حنينى إليك ياقلبى المودر

[أشتر]

المشاركة الأصلية كتبت بواسطة فتحي مسعد حنفي

ليه مافي lubricates؟؟؟؟؟؟؟؟؟؟؟؟؟

حقو تاني بعد 8 بتوقيت غرينيتش ما تدخل النت

[سمراء]

المشاركة الأصلية كتبت بواسطة أشتر

اجيب ليك ام بي من ثري لى سكستي سكس لو عاوزة ...
عندنا كم سمراء ...
طلباتك أوامر ...
راضي وسعيد من وين أضيع !!!!
المهم نسعدكم ...

غايتو لو ما النملة القرصتنى قبل شوية دى ،
كنت قايلة روحى بحضر فى اميتاب باتشان وانيتا ، وانا طالعه فووووووووووق والشلال تحتى
واميتاب داير يمد يدو لى وقع جمبلغ فى الموية ...وصحيت
ياااااااااارفرووووف ياخ اجدعك وين انا اسع
واشكر بياتو وش (وش خجلان ولايوووق)

بس سوعال النبى السكستى سكس ده شكلو كيف
معليش يعنى عندنا وجع حضارة وكده

[الرشيد اسماعيل محمود]

سمراء سلامات ..
محمد ميرغني فنان ملتزم بفنو بدون شك..
صوتو فيهو كمية من الشجن..
واداء مسرحي معبر للحد البعيد..
بنفعل بالغناء كأنو بتحسس كل كلمة قبل ماتمرق من الحنجرة..
غايتو انا بيعجبني شديد في اغنيات محددة..
ما قلنا ليك..دي اغنية تصلح كفيلم عاطفي ..
بس ياخي لو دفرتينا بروابط للاغنيات بكون اجمل..
وبالذات اغنية شوف كم زمن..واغنية لو تغيب..
لو تغيب دي قريبة لنفسي بشكل غريب مع اني ماحافظا...!!!
الحاجة البتعجبني ما بحفظا كلو كلو..عشان مايموت جمالا بفعل الروتين
ولواكة اللسان..
بحس انو مفروض تكون بعيدة عن متناول دندناتي الخاصة..
غايتو..
عليك الله ياسمرا ادفرينا برابط لغنية لوتغيب.

[أشتر]

وتبقى سيرتك هي الكلام
[flash=http://www.youtube.com/v/LtPFKQQVivE&rel=1]WIDTH=400 HEIGHT=350[/flash]

[الرشيد اسماعيل محمود]

المشاركة الأصلية كتبت بواسطة أشتر

وتبقى سيرتك هي الكلام

غايتو الله يجازي الكان سبب

[معتصم الحارث الضوّي]

الفضلى سمراء
بوست يقلب المواجع، ويفتّح الجروح القديمة، فلك التقدير والشكر المقيم.
سؤال برئ: الكلام السمح حنسمعه متين؟!

مودتي

[نبراس السيد الدمرداش]

عاطفه وحنان يا ناس
و انسان رقيق و ناس

سمراء يا رقيقه و وناسه
مشتاقين شديد
كنت عاوز اجيك قبيل
العبره كانت خانقاني
وقلت مافي زول بفشني الا انتي
وفعلا جيت اتفشيت هنا بالرغم من انو بوست طافي لمبة
ربنا يسعدك و يفتحا عليك و يفرحك محل ما تقبلي

[فيصل سعد]

المشاركة الأصلية كتبت بواسطة سمراء

[align=center]

و البداية مع احب الاغنيات الى نفسى ...

حنينـــــــــي إليـــــــــــك

[/align]

[align=center]السلام و التحايا الطيبة لسمراء
و لكل رواد هذا البوست
الانيق، و تقبلوا مساهمتنا
معكم في هذا المشوار المفعم
طربا و شجونا و حنينا و التياع ..

* عذرا محمد ابو عاقلة، عدلنا التشغيل الاتوماتيكي
لفلاش يوتيوب اغنيتك حتى لا تتضارب الاصوات ..[/align]

[align=center][flash=http://www.youtube.com/v/j2VBSrrRfJs&rel=1]WIDTH=400 HEIGHT=350[/flash][/align]

[سمراء]

المشاركة الأصلية كتبت بواسطة محمد مصطفي

سمراء ...

