.......
المشكلة يا ناصر إنو السودانيين ديل ناس ما واضحين ، حتى مع أنفسهم ، المطروح معروف و سماته واضحة جداً ، لكن الواحد فيهم ما يقدر يجابه حتى نفسه بميوله و إنحيازاته النفسية و تبنياته لمنهج ما.
ياخى تلقى الواحد مبارى ليك الليبراليين و مشنط زيهم و متبنى لغتهم و مفرداتهم و عاجبو ليك التنظير و التثاقف و الملتوف و العمل السرى و تسألوا إنتا شيوعى ، ينكرا ليك يوم و ضحوة .
وعلى النقيض تلقى الشفع أبان دقوناً زى تُرتار الويكة ديلك ، جايين من الضهرة الواحد ينبثق ليك فى الكيزان و شابك ليك الناس تهاليل و تكابير و طارح نفسو كعفيف و متدين ، تعمل منو ساتر يقول ليك ليه ياخى ؟ أنا ما كوز ولا شيتين ، أنا بس زول متدين .
فى تقديرى بالنسبة لما هو سياسى ، ماف حاجة إسمها حياد أو وسطية ، عايز تشتغل سياسة ، أول شئ تعاين للمطروح ، تختار منو و تبقى قدر خيارك ، يا .... ترفضو بى صمَّتو و تجيب مطروح جديد و برضو تبقى قدُر مطروحك ، وللا كمان تجلى الشغلة كلها .. تبقى زى ما قال أبونا الشيخ العبيد ، تسويلك غنيمات ، إنتا يابا تجز و مرتك تهز .
مشتاقون يا منجة .
.......
