لعن الله الانقاذ - الفاشية الاسلاموية تلهب ظهور حرائرنا بسياط العنج - ووووووووواى ووجــــع ودم

[طارق الحسن محمد]

[youtube]http://www.youtube.com/watch?v=9EnelRpydBY[/youtube]

[ام التيمان]

لو افترضنا انها زانيا
ما كل المسلمين يزنون
حتى المسؤلين انفسهم و الذين يجلدونها

[همس الشوق]

المشاركة الأصلية كتبت بواسطة ام التيمان

لو افترضنا انها زانيا
ما كل المسلمين يزنون
حتى المسؤلين انفسهم و الذين يجلدونها

للأسف يا أم التيمان
دا حال الناس في بلدي
اذا سرق فيهم الضعيف اقاموا عليه الحد
والكبار راعييييييين بي قيدم

حسبي الله ونعم الوكيل

غالبني النوم من ظلم هذه المسكينة

[طارق الحسن محمد]

صرخاتها
وتوسلاتها
تقابل بضحكهم
عجبى
اى رجال هولاء ؟
اى رجال ؟ ؟

[ام التيمان]

اقتباس:
المشاركة الأصلية كتبت بواسطة همس الشوق
للأسف يا أم التيمان
دا حال الناس في بلدي
اذا سرق فيهم الضعيف اقاموا عليه الحد
والكبار راعييييييين بي قيدم

حسبي الله ونعم الوكيل

غالبني النوم من ظلم هذه المسكينة



سلامات شوق
لم اتالم فى حياتى كما شاهدت الفلم
حسيت بى وجع جوة قلبى
و ظلم و انكسار
و...............غير انسانى

[طارق الحسن محمد]

[طارق الحسن محمد]

[youtube]http://www.youtube.com/watch?v=xy97un3zEMo&feature=player_embedded#at=22[/youtube]

[احمد زين]

لا حول ولا قوة الا بالله
حسنا الله ونعم الوكيل

حسبها الله ونعم الوكيل

ما رأيته ليس حدا من حدود الله
ولا يسمح به قانون على وجه الارض مهما كانت الفعلة

ده موجع جدا
مؤلم جدا

[وهاد ابراهيم محمد]

وتقولو لي بلد...!!؟
بلداً ما ليها وجيع...!!؟


بتُّ كل صباح اسأل نفسي:
متى سأمنح شرف ان اكون (انسانة) في بلد تبحث عن الفرصة لتلكزني في خاصرتي...
او تبحث عن طريق خفي الى صدري...
او تنتظر ان اعطيها ظهري لتنتشي...
او تصفع كرامتي لاني فقط ... بت... مجرد بت لزينا..!!!
آي والله.


بتتفرجو... بتتألمو...
لكنكم ما عشتو... ما ضقتو...!!

آآآخ يا القلتي: وااااااااي يا امي...
وإكتفوا بالضحك عليك او فيك لايهم.


بالله مش يستاهلو الزول ينقط ليهم بالدولار..!

[طارق الحسن محمد]

[
تم حذف الفيديو
توجد نسخة لم تحذف
فى الصفحة الثالثة
للمتصفحات الكبيرة
والخامسة او السادسة
للمتصفحات الصغيرة
ولن يستطيعو
منعنا من نشر
هذه الجريمة المروعة
واذا تم حذفهم ايضا
لا تياسوء
سوف اجد رابط والف رابط
لترو

[ام التيمان]

اقتباس:
المشاركة الأصلية كتبت بواسطة جيجي
لك ان تقول ماشئت ولكن لن يحاكم الدين بممارسات البشيروجنده
ولن تحاكمه ام التيمان او غيرها
وسوف لن اخاف في الله لومةلائم



انتى لا تستطيعى ان تحاكمى
ام التيمان !!
حتى لو كان
ال.............معك
امشى شوفى ليك شغلة تنفعك

[ناصر يوسف]

يا سبحان الله

سأحكي واقعة حقيقية حدثت أمام ناظري في يوم من أيام التذكر

كان لي صديق تخرج حديثاً فيما يسمي بالشرطة الفنية

وكنت في مجاملة لزواج أحد الأصدقاء بالثورة الحارة الخامسة

وكان صديقي يعمل في اليوم داك بالمساء

مشيت عرجت عليه في قسم شرطة المهدية ودلوقت أظنو القسم نقلوه للحارة الرابعة ولا السابعة ما عارف

المهم

لقيت صديقي طلع طوف ليلي كتأمين للمجتمع ( وده المفروض بالطبع)

وبقية زملاءه بيعرفوني بإني صديق لي رئيسهم

إحتفوا بي وعزموني شاي

وأنا بشرب في الشاي في البرندة الورانية

جات عربية ( كَشَة) شايله ليها شاب وشابة من أبناء جبال النوبة

الشباب هدومهم مليانه تراب

سألت واحد فيهم أيه الحاصل

قال لي ديل لقيناهم راقدين في الخور بيسوو في ( ...... )

وده ما المهم

المهم جاي وراء


أها كفتك كفتك كفتوهم ليك وقدام عيني ..

