اقتباس:
اقتباس:
المشاركة الأصلية كتبت بواسطة محسن خالد 
سؤال بسيط يا بابكر، هل تعرف المسافة التي يُشير إليها يوسف مخائيل بكلامه الواقعي سحري ذاك؟
أعني المسافة التي سار بها الجمل حاملاً المهدي، بينما رجلاه على كتفيْ المُلازِمَيْن، الرشيد وجانيت في فيلمنا المرتقب!؟
أم أنت تُريدُ أن تُصوِّر لنا حركة أكروبات نادرة، يجتهد فيها اللاعب للوقوف على حبل معلّق يصعب التوازن عليه لفترة، بالكثير، لن تتجاوز دقائق معدودة!؟
بعبارة ثانية، هل تُريد أن تمدنا بـ(لقطة فوتوغراف) تجتهد فيها كما يجتهد لاعب الأكروبات لمدة دقائق معدودة، أو لعدة ثوانٍ، أو للحظة أن ينطلق فلاش الكاميرا فقط، ويمنحك لقطة أكروبات نادرة تتفشخر بها على محسن خالد؟
أم ستمدنا بـ(شريط فيديو) لهجين يمتطيه أحدٌ ورجلاه على كتفي شخصين يسيران، ويسيران، ويسيران، لجوار الهجين، بطول مسافة من (الرهد، كردفان) إلى (الخرطوم)؟
|
سلامات سعادة المخرج
أقدر المسافة من رهد أبدكنة لأبسعد أم درمان ب500 كلم
ممكن نعرف من الكتاب، الديش قطع المسافة دي في كم يوم، و ممكن نقدر الناس ديل كانوا بمشوا كم كلم في اليوم، و ممكن نحدد كانوا بمشوها على كم مرحلة في اليوم، حسب طريقة جمعهم للصلاة، و نخت في بالنا انو الجو كان جيد في الشهور ديك، و أغلب الظن الحفاير كانت فيها موية...
المهم، الزول دا، كانوا ماشين معاهو زي 300 ملازم، أقدر أقدر مسافة المناوبة للملازم الواحد بكلم واحد، و ما ظنيت دي مسافة كبيرة على أنصاري شايل ليهو زول علاقتو مباشرة مع الله..
عشان كدا حا نمثل ليك مسافة كلم واحد و دي بتكون حوالي 10 - 15 دقيقة
بعد داك نشهد مُبر على الكلام دا، و ندعموا بكم فوتوغراف كدا، و لو بقى عندك إنترريست في الفيديو، لازم تدفع تكلفة الانتاج زايد حق الخروف البنكون ضبحناهو للممثلين و الجمهور.
مال هامل قال!
