شكر خاص لطاقم مستشفى الزيتونه

[طيبان]

المشاركة الأصلية كتبت بواسطة سفيان ابوقصيصة

عزيزي د. طيبان
اولا: تسلم اخي من قصور الفهم...
ثانيا: اشكر لك الصبر وسعة الصدر ووعيك التام بانك ترد على تساؤلات
احباء للحبيب خالد بالطبع انت احدهم...
بالنسبة لي ربما اختلط العام بالخاص...
العام...حال العلاج والتطبيب والمستشفيات وتهيئتها وتجهيزاتها و قد يكون من قصور
ترتبت عليه نتائج كارثيه...
الخاص...ان يتكرر نموذجا اخر...
ثالثا: اتقدم بالشكر والتقدير لك ولزملائك من الاطباء اسامه، صلاح، احمد، انس والطواقم الطبيه المساعده واسرة وادارة مستشفى الزيتونه...
رابعا:ان طاشت سهامي في لحظات ما..واكيد دون قصد..فاني اعتذر ممن اصابته...
مرة اخرى..تقديري وشكري لكم...

سلام يا سفيان ..

يازول كدي النقول ليك كلام مارسمي ..إنطباعي يعني ..كونو مستشفي الزيتونة تكون فيها التجهيزات الموجودة دي يفترض نحمد الله ونسكت ..

هل تساءل أحدكم عما يدور في المستشفيات الحكومية ؟؟
هل يمكن تصديق أن مستشفي الخرطوم باسمها وتاريخها كلّه ..لا يتجاوز عدد الأسرّة بقسم العناية المكثفة فيها (AB ROOM )لا يتجاوز 8 أسرّة ؟؟ الكلام دا كان لحدي شهر سبعة الفات دا ..يمكن وسعوها بعد داك ماعندي فكرة ..
الدخول لغرفة العناية المكثفة بالخرطوم أحياناً يحتاج لزول حريف في (لعبة الكراسي ).. وبعض مرضي الحالات الحرجة يتم (تقريشهم) بالمستشفيات الخاصة القريبة في إنتظار فراغ سرير ليبدا السباق لحجزه ..وهنا إنت وشطارتك وسرعتك ..

عدد من مرضي الحالات الحرجة بيكونوا موضوعين في عنابر مقرفة ..ويرجوا الله عشان ينزلوا عنبر العناية المحتاجين ليها ..وفيها دخلوا وفيها لا ..

مستشفي الشعب العريق ..تحمل إليه مريضك في حالة فشل في القلب ونقص حاد في الأوكسجين يعتذر لك الطبيب عن الكشف ليس فقط لعدم توفّر سرير ..بل لعدم توفّر تربيزة كشف يرقّدوا عليها المريض ويشوفوا الحاصل عليهو ..

ذات المستشفي التي تحمل إليها مريضاً في حالة شبه غيبوبة ..ليرزعوك بالإجابة الغريبة ماعندنا سرير فاضي ..
وحكايات أخري ..أملك تفاصيلها من واقع عملي كطبيب ..ومن واقع مرافقتي لمرضي يخصّونني جدا ..وخلال أشهر طويلة لا مجرّد حالة عرضيّة ..
(الكلام الفوق دا أنا مسئول عنّو تماماً.. ياناس مستشفي الخرطوم ..ومستشفي الشعب ) ..

لكن كل هذا لن يبرّر لي يوماَ الإساءة لزملاء (أطباء وكوادر طبيّة ) يقدّمون أقصي ما لديهم في ظل ظروف كهذه ..فلهم مني الشكر كلّه ووافر الثناء ..
ولعنة الله علي الحكومة ..وعلي وزراء صحّتها ..وعلي كل مسئول نام عن إصلاح ما يمكن إصلاحه ..
كدي بس إنتو افتحوا ملف الوضع الصحّي بالسودان ..وستدهشكم الحقايق ..
وكمان عشان ماتبقي الحكاية موجّهة للمستشفيات الحكومية ..تعالوا نفتح ملف المستشفيات الخاصة وتجّار الطب في الخرطوم ..لكن قبل كل شئ فلنتفق أن إلقاء التهم بلا أدلّة شئ مؤذي وغير كريم ..
الزول الداير يوجّه سهام إنتقادو لأيّ مؤسسة خاصّة .. يفترض ينجّض شغلتو أوّل ..

