإنفصال وتبعاته ويتناسون مآلات وتبعات الوحدة إن هي فُرضت علي أبناء الجنوب فرضاً ...
الثروة ..والبترول ... هل تساوي قطرة دم واحدة تهدر في حروب بين الشمال والجنوب ؟؟ هل استنفدنا ما لدينا من موارد في أقطار السودان الأخري حتي لم يبق إلا موارد الجنوب ؟؟
التدخل الخارجي ..الدور الإسرائيلي ... هل نحن بمنأي عنه اليوم ...وهل بوجود الحركة الشعبية في حكومة موحدة يغلق هذا الباب أم يزيده إتساعاً ؟؟
وهل حدود مع ثلاثة أو أربعة دول آمنة أكثر من حدود مع دولة واحدة ..؟؟؟بإفتراض أنها ناصبتنا العداء ..

خلاصة القول أن أبناء الجنوب الآن بيدهم الأمر وهم أصحاب الشأن ...فإن إختاروا الوحدة طوعاً عشنا في أمن وسلام وهذا مراد السواد الأعظم (من أبناء بقية السودان ولا أقول الشمال )..وإن اختاروا الإنفصال عن تراض وتشاور منهم فليكن فراق بمعروف ...

ولنضع نهاية سعيدة لهذه الساقية ...

ه
حبيبنا الأغبش سبحان الله و ما طالبني حليفة ، كنتا عاوز انقل مداخلتك دي هنا لكنك سبقتني . إنتا عارف أنا (سوء الفهم) دا انا بعاني منو من دخلتا (سودانيات) لأني بتكلم عن (الهوية) و (مشاكل جنوب السودان) الناس فاكرني (حركة شعبية) و الحالة انا (الحركة الشعبية) عندي فيها رأي كبير بس لسة ما اتكلمتا ، المشكلة التصنيف يا حبيبنا الأغبش.

سبق أن أسلفت من قبل في غير موضع :
-----------------------------

يمكن لمشكلة الجنوبيين أن تحل عن طريق انفصال الجنوب عن الشمال. ربما يكون في ذلك حل لمشكلة الجنوب مع الشمال، ولكنه لن يحل أزمة الهوية الشمالية


الخاسر (الحقيقي) في الانفصال هو (شمال السودان)
=====================
فاليوم الذي سينفصل فيه الجنوب (دارفور) ستطالب بتقرير المصير ، و (البجا) سيكون من الافضل لهم الانفصال بالشرق بدل أن تذهب خيرات البحر الاحمر الى غيرهم و هم لسة راجين المركز ، و (النوبة) يرجعوا يعملوا امبراطوريتهم القديمة و يرتاحوا من السدود و الخوتة الفارغة دي ، و هكذا يتبقى وسط السودان و (الخرطوم) لا يدري من من ينفصل ؟

[منال]

المشاركة الأصلية كتبت بواسطة hatim ALi

بالضبط يا منال أنت تمثلين نموذج (الأجيال الحديثة) التي تنصلت من (مسئولياتها) و ألقت بالتبعية على (الأنقاذ) وما أسهل ذلك ، بل تعزين كل مبحث عن مشكلة (الهوية) بأنه ناتج عن إثارة (الإنقاذ) للمشكلة و فات عليك يا منال أن فرانسيس دينق عندما كتب (حرب الرؤى) و (طائر الشؤم) كان نميري في الحكم و مدارس الهوية الاربعة نشأت من نشأت السودان و إستقلاله و لأزمة الهوية جذورها التاريخية الضاربة في القدم منذ أن قرر (الفونج) أنهم (امويين) بمرسوم ملكي ، و منذ أن ترك (الرباطاب و الجعليين و الشايقييه) لغاتهم النوبية القديمة كوسيلة للحوار تبنوا لغة (العرب) ، و نلاحظ أن سكان هذه الاجزاء من السودان أنكروا هوياتهم الاصلية و تعلقوا بالعرب و صاروا هم مركزاٌ (عربياً) و همشوا باقي (السودان). و هذه الازمة ليست ابداٌ يا منال تنظير مثقافتية او حكي بتاع كتب ، أخرجي للشارع و أنظري للبؤساء من أبناء جنوب و غرب السودان و ستعرفين في عيونهم أصل الحكاية

