خطرفة نايم - صحيت نعسان ولقيتك صاحية

[منال]

المشاركة الأصلية كتبت بواسطة عبدالله وداعه الامين

[align=center]حردتا النوم ,, البن ,,,السكر
طعم الكان بيناتنا بقريف
واتطّعمتك بتّا سمرة
ضد الجوعه الموت والشارع
ومن جواي فصلتك منك
فصّدتي الروح وطلعتي و قمرة
وانا نجمات الليل سارقني
سرقتا خطاي وبراي باريتك
يجيني حنينك طالع تمرة؟
وبلح العافية الفيني شربتو
تكلت هواي بي نخلك واقف
وبي الاشواق جواي حزّمتو
دخلت عليك با الفيني سكنتي
مرقتي علي بي الفيكي سكتي
وحسي الكان في يوم صومتو
جرى حفيان وعلي قام ينده
صوت الخوف جواي ناغمني
وانا كنت الفاكر اني فطمتو
وجاني هواك ودران ,, ودرني
حال الحال بغناك سكرني
وانا نومي معاك سهران حلّمتو
لقيتك صاحية.[/align]

عبدالله وداعه الامين
لندن - صباح الثلاثاء 29.09.2009

عبدالله ود وداعة
و نقرشة الطنبور


[media]http://www.youtube.com/v/ipv3BB9kV9E&hl=en&fs=1[/media]




[media]http://www.youtube.com/v/CZe_fMEdh8M&hl=en&fs=1[/media]