إلى كل من بارح صفحات سودانيات أو تكاسل

[رأفت ميلاد]

المشاركة الأصلية كتبت بواسطة كيشو

[align=justify]الحكاية بالعمر ناس يلمحو وناس يصرحو
نحنا اللماحين
شنو البجيبنا ليكم يا عمو[/align]

المصيبة أنا قاصد الصغار
أقعد خرمج لى فى بوست الحكومة دة .. عشان لاقى هشام طه دخل فى بند "من تكاسل" ..

[عكــود]

رأفت . .
كيشو،

بالطريقة دي أنا ذاتي بساعد في إنحراف البوست،
دحين إتضايروااااااا.

[ناصر يوسف]

[align=justify]أحييييييييييييييييييييييييييييييييييييَ أنا

من وجع القلب


يا عكود

يا سليل الأكرمين والكرام وأهل الكرم الأجاود

وعموم أهلي المتداخلين هني كيفنكم

جايييييكم برواااااااااااااااااقه


كدي خلونا النبل ريقي ده بالأول

وأبقي إنعدل في قعدتي دي وأجمع إحساسي بيكم وبي البوست ده بالذات

جاييكم صاد إن الله مَدّ في العُمُر[/align]

[صلاح الدين هجو النحاس]

المشاركة الأصلية كتبت بواسطة عكــود

رأفت . .
كيشو،

بالطريقة دي أنا ذاتي بساعد في إنحراف البوست،
دحين إتضايروااااااا.

سلااااامات يا عكود
اهو نحن معاك اوعاك من الزوغه
انحنا شيمنا بنركز فى المضره
كان عند وكان جهاله
بس يا عم الكتابه عايزه ليها مهاره وطولت بال
يمكن يدوك كلمه تطفشك من الدنيا( وصقطا)
سلامى لناصر والخواجه ولكل الشله
وناس البوست القدامى ابو امانى والصعايده مدورنها صور
لك التحيه

[أبو أماني]

المشاركة الأصلية كتبت بواسطة عكــود

[align=justify]فكرة البوست تراودني منذ زمن، وبالرجوع إلى البوستات القديمة أرى فداحة التقصير (ممّن؟ لا أدري).
لم تكن كتابتنا في سودانيات مجرّد مفاتيح كي بورد نضربها و نغلق الجهاز بعدها، فقط.
ربّما يكون الأمر كذلك وأنت حديث عهدٍ بالمنتدى. لكن أن تكتب ويتفاعل معك الآخر، ويكتب الآخر وتتفاعل أنت معه، ويستمر الأمر كذلك، ثمّ يتطوّر إلى مودّة وسبل إتّصال أخرى ولقاء البعض، يصبح الأمر أكبر من أن يكون معرفةً إسفيريّة. يصبح الأمر صداقات نشأت، لها إستحقاقات واجبة النفاذ.
إلتقيت البعض من أصدقاء سودانيّات، لم أخذل والله في أحد قط، بل شكّل لي إضافة معرفيّة أفخر بها وسأظل، وأتمنّى أن لا أكون قد خذلت البعض!

الآن، وسودانيات تزداد نُضجاً بعد نُضج، محاولة سد كل الثغرات الإداريّة أو التنظيميّة السابقة، فنحن نحتاج من بدأوا معنا درب الكتابة والتواصل، فما كانت سودانيات سوى "عالم من التواصل والمحبّة" وستكون كذلك إن شاء الله.
لا أقول أن لا نختلف في آرائنا، فما خُلقت المنتديات لنتّفق، بل أقول:
تعالوا وتعالِن لنتواصل بالمحبّة والإحترام.
تعالوا وتعالِن لنسند راية المحبّة ونوكؤها بالتواصل.

سأواصل في النداء عشمي أن يقرأني من عنيتهم من أحباب غابوا عنّا.[/align]

حقيقي يا الحبيب .. سرقت لساني وقلمي بهذا البوستر الرائع الذي يدعو للمحبة والتألف والإخاء بعيدا عن ما يدور في بعض المنتديات ويجعلها مجرد تزجية وقت لناس زهاجى ومطية يمتطيها الشخص كلما عن له .. ثم يرميها كنواة تمر.. دون أن يلتفت اليها ..
مررت طوال السنوات الماضية بعدة منتديات وكان لي حضورا ملحوظا بأسماء متغايرة .. ولكن اشهد الله لم أرتع ..وأرتو .. وأشبع إلا في هذا المنتدي الذي يضم كوكبة منيرة ومستنيرة من أفذاذ وعلماء وأدباء لا يشق لهم غبار .. سعدت بمعرفتهم المشرفة والتقرب من شخوصهم الرائعة المؤنقة .. وسألت الله أن يجمعني بهم في دنيا الواقع المعاش الليلة قبال بكرة .. غير أنه حز في نفسي غياب لا أحسبه متعمدا إلا في حالات نادرة جدا لشخصيات لها بريق ورونق ربما كان هو سر سعي الكثيرون منا للحصول على شرف الإنتساب لسودانيات .. للعميد أبو سارة ولكل مجلس إدارة هذا المنتدى الأشاوس .. ومنتسبيه تحية إجلال وتقدير .. وتحية خاصة ومناشدة صادقة من القلب لكل من أعجزته ظروف الحياة ومشاغلها بالإبتعاد وعدم المواصلة في عالم قام على التواصل .. لكم حبي وأكرر تقديري الشخصي لك عكود .. وأردد بإلحاح على كل :-
الوحدوا بينا .. وفارقونا وراحو ..
أن يخافوا الله في ناس تموت فيهم عشقا .. عودوا لنا يرحمني ويرحمكم الله .. هم كثر ولن أذكر إسما بعينه حتى لا أغفل بحسن نية آخر .. لكم جميعا نناشد العودة السريعة .. وصافية لبن.

