جئناك يا خال فحيينا

[نبراس السيد الدمرداش]

لو قلت ليك يا خال الليله جانا منو
اميري, اميري ياخي ياسر ود سميره سمح
امس الضهر جاني محمد عبد الرحمن
اتونسنا شويه و ناضمنا اميري بالتلفون
يا اميري الجن انت وين يا شقي
وليه ما بتجينا و خليتنا مالك وما عارف خالك عيان
قال ما عارف بجي اشوفو و اسلم عليكم
اها الليله جانا يسلم علينا و يشوفك

[wageeda]

نبراس يا مكلومة
لقد عووووووووووقني خالد برحيلة
بل عووووووووووووووقكم كلكم
عووق النور الحكيم
وعكود الشفوق
وعزيز الصديق
طارق الحسن النقي
وكانديك الشقيق
عوووووق سارة النقيه
وسمراء المشاغبه
عووووق جميل التفاصيل بابكر مخير
والمقدس الفيلسوف رأفت ميلاد
عووووق المشاكس الرويعي
عووووق شيخك الجيلي
والسلفي الصالح
ومبر الصوفي
وناصر يوسف الجبل الشم
عووووق ابو سبح اشتر حبيبه
عووووق كبيرنا شوقي البدري رفيقه
يآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآخ عوووووووووق كل من احبه من اهل الارض
ومن الاعضاء القامة وعووووووق اي هرم شامخ كبلادي

نبراس يا اخيه عووووووقني برحيله المر

عووووقني وانا كنت حآآآآلفه اعوووووقه


الله

الله

الله

[محمد الرفاعى]

بقلوب مليئة بالايمان بالله عز وجل وراضية بقضائه وقدره
أتقدم باحر التعازي واصدق المواساة لكم جميعا
ونسأل العلي القدير ان يلهمنا ويلهم اهله الصبر الجميل
و لانقول الا ما يرضي الله
انا لله وانا اليه راجعون
انا لله وانا اليه راجعون
انا لله وانا اليه راجعون

[نبراس السيد الدمرداش]

اليوم كنا هناك
بداركم يا ابو حباب
كنا هناك جميعنا لكن داركم مالها خفت ضيها
تلفت يمنة و يسرة عل بسمتك تبرق لي من اي اتجاه فتنير الدار
استعنت باخواتك رجاء و مهيره و مريم وجدتهن اكثر حوجة مني لبسمتك
سالت اسامه و محمد لم يحيروني جوابا سوى الدموع
اما ايمان فالله معها,حباب اعتصمت بغرفتها فوق
صعدنا ذات الدرجات يا خال
نفس الشخوص بنفس الاوزان
تذكر حين جئنا نسلم عليك؟
هميت على السلم مننا
تذكر حين الححت في طلب مريم
قلت الا تجي تسلم علينا

عليك الله يا خال ما كان تسمع كلام احمد و تاخد الحقن

[نبراس السيد الدمرداش]

قلت اكيد عند طارق علي الخبر اليقين فاذا به تائه يغالب حزنه
اما عمو جعفر فقد خبأ نفسه خلف نظارة سوداء
و السلفي الصالح خبأ نفسه خلف سرادق العزاء
والكل كان يبحث عنك في الاخرين
عبد الجليل و ابرا و احمد وناصر
اروى و آمنه و هيام
هيفاء و جانيت و شهرذاد
وهاد و ام التيمان و سمراء
وكثر سالو عنك مهاتفة

[بدر الدين اسحاق احمد]

بسم الله الرحمن الرحيم
وَلَنَبْلُوَنَّكُمْ بِشَيْءٍ مِّنَ الْخَوفْ وَالْجُوعِ وَنَقْصٍ مِّنَ الأَمَوَالِ وَالأنفُسِ وَالثَّمَرَاتِ وَبَشِّرِ الصَّابِرِينَ (155)
الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ (156)
أُولَئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَئِكَ هُمُ الْمُهْتَدُونَ (157)



