إلى كل من بارح صفحات سودانيات أو تكاسل

[عكــود]

اللنك ياهو ده يا ود عثمان:
لـنك الحفظ

ألف شكر على مجدوب أونسة،
وإن شاء الله يسألوا علينا الغابوا ديل يا ود عثمان يا خوي.

[Osman Hamad]

المشاركة الأصلية كتبت بواسطة عكــود

[align=justify]
وأنا بدخل في الكاتوقري بتاعة (أو تكاسل).
[/align]

أحمد الله إنك دخلت فى الكاتوقري بتاعة (أو تكاسل)، ومادخلت فى الكاتوقري بتاعة ( والقواعد من النساء اللاتي لا يرجون نكاحاً )، كان جرجيرك حِرِق ذى صاحبك بعد العملية فى النملية (طبعاً ما ح يعترف أبداً)

[لنا جعفر]

عكود ياغالي
يسعد مساك النور
أنا معجبة جدا بانتماءك ووفاءك وحدبك انت وفيصل لسودانيات ولايخالجني دوما ادنى شك
في ان غيابك انت تحديدا سببه بعض المشاغل لكن أدري مافي القلب جيداحتى وان طال بيك احيانا السفر.......وأثمن دوما ياعكود مبادرتك لانتقاد نفسك انت أولا قبل ان تحمل الآخرين اي انتقاد أو لوم ....جمعتني بك تجربة مجلس الادارة وأستطيع ان أقيّم جيدا معادن الناس....
أنت منحة غالية لسودانيات وربنا يديم ظلك ياسيدي
عن نفسي......أقول
غياباتي كانت لدوافع مختلفة وهن تلاتة غيبات حسوما.....أثنين كنّ قسريات قهريات والاخيرة كانت بدافع غضبة حرصت ان تزول آثارها حتى أعاود الصدور
سردت كل ذلك لاصل لرصد احساسي وانا فرد غائب في الركايب
صدقا احكيك ياعكود .......
احساسي كان يشكّل خليطا مريعا من الاغتراب واليتم والحوجة لمحيط يشكّل انسانك ويعيد توجيه بوصلته.....المدهش في كل تلك الخلطة انه كان يشوبها يقين العودة وانتصار الحنين وهذا طبعا مايسمى سودانيات سندروم ياخالد الحاج وعكود وفيصل
طبعا في البدء شكّلت علاقتي بخالد الحاج منفذا لعالم سودانيات لكن سريعا مااعتمدت على نفسي وخلقت لي عالم من التواصل والمحبة يافيصل سعد
التجربة قد يشوبها كثير من العاطفية المؤثرة لكنها سيرة جديرة بالرصد والاستقصاء والاحتفاء بطبيعة الحال......
طبعا ياعكود ولأكون في تمام صدقي فأنا بحكم تركيبتي النفسية تعتريني المزاجية في كثير من الاحيان.....فاستطيع عقلنتها حينا وتنتصر المزاجية حينا آخر....لكن المزاجية حالة عارضة جدا ....احتفي بها لكني أعرف انها الى رحيل..... لكن اعلاه كنت اتحدث عن انقطاعات.
هذا طبعا غير الظروف الموضوعية الصغيرة التي قد تجبرك على بعض الغياب...
في كل الاحوال عندما تنتمي فانه لافكاك في اعتقادي....
عارفين ياشباب حكاية الانتماء دي زاتها فكرة غريبة....
الانسان بطبعه كائن اجتماعي ....لذا تجده منتميا حتى ولو كان كولون ويلسون
ننتمي لفكرة او لحزب أو لعشيرة او لوطن او لانسان او لاله بمعنى الديانة أو لهم أو لقضية
او لمهنة او.... لسودانيات ....طبعا في حالتي أنا وفي العموم نستطيع ان نقول للاسافير

