عُجَن صندل

[هيفاء عبدالستار]

[align=center]اجيك حفيانة
لافحة النيل
هدم دافي

اجيك معجونة في الحنة
ملانة رويحتي بالعافي
ممسحة بي عُجَن صندل
محجّلة بي دهب صافي
واجيك حفيانة لافحة النيل
هدم دافي

انمق قولي في شوفك
وأبدع ليك في القافي
اعاين ليك قدح مليان
غنا وتحنان
اتَبِّن فيهو مغرافي
اجيك حفيانة لافحة النيل
هدم دافي[/align]

[منال]

المشاركة الأصلية كتبت بواسطة هيفاء عبدالستار

[align=center]اجيك حفيانة
لافحة النيل
هدم دافي

اجيك معجونة في الحنة
ملانة رويحتي بالعافي
ممسحة بي عُجَن صندل
محجّلة بي دهب صافي
واجيك حفيانة لافحة النيل
هدم دافي

انمق قولي في شوفك
وبدع ليك في القافي
اعين ليك قدح مليان
غنا وتحنان
اتَبِّن فيهو مغرافي
اجيك حفيانة لافحة النيل
هدم دافي[/align]

هيفاء يا حبيبه
مساك بنفسج
مساء البوح الجميل

اعين ليك قدح مليان
غنا وتحنان
اتَبِّن فيهو مغرافي
اجيك حفيانة لافحة النيل
هدم دافي

بدفء حروفك المليانه حب ومودة
فرحانه بيك كل النجوم

اول الغيث
موعدون بكل الجمال
[img]
http://www.s3udy.net/pic/welcome001_files/6.gif[/img]

[النور يوسف محمد]

بسم الله الرحمن الرحيم
دكتورة سلامات
وسلام معطر على هذه اللوحة الدافئة .. والحروف المتآلفة
والحديث المنساب كما النسمة
عجباً
أبيات لا تجبرك على التوقف بين الفواصل
وتمنحك الدهشة والتأمل وتمام ( الكيف ) أينما وقفت
لله درك
.........
دكتورة
دعوة لزيارة راكوبة المجادعات والدوبيت
أظن أن مكانك فيها شاغر

[قمر دورين]

[align=center]ونجيك نحنا يا دكتورة مرحبّين بك مرّة أخرى....
وبحروف مجرتقة ورويانة من نيل بلدي......

كلّ الود يا هيفاء [/align]

[AMAL]

عطرتي المكان يابنية

















مرحب بي عبقك

[طارق صديق كانديك]

بدعت في القافية تماماً .. !!

نص يقراك هو ولا تقرأه .. !!

يخم نفسك معاهو ... !!!

تقدير لائق .. !!

[خالد الحاج]

نظم جميل رويان حنية..
العامية هنا تكاد تأخذها بالأحضان من جمالها ..
مثل هذا الشعر يبين كم هي جميلة عاميتنا ...

[مي هاشم]

الأديبة اللبيبة

بساطة ورقة وجمال

ومن هنا أدعوك لراكوبة المجادعة..

يديك العافية ومودتي خالصة

[ناصر يوسف]

المشاركة الأصلية كتبت بواسطة هيفاء عبدالستار

[align=center]اجيك حفيانة
لافحة النيل
هدم دافي

اجيك معجونة في الحنة
ملانة رويحتي بالعافي
ممسحة بي عُجَن صندل
محجّلة بي دهب صافي
واجيك حفيانة لافحة النيل
هدم دافي

انمق قولي في شوفك
وأبدع ليك في القافي
اعاين ليك قدح مليان
غنا وتحنان
اتَبِّن فيهو مغرافي
اجيك حفيانة لافحة النيل
هدم دافي[/align]

[align=right]د. هيفاء

تحايا واحترام


أها إنشاء الله بعد ده كلللللللو لقيتيهو في


واااااااقف مُنتظر ؟؟


وبرضو تقولي لي ما بعرف شنو داك ??