لم ادرى من صاحب العزاء فعزمت على تعزيــة كل اهل سودانيات فرداً فرداً ..
انـه بين يديـك يا ذو الفضل والمنـه ..
فأنظـر اليــه بعيــن الرضــى ..
انــه فقير الى رحمتــك ..
وانت الغنـي ..
انــه محتاج الى كرمــك ..
وانت الكريــم ..
انـه محتاج الى عفـوك ..
وانت العفــو ..
يا سريـع الرضــا عبدك بين يديـك فأرضــى عنــه ..
يا الله يا الله يا الله

[tariqosman]

اللهم ان خالد الان في حضرتك فادخله في رحمتك

واللهم اهله الصبر والسلوان

[ابرا]

( لا الله الا الله ) اللهم ارحم خالد واجعل الجنة مثواه وابدله دارا خير من داره واهلا خبرا من اهله واجعل قبره روض من رياض الجنه وخلده في قلوبنا ولا حول ولا قوة الا بالله
__________________

[اروي حامد عبد الله حامد]

المشاركة الأصلية كتبت بواسطة نبراس السيد الدمرداش

قلت اكيد عند طارق علي الخبر اليقين فاذا به تائه يغالب حزنه
اما عمو جعفر فقد خبأ نفسه خلف نظارة سوداء
و السلفي الصالح خبأ نفسه خلف سرادق العزاء
والكل كان يبحث عنك في الاخرين
عبد الجليل و ابرا و احمد وناصر
اروى و آمنه و هيام
هيفاء و جانيت و شهرذاد
وهاد و ام التيمان و سمراء
وكثر سالو عنك مهاتفة

احي يانبراس
السلم
الضحكة
الحضنة
والونسة
تذكرت تفاصيلها وانا في طريقي لنفس المنزل الذي يكتسي بفرح عودته
احيييييييييييي انا
وانا راجعة اتذكرتا لما وقف معانا في باب الشارع وعايز يشوفنا حنركب كيف كلنا في العربية
سبحان الله كانه قادم ليودعنا
يا الله
يا الله صبر ورحمتك يا الله

[نبراس السيد الدمرداش]

الليله اترجل الفارس الجحجاح
الليله ودعوك الصحاب و الخلان
الليله بكوك بالدمع السخين هناك
اليوم تبكيك هولندا رجال و نساء
اليوم يبكيك جعفر وخطاب و يبكن ساره و نهله و اماني و سحر
يبكيك الباش و كيشو وشليل و ابوعاقله ونزار يبكنك لنا و هويدا في قطر
يبكيك عكود و ود عباس و مخير يبكنك مناهل و مرافي و جيجي و ميسون في الامارات
يبكيك الحبوب فيصل في كندا ومحمد مصطفى الملك في امريكا و عابد ومحمد في استراليا
يبكيك النور وكانديك و طارق الحسن و فخري و ابو ريم و ابو مناهل وامين و عباس و زول الله و زياد و عصام و النقر و شبارقه و تاجاب و عثمان و تحفه و سموريه في السعوديه
يبكيك ودبغداد و يبكنك ساره و وجيده و في النرويج
يبكيك رافت في سويسرا و ودجبريل في المغرب و اسامه في الاناضول
يبكيك شوقي بدري في السويد و عصمت و عبدالله وداعه في لندن ويبكيك شيخ سيسيليا
يبكيك اسمه الكاشف و عبد العزيز عبدالله في عمان
يبكيك فتحي و حمزه في مصر يبكيك الهداب في يوغندا
يبكوك من الشرق للغرب ومن الشمال للجنوب

احييييييييييييييييييييي عليك يا خال و آآآآآآآآآآآآآآآآآمري و وجعي عليك يا خال
و نبكيك هنا ابكيك انا

ابكي ابو ساره الكلمتو ما حاره
ابكي اخو محمد الدهب المجمد
ابكي اخو صديق البفش الضيق
ابكي اخو رجاء الما خيب رجا
ابكي ابو حباب الجمع الاحباب
ابكي المهذب المؤدب
ابكي الفاهم الدارس
ابكي الطيب الحبيب
ابكي الضاحك الباسم
ابكي الخال البلال
ابكي مستور الفعال و الحال
احييييييييييييييييييييييي ياخال
احييييييييييييييييي يا عمود البيت الما بتقول ابيت
احييييييييييي في الما بيدي و يقول اديت وما بسوي ويقول سويت

