اقتباس:
المشاركة الأصلية كتبت بواسطة بدر الدين اسحاق احمد
اقرأ الراتــب يا زول ..
|
السلام يابا
بنبدو بي نفحات سيدي الإمام عليهو السلام،
الراتب (او كما تنطق عند أسياد الوجعة والبيعة الحقة "الرآطب") قرايتهو يابا تخلي الناس القلوبها مليانآ إيمان، تترجف؛ ما بيتذكرو أنه هو العظيم والأعظم هو الواحد وهو القادر قولتن للناس التقيانا بتذكرو أنه في الأقوى والمتعنظز يتفكر في أنه ما دايم إلا هو.
ويابا بتكون قريت ودريت، عرفتا وإتعلمتا بالشرارة الأوقدت نار الجهاد ، ما ضد ولاد البلد، لكن ضد المستعمر الغاشم وكيييييييييف البدع إنشرت (سبحان الله لمن أشوف ولي الأمر، يعرض ويتمايل مع دقات التريم تريم وبي طرب وبآعلى صوت ينده للمسيح وهلالويا، هلالويا، هلالويا ومن وراهو قوم فرعون يجملوا الكفر في شان خاطر السياسة والكرسي الما دايم إلا لسيد العرش العظيم)
دحن يا الحبيب (وقولت الحبيب دي ما بنقولها إلا وإحنا صادقين، ماها صكوكا تنصرف ولاها شيكا بندفع ولاها وظيفة موعودة. هي بتجي كدي طافرآ من فرطة المحبة الفي القلب لي كل زولا من بلدي، شمالهو وجنوبهو، شرقه وغربه، وكله بي دينهو لين يوم الوقف الأعظم).
إن إتا شايف البلد فيها عدل، بتبقى ماك حاس بالناس الإتظلمتا وعمك واحد من ملايين، تبقى يابا عايش لي وحدك وما جايب خبر خلق مطحونين وأهلي في دارفور إتأزمو وإن إتا يابا من (حسب الفهم البقى في البلد) المحظوظين بأنك قريب واحدا منهم أو سر واحدا فيهم أو بي سبب إنتماء لي مجموعتهم،، تبقى يابا ظلمتا نفسك، لأنك بآآآآآكر بتنقلب "ماهي لو دامت لغيرك، لما آلت اليك" وبتبقى في حالتن بيعاني منها الملايين.
مظلوم ومغبون..
يابا أني زولن واحد من ولالاد بلدي، ما بكره ولا بعرف أحقض،
ولمن قلتا ماني شعوعي ما قصدي تبخيث لي آي من أهلي حباني ولاد بلدي، إخياني المحروقين ومظلومين متلي متلهم..
يابا ما المشكلة أنه العداء للظالم يوحد جبهات المظلومين..
دحن إن أصلنا حاسبنها ولا إن بقت علينا بسبب الظلم يانا معاهم في خندق وااااااااااااحد..
بسب ربنا يكفينا شر المتنطعين، السارقين بإسم الدين القتلة ومتلفحين تحت عباءة الدين، الذي هو برئ من سؤهم..
بآآآآآآكر يابا لابد من ثورة وإن طآل الإنتظار.
وخليك معانا وأركب في سفين ولاد بلدك وفكها المركبة الغرقانة ديكي،،
بالله عليك قول ليا..
من ويييييييييين ليهم العز (هو والله ما عز، دآ البارد ويغلي) الهما فيهو دآ،
ورثة؟؟
جهد وعمل؟؟
سرقة؟؟؟؟؟؟
يابا والله إتازمنا، عيالنا في بلاد غربة وإحنا مغبونين..
تعرف عمك كان عزيز في بلدهو، موظف في حكومة بلدي، لمن جم المصايب ديل، شردونا وحقيقي لمن أشوف ناس مدير شرطتهم (ربنا ياخد لي كل مظلوم، حقهو منهو) بقرف وبس وبلعن وبقول عوووووووووووووووووع
ويا زول بطرش عديييييييييييل كدي..
دآ واحد من مرض كتيرين، ربنا يسلط عليهم أنفسهم..
آآآآآآآآآآآمين
