حنينى إليك ياقلبى المودر

[سمراء]

المشاركة الأصلية كتبت بواسطة الرشيد اسماعيل محمود

غايتو الله يجازي الكان سبب

يجزيه خير ياخ ...ويجزيك انت الف الف الف خير
هو منو الكان السبب !!
ولى شنو ؟

[سمراء]

المشاركة الأصلية كتبت بواسطة معتصم الحارث الضوّي

الفضلى سمراء
بوست يقلب المواجع، ويفتّح الجروح القديمة، فلك التقدير والشكر المقيم.
سؤال برئ: الكلام السمح حنسمعه متين؟!
مودتي

الزول الجميل ود الحارث
الفنان محمد مرغنى فنان الشجن ، والجروح التى لاتندمل بفعل الزمن
كن هنا وستستمتع باذن الله بالعين والصوت ،

بالجمبة: اخبار الحبال شنو
والله كل ما اتزكره اضحك

[سمراء]

المشاركة الأصلية كتبت بواسطة نبراس السيد الدمرداش

سمراء يا رقيقه و وناسه
مشتاقين شديد
كنت عاوز اجيك قبيل
العبره كانت خانقاني
وقلت مافي زول بفشني الا انتي
وفعلا جيت اتفشيت هنا بالرغم من انو بوست طافي لمبة
ربنا يسعدك و يفتحا عليك و يفرحك محل ما تقبلي

امييييييييين حبيبة القسا ،
مالك ياقلبى انا ؟ الحاصل عليك شنو؟ ياريتك لوجيتى
كنا ختينا همنا مع بعض ورميناهو البحر
ياحبيبة مافى شى مستاهلة
انا وصلة لى قناعه ، انو الدنيا دى حقيقه مابتستاهل الزول يحمله اكتر من حملها
انسى ياحبيبة
وحاولى ابقى زيك وزى الاخرين !
واكتلى قلبك بترتاحى

[سمراء]

المشاركة الأصلية كتبت بواسطة فيصل سعد

[align=center][color=#6600CCالسلام و التحايا الطيبة لسمراء
و لكل رواد هذا البوست
الانيق، و تقبلوا مساهمتنا
معكم في هذا المشوار المفعم
طربا و شجونا و حنينا و التياع ..
[/color][/align]

مشكور فيصل سعد على المشاركة الانيقة
والتى بالتاكيد ستكون داعمة لمسيرة البوست
مع الامنيات للجميع بجميل الاستمتاع بهذا النغم الشجى
والايقاعات التى تطرب الحس ..
اكرر امتنانى لك ...

[سمراء]

المشاركة الأصلية كتبت بواسطة hamza

سمحة سمحة الصيدة
ما جارتنا وبت حارتنا وبنريدها ....دي الاغنية الوحيدة التي لم احبها لمحمد ميرغني ..
لانها اغنية تدعو للجلوس في النواصي والاركان كأغنية جارة يا احلي جارة لعبد العزيز المبارك...
صباح الخير سمراء

كيف الكلام ده ياحمزة !!
ياخ بالعكس دى من الاغنيات الممعنة فى الحميمية ،
اغنية كلماته بسيطة وحتى ايقاعها خفيف ، وفى فترة كنت بتلقى حتى الاطفال برددوها لانها قريبة منهم ، واغنية احلى جاره لعبد العزيز المبارك ، بنفس القدر
صباح النور ياحمزوز

[سمراء]

المشاركة الأصلية كتبت بواسطة جانيت

سمرا ياروعة بوست جميل وغير قابل للفتل
بس النقول ليك الرشيد ونبراس ديل لاحظي ليهم
الناس بعد ماتخلص الموضوع الاساسي وخلاص قلبو كلام خفيف
يجيك الواحد ناطي وشابك اصابعينو ويقول ليه كلام جد
يلخبطو ليك محثوثة الواحد بعد ما يضحك ويقرقر يلقى روحو شبك حواجبو
تاني ماتعملو كده

جنو ياجميلة ،
صباحاتك ندى الاشراق والفرح يارب
ويازولة الاتنين ديل اصحابى وحبايبى وانا حااااسة بيهم
ناس حساسين جدا
والانسانيه الجواهم طافحه اليويمن ديل وعامله ليهم تخثر فى ذرات الهيدروجين البرتونى
ودى حالة ناااادرة مابتحصل ليهم الا كل كم فترة كدة !
اسع بستعدلو لكن
عادى ماتشيلى همهم ..
ناس قلوبهم صافية

[فيصل سعد]

[align=center]مين فكرك يا حبيب
و مين الهداك الي

الاستاذ / محمد ميرغني
و فريق اغاني اغاني ..