الانتماء أتى حسب علماء الاجتماع تبديدا للغربة الوجودية .....هو مهلك احيانا لكنه في كثير من سلوكياتنا مدعاة للنجاة....
أطلت كالعادة؟؟؟؟؟؟
حديث القلب هذا اردت ان اهديه للصحب الغايبين كلهم ...والى بعض الحردانين ان وجدوا والى الكسالى ايضا.....
تعالو فنحن بداءنا نشق طريقنا ونحتاجكم ....
مودتي التي تعرف ياعكود وسأتواجد معك ماأمكن أن سمحت لي

[عكــود]

يا سلااااام يا عثمان ياخي . .
ليك وحشة أيّها المطموس، وإنت واحد من المقصودين رغم دخولك في الكاتوقري بتاعتنا،
الله يجيب من الكاتوقري التانية كمان (أذرعنا مفتوحة).

ما تطوّل الغيبات ياخي، غياب فرد يكسّل آخرين.

على جنب:
بس ياخوي أظنّك بتقصد الآية دي:
(وَالْقَوَاعِدُ مِنَ النِّسَاءِ اللَّاتِي لا يَرْجُونَ نِكَاحاً فَلَيْسَ عَلَيْهِنَّ جُنَاحٌ أَنْ يَضَعْنَ ثِيَابَهُنَّ غَيْرَ مُتَبَرِّجَاتٍ بِزِينَةٍ وَأَنْ يَسْتَعْفِفْنَ خَيْرٌ لَهُنَّ وَاللَّهُ سَمِيعٌ عَلِيمٌ).
صدق الله العظيم.
عدّلها الله يرضى عليك.

[عكــود]

[align=justify]لنا يا لنا يا بت جعفر . .

سلام من هنا لاااا عندك.
كعادة مداخلتك . . أبداً ما بتجي نُص كُم. دايماً شافية، وافية، دسمة، تخالطها روح دعابة جميلة تنتزع الإبتسامة من بوزك وكاوية الموضوع في صرّتو.
صاح طوّلتي كالعادة، لكن لا ملّيناك لا ملّينا حديثك.
أكتفي هنا ببعض المقتطفات من مداخلتك -التي ضربت جرساً عالٍ عندي، يكفي مدرسة بأربعة أنهر- دون تعليق قد يبدو أخرق بإضافتي:

احساسي كان يشكّل خليطا مريعا من الاغتراب واليتم والحوجة لمحيط يشكّل انسانك ويعيد توجيه بوصلته.....المدهش في كل تلك الخلطة انه كان يشوبها يقين العودة وانتصار الحنين وهذا طبعا مايسمى سودانيات سندروم ياخالد الحاج وعكود وفيصل

التجربة قد يشوبها كثير من العاطفية المؤثرة لكنها سيرة جديرة بالرصد والاستقصاء والاحتفاء بطبيعة الحال......

الانسان بطبعه كائن اجتماعي ....لذا تجده منتميا حتى ولو كان كولون ويلسون
ننتمي لفكرة او لحزب أو لعشيرة او لوطن او لانسان او لاله بمعنى الديانة أو لهم أو لقضية
او لمهنة او.... لسودانيات ....طبعا في حالتي أنا وفي العموم نستطيع ان نقول للاسافير

حديث القلب هذا اردت ان اهديه للصحب الغايبين كلهم ...والى بعض الحردانين ان وجدوا والى الكسالى ايضا.....

تعالو فنحن بداءنا نشق طريقنا ونحتاجكم ..

تعالو فنحن بداءنا نشق طريقنا ونحتاجكم ..

تعالو فنحن بداءنا نشق طريقنا ونحتاجكم ..

تشكري يا لنا على حُسن الظن في أخيك وأنا الـ كُلّي عيوب.
ثمّ، كوني هنا دائماً حتى لو -جنّيت- ولم أسمح.

