ليه الشعب ماطلع ابو جنزير !!!

[سمراء]

المشاركة الأصلية كتبت بواسطة عبداللطيف النقر

ينصر دينك يا سمراء --

الاسئلة دى هى نفسها البفكر فيها النقر وفكر فيها -- ووصل الى قناعة ليس بلامكان أحسن مما كان --

هسى اجى واحد ناطى يقول النقر الكوز الجبهجى الشنو داك والفعلتو داك والتركتو داك --

العندو عقل يفكر -- هسى انا كدى بى عقلى اثور عشان اسلم الحكومة لى نقد الصادق الترابى المرغنى -- والله الا امش معاهم المقابر للدفن وبس --

تسلمى يا الغالية

ودين ابو اهلك زاتو ياالنقر

يلا الفرق بينى وبينك
انك فرحان عشان مقتنع ، وماداير الثورة بمنطق انو البديل ياهم المخرفين ديل !!

وانا مافرحانه لانو حاسة انى مافاهمة شى !!
وحاسة انو فى حقيقة غائبة ودايرة مفقودة لازم نعرفه كلنا عشان نمشى صاح

[محمد فرح]

سمراء تحياتي
غالبية الشعب السوداني يحب البشير ويحترمه جداً جداً وسعيد بما وصلت إليه البلاد من تطور وتوفر للخدمات والسلع الأساسيه
في جزء تاني بقول إنو الحكومة الحاليه أفضل السيئين
وفي جزء تالت ده ماشغال بي أي حاجه جاري بس ورا لقمة عيشو ومهموم بي قضاياهو الشخصيه
في جزء رابع بسيييط جداً أغلبهم لاجئين سياسيين في أمريكا وأوروبا وبعض فلول الشيوعيين بالداخل وناس قطاع الشمال ديل بعضهم عندهم (غُبن) شخصي ضد الحكومة الحاليه وبعضهم بسقط فشلة الشخصي على الحكومه ديل ياهم البتسميعهم في بعض المنتديات ومواقع الإنترنت وهم قلة شديد في إعتقادي مستحيل يعملوا مظاهره لأنوا المظاهرة بتحتاج لي نصاب معين لازم يكتمل أنا حددتو بي 500 نفر

مؤونة عام من الود

[عبداللطيف النقر]

يعنى قصدك يافرح --- ناس طارق ومخير وفرح (ما انتا ) والناس المرطبين بره وفلول الاحزاب يجو الخرطوم وامشو ابو جنزير --- -- ياخ بلاش ابوجنزير دى -- احسن ميدان الامم المتحدة حتى مستقبلا ناس العربية والجزيرة ما ينطقوا ابو جنزير غلط -- والا يتفلسفوا ويدونا محاضرة عن الشيخ ابو جنزير المدفون فى الركن الجنوبى الشرقى --

[ابرا]

الشعب راقدلو فوق راي اذا الشعب يوما اراد الحياة ....فلابد ان يستجيب القدر وقادر الله

[عبداللطيف النقر]

اقتباس:
المشاركة الأصلية كتبت بواسطة زول خرافي
الشعب راقدلو فوق راي اذا الشعب يوما اراد الحياة ....فلابد ان يستجيب القدر وقادر الله

زول خرافى كيف انك

دى على وزن قصة الجعلى -- الخواجة ضربو بنية لمه وقع -- صاحبو زعل وقال ليهو ما تقوم عليهو -- قال ليهو لابد لى فوق رأى -- بعد داك سالو قال ليهو رايك شنو -- قال ليهو فكرك كان قمتا ماكان طبقا لى ( البنية )

دحين خليهم اليلبدو فى رأيهم ---

[ابرا]

المشاركة الأصلية كتبت بواسطة عبداللطيف النقر

اقتباس:
المشاركة الأصلية كتبت بواسطة زول خرافي
الشعب راقدلو فوق راي اذا الشعب يوما اراد الحياة ....فلابد ان يستجيب القدر وقادر الله

زول خرافى كيف انك

دى على وزن قصة الجعلى -- الخواجة ضربو بنية لمه وقع -- صاحبو زعل وقال ليهو ما تقوم عليهو -- قال ليهو لابد لى فوق رأى -- بعد داك سالو قال ليهو رايك شنو -- قال ليهو فكرك كان قمتا ماكان طبقا لى ( البنية )

دحين خليهم اليلبدو فى رأيهم ---

با النقر يا اخوي لا تستخف بقدرات الشعب السوداني فهذا الشعب ملهم ثورات وما عندو كبير وما تفسر كلامي علي هواك وتاني قادر الله

[طارق الحسن محمد]

المشاركة الأصلية كتبت بواسطة سمراء

ياريت زول يورينى الحقيقة مجردة ،وبدون تعصب سياسى ..
يعنى كلام يدخل الراس ....