و كونوا بالف خير ..

[flash=http://www.youtube.com/v/m55uRrvWIQE&color1=0xb1b1b1&rel=1]WIDTH=400 HEIGHT=350[/flash][/align]

[hamza]

المشاركة الأصلية كتبت بواسطة سمراء

كيف الكلام ده ياحمزة !!
ياخ بالعكس دى من الاغنيات الممعنة فى الحميمية ،
اغنية كلماته بسيطة وحتى ايقاعها خفيف ، وفى فترة كنت بتلقى حتى الاطفال برددوها لانها قريبة منهم ، واغنية احلى جاره لعبد العزيز المبارك ، بنفس القدر
صباح النور ياحمزوز

يا سمراء ..

الاغنية دي بالذات ما بتشبه محمد ميرغني والله عارفة ليه ؟؟

ياخي الاغاني دي هي نقطة التحول في هبوط كلمات الاغاني السودانية

لانو زمان في زمن الحقيبة كان الناس بتغني حاول يخفي نفسو وهل يخفي القمر في سماه

وحتي بت الجيران كانت تخشي ابن المنطقة وابن الجيران ...

وكان ابن الجيران يعتبرها واحدة من اخواته ....

فكيف تغيرت الاحوال وصار ابن الجيران يغني لبت الجيران

سمحة سمحة الصيدة ... ما جارتنا وبت حارتنا وبنريدها ....

او يغني لها ...

جارة يا احلي جارة ...

[زاد الشجون]

بوست جميل وأنيق
ويستحق الإشادة

شكرا سمراء

[Amin Bushari]

الشفيفة والرقيقة ســـمراء

بوست يشبهك وكعادتك ...
فالتميز دائماً احد صفاتك... والابــداع من عمايل يدك
شكرا على البوست الجميل دا ومحمد ميرغني يستاهل والله
وهو توثيق لقامة فنية عالية في ســـماء الأغنية الســـودانية
اعجبتني كلماتك هـــذه:

المشاركة الأصلية كتبت بواسطة سمراء

[align=center]
كل ما طرقت بوابة الاحساس ، او ندهتة الى مشاعر ارتوى منها حد الترف ، أتانى صوته
بكل الفخامه والاناقة ، وانطرحت كل اسارير قلبى الذى يتكرمش فى كل لحظة بما أراه
واستمع اليه من مآلات الحياة ، والتى لولاء تلك الومضات بين الحين والاخرى ...لما كنا
صبرنا عليها حتى الان ..

[/align]

...
...

___
احتياطي كدا غايتو قلبك دا وديهو المكوجي

[Amin Bushari]

[RAMS]http://www.sudani.cc/s-data03/mohamedmirghani/hanini_leek.mp3[/RAMS]

وهاك يا سمرمر حنيني إليك
عشـــان مافي زول تاني يشنف ليك البوست دا

[سمراء]

المشاركة الأصلية كتبت بواسطة فيصل سعد

[align=center]مين فكرك يا حبيب
و مين الهداك الي

الاستاذ / محمد ميرغني
و فريق اغاني اغاني ..
و كونوا بالف خير ..

[/align]

تكرار الشكر يقلل قيمة الاهداء
ولكن تقبله يزيد من معانى الزوق

[سمراء]

المشاركة الأصلية كتبت بواسطة hamza

ياخي الاغاني دي هي نقطة التحول في هبوط كلمات الاغاني السودانية لانو زمان في زمن الحقيبة كان الناس بتغني حاول يخفي نفسو وهل يخفي القمر في سماه وحتي بت الجيران كانت تخشي ابن المنطقة وابن الجيران ...
وكان ابن الجيران يعتبرها واحدة من اخواته ....
فكيف تغيرت الاحوال وصار ابن الجيران يغني لبت الجيران
سمحة سمحة الصيدة ... ما جارتنا وبت حارتنا وبنريدها ....
او يغني لها ...جارة يا احلي جارة ...

تظل وجهة نظر برضو ياحمزة ،،،
ولكن ارفض مبدأ اغنيه هابطة ، فلكل اغنيه ظروفه وروادها
وتظل تحكى عن واقع يخصها ...

[سمراء]

المشاركة الأصلية كتبت بواسطة زاد الشجون

بوست جميل وأنيق
ويستحق الإشادة
شكرا سمراء

وشكرا لك يا انيقة
و يدك معانا للتوثيق ..

[فيصل سعد]

المشاركة الأصلية كتبت بواسطة سمراء

تكرار الشكر يقلل قيمة الاهداء
ولكن تقبله يزيد من معانى الزوق

انت كريمة،
و نحن نستاهل ..
و كلك زوق ..