دى ما كانت المحرية فيك يا ناصر يوسف

[عمر صديق]

وايه الدنيا غير لمة ناس بخير او ساعة حزن
معرفتى بك يا استاذ ناصر قبل ان تطا قدمى سودانيات
عندما قابلتك فى استاد الهلال ايام حفلات وردى وعودة من الخارج صحيح كنت شارب اللبن ولكن ما زلت اتذكركل كلمة جيدا
اسبوعين وانا راقد فى البيت طريح الفراش كنت اتصل بك من حين لاخر
لم تفكر حتى فى السؤال
هل ذلك الشخص تعافى
ام ساءت حالته وانتقل لدار الخلود ويا ها الماشين ليها كلنا
على الاقل حقوق الزمالة تحتم عليك تنزل ليهو بوست تطلب ليهو الرحمة والمغفرة من رب العالمين

[ناصر يوسف]

لاااااااااااااااا إله إلا الله محمد رسول الله

عاد ده ما الماااااا بخليني أنوم يا بن عمي

جِنِس اللوم تقيل العٍيار ده يعلم الله ما بخليني أنوم يا عمر صديق

هسي أنا قريت عنوان البوست قلت أللهم أجعله خييييييييييييير

أنا غلطااااااااااااااااااان في حقك يا أخوي

وبدل البوست كان أزورك وفي إيدي كيس برتكان ولا قريب فروت

أو أقلاها كان أتصل عليك

لكن والشاهِد الله بحالي

خليني أنا ما بقول ليك

لكن ممكن تسأل عن حالي أختك نبراس وأخوك د. أحمد محمد زين

تعرف بعد مرات يا عمر صديق بتكون ما طايق روحك زاتها ... ده لو لميت فيها بالأول

يا زول أمسحها لي في وشي النيح اللديح القبيح ده

وحقك علي

ويا زول بركه البقيت كويس

عمر صديق إنتَ زول ما قاعد تقصر في حقي يشهد الله

لكن بس تقول شنو ...

حُكم أبتكو المتوهط فوق الروح ده .. خلانا ما عارفين نفسنا شايتين وين ولا ماشين وين ولا جاين من ياتو إتجاه

أرجو أن تقبل عُذري هنا وعلي الملأ

[فتحي مسعد حنفي]

المشاركة الأصلية كتبت بواسطة عمر صديق

وايه الدنيا غير لمة ناس بخير او ساعة حزن
معرفتى بك يا استاذ ناصر قبل ان تطا قدمى سودانيات
عندما قابلتك فى استاد الهلال ايام حفلات وردى وعودة من الخارج صحيح كنت شارب اللبن ولكن ما زلت اتذكركل كلمة جيدا
اسبوعين وانا راقد فى البيت طريح الفراش كنت اتصل بك من حين لاخر
لم تفكر حتى فى السؤال
هل ذلك الشخص تعافى
ام ساءت حالته وانتقل لدار الخلود ويا ها الماشين ليها كلنا
على الاقل حقوق الزمالة تحتم عليك تنزل ليهو بوست تطلب ليهو الرحمة والمغفرة من رب العالمين

أول حاجة ياعمر ألف سلامة عليك وولله ما سمعنا بي مرضتك دي..أما ناصر فوالله بدون مجاملة راجل أخو أخوان وصاحب واجب وأكيد في سبب قهري أو يكون اتعقد من زيارة مريض ودي واردة جدا عشان أنا حصلت لي مع ايمان لما جات القاهرة.
آخر اتنين زرتهم في مرض ودعو وآخرهم كان شوقي راسخ المشيت زرتو في المستشفي أنا وآلاء وتوفي الي رحمة الله في المستشفي مع انو في الزيارة كان كويس..ولما جات ايمان كنت بتصل بيها بالتلفون وزغت منها عدييل وبعد ما سافرت بالسلامة اعترفت ليها..
انتظر رد ناصر بدون تخمين تفسيرات..

[ناصر يوسف]

المشاركة الأصلية كتبت بواسطة فتحي مسعد حنفي

أول حاجة
وأكيد في سبب قهري أو ............

انتظر رد ناصر بدون تخمين تفسيرات..

بس ياهو ظااااااااااتو يا كبيرنا الجميل ... موووووووو عن قصد والله يا عم فتحي ... مو عن قصد يعلم الله وبراااااهو عمر نفسو خابرني كويس

[وراق]

سلامات يا عمر ايها الصديق
ويطرشنا يا اخوي ولّا كان قطعنا البحر وجينا كفرنا ليك

ـــــــــــــــــــــــــــــــــــــــــــ
ناصر ده رشه وما تقبل ليهو اي عذر
ولازم يجبرها بي زيارة منزلية ومعاها (عتود) كمان
ــــــــــــــــــــــــــــــــــــــــــ
فتحي يا اخوي والله عذرك ده اول مرة اسمع بيهو
دي (بطاقة اعفاء) من اي زيارة مريض
يا زول كان جيتكم مريض ولّا سليم (ما تزورني)

[الرشيد اسماعيل محمود]

كفارة يا عمر..
وحمدالله علي السلامة..
ألف لا باس عليك.