وتوووووشك دفروا الشاب داخل الحراسة وبقت البت

أهااااااااااااااا

أنا مشيت علي برندتي وباقي كباية الشاهي ( كان شاهي طعمو حلو بالجد وكنت فعلاً في اللحظة ديك محتاج لشاهي)

والكهرباء قطعت ...

وأنا قاااااعد في برندتي يجي ليك واحد من حُرَاس الأمن المجتمعي دافر ليك البنية قدامو ومدخلها غرفة التحري الأصلاً فاااااااااااااضية والدنيا ليل والكهرباء شنو ؟؟ قاااااااااااطعة ..

أهاااااااااااااااا

الشمار حرقني ... رخيت أضاني .. وسمعت الكلام القبيح ده

الشرطي: أسمعي هنا يا بت الناس ( لاحظو ... بت الناااااااااااااس) أنا حأفكك هسي دي وأخوك زاتو حيلحقك بعد ساعة .. أها ؟؟؟

قالت ليهو: في شنو ... ؟؟؟!!!!

وبدأ يكابس فيها ...

ربنا ده مو كريم ؟؟؟ يعلم الله الكهرباء فجأة جات وبنطلون الشرطة القالوا عليه شرف الدولة مجدوع في الواطاة في شان يهتك شرف بت الناس القال عليها هو يا بت الناس

تووووووشك إنقشطت في غرفة التحري وتراااااااااح قطعت فيهو كف ... وصوتنا عِلا .. لغاية ما بقية زملاءه جوا علينا .. وشاهدوا منظر زميلهم وهو بيلبس في بنطلون شرف الدولة ...

وما خليتو لغاية ما صديقي جاء وكلمتو بكل الحاصل ....

وتابعت الموضوع لغاية نهايته بعد أسبوع وعرفت بإنو الشخص المُقرف ده دخلوه سجن عسكري إنفرادي وحاكموه ورفدوه من الشرطة

الكلام ده حصل في نهاية التمانيات


بكل أسف منذ نهاية الثمانينات تدهور حال الشرطة السودانية

وأصبح جُل أفراده من أصحاب الفاقد التربوي

بكل كل الأسف

وتحولت الشرطة إلي بوق للنظام الحاكم وبإسم الدين تُهين البشر

وتحولت إلي شُرطة جِباية فقط ليس إلا

وحديثي عن الشرطة السودانية لم ينتهي بعد

سأواصل وأواصل حتي أفضح هذا الحال المااااااااااائل للشرطة السودانية التي أصبحت مُقرررررررررررررفة كثيراً

حسبنا الله ونعم الوكيل

حسبنا الله ونعم الوكيل

حسبنا الله ونعم الوكيل

حسبنا الله ونعم الوكيل

[ام التيمان]

اقتباس:
المشاركة الأصلية كتبت بواسطة ناصر يوسف
يا سبحان الله

سأحكي واقعة حقيقية حدثت أمام ناظري في يوم من أيام التذكر

كان لي صديق تخرج حديثاً فيما يسمي بالشرطة الفنية

وكنت في مجاملة لزواج أحد الأصدقاء بالثورة الحارة الخامسة

وكان صديقي يعمل في اليوم داك بالمساء

مشيت عرجت عليه في قسم شرطة المهدية ودلوقت أظنو القسم نقلوه للحارة الرابعة ولا السابعة ما عارف

المهم

لقيت صديقي طلع طوف ليلي كتأمين للمجتمع ( وده المفروض بالطبع)

وبقية زملاءه بيعرفوني بإني صديق لي رئيسهم

إحتفوا بي وعزموني شاي

وأنا بشرب في الشاي في البرندة الورانية

جات عربية ( كَشَة) شايله ليها شاب وشابة من أبناء جبال النوبة

الشباب هدومهم مليانه تراب

سألت واحد فيهم أيه الحاصل

قال لي ديل لقيناهم راقدين في الخور بيسوو في ( ...... )

وده ما المهم

المهم جاي وراء


أها كفتك كفتك كفتوهم ليك وقدام عيني ..

وتوووووشك دفروا الشاب داخل الحراسة وبقت البت

أهااااااااااااااا

أنا مشيت علي برندتي وباقي كباية الشاهي ( كان شاهي طعمو حلو بالجد وكنت فعلاً في اللحظة ديك محتاج لشاهي)

والكهرباء قطعت ...

وأنا قاااااعد في برندتي يجي ليك واحد من حُرَاس الأمن المجتمعي دافر ليك البنية قدامو ومدخلها غرفة التحري الأصلاً فاااااااااااااضية والدنيا ليل والكهرباء شنو ؟؟ قاااااااااااطعة ..

أهاااااااااااااااا

الشمار حرقني ... رخيت أضاني .. وسمعت الكلام القبيح ده

الشرطي: أسمعي هنا يا بت الناس ( لاحظو ... بت الناااااااااااااس) أنا حأفكك هسي دي وأخوك زاتو حيلحقك بعد ساعة .. أها ؟؟؟

قالت ليهو: في شنو ... ؟؟؟!!!!

