راكوبة المجادعات.. النمة والدوباي

[hamza]

انا اول مرة اشوف البوست ده يعلم الله يا سجمان


جاني النسيم وبي شوقي ألهب حالتي ..
ركز الكلام الطار وهجمني في هجعاتي
من فرة قليبي الرادكم اخبارو جات في الرادي
اشواقي ليك سجمان وتحياتي للفلاتي

[سارة]

المشاركة الأصلية كتبت بواسطة طارق صديق كانديك

مي هاشم ياصديقة ... عساك طيبة ومن حولك .. !!

شيناتك شلش .. رشت شمال اتفشت
شن طعمو الغناء فوق زول دربو انكشت
شاوينا البعاد شوشو قليبنا اتشتشت
يوت من شافو شال شبالو تب ما اتلفت

شيناتكم يمين شون القليب شاقنو
مسخن الغنى ومنى المنام شالنو
شاوى قلبى شوقو والعيون شرقنو
لو وشوش نسيمو جرن الدموع رشنو

[سجمان]

اقتباس:
المشاركة الأصلية كتبت بواسطة طارق صديق كانديك
هعععع أبشر بالخير ... جيتك ..


السجمان أخوي نِم قوقي أجمع طيو
النور انبهل وقتين قدل في حيو
تالي اليمنى فوق ردفا عدم للزيو
شاحد الله الكريم في قلوبنا يخلف كيو



يا خلي الجراب نفضتو عدم الردخة
والفكر انشغل يا ريتو يرجع يسخا
التالي اليمين خلقوهو لي فد نسخة
وأنا من نار فراقو جلودي جت منفسخة

[سجمان]

اقتباس:
المشاركة الأصلية كتبت بواسطة طارق صديق كانديك
زاد وجعي العلي وكتين نسيمك هبا
شال برقو وشلع مطرا يقوقي وكبا
الخلاني في نيراني ضقتا الكُربا
فاطر بسمو ناير خدو كلوو محبا



زاد وجعي العلي في المتل الهلال حاجبّا
الديدبان واليها من العيون حاجبّا
البطرانة خلقة غير روحا مو عاجبّا
مطيرقة خيزران النسمة تتغنجبا

[سجمان]

اقتباس:
المشاركة الأصلية كتبت بواسطة محمد ديكور

آ ناس ها
السمحان وود كانديك
كلامكن كيف ويزيد الكيف
وكت قبلت اشوف البورد
دخلت على رواكيبكن
لقيت ناسا نجاض بالحيل
ومابيغبانى قول النم
كلاما زى نجوم الليل
ضوايه وهدايه وتجيب الضيف
وزى ماقال عكود
بالحيل بزيد الكيف
محمد ديكور



مهما نقول وصف ماب نوافي شكور
بي جيتك يمين الليلة زدنا اسكور
الشلة القدام يا ريت تراعي شعور
تهب سريع وترحب بمحمد الديكور

[سجمان]

اقتباس:
المشاركة الأصلية كتبت بواسطة طارق صديق كانديك
مرحبتين حباب الجابك

تسلم ياخي

**

الراكوبة ناقصا .. مي وود الزين

و( سارتنا ) لاهنا مليانة بالتفنين

elle مرة مرة تضربنا بي برقين

والسجمان ان سخى زولا لسانو سنييين



صاحبك خلااااااااس رهفن لساتكو وبردن
ومن هجر الحروف عضاهو جت انهردن
الشوق والهيام بالمرمي بي انفردن
والنوم والهدوء جن عاينني وشردن

لي زمن متمنى يا خلي اسمع حرفك
بي جود المتون معروفبو نحوك وصرفك
الجافيتو داك انظرلو بس بي طرفك
شايل الليل نخيج ما اظن يقدر ظرفك

[سارة]

المشاركة الأصلية كتبت بواسطة سجمان

اقتباس:
المشاركة الأصلية كتبت بواسطة طارق صديق كانديك
زاد وجعي العلي وكتين نسيمك هبا
شال برقو وشلع مطرا يقوقي وكبا
الخلاني في نيراني ضقتا الكُربا
فاطر بسمو ناير خدو كلوو محبا



زاد وجعي العلي في المتل الهلال حاجبّا
الديدبان واليها من العيون حاجبّا
البطرانة خلقة غير روحا مو عاجبّا
مطيرقة خيزران النسمة تتغنجبا

