أمك إسمها منو !!

[رأفت ميلاد]

سلامات

مواضيع أستاذنا شوقى بدرى أكون دائماً أول من يقرأها .. وهى تفجر بى أشياء كثيرة وذكريات حميمة .. فكنت (أتمطى) فيها بكل أريحية فى بوستاته .. خاصة بعد مجالستى للرجل .. تحس كأنك نشأت معه لبساطته وجمال روحه ..

لكن فجأة وأنا أجول فى مكتبة شوقى بدرى شعرت بأن مواضيعة حق عام .. وليس خصوصية (دردشة) .. فأمتنعت عن إفتراع مواضيع أخرى خارج النص أو الفكرة .. أكتفيت بالمرور أو التوقيع فخراً ..

الشاهد .. كما يقول عمكم أو جدكم (ميلاد)

موضوعى هذا بدون ترتيب أو تحضير (كالعادة) من وحى بوست العزيز شوقى بدرى ( سختة السودانية‏ )

بالمناسبة القارئ لهذا البوست ( سختة السودانية‏ ) يجد بين طياته شوقى بدرى بدون (رتوش) .. أجمل ما فى شوقى الذى يريحنى .. عندما تتصل به بعد إنقطاع .. يقابلك مواصلاً الحديث كأنك فارقته بالأمس .. ولا مجال لعبارات اللوم أو المجاملات التجميلية كما نفعل جميعاً .. وذكرنى ذلك بالباب المفتوح على مصراعيه .. كما ذكرت من قبل لا أدرى أن (سقاطة) السلك فى باب (حوشنا) فى المسالمة تعمل أم لا .. لأن الباب المفتوح (حك) بفعل الزمن بالأرض .. ولم يكن هناك داع (للطوبة) للحفاظ عليه مفتوحاً ..

[رأفت ميلاد]

الموضوع الذى بصدده رغبة فى الكتابة عن أبى .. عمكم أو جدكم ( ميلاد سليمان)

والدى عمل فى مصلحة المساحة وجاب السودان طولاً وعرضاً .. وختم حياته فى مشروع الجزيرة .. مع بداية مشروع إمتداد المناقل .. شارك فى تخطيطه وتنفيذه .. وبعدها إنتقل الى مشروع الجزيرة .. ثم (سكة حديد الجزيرة) بقصة سأعود إليها ..

والدى أمدرمانى حقيقى .. وتم دفنه فى أمدرمان حسب وصيته .. وكان يقول عشت حياتى كلها (متغرباً) فأريد أرتاح فى وطنى .. فهو كان يعتبر سكنته حتى فى الخرطوم (غربة) ..

فى كل المناسبات وحتى إذا أتى ضيف الى المنزل من طرفنا .. عندما يجالس والدى يبدأ معه فى تحقيق (الهوية) ولا يتركه حتى يصل الى معرفة أهله .. وكنا نتغامز على ذلك .. بأن الضيف وقع فى شر أعماله

عندما ييأس الوالد فى معرفة جزور الرجل (موضع التحقيق) عند والده .. يبادره والدى (أمك إسما منو) ولا يتركه حتى يعرف جزوره .. وبعد ذلك (يستلمه) ويكلمه عن أقرباء وأصهار له ربما هو نفسه لا يعرفهم ..

أواصل مع العم ميلاد .. علاقته بأكتوبر .. ومايو .. والإنقاذ .. وكل ما يخطر ببالى ..

[ام التيمان]

يا جميل يا حلو
الدم الشربات مكملو
حلو هذا الحكى

لك ود

[خالد الحاج]

متابعة لصيقة يا صاحب..

[طارق الحسن محمد]

المشاركة الأصلية كتبت بواسطة خالد الحاج

متابعة لصيقة يا صاحب..