وبدأ يكابس فيها ...

ربنا ده مو كريم ؟؟؟ يعلم الله الكهرباء فجأة جات وبنطلون الشرطة القالوا عليه شرف الدولة مجدوع في الواطاة في شان يهتك شرف بت الناس القال عليها هو يا بت الناس

تووووووشك إنقشطت في غرفة التحري وتراااااااااح قطعت فيهو كف ... وصوتنا عِلا .. لغاية ما بقية زملاءه جوا علينا .. وشاهدوا منظر زميلهم وهو بيلبس في بنطلون شرف الدولة ...

وما خليتو لغاية ما صديقي جاء وكلمتو بكل الحاصل ....

وتابعت الموضوع لغاية نهايته بعد أسبوع وعرفت بإنو الشخص المُقرف ده دخلوه سجن عسكري إنفرادي وحاكموه ورفدوه من الشرطة

الكلام ده حصل في نهاية التمانيات


بكل أسف منذ نهاية الثمانينات تدهور حال الشرطة السودانية

وأصبح جُل أفراده من أصحاب الفاقد التربوي

بكل كل الأسف

وتحولت الشرطة إلي بوق للنظام الحاكم وبإسم الدين تُهين البشر

وتحولت إلي شُرطة جِباية فقط ليس إلا

وحديثي عن الشرطة السودانية لم ينتهي بعد

سأواصل وأواصل حتي أفضح هذا الحال المااااااااااائل للشرطة السودانية التي أصبحت مُقرررررررررررررفة كثيراً

حسبنا الله ونعم الوكيل

حسبنا الله ونعم الوكيل

حسبنا الله ونعم الوكيل

حسبنا الله ونعم الوكيل



سلامات ناصر
هكذا تغتصب نساء السودان
من المسئولين

[فيصل سعد]

يا ضو حبيبين القسا
طول ما انت
غرقان فى الأسى
تبت يدين ما ترمى ساس
ما تبنى مجدك من جديد
تفتح شبابيك الخلاص
تدخل نسيمات النشيد
بيت القصيد يستقبلها
مستقبلها و الحاضر
الماضى التليد
ما أعتى غبنك يا ولد
و أعدل قضيتك و أعظمها
لا ترجع السيف الجفير
و الدنيا فايرة مصادمة
من غير تجيب تار البلد
ريح العوارض تهزمها
تطرد مع ابليس الأخير
دعة الضلال من
جنتك يا آدمها
تاكل من الشجر الحلال
يغشاك نعاس فى ضل رمى
تختال هضاريب الصعب
كربة ليالى المظلمة

..........................................

الخزي و العار للمجرمين و اذنابهم و للمؤتمر الوطني قيادة و قاعدة .. و الخزي و العار لحثالة البشر عسس و كلاب السلطة الغاشمة فاقدي المرؤة و الخلق الكريم اعداء الانسانية الذين باعوا ضميرهم و وطنيتهم و امتهنوا كرامة شعبهم تحقيرا و اذلال .. اللهم اصرف عنا هذا النظام الظالم اهله .. و اكرم المستضعفين و الضحايا بعطفك و جودك و حمايتك سلاما و اطمئنانا .. دولة الظلم ساعة و دولة العدل الى قيام الساعة .. و عدالة السماء لا بد ان تنطق يوما ..

[الدقيقة 30]

والله يا طارق البوست ده
بقيت اعملو سبب عشان ابكى يااااخ
...
وهو اصلا مفروض الواحد يطعن نفسو
عدييييييييل
لما يكون فى شى زى ده
ونحن قاعدين
يعنى الدنيا دى دايرين فيها شنو
باقى شنو تانى

عليك الله باقى شنو


مؤلم ياطارق
مؤلم

مؤلم

يااااااخ
مؤلم والله
والمؤلم اكتر
منظر البوليص القاعد يضحك
بالله نحن وصلنا لكده
سؤال..
تنفيذ الاحكام ده ما عندو ضوابط
زمان كنا بنسمع انو الزول لو جرى اثناء تطبيق عقوبات جرائم الحدود الناس بيخلوه
ده طبعا لو بقت عقوبة جريمة حقيقية...
يعنى ما نظام عام
بعدين حكاية انو اى زول يجى ويجلد ساى دى

معليش يا طارق ما قادر افك الكيبور
بالله خلينى اسرح هنا شوية يااااااخ
زمان لما كانت اركان النقاش تهز وترز
كان فى واحد ركانى
تلقاهو بيهتف
دايرين شريعة...دايرين شريعة
والناس تتلم حولو
اها بيقوم يمسك ليك اقرب واحد
ويقول
ايوة دايرين شريعة
لكن الحاصل انو هم ما عندهم شريعة
ديل ناس نظام عام ساااااااى

....اتاريهو كان صادق


بس...
واحساس انى مقهور
جدا
جدا
جدا يااااخ
وحسبى الله ونعم الوكيل