غلبني الصبر يا ناس

[مرافي]

ابكيك يا خالد وخبرك صعب علي

قاااسي اديتو الخلا والصي

ابكيك وانت كنت فينا الهجعة والملاذ والفيء

ابكيك وانوح ومالي غير آآآآحيييييي

يبكنك ناس سارة ونبراس وهمس تنوح وتقول آآح.. وآحييي

[نبراس السيد الدمرداش]

تبكيك بت السيد يا الطين الجيد

ابكي اخو الرشيد اب رايا سديد
ابكي اخو ناصر الطبعو نادر
ابكي اخو فيصل بعدو صباحنا ليل
ابكي اخو بابكر سيد الفكر
ابكي اخو عكود المحبتو بالبلود
ابكي اخو حسين السمح و حسين
ابكي اخو ود الزين طبعو ما شين
ابكي اخو شوقي الما بل شوقي
ابكي اخو رافت دمعتو ما جفت
ابكي اخو طارق المن يومو مفارق
ابكي اخو النور الضلم علينا النور
ابكي اخو الجيلي الرحل بدري
ابكي اخو مبر الكمل في محبتنا الحبر
ابكي اخو معتصم الدايما مبتسم
ابكي اخو جليل الفقدو جليل
ابكي اخو ود عبد الرحمن الحباهو الرحمن
ابكي اخو ودعثمان الكمل الحنان
ابكي اخو ود عباس الخاتي الباس
ابكي اخو ابراهيم الكريم
ابكي اخو حافظ اللينا في قلبو حافظ
ابكي اخو عقيد الفقدو علينا شديد
ابكي اخو خطاب الهملنا و همل العقاب
ابكي اخو الملك الفي طبعو ملك
ابكي اخو ود مصطفى الخلى قلبنا انكفى
ابكي اخو جعفر الخلى دموعنا تتقطر
ابكي اخو العالم الدايما مسالم
ابكي اخو سامي المحترم و سامي
ابكي اخو ود مسعد الكلامو سمح ومقعد
ابكي اخو صالح الولد الفالح
ابكي اخو هاشم الفي كرمو فات حاتم
ابكي اخو خضر الريدتو حكر
ابكي اخو اسامه الما بجيب الملامه
ابكي اخو عصام الشجاع و همام
ابكي اخو ود فرح المسخ علينا الفرح
ابكي اخو كباشي الفارق و ما قال شي
ابكي اخو اشتر الخلانا نتحسر
ابكي اخو الاغبش الما بعرف صرة الوش
ابكي اخو شليل حبيب القسا و الليل
ابكي اخو ابو اماني العتم علينا الليالي
ابكي اخو امين الطيب و حنين
ابكي اخو ابومناهل رحيلو ما ساهل
ابكي اخو زول الله الحبانا في الله
ابكي اخو وليد الريدنا ليهو تليد
ابكي اخو ود وداعه الخلا قلوبنا ملتاعه
ابكي اخو معاويه النار فراقو حاميه
ابكي اخو الرجال البعدل المال و البفضي البال

و آآآآآآآآآآآآآآآ وجعي في اخوكم

[الرشيد اسماعيل محمود]

يا لهذي الأمسيات الحزينة التي تسفع بناصيات القلب..
لا تخطيء..
ولا تميل..
ولا تزوّر قيد نبض.

[نبراس السيد الدمرداش]

الليله جاتنا بت الشيخ
اصلو محبتكم يا خال ما بتشيخ
دي الليله عاوزا ليها قهوة ظابطه
و ونسه تحت ضي قمره سمحه و طاعمه
دي بت الشيخ يا خال عارفاك بتريدها قدر شنو

[AMAL]

نبرااااس
ياخ كفاية من امبارح يدي تمشي وتجي
وغلبني غلبني عدييييل
ااااخ يانبراس