وقفاتك ما بدورها
بس بتجى بمزاج
لكتابتك الطاعمة
شوق شديد لك
ياصديقى الجميل

[Hassan Farah]

مرحب بيك يا الحبيب رأفت --كدا انت فتحت النفاج والجيران لازم يعرفوا بعض---ابتداء انتو بيتكم وين فى المسالمة؟؟ نحن حينا من الدهر سكنا فى اطراف المسالمة وكنا نقطع شارع الكنيسة على الاقل 4 مرات يوميا ونعرف كل الناس اللهناك وكتير من اخوانى قروا فى مدرسة الاقباط واخواتى علمتهم ست فلة-- شفت كيف!!!!
والصغار قروا فى مدارس التقدم بتاعة السيد برسوم!!!

[عباس الشريف]

بالله اكتوبر ركز عليها شديد يا رافت

[wageeda]

اآآآآآآآآآآآآآآآآآآآآآآآآمك ,,,,,,,,
قلت عمو رأفت دا لما في (فكي )سويسري دائر يكودك منو فينا
وشويه لقيتك مكبر الملف وسارح بشمار آخر
ماقلت قبل كدا بعضمة لسانك في ناس بعملوا عناوين جازبه وتخش تلقي شئ آخر
واها بقيت واحد منهم

شوق زي ماسورة محلوجة في بيت عزابه مافيشين

[معتصم الطاهر]

اقتباس:
المشاركة الأصلية كتبت بواسطة وجيدة
اآآآآآآآآآآآآآآآآآآآآآآآآمك ,,,,,,,,
قلت عمو رأفت دا لما في (فكي )سويسري دائر يكودك منو فينا




شرحو

لكن لقيتك حكاى

ياخ تاريخ الاسر دا من تاريخ السودان

يجب أن يحكى الآن .. ومن الذين يعايشونه ..

جلست الى حسين خوجلى .. وحكى لنا ما لا يحكى ..
وقال أن عيب شوقى بدرى يقول ما لايقال
قلت له " عشان كدا ما عندنا تاريخ حقيقى "

[حافظ حسين]

منتظرين ايها الرجل الجميل

[عكــود]

متابعة لصيقة يا رأفت
ياخي ده حكي طاعم و سمح بالحيل

[بابكر مخير]

محتفظ بي حقي في المداخلة لمن يتم لينا حلقات مسلسل ...
"جدو روفي البازل جهدو في سقط بازل"

[كيشو]

المشاركة الأصلية كتبت بواسطة وجيدة

اآآآآآآآآآآآآآآآآآآآآآآآآمك ,,,,,,,,
قلت عمو رأفت دا لما في (فكي )سويسري دائر يكودك منو فينا
وشويه لقيتك مكبر الملف وسارح بشمار آخر
ماقلت قبل كدا بعضمة لسانك في ناس بعملوا عناوين جازبه وتخش تلقي شئ آخر
واها بقيت واحد منهم

شوق زي ماسورة محلوجة في بيت عزابه مافيشين

[justify]وجيدة
تحية والحمد لله على السلامة (شفت لي كم واحد كدا قالو عيان، وقبال ما نقول كفارة يجينا متلب وتضيع علينا حسنات التكفير "الراء مفخمة بالله")
الدّخّلْني البوست دا قلت ألقى لي لمة في رأفت، قايل الموضوع فيهو فُقَرا وكدا، ولكين حنقعد ونسمع كلام رأفت البيعجب داك[/justify]

[بابكر مخير]

اقتباس:
المشاركة الأصلية كتبت بواسطة كيشو
[justify]وجيدة[/justify][justify][/justify][justify][/justify][justify]
تحية والحمد لله على السلامة (شفت لي كم واحد كدا قالو عيان، وقبال ما نقول كفارة يجينا متلب وتضيع علينا حسنات التكفير "الراء مفخمة بالله")
[/justify]



هي ما كانت عيانآ
بث كانت حاسة شويآ

[عبدالعزيز خطاب]

لي في المسالمة غزال .. ياروفي

جميل أنت والله .. والكلمات لن تفيك وصف جمالك

أها أحكي لينا وثقف مداركنا ..

أنا ها هنا متواجد

ومشتاق والله