من أجل إنسان جديد: وسؤال لادارة سودانيات

[Ishraga Hamid]

http://www.youtube.com/watch?v=i3_LuQswGHw


رغم قناعتى فى حسن نية الادارة ولم يواتينى شكا من مواقفهم
وانحيازهم لقضايا بلادنا ومع ذلك احزننى جدا ان لا يكون
هناك تسليط ضوء على القضية التى هزت الارض من تحتنا
من قبل الادارة, ابسطها رفع موضوع واحد تناول هذه
القضية لتكون مانشيت..وهناك الكثير الذى يمكن ان
تتبناه سودانيات بكل التنوع الزاخر فيها..

فهل نسمع يا ادارة؟مع تقديرى

[خالد الحاج]

المشاركة الأصلية كتبت بواسطة Ishraga Hamid

http://www.youtube.com/watch?v=i3_LuQswGHw


رغم قناعتى فى حسن نية الادارة ولم يواتينى شكا من مواقفهم
وانحيازهم لقضايا بلادنا ومع ذلك احزننى جدا ان لا يكون
هناك تسليط ضوء على القضية التى هزت الارض من تحتنا
من قبل الادارة, ابسطها رفع موضوع واحد تناول هذه
القضية لتكون مانشيت..وهناك الكثير الذى يمكن ان
تتبناه سودانيات بكل التنوع الزاخر فيها..

فهل نسمع يا ادارة؟مع تقديرى

إزيك يا دكتورة ..
لا أري شخصيا حوجة لعمل عنوان بارز لموضوع جلد الفتاة .
الموضوع موجود في أكثر من عشرة بوستات في سودانيات .
وفي اعتقادي أن الوضع السياسي الحالي في السودان وهو يكاد أن يتقسم هو الأولي بإبرازه بدلا عن سباق الحمير الحساني الدائر حاليا .
تألمت بحق لامتهان كرامة هذه الانسانة بل وكرامة كل سوداني ..حتى أنني لم أجد ما أكتبه لأنه سيظل ضئيلا وأقصر قامة مما حدث.
لكن هل هي الأولي التي طبق عليها حد الجلد ؟
قبل أسبوع تم جلد مجموعة من الطلبة والطالبات .. فقط لم يقم شخصا ما بتصوير الأمر فيديو .
لا جديد تحت الشمس يا دكتورة .. ظللنا نجلد منذ سبتمبر أبعاج ..
خلونا نقرع الواقفات ..
البلد تكاد تتفرتق يا راعاكم الله .

[Ishraga Hamid]

شكرا ياخالد على الرد

اختلف معاك فيما اوردته من مبررات
لانو القضية الحاصلة ماهى قضية جلد وتعدى, هى قضايا ليها تاريخها
وانت تفضلت بالمرجعية انو لينا زمن بننجلد
اذن القصة هى قصة قوانين مقيدة للحريات وبالتالى قضية وطنية
من الدرجة الاولى ياخالد.
جملتك ادناها مافهمتها ياخالد, حمير وحسانية؟

وفي اعتقادي أن الوضع السياسي الحالي في السودان وهو يكاد أن يتقسم هو الأولي بإبرازه بدلا عن سباق الحمير الحساني الدائر حاليا

القضايا بالنسبة لى مابتنفصل, وحايتقسم السودان الى مليون ميل مربع
طيلة مالقضايا بتاعتنا بيتم التعامل معاها بالتجزئية..

بعدن ووين هى قضايا الوضع السياسى هنا ووين تمّ ابرازها
المانشيتات المعلقة مع تقديرى لمحتواها وكتابها الاّ انها لا تقول بما قلته كمبرر هنا ياخالد..

ياخ ده كان تساؤل بتاع عشم

تحياتى
-----
التعديل لاضافة حرف

[خالد الحاج]