__

تحياتي ..
___

[أبوبكر عباس]

المشاركة الأصلية كتبت بواسطة طيبان

سلام يا بابكر ..
بوست واحد بينسحب مافي ..
الونسة التي تبخّس الناس مجهودهم يا بابكر لازم ينقطع خبرا .. وإنت زول حقّاني كما أعرف ..
يجي د/زين يقول رايو ..ويجاوب أسئلة زملاهو ناس الزيتونة خليها أسئلتنا نحن ..

طيبان تحياتي
أوكي يا طيبان ما دام الموضوع بقى حق و قانون
انت ما عندك حق تطالب د. زين يجي هنا يوضح موقفو
لبش؟
لانك ما عندك بينة عليهو و هو غير مطالب بنفي الكلام دا!
الزول دا يا طيبان (لو صح الكلام) إتونس ليهو ونسة خاصة مع صديق
كونو الونسة دي تصلك، دي بتبقى مشكلة فتحي و ما مشكلة أي زول تاني..
أنا شايف من حق زين ما يجي هنا...
بالعكس البوست دا فيهو تعدى على خصوصية ونسات الزين السرية
هسع انت أمشي الشرطة قول ليهم يا أخي أنا داير أشتكي بابكر عباس دا، لانو قال فيني كدا و كدا طوالي بقولوا ليك دليلك شنو؟ لو قلت ليهم فلان قال سمعو من فلان التاني، على طول بقولوا ليك عليك الله أمشي ما عندك حجة..

[طيبان]

المشاركة الأصلية كتبت بواسطة جيجي

والله يا اخونا
اناماشايفة انه دكتور زين ملزم بانه يدافع او يوضح ماقام به بنفس القدر الذي لايلزمك بتوضيح لماذا تدهور تصحة خالد الحاج بعد دخوله المشفى

يا اختنا
انت شايفة إنّو ما ملزم ..وأنا شايف إنّو ملزم ..
لماذا تدهورت حالة الأخ خالد بعد دخوله المستشفي ؟ ..بالمناسبة إلإجابة علي السؤال دا حايمة وموجودة في البوست دا ..

[حافظ حسين]

المشاركة الأصلية كتبت بواسطة طيبان

سلام يا سفيان ..



لكن كل هذا لن يبرّر لي يوماَ الإساءة لزملاء (أطباء وكوادر طبيّة ) يقدّمون أقصي ما لديهم في ظل ظروف كهذه ..فلهم مني الشكر كلّه ووافر الثناء ..
ولعنة الله علي الحكومة ..وعلي وزراء صحّتها ..وعلي كل مسئول نام عن إصلاح ما يمكن إصلاحه ..
كدي بس إنتو افتحوا ملف الوضع الصحّي بالسودان ..وستدهشكم الحقايق ..
وكمان عشان ماتبقي الحكاية موجّهة للمستشفيات الحكومية ..تعالوا نفتح ملف المستشفيات الخاصة وتجّار الطب في الخرطوم ..لكن قبل كل شئ فلنتفق أن إلقاء التهم بلا أدلّة شئ مؤذي وغير كريم ..
الزول الداير يوجّه سهام إنتقادو لأيّ مؤسسة خاصّة .. يفترض ينجّض شغلتو أوّل ..

__

تحياتي ..
___

بالأحمر االفوق دا يا طيبان هو المحك

و بعدين قلت لي في المؤسسات الحكومية نردم ساي ما بتجينا العوجة الا الخاصة مفروض ننجض شغلنا؟

معليش يا طيبان منطقك غريب و شكلك بتكتب تحت تأثير غضب روق شوية يا خي و راجع مداخلاتك الواحدة بتنطح التانية

[جيجي]

المشاركة الأصلية كتبت بواسطة طيبان

يا اختنا
انت شايفة إنّو ما ملزم ..وأنا شايف إنّو ملزم ..
لماذا تدهورت حالة الأخ خالد بعد دخوله المستشفي ؟ ..بالمناسبة إلإجابة علي السؤال دا حايمة وموجودة في البوست دا ..