كل المودّة.[/align]

[الفاتح]

عمدتنا وحبيبنا
شوق الشوق للشوف آخي
آخر مره إتداخلت معاك كان في " صالة المغادرة" مع إنها كان على عجل ،
بعد داك على عجل دي إتتلحتني ، زحمة شغل ، وزحمة مرض ، وزحمة وفيات خلت الواحد يكون مداخلاتو مغتضبة ، ويكتفي ببوستات الترحيب. لكن بالرغم من كده الواحد ما بيقد بوصلة إنتماؤو للمكان ده وبالعلائق الإجتماعية البتنشأ منو وبتلقاهو يا يتاوق يا يرد سرًاً -على قول كيشو-
ياخ مشتاق ليكم ، ويلعن خاشكم ، وخاش الجيش الشعبي كمان

[عكــود]

[align=justify]سلووووووم يا شليل (على قولة أم عَـشّي)،

ياخي الشوق ليك أرادب، وكتير ما بتذكّرك.
مداخلتك مهمّة، رغم الزحمة (البركة فيكم في الوفيّات)،
وإن جينا للحق، كلّنا مقصّرين، أنا ساعة أكون متكاسل بقرأ كل كلمة تُكتب في المنتدى، ودي متعة بالمناسبة، وبيجيك إحساس إنّك ما غايب من سودانيات لغاية ما تنسى إنّك ليك زي عشرميّة أسبوع كده ما بتكتب، ودي خطورتها. بعدها تجي (تتدبّى) وتتداخل في بوستات الترحيب والواجبات الإجتماعية. بعد داك ممكن تواصل عادي، ومرّات ترجع لسكونك المُخجل.

دحين ياخوي حقّو ننفض غبار خيبة الغياب ونتكسي بندى التواصل.
وبرضو ننادي الغائبين والغائبات.

ياخ مشتاق ليكم ، ويلعن خاشكم ، وخاش الجيش الشعبي كمان

وجيش الرب برضو

وزحمة مرض

سلامتك ياخوي! [/align]

[أبو خليفه]

العزيز عكود
أسعد الله أوقاتك

تعرف الناس دي كلها ما فيها زول بارح سودانيات ..
والدليل بتلقي المتواجدين مثلا تلاتين اتنين أعضاء و28 زوار ..
اها ياعكود الـ 28 ديل ممكن يكون فيهم 26 أعضاء مسجلين في سودانيات ..
شفت الحسبه دي كيف !!!

ودليل تاني :
الواحد تلقاه شهر ما دخل سودانيات أول ما يجي إسمو تلقاه جاء ناطي ليك من وين ماتعرف ..

أها الكسل ده ببقي وين في الكتابه بس ...

لكن مش ممكن الزول الدخل ده يسجل اسمو وبعدين يقرا العايز يقراه ويرد على العايز يرد عليه ..
بكده بتلقي الناس دي كلها متواجده .. وحكاية الرد دي مرات بتكون مزاجيه ..

وانت ذاتك نحن مشتاقين ليك ..


لك الود ..
وودعتك لي أمين الوداعه .. يغطيك وينجيك .. وما يشمت الناس فيك ..
ويكفيك شر أولاد الحرام وبنات الحرام .. قول آمين

[أبو خليفه]

إحصائيات المنتدى
المتواجدون الآن: 26 (الأعضاء 8 والزوار 18)
أكبر تواجد بالمنتدى كان: 313 بتاريخ 29-06-2007 الساعة 05:27 PM
‏أبو خليفه, ‏أسامة الكاشف, ‏لنا جعفر, ‏عابد عقيد, ‏عثمان, ‏walid taha, ‏فتحي مسعد حنفي, ‏كيشو




ده في اللحظه دي تحديداً ..

فتك بالعافيه ياعكود ..

[كيشو]

المشاركة الأصلية كتبت بواسطة أبو خليفه

إحصائيات المنتدى
المتواجدون الآن: 26 (الأعضاء 8 والزوار 18)
أكبر تواجد بالمنتدى كان: 313 بتاريخ 29-06-2007 الساعة 05:27 PM
‏أبو خليفه, ‏أسامة الكاشف, ‏لنا جعفر, ‏عابد عقيد, ‏عثمان, ‏walid taha, ‏فتحي مسعد حنفي, ‏كيشو




ده في اللحظه دي تحديداً ..

فتك بالعافيه ياعكود ..