والاجابة أيضا عشم يا دكتورة .
الجملة ليس المقصود منها بالتأكيد التقليل من حجم الجرم الذي أرتكب في حق الفتاة .
لكن المقصود بها الأولويات .
كما ذكرت المسألة ليست وليدة اليوم . وهي ظلامات متراكمة لسنوات طويلة . وليست محصورة في المرأة فقط يا إشراقة .. كم أذلت أعناق الرجال يا خيّ .
أما أين الموضوعات المتعلقة بالوحدة والانفصال فهذا ما يثير استغرابي وجعلني أقول هذا هو "الأهم" .. هو الأجدر أن يبرز في عناوين ومنشتات .. لكن أين هذا الهم من أقلام المثقفين ؟ .وقد تبقي "للانفصال" أقل من شهر !! !!
أخيرا يا دكتورة .
لكل عضو في سودانيات أن يكتب بكامل حريته ما يشاء ، ضمن مواثيق الموقع . لكن ليس من ضمن ذلك أن يمليء علي الإدارة الفنية للموقع ترفع شنو وتخلي شنو .
كما أن مخاطبة الإدارة عبر المنتدي مخالفة للوائح الموقع .. وتشكك في حسن الظن.
احتراماتي لك

[فتحي مسعد حنفي]

دكتورة اشراقة ليك تحية من القلب..
اسمحي لي أن أقول رأيي في ما يخص طلبك..
بالنسبة للبوستات الموجودة عن الحريات المسلوبة والممارسات الظالمة في حق نساء شعبنا..هناك عدة بوستات كلها تدور في نفس الفلك ومن الصعب اختيار واحد منها لرفعه أعلي الصفحة..فهي لا تتعدي الاستنكار والشجب بصورة أو بأخري..
ولكن في نفس الوقت أنا معك في وجوب التركيز علي ما يدور الآن في السودان حتي يكون نقطة انطلاق لشجب التجاوزات التي وصلت الي حد لا يمكن السكوت عنه..
لذا أرجو أن تتكرمي بفتح بوست بما تنادي به دون توجيهه لأي جهة ادارية في المنتدي وأنا واثق من وضعه في المكان المناسب..ودمتي..

[Ishraga Hamid]

عزرا ياخالد, اصلا ماوضعت فى اعتبارى انو بوست
فيهو وجهة نظر ممكن يكون مخل بقوانيين المنبر

ولم املى عليكم اى شىء, مجرد ملاحظة قلتها فى خضم
الغضب المالينا
وضحت وجهة نظرى انو القضية ماقضية امرأة
ينظر اليها بمعزل عن قضايا الحريات العامة.

يا خالد قصة الانفصال دى ماجديدة والناس ماعملت
ليها من زمن حفروا البحر صعب يتعمل حسع.
وكتبت فى المقدمة ياخالد انو على الاطلاق ماشاكه فى نية الادارة

على العموم اذا ده مخالف للوائح يمكن للادارة شطبه

وليستمر الحوار فى كل مافترعناه

[خالد الحاج]

المشاركة الأصلية كتبت بواسطة Ishraga Hamid

عزرا ياخالد, اصلا ماوضعت فى اعتبارى انو بوست
فيهو وجهة نظر ممكن يكون مخل بقوانيين المنبر

ولم املى عليكم اى شىء, مجرد ملاحظة قلتها فى خضم
الغضب المالينا
وضحت وجهة نظرى انو القضية ماقضية امرأة
ينظر اليها بمعزل عن قضايا الحريات العامة.

يا خالد قصة الانفصال دى ماجديدة والناس ماعملت
ليها من زمن حفروا البحر صعب يتعمل حسع.
وكتبت فى المقدمة ياخالد انو على الاطلاق ماشاكه فى نية الادارة

على العموم اذا ده مخالف للوائح يمكن للادارة شطبه

وليستمر الحوار فى كل مافترعناه

يا إشراقة المسألة أبدا ماها شخصية .. وتعلمين معزتك عندي ..
لكنك لم تعالجي الأمر بصورة تجعله "مبلوعا" يا ابنة العم .
فالتعلمي أن جلد هذه البنية وجعني إلي درجة أني لم أشاهد بقية الفلم والله الشاهد .
لكني أيضا لا أقبل أن يلمح شخصا ما متبرعا بمنحي دروسا في الوطنية .
طيبي نفسا يا خيّ وتأكدي أننا لا نبيع ونشتري في الوطن .

