راكوبة المجادعات.. النمة والدوباي

[سجمان]

المشاركة الأصلية كتبت بواسطة أحمد محمد زين حسين

ان قدلت تميل وان جات تقوم هزازة
وان جاتك تميس وان قبلت فزازة
ممشوقة القوام يا دوب طعن بزازا
بين رِدفو وصديرو النوم بقالي خزازا

ههههههههههههههه
دي قوية يا دكتور..

إن قامت عديلة والساق غليدة حرازة
في اللهج الرطب زايد عليهو لذاذة
من جوزو الرصاص المافي منو مفازة
حد من صادفن من حينو شالو جنازة

[طارق صديق كانديك]

المشاركة الأصلية كتبت بواسطة elle

الزول القبيل جهر العيون بي نورو
معدوم المثيل الراقي ديمة شعورو
بفتعل الصدف شان أمشي ليهو ازور
لو شفتوهو زي بدر التمام في دورو

،،،،،،

قمبر وانفتل ألمي العلي في طورو
زحزح للصبر رافل هناك في خدورو
يرمي النظرة برقاً حدثنو شرورو
وللنضمي اترسم بسمو انعدم نتيرو

[فيصل سعد]

المشاركة الأصلية كتبت بواسطة الجيلى أحمد

فيصل سعد قالو الوليد سراهو

شاحد ربنا الكريم سواهو
يولدو فى الجنا لامن يغبى فى أسماهن

سلام يا بتاع الهنهنة
و شوق عارم ..

الحال العلي حال العدو المسكين
وحال الكتفوهو وسالين علي السكين
وحال الفي البحر يحايشنو تمساحين
وحال الفي السجن ما قدرولو سنين

اه يا ريت السعادة أن بقت ايدية
كنت اهش هني في الدنيا بالذندية
علي حكمو ناس بالسيئة وطلبو الدية
أموت بالعطش والموية بين ايديا

و مدد يا
ابو اليشا مدد

[align=center][flash1=http://rafatmilad.com/ramia.mp3]WIDTH=400 HEIGHT=50[/flash1][/align]

[سجمان]

المشاركة الأصلية كتبت بواسطة طارق صديق كانديك

نور بسيمو الطاعم اذاني واتاوقلي

يتوهج ضرب قلبي ودخل في عقلي

بشتن حالي تب .. ياربي اتجاوبلي

شوفتو مراقبا زي فجراً اتبالجلي

كل ما اقول أتوب أطيافو تتوارالي
البشبه بهم هبج البطانة غزالي
من فاطرو البسم برقاً صعيد كاوالي
نوسر جرحو غوّر في جوفي انتجالي

[طارق صديق كانديك]

المشاركة الأصلية كتبت بواسطة سجمان

اسبوعين تمام والهم موسدو إيدي
خاويت العدم في الدنيا ناجع صيدي
الشاغل الفؤاد زولي القسمتلو ريدي
رضيان ان بقيت لشفاهو شالو وريدي

.

ألطف يا كريم زيل البلا يا سيدي
زحزح مني اوجاعي وكمل عيدي
الزول الهناك باسطني ماسك قيدي
تديهو الشفا حمداً وازيد ترديدي

[سجمان]

المشاركة الأصلية كتبت بواسطة طارق صديق كانديك

قمبر وانفتل ألمي العلي في طورو
زحزح للصبر رافل هناك في خدورو
يرمي النظرة برقاً حدثنو شرورو
وللنضمي اترسم بسمو انعدم نتيرو

ميّل وانفدع والتلة شدهت خلقو
برّيب القويز كضب البنيشو يفلقو
الصبر العلي بي نفورو ديمة يدلقو
يالمانع وصالك راجيك سراحي أطلقو

[فيصل سعد]

المشاركة الأصلية كتبت بواسطة طارق صديق كانديك

ألطف يا كريم زيل البلا يا سيدي
زحزح مني اوجاعي وكمل عيدي
الزول الهناك باسطني ماسك قيدي
تديهو الشفا حمداً وازيد ترديدي