مودتي التي تعرفين يا منال

حاتم مساك جميل

حاتم اجيال حديثه بتاعت شنو ؟ دقيقه ياخى ... لى كتابه فى هذا المنبر و قلتها وبقولا تانى نحن جيل التناقضات – وكما اسلفت فى اقتباسك ده ما بنشيل المرارات معانا ... لمتين نقعد نبارى الجداد؟ و كمان الحديثه دى جبتها ليه ما عرفت هو الحداثه شنها يا حاتم ؟ فى شنو نقدر نقول عليهو حديث ... زمان قالو كان فى مصطلح اسمو (القوى الحديثه – تشدق به الشيوعين فتره من الزمان – ثم تخلو عنه – والان وفى تصنيفات القوى السياسيه لا توجد اختيارات كلنا مقترعين اصلو الحكايه دوائر و توزيعها فيه طعون كثيرة ... و التعداد مضروب ) ده على سيرة الحديثه و صدقنى مكجنا التعميمات دى لدرجه انها بتلبشنى عدييييييييييل
يا حاتم الانقاذ شنو البتكون شماعتنا ...
استميحك يا حاتم هنا لانو اضطرتنى اوضح الكثير فى مجالى عملى العام و الخاص درست فى جامعة جوبا – طالبه و فى القاعات نحاور الاساتذه و الطلاب الجنوبين ... ومن ذات القاعه التى جمعت شتات كل السودان و كشباب برضو بقولو ما عندنا اشكاليه هويه و استعلاء عرقى و تفرقه ... طيب من الجامعه كنت متطوعه فى تنظيمات المجتمع المدنى و اعمل الى الان فى ثلاثه تجمعات شبابيه ( شباب يبنون السلام) – و قدر لى ان اعمل وكان وقتها جولات التفاوض والاتفاقيه و اطار مشاكوس فى برنامج فض النزاعات ومنه اكتسبت معرفة بالروت كوزيز – و زرت جوبا فى 2005 و 2006 و اعتذرت الان و تعللت ان تركيزى عملى الان بشرق السودان – احبطت بالجد من و اقع الجنوب و زرت واو 2008 و هنا و بلا تردد بتسال يا حاتم ليه الان الجنوب فيه مجاعه بعد مرور اربعه اعوام و كل المداخل للجنوب فتحت بس اوع تقول لى الظروف الطبيعيه كما يروجون ... و الجوز بتاعت الجنوب شغاله عربى و افرنجى و متواجدين فى المركز و نقدر نقول عملو شنو لانسان طحنته الحرب ... و الان المجاعه... كما عملت فى الفاشر و نيالا بعد الحرب ... و اعمل الان فى شرق السودان
و المهم نحن لنا رؤيه و ادوات للعمل وسط مجتمعاتنا ... و برضو التنظير و الحكى ما بنرجع ليهو و اعرف ان امد حرب الجنوب لاربعين عاما خلفت ضحايا ... و تركت ترسبات ... و احن لانسان الجنوب و السودان كله و لا فرانيس دينق و لا منصور خالد او ابل الير او الراحل جون قرنق لم يقدموا الاطار العملى لمعالجة ازمة جنوب السودان ... ناهيك عن السودان ...
اعلم بان الصراعات الموجوده فى كل بقاع السودان و عبر كل الحقب ... و لكن لنكون اكثر دقه الانقاذ هى التى اججت اوار الحرب فى السودان كله ... و عملت بالمكونين الاثنى و الدينى ... و لسه بتعمل ... بس كمان زى ما قلت نجحت فى ان تجعل الكثيرين يدور فى الحلقه ... و لا يتفرغون الى مواضع الازمات و فى تقديرى الواقع الان لا يحتمل التنظير لمكون الهويه و العرب العاربه و المستعربه ... و برضو فى البقول ليكم ما هم القبائل الشماليه التى حددتها من مارس التهميش ... فى تقديرى انهم تميزو عن سواهم بجديتهم فى العمل و البناء ونالو حظا من التعليم وتلسللوا الى مراكز القرار ... و هل كانو منفردين؟ ابدا معهم الدارفورين و الجنوبين منذ الاستقلال ... فماذا قدمو للوطن الكبير؟

اتواجد حيث يكون البوساء و اقراهم الف مره ... فى كل بقاع السودان بل نعمل كشباب و سطهم و همومنا معروفه ... و مداخلنا لهم واضحة الهدف ... و المشوار طويل

و بالرجوع لعنوان البوست منو القاهو فى اليم

و اخيرا بكتب هنا انو الوحده الغير جاذبه ستكون خيار الجنوبين الاول ... حتى بنتجة الاستفتاء الذى يستعجل له الان ؟

بس نصحناهم وقولنا كفايه انكم تعيشوا فى الخرطوم نازحين و متسولين ... و عاله على السودان الكبير ... و كفانا دفعنا من دمائنا و ثروتنا لوقف الحرب .. عودوا الى تعمير الجنوب و هم الان فى مركز قوى بفعل الاتفاقيه الثنائيه ... و ابى قادة الحركه الشعبيه للقوى الجنوبيه الاخرى المساهمه فى الحكم و السلطه ... فكيف لهم ان يعملوا مع باقى القوى السودانيه ...