معليش يادكتور
يبدو انك مافهمتني
اناقصدت عدم الزامك جاي من انك لست الطبيب المعالج
ومعليش لوتقلنا عليك

[سفيان ابوقصيصة]

المشاركة الأصلية كتبت بواسطة طيبان

سلام يا سفيان ..

يازول كدي النقول ليك كلام مارسمي ..إنطباعي يعني ..كونو مستشفي الزيتونة تكون فيها التجهيزات الموجودة دي يفترض نحمد الله ونسكت ..

هل تساءل أحدكم عما يدور في المستشفيات الحكومية ؟؟
هل يمكن تصديق أن مستشفي الخرطوم باسمها وتاريخها كلّه ..لا يتجاوز عدد الأسرّة بقسم العناية المكثفة فيها (AB ROOM )لا يتجاوز 8 أسرّة ؟؟ الكلام دا كان لحدي شهر سبعة الفات دا ..يمكن وسعوها بعد داك ماعندي فكرة ..
الدخول لغرفة العناية المكثفة بالخرطوم أحياناً يحتاج لزول حريف في (لعبة الكراسي ).. وبعض مرضي الحالات الحرجة يتم (تقريشيهم) بالمستشفيات الخاصة القريبة في إنتظار فراغ سرير ليبدا السباق لحجزه ..وهنا إنت وشطارتك وسرعتك ..

عدد من مرضي الحالات الحرجة بيكونوا موضوعين في عنابر مقرفة ..ويرجوا الله عشان ينزلوا عنبر العناية المحتاجين ليها ..وفيها دخلوا وفيها لا ..

مستشفي الشعب العريق ..تحمل إليه مريضك في حالة فشل في القلب ونقص حاد في الأوكسجين يعتذر لك الطبيب عن الكشف ليس فقط لعدم توفّر سرير ..بل لعدم توفّر تربيزة كشف يرقّدوا عليها المريض ويشوفوا الحاصل عليهو ..

ذات المستشفي التي تحمل إليها مريضاً في حالة شبه غيبوبة ..ليرزعوك بالإجابة الغريبة ماعندنا سرير فاضي ..
وحكايات أخري ..أملك تفاصيلها من واقع عملي كطبيب ..ومن واقع مرافقتي لمرضي يخصّونني جدا ..وخلال أشهر طويلة لا مجرّد حالة عرضيّة ..
(الكلام الفوق دا أنا مسئول عنّو تماماً.. ياناس مستشفي الخرطوم ..ومستشفي الشعب ) ..

لكن كل هذا لن يبرّر لي يوماَ الإساءة لزملاء (أطباء وكوادر طبيّة ) يقدّمون أقصي ما لديهم في ظل ظروف كهذه ..فلهم مني الشكر كلّه ووافر الثناء ..
ولعنة الله علي الحكومة ..وعلي وزراء صحّتها ..وعلي كل مسئول نام عن إصلاح ما يمكن إصلاحه ..
كدي بس إنتو افتحوا ملف الوضع الصحّي بالسودان ..وستدهشكم الحقايق ..
وكمان عشان ماتبقي الحكاية موجّهة للمستشفيات الحكومية ..تعالوا نفتح ملف المستشفيات الخاصة وتجّار الطب في الخرطوم ..لكن قبل كل شئ فلنتفق أن إلقاء التهم بلا أدلّة شئ مؤذي وغير كريم ..
الزول الداير يوجّه سهام إنتقادو لأيّ مؤسسة خاصّة .. يفترض ينجّض شغلتو أوّل ..

__

تحياتي ..
___

عزيزي د.طيبان
انا عندما قلت العام (اللون الاحمر في اقتباسك) في مداخلتي كنت اقصد من المستشفيات الحكوميه ومثلها من المستشفيات الخاصه ولا اظن ان ذلك عصي فهم المراد..
والخاص..الخوف من تكرار حاله من حالات العام...
والا ما كان لي ان ادخل في تناقض التقدير..والتقليل..في ذات الوقت، لكم كأطباء ولمستشفى الزيتونه..

