عقد الياسمين

[جيجي]

اصدقاء عانقوا روحي بجمال كلمهم وشفيف مشاعرهم
فارتأيت ان اسكنهم جيدي ورود من ياسمين كي يظل العناق
وكي يظل عبيرهم ينسرب الى دواخلي دوما واظل يسكنني الجمال
اسعدني الزمان بلقاء اثنين منهم وتمنيت ان التقي الاخرين
كان بيننا دوما حلو الحديث ونقاءه
تبادلنا سجال الشعروالنثر وكان الحب دوماهو المضياف بيننا
احببت ان انقل اليكم بعض عبيرهم هنا على صفحاتكم التي احببت
باقات من الجمال المقفى وبعض الرياحين
ساتي باسماء من يوجد بين جنباتنا هنا وسارمز لمن لم يسعده الحظ بالتواجد
ستكون مداخلتي باللون الازرق الذي ارمز به لللحب دون كل الاخرين
كونوا معي قاريين و ومتداخلين

[مي هاشم]

تحية طيبة جيجي
من يحمل الأصدقاء عقداً من ياسمين بهذا الحب فهو دون شك..وفيّ..
والوفاء صفة تندر في هذا الزمان..فلك أختي تقديراً لقلبك الوفي المحب..



متابعة..

[جيجي]

المشاركة الأصلية كتبت بواسطة مي هاشم

تحية طيبة جيجي
من يحمل الأصدقاء عقداً من ياسمين بهذا الحب فهو دون شك..وفيّ..
والوفاء صفة تندر في هذا الزمان..فلك أختي تقديراً لقلبك الوفي المحب..



متابعة..

شكرا لك جميلة الجميلات
شكرا لك احرفك العطرة ولك الوداد

[جيجي]

دعونا نبدأ بكبيرهم الذي علمنا الشعر
المحترم جدا
الجميل جدا سجمان في هذا التمازج الحلو
-----------------

المشاركة الأصلية كتبت بواسطة جيجي
-------
اتخيل انك ذي قليبي
هل حتصبح يوم حجر
-----
اتخيل انك نور عيوني
هل حتحرمني لبصر
-----
واتخيل انك ذي رويحتي
هل بتتحمل مفارقة الجسد

سجمان:
إنت بس خليني أبقى
والزمن براو بحدد
إنو نورك هو البوافي
الكون ضياو..
والعيون الفيها نورك
يهدي مرة..
ومرات يهدد
والرويحة الفيهو إيضاً
مرة تخذل ..
ومرة تسند..
إنت بس خليك إنت..
وسيب خيالك أوعى يبعد..
بكرة تعرف كوني إنك..
ما مجزأ..
ولسة برضك بالسؤال
عنك دوام طوالي بفقد

[جيجي]

المشاركة الأصلية كتبت بواسطة سجمان
إنت بس خليني أبقى
والزمن براو بحدد
إنو نورك هو البوافي
الكون ضياو..
والعيون الفيها نورك
يهدي مرة..
ومرات يهدد
والرويحة الفيهو إيضاً
مرة تخذل ..
ومرة تسند..
إنت بس خليك إنت..
وسيب خيالك أوعى يبعد..
بكرة تعرف كوني إنك..
ما مجزأ..
ولسة برضك بالسؤال
عنك دوام طوالي بفقد..

جيجي
اصله نور العين بوارق
لسفنا الما بتهدى
والرويحة الزي شراع
مرة تقلب لشجونك
ومرة ترضى
كيف خيالك يبقى راسي
ويبقى كونك ذي مراسي
شطه مليان بالمحنى
وابقى اسال
ولينا افقد
وابقى اسند لي محنى

--------------------

[جيجي]

المشاركة الأصلية كتبت بواسطة جيجي
اصله نور العين بوارق
لسفنا الما بتهدى
والرويحة الزي شراع
مرة تقلب لشجونك
ومرة ترضى
كيف خيالك يبقى راسي
ويبقى كونك ذي مراسي
شطه مليان بالمحنى
وابقى اسال
ولينا افقد
وابقى اسند لي محنى

سجمان
يلا عبي الشوق وسارع
كومو..
أصلو غلطان البصادف ضيهن
والبفوت.. بنلومو..
والهموم في الكون بقت
في زول كلامي منومو..
غلطانة كشفت للهبوب..
منديلا كشحت حبتين ذرة هوى
وحبة طيوب..
من خيوط نور العيون..
قعدت ساهر بنضمو..
المحنة كيف أعقر رويحتي..
وكلام كتييييييييير ما بننضمو..
والخيال السآلة منو..
من يوم عناد حرف السجم..
وشيتاً كتر..
من يوما داكا مبومو..