وبرضو بقول لسه بدرى على الجنوبين ادارة حكم الجنوب - بسب فقط خلافاتهم ... و تعوزهم المقدرات .
وستظل الخرطوم الكبرى ... البكان الواسع البنتوهط فيهو كلنا

[hatim ALi]

المشاركة الأصلية كتبت بواسطة منال

حاتم مساك جميل

حاتم اجيال حديثه بتاعت شنو ؟ دقيقه ياخى ... لى كتابه فى هذا المنبر و قلتها وبقولا تانى نحن جيل التناقضات – وكما اسلفت فى اقتباسك ده ما بنشيل المرارات معانا ... لمتين نقعد نبارى الجداد؟ و كمان الحديثه دى جبتها ليه ما عرفت هو الحداثه شنها يا حاتم ؟ فى شنو نقدر نقول عليهو حديث ... زمان قالو كان فى مصطلح اسمو (القوى الحديثه – تشدق به الشيوعين فتره من الزمان – ثم تخلو عنه – والان وفى تصنيفات القوى السياسيه لا توجد اختيارات كلنا مقترعين اصلو الحكايه دوائر و توزيعها فيه طعون كثيرة ... و التعداد مضروب ) ده على سيرة الحديثه و صدقنى مكجنا التعميمات دى لدرجه انها بتلبشنى عدييييييييييل
يا حاتم الانقاذ شنو البتكون شماعتنا ...
استميحك يا حاتم هنا لانو اضطرتنى اوضح الكثير فى مجالى عملى العام و الخاص درست فى جامعة جوبا – طالبه و فى القاعات نحاور الاساتذه و الطلاب الجنوبين ... ومن ذات القاعه التى جمعت شتات كل السودان و كشباب برضو بقولو ما عندنا اشكاليه هويه و استعلاء عرقى و تفرقه ... طيب من الجامعه كنت متطوعه فى تنظيمات المجتمع المدنى و اعمل الى الان فى ثلاثه تجمعات شبابيه ( شباب يبنون السلام) – و قدر لى ان اعمل وكان وقتها جولات التفاوض والاتفاقيه و اطار مشاكوس فى برنامج فض النزاعات ومنه اكتسبت معرفة بالروت كوزيز – و زرت جوبا فى 2005 و 2006 و اعتذرت الان و تعللت ان تركيزى عملى الان بشرق السودان – احبطت بالجد من و اقع الجنوب و زرت واو 2008 و هنا و بلا تردد بتسال يا حاتم ليه الان الجنوب فيه مجاعه بعد مرور اربعه اعوام و كل المداخل للجنوب فتحت بس اوع تقول لى الظروف الطبيعيه كما يروجون ... و الجوز بتاعت الجنوب شغاله عربى و افرنجى و متواجدين فى المركز و نقدر نقول عملو شنو لانسان طحنته الحرب ... و الان المجاعه... كما عملت فى الفاشر و نيالا بعد الحرب ... و اعمل الان فى شرق السودان
و المهم نحن لنا رؤيه و ادوات للعمل وسط مجتمعاتنا ... و برضو التنظير و الحكى ما بنرجع ليهو و اعرف ان امد حرب الجنوب لاربعين عاما خلفت ضحايا ... و تركت ترسبات ... و احن لانسان الجنوب و السودان كله و لا فرانيس دينق و لا منصور خالد او ابل الير او الراحل جون قرنق لم يقدموا الاطار العملى لمعالجة ازمة جنوب السودان ... ناهيك عن السودان ...
اعلم بان الصراعات الموجوده فى كل بقاع السودان و عبر كل الحقب ... و لكن لنكون اكثر دقه الانقاذ هى التى اججت اوار الحرب فى السودان كله ... و عملت بالمكونين الاثنى و الدينى ... و لسه بتعمل ... بس كمان زى ما قلت نجحت فى ان تجعل الكثيرين يدور فى الحلقه ... و لا يتفرغون الى مواضع الازمات و فى تقديرى الواقع الان لا يحتمل التنظير لمكون الهويه و العرب العاربه و المستعربه ... و برضو فى البقول ليكم ما هم القبائل الشماليه التى حددتها من مارس التهميش ... فى تقديرى انهم تميزو عن سواهم بجديتهم فى العمل و البناء ونالو حظا من التعليم وتلسللوا الى مراكز القرار ... و هل كانو منفردين؟ ابدا معهم الدارفورين و الجنوبين منذ الاستقلال ... فماذا قدمو للوطن الكبير؟

اتواجد حيث يكون البوساء و اقراهم الف مره ... فى كل بقاع السودان بل نعمل كشباب و سطهم و همومنا معروفه ... و مداخلنا لهم واضحة الهدف ... و المشوار طويل

و بالرجوع لعنوان البوست منو القاهو فى اليم

و اخيرا بكتب هنا انو الوحده الغير جاذبه ستكون خيار الجنوبين الاول ... حتى بنتجة الاستفتاء الذى يستعجل له الان ؟

بس نصحناهم وقولنا كفايه انكم تعيشوا فى الخرطوم نازحين و متسولين ... و عاله على السودان الكبير ... و كفانا دفعنا من دمائنا و ثروتنا لوقف الحرب .. عودوا الى تعمير الجنوب و هم الان فى مركز قوى بفعل الاتفاقيه الثنائيه ... و ابى قادة الحركه الشعبيه للقوى الجنوبيه الاخرى المساهمه فى الحكم و السلطه ... فكيف لهم ان يعملوا مع باقى القوى السودانيه ...