[align=justify]أبو خليفة (أبا خليفة بالعربي)
الزوار ديل ممكن يكونوا أعضاء ولكنهم داخلين منقبين وكدا، يعني عشان تفرق بين الزائر والعضو فتش المحل الداخل مِنّو (اسأل عفاريت الكمبيوتر بوروك)[/align]

[رأفت ميلاد]

المشاركة الأصلية كتبت بواسطة لنا جعفر

أنا معجبة جدا بانتماءك ووفاءك وحدبك انت وفيصل لسودانيات

والتانى ده زاتوا باين دخل فى حالة "من تكاسل" .. لنا جعفر طلعت من حالة "من تكاسل" الى حالة "يحلنا منها الله" .. أريته بحالة عكود

والله بند "من تكاسل" ده بننضرب بيه كلنا .. مرات بتقط تب .. لا قراية لا كتابة .. لا تشوف خلقة الكمبيوتر ..

والبارح أكيد ليه أسبابه ..

بالمناسبة المنتدى الإجتماعى خلوه فى محله .. الله معاه ..

غايتو أنا مغادر بدون رجعة .. بدون الأيقونة الشريرة ما بتنعدل الحالة .. جيبوها ينظر ويفات ..

[عكــود]

[align=justify]عزيزنا أبو خليفة،
مسّاك الله بالخير والسرور . .

تعرف الناس دي كلها ما فيها زول بارح سودانيات ..

من ناحية في ناس بارحوا . . في!
بس عشمنا ما بينقطع من رجوع القماري.

أدلّتك وإحصائيتك ديل صحيح بينطبقوا على بعض الحالات (منّهم أنا ذاااتي مرّة مرّة)، وديل برضو مقصودين بالنداء، المتاوقة ما كفاية سواء أن عملت ساين إن وللاّ ما عملت. المهم المشاركة والتفاعل وزيادة الحيويّة، وأنا ما عايز الناس ينطبق عليهم (عجز القادرين على التمام) زي ما ضرب مثل أخونا الأستاذ المبدع النور يوسف في بوست آخر، له التحيّة.
وبالمناسبة دي، بوست النور من البوستات البتابعها كلمة كلمة، لكنّي مقصّر. كان الأجدى لو تداخلت، حتى لو بكلمة.
دحين ياخوي راس السوط واصلني و واصلك . .
فلنركز!

قِبِلنا وداعة الله وخلّيتك في أمانو.[/align]

[عكــود]

الزوار ديل ممكن يكونوا أعضاء ولكنهم داخلين منقبين وكدا

عزيزنا القريب كيشو،
سلام الله عليك . .

ياخوي إنت حكاية النقاب القاجّة اليومين ديل شنو؟
دايرين الناس يجونا داخلين توش بلا نقاب ولا حجاب . .
إن شاء الله يجوا مِتِل عثمان حمد!

التحايا ليك ولي قريبي الحِداك.

[عكــود]

والتانى ده زاتوا باين دخل فى حالة "من تكاسل" .. لنا جعفر طلعت من حالة "من تكاسل" الى حالة "يحلنا منها الله" .. أريته بحالة عكود

[align=justify]والله يا رأفت فيصل سعد أنا ذاتي فاقدو شديد وبشد ليهو سلك.
بس ياخي لنا دي مالك عليها . .
زييينة وعاجبانا.

غايتو أنا مغادر بدون رجعة .. بدون الأيقونة الشريرة ما بتنعدل الحالة .. جيبوها ينظر ويفات ..

والله عاد إن فتّ بلا رجعة، الأيقونة الشريرة بحتاجها أنا ده!

والبارح أكيد ليه أسبابه ..

نعم، يا رأفت، بس بنقول ليهم ضرورة التواصل تطغى على الأسباب مهما كانت.

تسلم يا رأفت.[/align]

[كيشو]

[align=justify]غايتو كان غادرت بعد ظهورك اللافت الشهرين الفاتن ديل حتبقى ذي المغترب المِخَلِّي مَرَتو في البلد يرجع كل سنتين تلاتة كدا ويملا الدنيا بالحياة جوه وبره وبعد داك يِتْنَنَفَّض ويزغبر [/align]