[Ishraga Hamid]

ياخالد ياخ كدى استهدى بالله
وارجع لاول جملة قلتها فى صدر البوست ده
ورجوعا ليها اصلا ما الهدف اعطاء دروس فى الوطنية

الفكرة كلها وجهة نظر كتبتها بسجيتى من غير ما افكر فى انو ممكن تتفهم
فى غير ماترمى اليه..
وبعدين انا اصلا ماعاجلت موضوع عشان يكون مبلوع ولا غير مبلوع
ياخالد مابتحتاج تقول لى عن همك الشايلو للوطن وماعاش اللى يشكك فيهو

ياخ هى وجهة نظر كتبتها بحسن نية لثقتى فى دور سودانيات
فى كل قضايانا.
اتمنى تكون وجهة نظرى وضحت

[خالد الحاج]

تسلمي يا دكتورة ..
أرجو أن تراسليني في الخاص بكل ما ترينه قصور يستوجب الإصلاح ..
وتأكدي يا إشراقة أن ملاحظاتك ستجد مني ومن الإدارة الفنية الاهتمام المستحق .
إنت عندنا عزيزة وكبيرة يا دكتورة وتكون ردودي بقدر هذا العشم .
يديك العافية .

[امجد محمد الامين]

سلام يا اشراقة وخالد

يا خالد اعتقد انو كلام اختنا اشراقة كلام سليم وما فيهو حاجة، وجهة نظرها وجيهه جداً فسودانيات من المواقع المقروءة وايضاً سودانيات منبر يهتم بأي قضايا تهم الشعب السوداني واليومين ديل مافي اهم من الفيديو بتاع جلد الفتاة السودانية المنشور على صفحات الانترنت.
ويا خالد حسب رؤية فنية اعتقد انو في تحرير الاخبار دائما الخبر البشغل الرأي العام او الممكن يشغل الرأي العام هو الخبر الأهم عشان كده بدوهو اولوية وبختوهو كأول عنوان الى ان يأتي خبر آخر جديد اهم.
وفي السودان اليومين ديل مافي اهم من خبر جلد الفتاة المنشور على صفحات الانترنت زي ما انت عارف فكان من الاولى ان تدوهو اولوية ولو ليوم واحد. والله يا خالد وماك طالبني حليفة انا استغربت وسألت نفسي ليه ادارة سودانيات ما علقت ولو بوست واحد من البوستات المكتوبة عن جلد الفتاة السودانية.
.........
يا فتحي اختيار موضوع من المواضيع المتعلقة بالحادثة مثار النقاش ليس من الصعوبة بمكان فأي بوست يعرض الفيديو ويتناول قوانين الذل والهوان العام ويتطرق الى إلغائها جدير بأن يرفع أعلى هامة المنبر او فلترفع كل المواضيع التي تتناول حادثة جلد الفتاة (المانع إيه؟). وفي النهاية تقييم المواضيع منوط بهيئة التحرير ان وجدت او الادارة الفنية على ما اظن.
.............

يا اشراقة
ما شاهدته في الفيديو جلعني اشعر بالهم والحزن والغُبن والغثيان، والحق ان ممارسات السلطة الغاشمة في الفيديو المنشور ليست هي الاولى ولا الاخيرة في عهد الانقاذ المستمر هذا وما يمارس في الخفاء افظع واشنع.
هذا الفيديو كفيل بأن يُعبي الشارع من اقصاه الى اقصاه لكنس هذه الطغمة الحاكمة او الغاء قوانين النظام العام وتغيير النظم الادارية والتنفيذية في مؤسسات الدولة على اقل تقدير. اما ان مرّت هذه الحادثة دون ادنى تغيير فسأحفر لي قبراً يسع وطني واتوسّد ذكريات الثورات.
معكن يا اخواتي ضد اي اذلال يمارس باسم الدين او الشريعة
ومعاً من اجل إلغاء قوانين الشريعة التي أُتخذت للتنمر على ابناء الشعب السوداني.

وتاني جيتك يا خالد وبيني وبينك بالنسبة للمواضيع المثبتة والمرفوعة على هامة البورد جربوا استبدالها كل يومين تلاتة آخذين في الاعتبار اهمية الخبر او الموضوع في الساحة السودانية بالنسبة لجمهور القراء والباحثين عن جديد الاخبار والمواضيع. وهذا ليس إملاء على الادارة الفنية او إعطاء للدروس في الوطنية او تدخلاً في سياسة الموقع الفنية ولكنها مجرد وجهة نظر اتت في الهواء الطلق ارجو ان يتسع لها صدرك يا عزيزي.

وكونوا بخير اينما حللتم وكيفما كنتم

[خالد الحاج]

سلامات يا أخي أمجد
ليس عندي ما أضيفه في هذا الموضوع .
تحياتي