[align=center]سائلين الكريم
يكفيك شر العين
و يخفف عليك
و يطفيها نار البين
و يسعدكم كتير
هاشم طه و انت
اسامة و عادل
و فخري الزين[/align]

[فيصل سعد]

المشاركة الأصلية كتبت بواسطة طارق صديق كانديك

ألطف يا كريم زيل البلا يا سيدي
زحزح مني اوجاعي وكمل عيدي
الزول الهناك باسطني ماسك قيدي
تديهو الشفا حمداً وازيد ترديدي

[align=center]سائلين الكريم
يكفيك شر العين
و يخفف عليك
و يطفيها نار البين
و يسعدكم كتير
هاشم طه و انت
اسامة و عادل
و فخري الزين[/align]

[طارق صديق كانديك]

المشاركة الأصلية كتبت بواسطة سجمان

كل ما اقول أتوب أطيافو تتوارالي
البشبه بهم هبج البطانة غزالي
من فاطرو البسم برقاً صعيد كاوالي
نوسر جرحو غوّر في جوفي انتجالي

التوبة ان بقت هينة نسامو يتفاوحلي
أرجع جاري ساي أطيافو تتعارضلي
قايم منفدع هبارو لاح بارقلي
أبراهو الأتر ان كان وصل كادوقلي

[طارق صديق كانديك]

المشاركة الأصلية كتبت بواسطة فيصل سعد

[align=center]سائلين الكريم
يكفيك شر العين
و يخفف عليك
و يطفيها نار البين
و يسعدكم كتير
هاشم طه و انت
اسامة و عادل
و فخري الزين[/align]

صباحك زين يا عمك ..

اللهم آآآآآمين وجمعاً ..

اليومين دي مكنة الهمباتة أبت تفك من راسنا ...

الله يكضب الشينة بس يا صاحب ...

تحياتي

[سجمان]

.


مليحةً من زمن راجي الكريم يقسمها
أم سدراً نَبَل ساعة المشي بعسمها
رب الجمال متل التقول خسمها
حين تقدل تقول رق الضمير يقسمها





.

[سجمان]

المشاركة الأصلية كتبت بواسطة طارق صديق كانديك

التوبة ان بقت هينة نسامو يتفاوحلي
أرجع جاري ساي أطيافو تتعارضلي
قايم منفدع هبارو لاح بارقلي
أبراهو الأتر ان كان وصل كادوقلي

كل ما نقول نتوب بي طيفو يتراوحلي
وكل ما أقول مرض بي ريدي يتناصحلي
دركان من غرامو لو مرة بس لاوحلي
يلفاني العزول بي صدو يتشوبحلي

[طارق صديق كانديك]

المشاركة الأصلية كتبت بواسطة سجمان

ميّل وانفدع والتلة شدهت خلقو
برّيب القويز كضب البنيشو يفلقو
الصبر العلي بي نفورو ديمة يدلقو
يالمانع وصالك راجيك سراحي أطلقو

شرّق بي هناك خلى الخلوق بي غربو
قدلتو كان صفت تهدي المخالف دربو
تقدح جوفي شوق تملاهو تمنع شربو
من يومو التقول ظبياً ضهب من سربو

[هاشم]

ما شاء الله تبارك الله
يا ربي تحفظ وتغطي
دخلت والحمد لله
من الغلاف للغلاف
ماكم هينين تب
الله يدي العافية

[سجمان]

المشاركة الأصلية كتبت بواسطة أحمد محمد زين حسين

الجبنة يتجيك انت الصبر بس شيلو
اشرب وانبسط والبن اُكُرْفُو عليلو
معووج المزاج نحن البنعدل ميلو
والداير الطرب بِنْجِيْهُو آخر ليلو

الجبنة بتجيك إنت الصبر بس لوكو
ان ما راق المزاج بالقهوة عندنا دوكو
معووج المزاج هنا بنعدل مربوكو
والداير الطرب للنقطة يرمي صكوكو