لقييييييييتك



غاااايتو


مبااااااااالغه [/align]

[Osman Hamad]

سلام د. هيفاء

حضرت، قرأت وإستمتعت

يسلم قلمك ودى على وزن يخضر ضُراعِك

[أبو أماني]

يشرفني أن هذه النشمية الحمراء المتوهجة التي ينافس جمالها وجمال نظمها .. جمال روحها الخفيفة وظلها الأخف .. يسرني إنها تنتسب لقبيلتنا أي (الجعافرة) وهم قوم شبوا علي نظم القريض وقرضوه قرض الشعب السوداني (الفضل)! للطعمية وسلطة الفول بالدكوة والبوش.. ويكفي أن قلت فيها شعرا ذات يوم .. في مساجلة شعرية وعائلية جمعتني وأستاذي وعمي .. الشاعر الجعفري الفذ سيف الدين الدسوقي حفظه الله ..

نحن الجعافرة ..
نحن الحقيقة المرة سافرة ..
نحن العيننا بالدمعة كافرة ..
ونحن المرحب من جوفنا طافرة
ونحن قبيلة بخيرها .. وافرة ..
وفوق خيلها .. دافره ..
* * *
نحن أعمام الوليد وخيلان البنية
نحن النارنا (موقدة ) حييه ...
أسياد (نجيضة) ما بنسوي نية
نحن الضهر الساند الولية ..
ونحن السدر الحاضن البلية
ونحن الكتف الشايل .. الأذية
* * *
نحن الجعافرة ..
أسياد الأصول ..
نحن البنسو والناس .. تقول
نحن الأماتنا (تامات عقول)!..
وأبواتنا ليهم في التاريخ فصول
نحن الحسب ونحن النسب
ونحن الدهب الما مزغول ..
نحن الأصل .. الخاتي القول
ونحن سلالة ملة شريفة ..
أصولها واصلة بيت الرسول!
* * *
صلى الله عليك وسلم .. يا .. جدي يا .. رسول الله .. وسامحونا ،،،،
ونحن ا

[أبو أماني]

المشاركة الأصلية كتبت بواسطة خالد الحاج

نظم جميل رويان حنية..
العامية هنا تكاد تأخذها بالأحضان من جمالها ..
مثل هذا الشعر يبين كم هي جميلة عاميتنا ...

ويبين كم هي جميلة ناظمته .. فوالله يا خلودي .. جمالها يشع بهاء لدرجة تواضع جمالي الذي يسحر الألباب! (يعني فوق التصوور) ودليلي على ذلك إنها وعن طريق الصدفة أكتشفت أنها قريبتي فهي جعفرية من سلالة قوم يقرضون الشعر كقرض شعب السودان الفضل .. للدكوة والبوش .. هنيئا لسودانيات بهذه القامة الفارهة .. هيا أيتها النشمية الحمراء!.. بيضي صفحات سودانيات وصحائفنا ياجوهرة النيل الأبيض .. وسنرحب بك كل مرة ولسنوات فطلتك البهية .. كطلة كل صبح جديد ملئ بالتفاؤل والأمال !.. إحتراماتي ..

[احمد زين]

المشاركة الأصلية كتبت بواسطة أبو أماني

ويبين كم هي جميلة ناظمته .. فوالله يا خلودي .. جمالها يشع بهاء لدرجة تواضع جمالي الذي يسحر الألباب! (يعني فوق التصوور) ودليلي على ذلك إنها وعن طريق الصدفة أكتشفت أنها قريبتي فهي جعفرية من سلالة قوم يقرضون الشعر كقرض شعب السودان الفضل .. للدكوة والبوش .. هنيئا لسودانيات بهذه القامة الفارهة .. هيا أيتها النشمية الحمراء!.. بيضي صفحات سودانيات وصحائفنا ياجوهرة النيل الأبيض .. وسنرحب بك كل مرة ولسنوات فطلتك البهية .. كطلة كل صبح جديد ملئ بالتفاؤل والأمال !.. إحتراماتي ..

ديش ابو الكدااااااااااااااااااااااااس
الراجل رائحة ليهو عرسة علي الليمان
ده اسع يا ابو اماني ما غزل عديييييييييييييييييل
البت دي بكرة تدخلها القهوة وتعلن خطوبتك ليها
وبعدين تروح في حق الله زيها زي اخواتها
لكن وييييييييييييين في دي بالذات انا حا اقيف ليك الف احمر
وكان راجل طالعني

[سارة]

هيفاء يا جميلة

منورة الدنيا بى حالها


عجنتينا ولخبتى كيانها زاتو الله يديك الف عافية

[معتصم الطاهر]

هذا صندل يفوح جمالا ..

و أسمحي لنا بالمجادعة معاك هنا ..