وبرضو بقول لسه بدرى على الجنوبين ادارة حكم الجنوب - بسب فقط خلافاتهم ... و تعوزهم المقدرات .
وستظل الخرطوم الكبرى ... البكان الواسع البنتوهط فيهو كلنا

ه
منال في البدء اعتذر ان فهمت عبارتي بالخروج الى الشارع في غير موضعها

وجميل ان اوردت ما تقومين به من اجل انسان هذه البلاد - التعسة - و ليجزيك الله عليه الف خير (حقتنا ما حقتهم)

مشكلة النخب (الحاكمة و المعارضة) و (الحاملة السلاح و المسالمة) هي انها لم تفكر في (الانسان البسيط) الذي تجوسين (الديار) حاملة (همومه) يا (منال) هؤلاء اهدافهم (اتفه) من ذلك ، يريدون الحكم على اعقاب (جماجمنا و دمائنا) ، مخطئ من ظن يوماً ان (الحركة الشعبية) همها (انسان الجنوب) كما ان جبهة (الشرق) تنظر صوب (ازمات البجا) و معاناتهم ، أما الحركات (الدارفورية) فهؤلاء (افضل) ان اريح (كيبوردي) عن عناء (وصفهم) لربما كان معارضو (السدود) من (النوبة) اشرف مقاماً لأنهم لم يبحثوا بعد عن (سلطة و ثروة)

مشكلة (السودان) هو انه (امة) لم تنصهر بعد (مكوناتها) العرقية في (بعضها) ، و لازال في النفوس بقايا (جاهلية) حملها (الكل) في (جيناتهم) لأن مفهوم (الدولة) لم يتشكل بعد في (وعي) الانسان ، فصار (شقياٌ) يبحث عن (ضرورياته) في ظل (اللادولة) . في خضم واقع (كالح) كهذا تسود (القبلية) في (النهاية).

أزمة (شمال السودان) مركبة فهو (كالمنبت) لا (أرضاٌ) قطع و لا (ظهراً) ابقى ، ورثنا من اجدادنا (شيئين خطيرين) هما أن هذه (الارض) لنا (وحدنا) ، و ان تفردنا و تميزنا نابع من نقاء (أعراقنا) و ليس كما تفضلت انت و قلت ب(جديتنا و كدحنا) ، فكم (سوداني) لم بنل (حظه) من التعليم و فرص (الحياة) ؟ و في ذلك يشتركون (جميعاً) و لكن لو عدنا الى (الاحصائيات) لوجدنا أن (اعراق) معينة نالت (حظوظاً) أقل من (غيرها) ، و مرد ذلك ليس ل(كسلهم) و (طيشهم) و (خفة عقولهم) و (فساد اجسادهم) كما أفتى بذلك (ابن خلدون) ، بل لأن (أعراق) معينة احتكرت (معظم الفرص) و هل يلد (النجيب سليل الاصل و الفصل) الا نجيباٌ ، ؟ و (الولد للفراش) دائماٌ و للام (الحجر) غالباٌ. تلك هي (مأساتهم) يا منال.

الاجيال (الحديثة) - لو انها ما عاجباك لكن مافي مصطلح تاني - ورثت تركة (حزينة) مثقلة بالمرارات و الاحزان ، حاولوا (الاصلاح) ما استطاعوا (اليه) سبيلاً ، و لكن كيف (تبني) و غيرك (يهدم) ؟ و في لحظة ما تسود ارادة (اللامبالة) و (رغبة الانا) و هي مبررة كيف تريدين من من يعاني (في ذاته) أن يألم (لغيره) ، التسامي فضيلة (نادرة) و لا تتأتي الا بروح (صوفية زاهدة) او اخرى (قانعة يائسة). من حق هذه (الاجيال) ان تحلم بغد (أفضل) و ان تضجر من (حمولات) التاريخ و اوجاعه (القديمة المتجدده) ، فيكفيها ما هي فيه يا (منال) ، و أنت هنا تحكين ب(لسان الحال) الذي يغني عن أي (مقال)، حسبك فقد (كفيت و وفيت).