[جيجي]

سجمان
يلا عبي الشوق وسارع
كومو..
أصلو غلطان البصادف ضيهن
والبفوت.. بنلومو..
والهموم في الكون بقت
في زول كلامي منومو..
غلطانة كشفت للهبوب..
منديلا كشحت حبتين ذرة هوى
وحبة طيوب..
من خيوط نور العيون..
قعدت ساهر بنضمو..
المحنة كيف أعقر رويحتي..
وكلام كتييييييييير ما بننضمو..
والخيال السآلة منو..
من يوم عناد حرف السجم..
وشيتاً كتر..
من يوما داكا مبومو..

جيجي.....
خليه في السر الكلام
من ضيء عيونك بفهمه
واملاه كنزك بالدرر
وشوق عقيق
ولؤلؤوزمرد
وخرزة زرقة
ولفه بمنديل حرير
وبي حواسك عطره
ما اظنه محتاج للنضم
ببقاله حارس بحرسه

-----------

[جيجي]

جيجي
خليه في السر الكلام
من ضيء عيونك بفهمه
واملاه كنزك بالدرر
وشوق عقيق
ولؤلؤوزمرد
وخرزة زرقة
ولفه بمنديل حرير
وبي حواسك عطره
ما اظنه محتاج للنضم
ببقاله حارس بحرسه

سجمان....
خليها رشرشة الحروف..
الموية ريحتا تمرقا..
رشي بيها اشواقي تش..
خليها تمرق لي همومي وتشرقا..
أرمين بس ودعات حنان..
أصلو القمر لابس رحوط
وشمسو باقي مخنقة..
الريحة فاحت في المسام..
كمين حرف..
وحواسي لسة محنطقة..
حرسانا ما بكبل صهيل..
ولا جدوى للمنديل..
إلا أزفر لي حواسك واشهقا..

---------------

[جيجي]

سجمان....
خليها رشرشة الحروف..
الموية ريحتا تمرقا..
رشي بيها اشواقي تش..
خليها تمرق لي همومي وتشرقا..
أرمين بس ودعات حنان..
أصلو القمر لابس رحوط
وشمسو باقي مخنقة..
الريحة فاحت في المسام..
كمين حرف..
وحواسي لسة محنطقة..
حرسانا ما بكبل صهيل..
ولا جدوى للمنديل..
إلا أزفر لي حواسك واشهقا..

جيجي
خلينا في سيرة الودع
بعرف كمان ارمي الودع
كش كش كرو
خليك قريب بي جنبهم
اصلهن بتوشوشن
شان يهمسن
ويقولن الفال السمح
شفت الوديعة الفي الغرب
جايبالك المطر البرش
شوق القلب
والفي الشرق
سايقاه بحر الريد سيول
قاصداه بس جهةالقلب
والجنب عينيك
مليانه حن
شايلاه ليك
باقاه ذي عين الشمس
--
ااقيف هنا
سيب الجري
جر الحمد
وخت البياض
قبال تمش

--------------

[جيجي]

جيجي...........
خلينا في سيرة الودع
بعرف كمان ارمي الودع
كش كش كرو
خليك قريب بي جنبهم
اصلهن بتوشوشن
شان يهمسن
ويقولن الفال السمح
شفت الوديعة الفي الغرب
جايبالك المطر البرش
شوق القلب
والفي الشرق
سايقاه بحر الريد سيول
قاصداه بس جهةالقلب
والجنب عينيك
مليانه حن
شايلاه ليك
باقاه ذي عين الشمس
--
ااقيف هنا
سيب الجري
جر الحمد
وخت البياض
قبال تمش

سجمان.....
جريتو قاف..
حارنات خطاي
حالفات يمين من "قَلّة"
ما معروفة وين..
رسلت بدلي الشوق هنوك..
رسلتو تاوق جاي وجاي..
خت البياض..
والقهوة كانت ناقصة ناي..
والشلة فاقاقا بيجيب..
بالقرقراب لحظات جواي..
ما بتنّقد بي طير فراق..
ولا حتى تشبه لي صباي..
بياضي جاك أقري الودع..
قبال تودعي أرمي قولك..
أقري حظي ..
وريني كيفن أفوات بلاي..
أصلي رامي عليك شروقي..
وديمة راجع لي سواي..

--------------

[جيجي]

سجمان.......
جريتو قاف..
حارنات خطاي
حالفات يمين من "قَلّة"
ما معروفة وين..
رسلت بدلي الشوق هنوك..
رسلتو تاوق جاي وجاي..
خت البياض..
والقهوة كانت ناقصة ناي..
والشلة فاقاقا بيجيب..
بالقرقراب لحظات جواي..
ما بتنّقد بي طير فراق..
ولا حتى تشبه لي صباي..
بياضي جاك أقري الودع..
قبال تودعي أرمي قولك..
أقري حظي ..
وريني كيفن أفوات بلاي..
أصلي رامي عليك شروقي..
وديمة راجع لي سواي