[طيبان]

المشاركة الأصلية كتبت بواسطة بابكر عباس

طيبان تحياتي
أوكي يا طيبان ما دام الموضوع بقى حق و قانون
انت ما عندك حق تطالب د. زين يجي هنا يوضح موقفو
لبش؟
لانك ما عندك بينة عليهو و هو غير مطالب بنفي الكلام دا!
الزول دا يا طيبان (لو صح الكلام) إتونس ليهو ونسة خاصة مع صديق
كونو الونسة دي تصلك، دي بتبقى مشكلة فتحي و ما مشكلة أي زول تاني..
أنا شايف من حق زين ما يجي هنا...
بالعكس البوست دا فيهو تعدى على خصوصية ونسات الزين السرية
هسع انت أمشي الشرطة قول ليهم يا أخي أنا داير أشتكي بابكر عباس دا، لانو قال فيني كدا و كدا طوالي بقولوا ليك دليلك شنو؟ لو قلت ليهم فلان قال سمعو من فلان التاني، على طول بقولوا ليك عليك الله أمشي ما عندك حجة..

الحكاية بما إنّها ونسة يا بابكر .. فمالو ؟؟
د/زين يجيبو ونستو هنا ..ونحن كمان نتونّس ونقول هو ملزم بالتوضيح أو التصحيح ..
وملزم ليه ؟؟ لأنّو الكلام الاتنقل عنّو أساء لآخرين ..ودا إلزام أخلاقي يابابكر ( ما طالبناهو عبر عريضة ) ..يجي يقول الكلام دا أنا ماقلتو ..أو قلتو بطريقة تانية ..بدل يقعد يتفرج علي زملاهو بتتم الإساءة ليهم بناءاً علي ونسة تلفون بينو وبين الدكتور المعالج ماكان بالإمكان إننا نعرفها لو د/زين احتفظ بيها لي نفسو ..

تصحيح ما تم عبر المكالمات برضو بيخلّينا نراجع ما قاله د/أسامة الذي قال أنّه لا يذكر ما الذي قاله له د/زين ..
وكما أوضح د/أنس قرار تركيب جهاز التنفس الصناعي اتخذه د/صلاح ..بعيدا عن د/أسامة الذي استقبل اتصال د/زين ..
يللا قايس الكلام دا ..بما انبني من مداخلات علي معلومة تدخّل وإستجواب وتوجيه د/زين والذي كان مفصلي في تحسّن الحالة كما ورد ..وشوفو ملزم بالتداخل وللا لا ؟؟

__

تحياتي ..

[فتحي مسعد حنفي]

المشاركة الأصلية كتبت بواسطة طيبان

سلام يا سفيان ..

يازول كدي النقول ليك كلام مارسمي ..إنطباعي يعني ..كونو مستشفي الزيتونة تكون فيها التجهيزات الموجودة دي يفترض نحمد الله ونسكت ..

هل تساءل أحدكم عما يدور في المستشفيات الحكومية ؟؟
هل يمكن تصديق أن مستشفي الخرطوم باسمها وتاريخها كلّه ..لا يتجاوز عدد الأسرّة بقسم العناية المكثفة فيها (AB ROOM )لا يتجاوز 8 أسرّة ؟؟ الكلام دا كان لحدي شهر سبعة الفات دا ..يمكن وسعوها بعد داك ماعندي فكرة ..
الدخول لغرفة العناية المكثفة بالخرطوم أحياناً يحتاج لزول حريف في (لعبة الكراسي ).. وبعض مرضي الحالات الحرجة يتم (تقريشهم) بالمستشفيات الخاصة القريبة في إنتظار فراغ سرير ليبدا السباق لحجزه ..وهنا إنت وشطارتك وسرعتك ..

عدد من مرضي الحالات الحرجة بيكونوا موضوعين في عنابر مقرفة ..ويرجوا الله عشان ينزلوا عنبر العناية المحتاجين ليها ..وفيها دخلوا وفيها لا ..

مستشفي الشعب العريق ..تحمل إليه مريضك في حالة فشل في القلب ونقص حاد في الأوكسجين يعتذر لك الطبيب عن الكشف ليس فقط لعدم توفّر سرير ..بل لعدم توفّر تربيزة كشف يرقّدوا عليها المريض ويشوفوا الحاصل عليهو ..