رائعة انتي بكل ما تحملين من احاسيس جميلة وراقية
تتذوقين طعم جمال الغني ... وروعة الكلمات
وتنثريها لنا جمالاً .. كاني اشاركك الاحاسيس نفسها
والتهم معك من هذا الدسم ... طرباً وشجون

ودي الذي تعلمين

ود مصطفى ،
روعة تلك الانفس التى تتخذ من الجمال مقصدا ،
وتتحسس مواطنه اينما كان
شكرا لهذا الاحساس
والكلمات ، فالروعة ياصديقى تنبع منكم واليكم

[أشتر]

المشاركة الأصلية كتبت بواسطة الرشيد اسماعيل محمود

غايتو الله يجازي الكان سبب

شفتا يا الرشيد ... اربعة كلمات لكن كتيرة خلاس ...
في ناس بتستسهل الشعر الغنائي ... وبفتكروه عبارة عن شعر (ضلفتين) وكلمة ورد غطاها ... وساعدونا بالساهلة ...
مطلوب من الكاتب يحشد كمية رؤى بأقل عدد من الكلمات ... ودي مسألة ما ساهلة ...
إلا يكون زي (جيت وما لقيتك ولمن رجعت اشتقت ليك وما عارف شنو)
لما واحدة تقول لي (تبقى سيرتك هي الكلام) تاني بنكون دايرين من الدنيا شنو تفتكر ؟؟؟
طبعا ما أي واحدة والسلام
واحدة واحدة ...
والله يا ريت تلقى واحدة تبقى سيرتك هي الكلام ...
ونوعنا دا لو لاقاك في شوارع الدنيا دي ما تشتغل بيهو

[hamza]

سمحة سمحة الصيدة

ما جارتنا وبت حارتنا وبنريدها ....




دي الاغنية الوحيدة التي لم احبها لمحمد ميرغني ..
لانها اغنية تدعو للجلوس في النواصي والاركان كأغنية جارة يا احلي جارة لعبد العزيز المبارك...

صباح الخير سمراء

[سمراء]

المشاركة الأصلية كتبت بواسطة الرشيد اسماعيل محمود

وبالذات اغنية شوف كم زمن..واغنية لو تغيب..
لو تغيب دي قريبة لنفسي بشكل غريب مع اني ماحافظا...!!!
الحاجة البتعجبني ما بحفظا كلو كلو..عشان مايموت جمالا بفعل الروتين
ولواكة اللسان..
بحس انو مفروض تكون بعيدة عن متناول دندناتي الخاصة..
غايتو..
عليك الله ياسمرا ادفرينا برابط لغنية لوتغيب.

رشيدكو المليان كلام
كلامك فى محلو ، انو الفنان محمد مرغنى من الفنانين البقدرو فنهم وبلتزمو بالتجويد جداً
مقارنة ببقية الفنانين ،
وذى ماذكرته انو بجسد ليك كل الكلمات حد الانفعال ،وبتحس بكل حرف طالع منو
بالجد بستمتع بيهو جدا
وانا مثلك لا احب ان اجتر تلك الاغنيات التى احب
فهى بالنسبة لى حالة علاجيه تصرف عند اللزوم ، وتؤثر عند زوال المؤثر
امتعتنى كلماتك يا انيق
وطبعا مشكلتى مع الروابط انو النت عندى بطى اليومين دى
بس عشمنا فى اصحاب الخبرات هنا

[جانيت]

سمرا ياروعة بوست جميل وغير قابل للفتل

بس النقول ليك الرشيد ونبراس ديل لاحظي ليهم

الناس بعد ماتخلص الموضوع الاساسي وخلاص قلبو كلام خفيف

يجيك الواحد ناطي وشابك اصابعينو ويقول ليه كلام جد


يلخبطو ليك محثوثة الواحد بعد ما يضحك ويقرقر يلقى روحو شبك حواجبو

تاني ماتعملو كده

[أشتر]

المشاركة الأصلية كتبت بواسطة فيصل سعد

[align=center]
* عذرا محمد ابو عاقلة، عدلنا التشغيل الاتوماتيكي
لفلاش يوتيوب اغنيتك حتى لا تتضارب الاصوات ..[/align]

إتا موش كنت مزرقن قبل يومين كدا ؟؟؟؟
طيب كان تخلي واحد على الأقل شغال عشان الحيوية وكدا والأجواء الرومانسية وما إلى ذلك من طقس يحبس الأنفاس ...
بدل الصمت العايشنو بره دا ...
تدخل تلقى المزازيك شغالة ...
ونلقى اسمك هو الغنا

[سمراء]

المشاركة الأصلية كتبت بواسطة أشتر

وتبقى سيرتك هي الكلام

بالله شوف الكلام ده كيف!!
شوف الحشد المترف من المعانى المختزلة فى كلمتين !!
ياسلااااااام يعنى اختصار لى نقة كتيرة جدا وسبيل عيون وكبكبة فى كلمتين!!
ياخ انعل ابو ماكدة زاتو
اشترنا والمن دونو اتبشتنا
تسلم لى اتا ده بس