عنوان (البوست) سؤال (مفتوح) يا منال للتاريخ ، سريعاٌ سيأتي (الإنفصال) شئنا أم أبينا و لنتمنى لأهلنا في (جنوب السودان) واقعاٌ افضل من ذلك الذي عاشوه بين (ظهرانينا) ، و إن كانت كل (القراءات) تقول بعكس ذلك ، فالحركة الشعبية لن تكون أحن عليهم من تلك القطة التي تأكل بينها . و لكن لندعهم يخوضون (تجربتهم) الذاتية بعيداٌ عننا و عن (أزمتنا الثقافية) ، لربما يجدون ذات نهار (خلاصهم) الذي افتقدوه (بيننا) ، و الايام حبلى بالمفاجآت غصباٌ عن تخرصات المنجمين - امثالنا - و لو صدقوا احياناٌ . و ستبقى (الأزمة) شمالية سودانية تعيد انتاج ذاتها كل مرة حتى يفتح الله علينا بمسرب نسري به الى (حقيقتنا) او يرث (الله) الأرض و ما عليها.

[منال]

المشاركة الأصلية كتبت بواسطة hatim ALi

أزمة (شمال السودان) مركبة فهو (كالمنبت) لا (أرضاٌ) قطع و لا (ظهراً) ابقى ، ورثنا من اجدادنا (شيئين خطيرين) هما أن هذه (الارض) لنا (وحدنا) ، و ان تفردنا و تميزنا نابع من نقاء (أعراقنا) و ليس كما تفضلت انت و قلت ب(جديتنا و كدحنا) ، فكم (سوداني) لم بنل (حظه) من التعليم و فرص (الحياة) ؟ و في ذلك يشتركون (جميعاً) و لكن لو عدنا الى (الاحصائيات) لوجدنا أن (اعراق) معينة نالت (حظوظاً) أقل من (غيرها) ، و مرد ذلك ليس ل(كسلهم) و (طيشهم) و (خفة عقولهم) و (فساد اجسادهم) كما أفتى بذلك (ابن خلدون) ، بل لأن (أعراق) معينة احتكرت (معظم الفرص) و هل يلد (النجيب سليل الاصل و الفصل) الا نجيباٌ ، ؟ و (الولد للفراش) دائماٌ و للام (الحجر) غالباٌ. تلك هي (مأساتهم) يا منال.

الاجيال (الحديثة) - لو انها ما عاجباك لكن مافي مصطلح تاني - ورثت تركة (حزينة) مثقلة بالمرارات و الاحزان ، حاولوا (الاصلاح) ما استطاعوا (اليه) سبيلاً ، و لكن كيف (تبني) و غيرك (يهدم) ؟ و في لحظة ما تسود ارادة (اللامبالة) و (رغبة الانا) و هي مبررة كيف تريدين من من يعاني (في ذاته) أن يألم (لغيره) ، التسامي فضيلة (نادرة) و لا تتأتي الا بروح (صوفية زاهدة) او اخرى (قانعة يائسة). من حق هذه (الاجيال) ان تحلم بغد (أفضل) و ان تضجر من (حمولات) التاريخ و اوجاعه (القديمة المتجدده) ، فيكفيها ما هي فيه يا (منال) ، و أنت هنا تحكين ب(لسان الحال) الذي يغني عن أي (مقال)، حسبك فقد (كفيت و وفيت).

عنوان (البوست) سؤال (مفتوح) يا منال للتاريخ ، سريعاٌ سيأتي (الإنفصال) شئنا أم أبينا و لنتمنى لأهلنا في (جنوب السودان) واقعاٌ افضل من ذلك الذي عاشوه بين (ظهرانينا) ، و إن كانت كل (القراءات) تقول بعكس ذلك ، فالحركة الشعبية لن تكون أحن عليهم من تلك القطة التي تأكل بينها . و لكن لندعهم يخوضون (تجربتهم) الذاتية بعيداٌ عننا و عن (أزمتنا الثقافية) ، لربما يجدون ذات نهار (خلاصهم) الذي افتقدوه (بيننا) ، و الايام حبلى بالمفاجآت غصباٌ عن تخرصات المنجمين - امثالنا - و لو صدقوا احياناٌ . و ستبقى (الأزمة) شمالية سودانية تعيد انتاج ذاتها كل مرة حتى يفتح الله علينا بمسرب نسري به الى (حقيقتنا) او يرث (الله) الأرض و ما عليها.
حاتم احلم كتييييييير بفركشة السودان المترامى الاطراف ... و كل حته تهرف جيهتها ... شن اللمه الفوق بنايتن قش؟ وقلتها افضل لناس دارفور ينفصلو و يكونو دولتهم الكان يلموا الزغاوة و لا الفور و لا العرب ... لكن من قولة تيت اخير الانفصال و بشيلو شيلتهم ليه لانهم نجاااااااااض بس و بفرقو عن الجنوبين البعيشو عاله على وجعنا و ما بى ينفصلوا صدقنى يمشو من الخرتوم دى وين يختوها ... و حتى المواطن البسيط عارف انو عندو حق فى الخرتوم الكهرباء و المويه و مستشفى فى مدينه سوبا خاص بالجنوبين ... و قلتها بعد اول زياره لى لجوبا ... باقتراح نعمل ابدال النخلى الخرتوم العاجباهم دى و نرحل نحن للجنوب يمين نعمرو فى عقد من الزمان و همن يكون لايصين فى الخرتوم دى و بس ننتهى من حته الجنوب ووجع الراس ... و اكيد ح ندفق ليهم المويه من النيل الجارى ده و نديهم الكهرباء ... الا بى طرطشتم دى اخير اليقعدو فى الترطيبه دى ... وبى كدا الازمه ازمة السودان كلو ... و خلينى من الشمال الجغرافى الجابو ناس الحركه و قالو كلكم كوم ... و همن وحدة براها ... اها ما مشت شبر و طرشقت البالونه ... انت حددت الشمال يا حاتم ...تعرف اروك طون قال شنو لمن زار الولايه الشماليه ... و شاف المعاناه و الشقى و الكد البسوى المواطن قال الشمال هو المظلوم ... يا حاتم ارض الشماليه تحديدا دفعت كل الفواتير الغلبنم يمزوقوها ... و بندفع ثمن الوحده و الشتات ... و الحرب الح تتفجر قريب
مودتى واحترامى