ذات المستشفي التي تحمل إليها مريضاً في حالة شبه غيبوبة ..ليرزعوك بالإجابة الغريبة ماعندنا سرير فاضي ..
وحكايات أخري ..أملك تفاصيلها من واقع عملي كطبيب ..ومن واقع مرافقتي لمرضي يخصّونني جدا ..وخلال أشهر طويلة لا مجرّد حالة عرضيّة ..
(الكلام الفوق دا أنا مسئول عنّو تماماً.. ياناس مستشفي الخرطوم ..ومستشفي الشعب ) ..

لكن كل هذا لن يبرّر لي يوماَ الإساءة لزملاء (أطباء وكوادر طبيّة ) يقدّمون أقصي ما لديهم في ظل ظروف كهذه ..فلهم مني الشكر كلّه ووافر الثناء ..
ولعنة الله علي الحكومة ..وعلي وزراء صحّتها ..وعلي كل مسئول نام عن إصلاح ما يمكن إصلاحه ..
كدي بس إنتو افتحوا ملف الوضع الصحّي بالسودان ..وستدهشكم الحقايق ..
وكمان عشان ماتبقي الحكاية موجّهة للمستشفيات الحكومية ..تعالوا نفتح ملف المستشفيات الخاصة وتجّار الطب في الخرطوم ..لكن قبل كل شئ فلنتفق أن إلقاء التهم بلا أدلّة شئ مؤذي وغير كريم ..
الزول الداير يوجّه سهام إنتقادو لأيّ مؤسسة خاصّة .. يفترض ينجّض شغلتو أوّل ..

__

تحياتي ..
___

أولا هل يعني كلامك البي الأحمر اننا نحمد الله علي الموجود وكان في شي ما موجود ننطم ونسكت..؟؟؟؟؟؟؟
أنا معاك انو في بلاوي في حكاية المستشفيات وعدم اهتمام بعض الدكاترة لما يحدث للمريض..ونحنا الما عايشين في السودان تفتكر انو احنا مفروض علينا اذا كانت المستشفي الفلانية فيها البلاوي دي ولا لأ؟؟؟
نرجع تاني لي موضوع دكتور زين الاتسببت ليهو أنا في موقف حرج وقلت اني متحمل المسئولية عن ما ارتكبته من خطأ بنقل كلام بحسن نية وبرضو مبني علي كلامك الفوق عن المستشفيات في السودان..وأنا بالنسبة لي المستشفي هي المستشفي سواء كانت حكومية أو استثمارية والمطلوب هو ببساطة علاج المريض..
ثانيا يا طيبان أنا الدكاترة ديل ما بعرفهم ولا حاولت أسيئ ليهم ولو ثبت ان هناك تقصير من أي واحد فيهم أنا ما حأكتفي بالاساءة لكن حأمشي آخد حق مريضي بي ايدي عدييييل.وفي النهاية الموضوع ببساطة كان في لبس تم توضيحه بواسطتكم ونحن نصدق كلامكم ونقول للدكاترة ياخوانا ما تزعلو أمسحوها في وشنا لكن دا ما معناهو ان الموضوع انتهي بالنسبة لي وأنا مصر اني أصل للحقيقة وهناك احتمال كبير اني أمشي الخرطوم بعد اسبوع وأول حاجة حأعملا هي اني أمشي لي أحمد زين أسوقو ونمشي للزيتونة سوا ولو ثبت انو كلام دكتور زين صح أنا حأسيئ ليهم المرة دي وجها لوجه ولو طلع ما صح حأعتذر ليهم on the spot أفتكر كدا ما قصرت.
لعلمك الكلام الأنا نقلتو دا أنا مسئول عنو وماني ساحبو الي أن يأتي من يثبت اني كذاب..ويادكاترة الزيتونة أنا آسف الي أن نلتقي ويا ثبت أسفي يا سحبتو..وطبعا أنا بخاطبهم هنا عشان عارف انهم متابعين الموضوع أول بأول والما متابع الكلام بيصلو زي ما احنا بيصلنا كلامهم ..
سؤال محيرني وهو ليه دكتور أنس نصح بسفر خالد مع انو الشي المعتاد لما زول يتعب برة بلدو الدكتور بينصح الناس المعاهو يسفروه بلدو .ولا يكون دكتور أنس اعتبر خالد صديقو هولندي والهولنديين أولي بيهو.ولا يكون خايف عليهو لو استمر في العلاج عندهم الأمور حتمشي لي أسوأ.