[عكــود]

جايييييكم برواااااااااااااااااقه


كدي خلونا النبل ريقي ده بالأول

وأبقي إنعدل في قعدتي دي وأجمع إحساسي بيكم وبي البوست ده بالذات

جاييكم صاد إن الله مَدّ في العُمُر

[align=justify]مسّاك الله بالخير يا ناصر يا حبّوب . .

إنت بالذات التعويل عليك أكبر، ودورك مش تجينا راجع وبس . .
دورك يا الحبيب توصّل نداءنا ده للمعنيين (وهم كثُر في السودان)، والوسيلة ما بتغلبك وأنت شخصيّة حباها الله بالقبول.

نحن صادقين في نداءنا وعشمانين في التواصل . .
وهم الأحباب.

مودّتي الإنت عارفها ديك يا ناصر يا أبا رحيق.[/align]

[عكــود]

المشاركة الأصلية كتبت بواسطة صلاح الدين هجو النحاس

سلااااامات يا عكود
اهو نحن معاك اوعاك من الزوغه
انحنا شيمنا بنركز فى المضره
كان عند وكان جهاله
بس يا عم الكتابه عايزه ليها مهاره وطولت بال
يمكن يدوك كلمه تطفشك من الدنيا( وصقطا)
سلامى لناصر والخواجه ولكل الشله
وناس البوست القدامى ابو امانى والصعايده مدورنها صور
لك التحيه [/color][/font]

سلام يا صلاح الدين،
سعيد جدّاً بمداخلتك هنا، ربنا يدّيك العافية.

يا حبيب، لا الناس الهنا ديل بيدّوني كلمة تطفشني . .
ولا أنا بطفش لو أدّونا ليها.
بيننا المودّة البتكسح كل الألغام.

على جنب:
تحياتي للأسايطة و عشم فيهم بأن يحوموا كل الحِلّة.

تسلم من كل بلاء يا صلاح.

[عكــود]

المشاركة الأصلية كتبت بواسطة أبو أماني

حقيقي يا الحبيب .. سرقت لساني وقلمي بهذا البوستر الرائع الذي يدعو للمحبة والتألف والإخاء بعيدا عن ما يدور في بعض المنتديات ويجعلها مجرد تزجية وقت لناس زهاجى ومطية يمتطيها الشخص كلما عن له .. ثم يرميها كنواة تمر.. دون أن يلتفت اليها ..
مررت طوال السنوات الماضية بعدة منتديات وكان لي حضورا ملحوظا بأسماء متغايرة .. ولكن اشهد الله لم أرتع ..وأرتو .. وأشبع إلا في هذا المنتدي الذي يضم كوكبة منيرة ومستنيرة من أفذاذ وعلماء وأدباء لا يشق لهم غبار .. سعدت بمعرفتهم المشرفة والتقرب من شخوصهم الرائعة المؤنقة .. وسألت الله أن يجمعني بهم في دنيا الواقع المعاش الليلة قبال بكرة .. غير أنه حز في نفسي غياب لا أحسبه متعمدا إلا في حالات نادرة جدا لشخصيات لها بريق ورونق ربما كان هو سر سعي الكثيرون منا للحصول على شرف الإنتساب لسودانيات .. للعميد أبو سارة ولكل مجلس إدارة هذا المنتدى الأشاوس .. ومنتسبيه تحية إجلال وتقدير .. وتحية خاصة ومناشدة صادقة من القلب لكل من أعجزته ظروف الحياة ومشاغلها بالإبتعاد وعدم المواصلة في عالم قام على التواصل .. لكم حبي وأكرر تقديري الشخصي لك عكود .. وأردد بإلحاح على كل :-
الوحدوا بينا .. وفارقونا وراحو ..
أن يخافوا الله في ناس تموت فيهم عشقا .. عودوا لنا يرحمني ويرحمكم الله .. هم كثر ولن أذكر إسما بعينه حتى لا أغفل بحسن نية آخر .. لكم جميعا نناشد العودة السريعة .. وصافية لبن.