حاتم الارض فى بلدنا واسعه و على قفا من يشيل الشيله ... بس منو الجادى البعمل ده القلتو ... مافى اغنى و اخصب من ارض الجنوب و لم ينجح فيها مشروع زراعى الى اليوم ليه انسان الجنوب مبارى الشجر وعيشةالبساطه ليه و مشكلة ابنائه الويل اديكوكتيد قاعدين فى البياتات المكندشة و العربات الفارهه و عايزين ينظرو بس .. اها البشتغل ليهم منو ؟ و همن هسه انصبتم من البترول مشت و ين ياحاتم المطار جوبا الى الان لم يكتمل ليه ؟ و العنبر الجديد الفى مستشفى الصباح ده عملتو اليو اس ايد ... و GOOS الجنوب دى تسوى فى البتسويهو ... و لمن يكون فى غير ارضهم تلاقاهم ( حمير شغل - فى العماله الهامشيه و هم ذات العمال كان مشو هناك ما بمروقو من كاجو كاجى .. ونبقى نحن الجلابه ) يا حاتم هناك قلت حته الرطانه دى اها ودت المحس و الحلفاوين اسياد الرطانه الى وين؟ يعانون الى الساعه و الارض دايرها البعمرا ... و اغلبهم طالبو الهجره الى المنافى القسريه ...و الشلك و الدينكا اضافة ليهم شنوالرطانه ؟ اما البجاوين ... ح يبارو قعاد الواطه و الجبنه و الطلوع الى الجبل ... و برضو برطنو ... اذ ما الطبيعه كانت مساعده بكون الانسان فى الفيهو ... نخلص لانها حكايه الساسة و السوس البسوس و عايز يعيش للحظه ورزق اليوم باليوم الحل يكم فى التنميه المستدامه و عداله اجتماعيه نبنيها سويا

[hatim ALi]

المشاركة الأصلية كتبت بواسطة منال

ه
حاتم احلم كتييييييير بفركشة السودان المترامى الاطراف ... و كل حته تهرف جيهتها ... شن اللمه الفوق بنايتن قش؟ وقلتها افضل لناس دارفور ينفصلو و يكونو دولتهم الكان يلموا الزغاوة و لا الفور و لا العرب ... لكن من قولة تيت اخير الانفصال و بشيلو شيلتهم ليه لانهم نجاااااااااض بس و بفرقو عن الجنوبين البعيشو عاله على وجعنا و ما بى ينفصلوا صدقنى يمشو من الخرتوم دى وين يختوه

ه

المشاركة الأصلية كتبت بواسطة hatim ALi

ه

و هناك حكاية اخرى أيضاٌ من صحيفة أجراس الحرية :

بلسان كل هؤلاء يقول سفير السودان بواشنطون لأجراس الحرية :

أخيراٌ أجري إستفتاء على (الفيسبوك) حول "إنفصال الجنوب" كانت النتيجة 87.3 % صوتوا لصالح الإنفصال (معظمهم جنوبيون) ، الجدير بالذكر أن جزء من (الشماليين) صوتوا للإنفصال أيضاُ و يبدوا أنه (الواقع للأسف) .

موقع الاستفتاء للإطلاع على النتيجة:
--------------------------

http://apps.facebook.com/realpolls/m/bzwymxds6

الرجاء قراءة التعليقات في الاسفل للنتيجة فهي وحدها تشرح تعقيدات المشكلة و سمح الكلام في (خشم سيدو)

يتبع

[hatim ALi]

المشاركة الأصلية كتبت بواسطة منال

ه
خلينى من الشمال الجغرافى الجابو ناس الحركه و قالو كلكم كوم ... و همن وحدة براها ... اها ما مشت شبر و طرشقت البالونه ... انت حددت الشمال يا حاتم ...تعرف اروك طون قال شنو لمن زار الولايه الشماليه ... و شاف المعاناه و الشقى و الكد البسوى المواطن قال الشمال هو المظلوم ... يا حاتم ارض الشماليه تحديدا دفعت كل الفواتير الغلبنم يمزوقوها ... و بندفع ثمن الوحده و الشتات ... و الحرب الح تتفجر قريب
مودتى واحترامى