[أبوبكر عباس]

المشاركة الأصلية كتبت بواسطة طيبان

الحكاية بما إنّها ونسة يا بابكر .. فمالو ؟؟
د/زين يجيبو ونستو هنا ..ونحن كمان نتونّس ونقول هو ملزم بالتوضيح أو التصحيح ..
وملزم ليه ؟؟ لأنّو الكلام الاتنقل عنّو أساء لآخرين ..ودا إلزام أخلاقي يابابكر ( ما طالبناهو عبر عريضة )

this is unfair
الونسة الخاصة يا طيبان فيها هلوستك، فيها سوء ظنك و فيها خيالك للاحداث بهناك و فيها سياق الحوار مع الطرف الآخر، يستحيل يقدر طرف ثالث ينقل الونسة دي بكل أبعادها، ح ينقل كلمات صماء طائشة
و انت نفسك (الزول النقلو عنو) لو حبيت توضح الكلام المنقول عنك ح تفشل في توضيحو
انت بتدفر في د. زين لخانة اليك و أعتقد إنو زول ذكي جدا و ما ح يستجيب ليك

[طيبان]

المشاركة الأصلية كتبت بواسطة حافظ حسين

بالأحمر االفوق دا يا طيبان هو المحك

و بعدين قلت لي في المؤسسات الحكومية نردم ساي ما بتجينا العوجة الا الخاصة مفروض ننجض شغلنا؟

معليش يا طيبان منطقك غريب و شكلك بتكتب تحت تأثير غضب روق شوية يا خي و راجع مداخلاتك الواحدة بتنطح التانية

حافظ صباحك طيّب ياخي ..
التعليق بتاع (ردم المؤسسات الحكومية ) دا اتوقعتو يجي من بابكر عباس ..لكن شكلو حصانك أجري من حصانو ..
الجملة دي بالذات أنا قصدتها .. المستشفيات الخاصة ياحافظ داخلة في سوق الله أكبر..بزنس يا سيدي ..يعني بي مكاتب محاماتهم وقروشهم البيدفعوا بيها إعلانات المحاكم في الصحف والبيانات التوضيحية ..وأي إساءة لأي مؤسسة طبيّة خاصة .. قد تستفيد منها مؤسسة طبيّة خاصة منافسة بطريقة أو بأخري .. لذا فهم أكثر حرصاً علي سمعتهم ..وما بيلعبوا في أكل عيشهم .. ولو بيتساهلوا يبقوا طير .. وما بعرفوا يلعبوا بزنس ..

أمّا المؤسسات الطبية الحكومية فحالها يغني عن سؤالها ..ولديهم تبرير لأي تقصير وعدم سرير .. وشماعة قدر الضربة اسمها الإمكانات ..ونسبة ميزانية الصحة من الميزانية العامة ..صدقني لا قاعد يهمهم شكر لا بيوجعهم لوم ..
المبررات دي ما بقدر يتّكل عليها صاحب مؤسسة خاصّة ..عشان كدة قلنا الداير يرش مؤسسة خاصة ينجّض شغلتو ..فالخصم منجّض شغلتو ع الآخر ..

_

يللا دايرك تمسك لي قرن واحدة من مداخلاتي اتكسر بسبب نطحو قرن مداخلة أخري ..

[جيجي]

لجملة دي بالذات أنا قصدتها .. المستشفيات الخاصة ياحافظ داخلة في سوق الله أكبر..بزنس يا سيدي ..يعني بي مكاتب محاماتهم وقروشهم البيدفعوا بيها إعلانات المحاكم في الصحف والبيانات التوضيحية ..وأي إساءة لأي مؤسسة طبيّة .. قد تستفيد منها مؤسسة طبيّة منافسة بطريقة أو بأخري .. لذا فهم أكثر حرصاً علي سمعتهم ..وما بيلعبوا في أكل عيشهم .. ولو بيتساهلوا يبقوا طير .. وما بعرفوا يلعبوا بزنس ..