جيجي
حارنات خطاك
حالفات يمين
رسلته شوقك من بعيد
متخفي زي جاسوس كمان
ما خايف الشوق يتكشف
ويدخل كمان زنزانة في عمق الزمان
ويفضل حبيس
مرهون خطاك
وتصبح رهين المحبسين
لاشوق لا حظ
لاتفوت بلاك
لاتلم وديعاتنا الحنان
لايعم شروق
ولاحتى ترجع لى سواك

--------------

[جيجي]

جيجي
حارنات خطاك
حالفات يمين
رسلته شوقك من بعيد
متخفي زي جاسوس كمان
ما خايف الشوق يتكشف
ويدخل كمان زنزانة في عمق الزمان
ويفضل حبيس
مرهون خطاك
وتصبح رهين المحبسين
لاشوق لا حظ
لاتفوت بلاك
لاتلم وديعاتنا الحنان
لايعم شروق
ولاحتى ترجع لى سواك

سجمان......

المطرة جاسوس السحاب..
والنار فضيحتا في الرماد..
خطايا مارست التسكع..
ساساقا منك وجاي ليك..
والباب موارب لزاهو شوقي
لا اتحمحمت لا دقيتو باب..
وما ندهت دخلت توش..
والجلسة كانت عامرة بي
ودعاتك إنتي وحظي فيهن..
كيفن بفوتن وعاد أقبل لليباب..
شرقانة عيني وانبهر جلدي
شعرتو (كلّبت)
كيفن بفوتن أو أشيلن..
أو أجيد في وصفي قولن
والجيد محزز خيزران
وفيهو منضوم الودع
بس خلاس ..
الشروق الكايسو بان..

-----------

[جيجي]

سجمان......
المطرة جاسوس السحاب..
والنار فضيحتا في الرماد..
خطايا مارست التسكع..
ساساقا منك وجاي ليك..
والباب موارب لزاهو شوقي
لا اتحمحمت لا دقيتو باب..
وما ندهت دخلت توش..
والجلسة كانت عامرة بي
ودعاتك إنتي وحظي فيهن..
كيفن بفوتن وعاد أقبل لليباب..
شرقانة عيني وانبهر جلدي
شعرتو (كلّبت)
كيفن بفوتن أو أشيلن..
أو أجيد في وصفي قولن
والجيد محزز خيزران
وفيهو منضوم الودع
بس خلاس ..
الشروق الكايسو بان..

جيجي
شاماه الدعاش
الفي الشروق
مليان حنين
شايلاه الشجون
لافاه شوق
ذي توب حرير
فى جيد بنيتا
خيزران
شاماه الدعاش
الراح مسرسب في النفيس
مسروق ذي الفرح البتاوق للعمر
شاقيه للقلب الدريب
شا ن يسعده ويملاه ريد

-------------

[جيجي]

سجمان
مليان مطوطرني السكات..
والإنتشاء سد خانات الغياب..
وكتين يفارقني الشروق..
وأنْكَشّ زي صفق النبات..
جيت أسابق شوق يدافر...
والزحمة ما تديك درب..
وترترب بالرؤية بليت العروق..
عاينت في كل الجهات..
وشفتهم من طرف عين
يعاينو لي...
سويت شنو..
غير إني واجهت الشروق..
والشرقة كانت ضمنهم..
تسبل في العوينات..
قاعدة كانت.. لاحظتها..
ياتو غيرك في البنات..
شقاهو درب الريد وبرضو
لسة ما شيهو بثبات..

جيجي
تسبل في العوينات
لزول حليوووووووو
خايفاله من برق العيون
ماتصيب قليبه سهام حنان
وينزف الريد الغزير
وبيه تتسد المسام
قاعدة كانت في رجاك
ضامة فوق الشرقة ريدها
كايسة لي طله نسيمة
جاية شايله معاها غيمة
ريحة من انفاس شذاك

------------

[جيجي]

سجمان
براحة جيتني ومتلفح
زي التقول..
ماكل من السدرة الهناك..
طعمك مبهرج من لعاب
وردة وإبر نحلاتا
ما كمل الرحيق..
من غباي شابيت
وكاتلني الشهيق..
داير البمد الليد
يؤيد فكرة إنتشال
صوتي الموطن في الحليق..
الفكرة أصلو الزول بكون..
فتران وبالتعب العلي..
كوراكو جاب الفي الطريق
براحة جيتي مسارقا..
تتنفسي..
معاكي بتنفس أنا
وبي صوت عميق..
خليك هنا..
جاييك شروقي الأولاني..
بي ضياهو غطى الأمكنة..
إبقي إنت تعالي ليهو
جيبي ودعاتك معاك..
وأقري لي كل الحلول الممكنة..

جيجي

شوف يا جميل
مافيش حلول
وصوتك موطن في الحليق
غير انونتنفس سوى
نفسا عميق
شيل الشهيق
املاه من ضيء الشروق
بس اوعى من الشهقة
ماتولع النار في القليب
او حتى سيب طعم العسل يصل الحليق
يمكن يشيل تعب السنين
ويرتاح معاك كل الفريق

-----------