ه

المشاركة الأصلية كتبت بواسطة منال

ه
حاتم الارض فى بلدنا واسعه و على قفا من يشيل الشيله ... بس منو الجادى البعمل ده القلتو ... مافى اغنى و اخصب من ارض الجنوب و لم ينجح فيها مشروع زراعى الى اليوم ليه انسان الجنوب مبارى الشجر وعيشةالبساطه ليه و مشكلة ابنائه الويل اديكوكتيد قاعدين فى البياتات المكندشة و العربات الفارهه و عايزين ينظرو بس .. اها البشتغل ليهم منو ؟ و همن هسه انصبتم من البترول مشت و ين ياحاتم المطار جوبا الى الان لم يكتمل ليه ؟ و العنبر الجديد الفى مستشفى الصباح ده عملتو اليو اس ايد ... و GOOS الجنوب دى تسوى فى البتسويهو ... و لمن يكون فى غير ارضهم تلاقاهم ( حمير شغل - فى العماله الهامشيه و هم ذات العمال كان مشو هناك ما بمروقو من كاجو كاجى .. ونبقى نحن الجلابه ) يا حاتم هناك قلت حته الرطانه دى اها ودت المحس و الحلفاوين اسياد الرطانه الى وين؟ يعانون الى الساعه و الارض دايرها البعمرا ... و اغلبهم طالبو الهجره الى المنافى القسريه ...و الشلك و الدينكا اضافة ليهم شنوالرطانه ؟ اما البجاوين ... ح يبارو قعاد الواطه و الجبنه و الطلوع الى الجبل ... و برضو برطنو ... اذ ما الطبيعه كانت مساعده بكون الانسان فى الفيهو ...

ه

المشاركة الأصلية كتبت بواسطة hatim ALi

ه
فكم (سوداني) لم بنل (حظه) من التعليم و فرص (الحياة) ؟ و في ذلك يشتركون (جميعاً) و لكن لو عدنا الى (الاحصائيات) لوجدنا أن (اعراق) معينة نالت (حظوظاً) أقل من (غيرها) ، و مرد ذلك ليس ل(كسلهم) و (طيشهم) و (خفة عقولهم) و (فساد اجسادهم) كما أفتى بذلك (ابن خلدون) ، بل لأن (أعراق) معينة احتكرت (معظم الفرص) و هل يلد (النجيب سليل الاصل و الفصل) الا نجيباٌ ، ؟ و (الولد للفراش) دائماٌ و للام (الحجر) غالباٌ. تلك هي (مأساتهم) يا منال.

ه
ه

المشاركة الأصلية كتبت بواسطة hatim ALi

ه
مشكلة (السودان) هو انه (امة) لم تنصهر بعد (مكوناتها) العرقية في (بعضها) ، و لازال في النفوس بقايا (جاهلية) حملها (الكل) في (جيناتهم) لأن مفهوم (الدولة) لم يتشكل بعد في (وعي) الانسان ، فصار (شقياٌ) يبحث عن (ضرورياته) في ظل (اللادولة) . في خضم واقع (كالح) كهذا تسود (القبلية) في (النهاية).

يتبع

[hatim ALi]

المشاركة الأصلية كتبت بواسطة منال

نخلص لانها حكايه الساسة و السوس البسوس و عايز يعيش للحظه ورزق اليوم باليوم

ه

المشاركة الأصلية كتبت بواسطة منال

الحل يكم فى التنميه المستدامه و عداله اجتماعيه نبنيها سويا

ه

المشاركة الأصلية كتبت بواسطة hatim ALi

ه

مشكلة النخب (الحاكمة و المعارضة) و (الحاملة السلاح و المسالمة) هي انها لم تفكر في (الانسان البسيط) الذي تجوسين (الديار) حاملة (همومه) يا (منال) هؤلاء اهدافهم (اتفه) من ذلك ، يريدون الحكم على اعقاب (جماجمنا و دمائنا) ، مخطئ من ظن يوماً ان (الحركة الشعبية) همها (انسان الجنوب) كما ان جبهة (الشرق) تنظر صوب (ازمات البجا) و معاناتهم ، أما الحركات (الدارفورية) فهؤلاء (افضل) ان اريح (كيبوردي) عن عناء (وصفهم) لربما كان معارضو (السدود) من (النوبة) اشرف مقاماً لأنهم لم يبحثوا بعد عن (سلطة و ثروة)

ه

المشاركة الأصلية كتبت بواسطة hatim ALi

أطالع هنا و هناك أهلي الطيبيين في شمال السودان يهمسون و أحياناٌ يجهرون : لا لا نريد إنفصال الجنوب.