والله الحمدلله انهم بيرجعوا لي قضاء ومابلجاوا لي نقابة اطباء ولا مجلس طبي
وفي النهاية المسالة بقت مسالة اجادة بضاعة يعني بضاعتك لو ماجيدة
القضاء مابيعمل ليك حاجة ولاشنو؟
دا باعتبار انتهاء المعيار الاخلاقي للمهنة

[طيبان]

المشاركة الأصلية كتبت بواسطة جيجي

معليش يادكتور
يبدو انك مافهمتني
اناقصدت عدم الزامك جاي من انك لست الطبيب المعالج
ومعليش لوتقلنا عليك

حبابك ..
وأعتذر عن سوء فهمي ..

__

تحيّاتي ..

[ناصر يوسف]

أها وصلتو لي وين وأخبار خالد الحاج شنو ؟؟

طيبان يا صديقي الحبيب

هناك خطأ إرتُكِب من بعضنا هنا وقد شاركت أنا فيه أيضاً وبحسن نية .. إذ كانت بعض المعلومات غائبة عني ...

أتت أختي وأختك نبراس وتقدمت بصوت شكر ( وهو بقيمة الإعتذار لو تدري )

دلفت أنا وتقدمت بإعتذاري

أستاذنا الجليل / فتحتي مسد حنفي أتي هنا وأعتذر

وغيرنا أيضاً قد جاء واعتذر

إذن ما المشكلة أخي د. حزيفة ؟؟؟

حقيقي ... ما المشكلة

وأنا هنا أسوق إعتذاري بوافر الأدب والإحترام لدكتورأسامه هذا الإنسان القامة السامقة والشامخه

لدوره المتعاظم في رعاية الأخ خالد الصحية

[طيبان]

المشاركة الأصلية كتبت بواسطة بابكر عباس

this is unfair
الونسة الخاصة يا طيبان فيها هلوستك، فيها سوء ظنك و فيها خيالك للاحداث بهناك و فيها سياق الحوار مع الطرف الآخر، يستحيل يقدر طرف ثالث ينقل الونسة دي بكل أبعادها، ح ينقل كلمات صماء طائشة
و انت نفسك (الزول النقلو عنو) لو حبيت توضح الكلام المنقول عنك ح تفشل في توضيحو
انت بتدفر في د. زين لخانة اليك و أعتقد إنو زول ذكي جدا و ما ح يستجيب ليك

فير يا بابكر عباس .. فير
النقل لما يكون فيهو نقطة مفصليّة بتسئ لي زول تاني وبتسحب البساط من صاحب فضل وتنسبو لي .. وأنا ما قلت النقطة دي طبيعي جدا أجي أقول أنا ما قلت كدة ..

__

د/زين ليهو كم يوم في خانة اليك ..وأنا بدفر فيهو عشان يمرق منها ..فما تمدح ذكاءو ساكت تقوم تعجبو الخانة ..

[طيبان]

ياعم فتحي..
انا كتبت راي سمّيتو غير رسمي .. فبالله اتعامل معهو بوصفو الأنا ختّيتو ليهو ..وماتقراهو قراية تانية ..كتبتو لغرض محدّد .. لا يتجاوزه ..

ياناصر :
الرد علي سؤالك مضمّن في مداخلتي الأولي بالبوست بتاعك .. وكنت قد دعوت كما دعا آخرون للتركيز علي ما ينفع خالد .. والتزمت بذلك .
ثم تواصل إنتقاد آخرين ليست لهم عضوية بمنتدي سودانيات بناءاً علي معلومات نقلاً عن طبيب عضو بسودانيات ..لم يتم تأكيدها أو نفيها من جانبه حتّي هذه اللحظة ..

يا ناصر يا أخوي ..
لسنا ناكرو جميل ..وأنا شخصيّا لن أسكت عن توجيه تهم لمن وقفوا إلي جانب خالد في محنته .. وهذه (فنجرة ) مني ساكت ..لا علاقة لي بمستشفي الزيتونة تقع وللا تقوم ..كما لا أعشم في شهادة تقديرية منها ..

إذا إنتو شايفين إنّو الموضوع دا يتقفل علي كدة .. أوكي ..
لكن أي تلميح لتقصير قام به الإخوة الأطباء تجاه خالد .. ح أجي أرازي صاحب التلميح ..حتي يثبته ونمشي لخطوة تانية .. أو يبلع كلامـو ..

__

وشكراً ..