أبوماني السمِح . .
الشوق أكوام أكوام والحظ العاثر ما قسملنا لقاء.

أنا ما حأزيد ولا كلمة فوق حروفك الصادقات البيقطروا مودّة ولطافة.

بس بحيلك لردّي على ناصر وبقول لك إنت برضو . .
شــــــــــــــــــــــــرحو.

تسلم يا أبا أماني الزين.

[كيشو]

المشاركة الأصلية كتبت بواسطة عكــود

رأفت . .
كيشو،

بالطريقة دي أنا ذاتي بساعد في إنحراف البوست،
دحين إتضايروااااااا.

[align=justify]عكود الحبيب
ما رديت عشان انشغلت مش عشان اتضايرت[/align]

[رأفت ميلاد]

المشاركة الأصلية كتبت بواسطة كيشو

[align=justify]عكود الحبيب
ما رديت عشان انشغلت مش عشان اتضايرت[/align]

أنا غايتو إتضايرت ..

[عكــود]

سلام الله عليك يا كيشو وصبّحك الله بخيرو،

إن جيت للجد، مضايرتك ما بدورا . .
ولا مضايرة رأفت.

فقط . .
عوّلت على روح الدعابة فيكم.

البوست ما زال في بداياته،
وما زلت أنتظر!
إيدكم معاي.

[كيشو]

المشاركة الأصلية كتبت بواسطة رأفت ميلاد

أنا غايتو إتضايرت ..

[align=justify]مالك؟
خايف من الانحراف؟
الله يكتّر السيوف [/align]

[عكــود]

المشاركة الأصلية كتبت بواسطة رأفت ميلاد

أنا غايتو إتضايرت ..

سلام يا رأفت،
بكتب في مداخلتي لكيشو . .
إنت نطّيت بي جاي،

وأنا وين لقيتكم لامِن آباكم؟

[كيشو]

[align=justify]عكود
المشاركتين (حقتي وحقتك) كانن في لحظة واحدة، ذكّرنِّي كلام كمساري البوكس الما حأقولو هنا[/align]

[ناصر يوسف]

المشاركة الأصلية كتبت بواسطة عكــود

[align=justify]مسّاك الله بالخير يا ناصر يا حبّوب . .

إنت بالذات التعويل عليك أكبر، ودورك مش تجينا راجع وبس . .
دورك يا الحبيب توصّل نداءنا ده للمعنيين (وهم كثُر في السودان)، والوسيلة ما بتغلبك وأنت شخصيّة حباها الله بالقبول.

نحن صادقين في نداءنا وعشمانين في التواصل . .
وهم الأحباب.

مودّتي الإنت عارفها ديك يا ناصر يا أبا رحيق.[/align]

[align=justify]عمدة حلتنا سودانيات

عكود


يا أخي تسلم

يا طيب المعشر ويااااااااا دمث الأخلاق {أظنو أول مرة تنكتب في زول وهو حي .. مش كده }


صدقني لو قلت ليك بإني ببصم بالعشرة في كل كلمة كتبتها إنت وكتبها كل الأهل الأحباب هنا عبر البوست المجتمعي ده

وسبق بإني ناديت وناديت وعبر بوستات تانية بتنادي بنفس الغرض

وكنت وماااااااا زلت أتحدث مع الغائبين عننا أو نقولها بالوااااضح كده حتي المُتوقفين عن بيتهم سودانيات ولكن


ما عاوز ألكنها يا عكود

لكن بعض الناس وصلت إلي حد الطلاق الباااااااااااائن

وقالوا بإنهم ما حيدخلوا عبر سودانيات مرة أخري

لكنهم قد دخلوا قلوب أهلهم في سودانيات وأهلهم في سودانيات قد دخلوا في قلوبهم هموا أيضاً

وبرضو ماني سايبهم وراهم وراهم ...


بالأمس القريب كنت بناوش أختي وأختكم الحبيبه الحاجه /


إشراق ضرار


وهي قد ذكرت لي ما تمر به من مشغوليات تزحم عليها جُل وقتها وأنا أعلم ذلك


وزي ما استأذنتها ، برضو بستأذنك وبستأذنكم كلكم بإني حأبدأ في النداء بشكل أُحادي عبر منتدي الحوار


حأبدأ بإنزال بوستات منفصله لكل غائب وغائبة عن بيتنا الكبير سودانيات


وحأبدأ بالسيدة الفُضلي الحاجه/


إشراق ضرار

ويلا مع بعضنا سوا سوا نقدر نعيد من تكاسلوا أو من تباعدوا من سودانيات



وزماااااااااانك كده يا عكود


أنا أنزلتّ بوست وقلت فيه


بإني داير أعرس والعروس كانت سودانيات


سودانيات المحبة والتواصل والإلفة والأهل و ...


كُل شئ


أحبكم جت عليكم


وكامل إحترامي لكم جميعاً ولك أيها الكامل أباذر العكودابي [/align]