ما أود قوله أن الأوطان (الموحدة) لا تبنى بالنوايا (الطيبة) و (الأماني) ، و ما أسهل (القول) و ما أصعب (الفعل) و قد أصبحت (الإنقاذ) كفارة (الذنوب) و حائط (المبكى) لأهل شمال (السودان) في شأن جنوب (السودان) يقولون إنها (الإنقاذ) و أقول (نعم) إنها (الإنقاذ) و لكن أين كنتم من قبل (الإنقاذ) ؟ لقد صبت (الأنقاذ) الزيت في (النار) المشتعلة القديمة ، و لقد لعبت (الحكومات السابقة) دوراٌ في (التمييز و التفرقة) بين (ابناء الوطن الواحد) و لكن ماهو (الدور الحقيقي) لشعب (شمال) السودان في جعل (الوحدة جاذبة) ؟ هل تخلوا عن عنصريتهم (المعهودة) ؟ هل لا زلنا ننظر اليهم ذات (النظرة الاستعلائية) السابقة ؟ هل نرضى (بتزوجيهم من بناتنا) و (نتزوج من بناتهم) ؟

ينبغي قبل (ان نستنكر) على الجنوبيين (استعجال) الانفصال ان ننظر الى انفسنا ماذا قدمنا من (اجل) الوحدة أكانت (طاردة أم جاذبة) ؟

انتهى

[hatim ALi]

المشاركة الأصلية كتبت بواسطة منال

ه
حاتم احلم كتييييييير بفركشة السودان المترامى الاطراف ... و كل حته تهرف جيهتها ... شن اللمه الفوق بنايتن قش؟

ه
احلامنا عكس ذلك يا (منال) و هل لنا ان (نحلم) بخراب (دورنا) و نعيق (بوم الشؤم) فوق رؤوسنا ؟!!!

انه طعم (الواقع) المر في حلوقنا

يا منال انتي (البتحلمي) بالمناسبة الاستفتاء فاضل ليهو (400) يوم و تقولي لي (الوحدة الجاذبة) !!

منال الحالة انتي لفيتي السودان لكن مشكلتك (عاينتي) بي عين (نحن و هم) يا منال لو كل واحد فينا أقتنع أنو (نحن) هم ذات (هم) مافي انسان حايفكر في انفصال من أساسو يا منال

ينفصل منو من منو و يتوحد منو في منو

وها أنت تنسبين أشياءك على اناس - يفترض- انهم (نحن) و تلك هي أشياءهم (ايضاً) :

المشاركة الأصلية كتبت بواسطة منال

ه
و قلتها بعد اول زياره لى (لجوبا) ... باقتراح نعمل ابدال النخلى الخرتوم (العاجباهم) دى و نرحل (نحن) للجنوب (يمين) (نعمرو) فى عقد من الزمان و (همن) يكون (لايصين) فى (الخرتوم) دى و بس ننتهى من (حته) الجنوب و(وجع الراس) ... و اكيد (ح ندفق) ليهم المويه من النيل الجارى ده و (نديهم) الكهرباء ... الا بى (طرطشتم) دى اخير (اليقعدو فى الترطيبه) دى ...

ه

[منال]

المشاركة الأصلية كتبت بواسطة hatim ALi

ه
احلامنا عكس ذلك يا (منال) و هل لنا ان (نحلم) بخراب (دورنا) و نعيق (بوم الشؤم) فوق رؤوسنا ؟!!!

انه طعم (الواقع) المر في حلوقنا

يا منال انتي (البتحلمي) بالمناسبة الاستفتاء فاضل ليهو (400) يوم و تقولي لي (الوحدة الجاذبة) !!

منال الحالة انتي لفيتي السودان لكن مشكلتك (عاينتي) بي عين (نحن و هم) يا منال لو كل واحد فينا أقتنع أنو (نحن) هم ذات (هم) مافي انسان حايفكر في انفصال من أساسو يا منال

ينفصل منو من منو و يتوحد منو في منو

وها أنت تنسبين أشياءك على اناس - يفترض- انهم (نحن) و تلك هي أشياءهم (ايضاً) :


ه

لكم احلامكم و لنا احلامنا
و الدنيا منى و احلام
ركز شويه يا حاتم قلت ليك الجنوبين ما بدخلو فيلم الانفصال ده .. و قلت فى بوست بكور ده كرت ضغط ليس الا ؟؟؟ و انتظر انت 400 يوم ده ههههه تخش سينما تانى؟

خلينى تانى يا حاتم اشوف بعيونى ديل

و نحن دى الشبكا فيها دى قصة معاى قصه ... و لصقت من عند شغلى و عملى الجماعى ... مع ناس البيت بقول ليهم نحن؟
و معاك بسأل
اها نحن منو؟
وماشين وين ؟
وقاعدين نسوى فى شنو؟

الاخيره اجابتها (دورنى بتاعت الامتحانات ديك عرفتا)
وبس خلاص
شعبان عبدالرحيم