بتوجع قليبى وكتين تسيبنا حروفك
يا دود الخلا لو تسمح تقولى ظروفك
يالسجمان عدوك صعبن عليا وصوفك
يا مقنع غطاى شرفتا يوم بى طيوفك

[طارق صديق كانديك]

المشاركة الأصلية كتبت بواسطة سارة

شيناتكم يمين شون القليب شاقنو
مسخن الغنى ومنى المنام شالنو
شاوى قلبى شوقو والعيون شرقنو
لو وشوش نسيمو جرن الدموع رشنو

شقيقة الروح يمين شوقك غلبنا نلمو
شايلاها المحنة شرق الله كلو تعمو
وان غربتي جاي كل (الشموش) اتلمو
شوفتك والضلام شيتين .. مااابتلمو

[طارق صديق كانديك]

المشاركة الأصلية كتبت بواسطة سجمان

يا خلي الجراب نفضتو عدم الردخة
والفكر انشغل يا ريتو يرجع يسخا
التالي اليمين خلقوهو لي فد نسخة
وأنا من نار فراقو جلودي جت منفسخة

جرابك ما بخيب يفصد يزيد الشلخة

تكتب وتنتني كل الحروف مملخة

التالى اليمين وخاتي الكلام والشرخة

شايلنو الصبر زغبا يكوس للفرخة

[طارق صديق كانديك]

المشاركة الأصلية كتبت بواسطة سجمان

زاد وجعي العلي في المتل الهلال حاجبّا
الديدبان واليها من العيون حاجبّا
البطرانة خلقة غير روحا مو عاجبّا
مطيرقة خيزران النسمة تتغنجبا

زاد وجعي العلي داوني ضٌقتا الجربا

الديس انبهل كتل القلوب بالضربا

والصدر الطمح توّر نفوسنا وخبا

نظراً ان ضرب ديشاً سلاحو الحربا

[عبده سعد]

مرحبتين سلام ياالفوق البنات نامين
دايرين تب نجيبا حروفنا بالتلوين
فوق ست الحسان شايلنا ليها حنيين
الناعم جبينا ومفدوع كتيفا يمين.

[عبده سعد]

ياسجمان تجدع فى النضيم الطاعم .
خليت القليب هبب وحالف لازم.
الليلة يصل هناك لابدا يرجع غانم.
ويلاقى أم ضمير وز الجزاير عايم.

[سارة]

المشاركة الأصلية كتبت بواسطة طارق صديق كانديك

شقيقة الروح يمين شوقك غلبنا نلمو
شايلاها المحنة شرق الله كلو تعمو
وان غربتي جاي كل (الشموش) اتلمو
شوفتك والضلام شيتين .. مااابتلمو

شوفتك يا اب زنود زى الهلال فى الطلة
وكت طيفك يمر بشفى السقم والعـــــــلة
ومن جرعات حنانك حتى العروق تنبلة
يوت غامرنى عطفك ورويحتى فيك منسلة

[حافظ اسماعيل احمد]

اقتباس:
المشاركة الأصلية كتبت بواسطة سارة
بتوجع قليبى وكتين تسيبنا حروفك
يا دود الخلا لو تسمح تقولى ظروفك
يالسجمان عدوك صعبن عليا وصوفك
يا مقنع غطاى شرفتا يوم بى طيوفك



يمينا حرفك في القليب واصلني
كل ما اقول انساهو القي الحنين ساجني
ليك الدروب بتودي بس دربك فيه الشوق قيدني
سارة يا بت القابيل
ما اظنو لقاك يوصف بكلام بيهو اكني

بعرف مش كدة

[سارة]

المشاركة الأصلية كتبت بواسطة حافظ اسماعيل احمد

اقتباس:
المشاركة الأصلية كتبت بواسطة سارة
بتوجع قليبى وكتين تسيبنا حروفك
يا دود الخلا لو تسمح تقولى ظروفك
يالسجمان عدوك صعبن عليا وصوفك
يا مقنع غطاى شرفتا يوم بى طيوفك



يمينا حرفك في القليب واصلني
كل ما اقول انساهو القي الحنين ساجني
ليك الدروب بتودي بس دربك فيه الشوق قيدني
سارة يا بت القابيل
ما اظنو لقاك يوصف بكلام بيهو اكني

بعرف مش كدة

حافظ توب غطاى وسترى يوم الحوبة
شوقكم لى شقا وقاسيات صعيبة دروبة
يوم القاك بزغرد واقرع طبول النوبة
بصلى رغيبتى عشرة وذكرى باللالوبة