طيب الاحتملات العندى حسب منطق الحال كالاتى :


هل لانو متصالح مع وضعو ومرتاح ؟

هل لانو خائف من العساكر ؟

هل لانو فقد الثقة فى المعارضة ؟

هل لانو المعارضة فى داخلة " مفرتكة " وماصادقة مع بعضها ؟

ولا هل بقت عليه قصة النكتة بتاعت الراجل السالهم الامام عن اى زول مرتو دقتو يقوم على حيلو ، الا واحد قاعد ، وقال من كترة الدق لامن غالباهو القومة

ولا هل كل ماذكر .....صحيح ؟؟؟؟

اها ..
الموضوع بالجد "سيريص " جدا بالنسبة لى !

سمراء سلام
من صنع ثورتين لهو قادر ان يصنع الثالثة
الثورات فى تونس مصر وليبيا
والان اليمن
لم تصتعها المعارضة التقليدية
انتجها شباب وجلهم لم يمارسو السياسة
من قبل
وعندما صنعو هذه الثورات لم بفكرو من هو البديل . ؟ ؟
الشعب السودانى لن ينتظر القيادات التقليدية للمعارضة
لكى تقوده وان صنع ثورته لن يعود هولاء لحكمه
المرة دى شكة جديدة خالص
وحواء والدة ولم يعقر رحمها لكى تنجيب قيادات
شابة وواعية لامر الوطن
فقط المطلوب ان نتفق على خلع الانقاذ الان
وان ندعم هولاء الشباب ان لكى يصنعو
ثورتهم بدلا عن نكسر مجاديفهم
باسئلة قد تجلب احباطا للبعض
وان نسفه حماة الانقاذ الماجؤرين
وهذا اضعف الايمان

مودتى

[الجيلى أحمد]

اقتباس:
المشاركة الأصلية كتبت بواسطة زول خرافي
با النقر يا اخوي لا تستخف بقدرات الشعب السوداني فهذا الشعب ملهم ثورات وما عندو كبير وما تفسر كلامي علي هواك وتاني قادر الله

شكرآ ياابراهيم..
شكرآ شديد والله
والتحية لهذا الشعب العظيم المكلوم ...

هذا الشعب العظيم لايستخف به الا من لم يعد يرى ,
ونضبت رغبته فى الحرية
وفى التجريب..

ياالنقر شايفك فرحان بالبوست دا..

بجيب لى سلبة وبربطك فى طرف عنقريبو..

نحنا ناس عندنا لسه رغبة فى هذه الحياة
الشعب دا عايش يعيش حر بدون عساكر صعاليك وشوية متأسلمين كذبة
وكم طبل أجوف حايم فى أسافير الله ..
عايز يعيش بدون مايغتصب فى أكل عيشو
وبدون مايغتصبوا بناتو ورجالو..

والمسألة مسألة وقت ليس الا
مسألة تنظيم وترتيب
مسألة تراكمات ثورية بتجى لحظتا البتنجض فيها
وتمرق ثورة تكسح كل شئ قداما
..

سؤال سمراء سؤال سمح وفى محلو ..
وخلونا نكتلو نقاش..

وبطل تخزيل للناس ياالنقر

[عبدالمنعم الطيب حسن]

النظام بلا شعبية
هو ذاتو عارف كدة
الشعب جعان ومقهور
وضد الحكومة دي
بس كل الشعب يطلع في يوم واحد مظاهرة
هذا ضد منطق الاشياء
المظاهرات تبدا صغيرة
ثم تنداح
انهيار النظام حتمي
بكرة كل الشعب في الشارع
بس لمن تجي بكرة دي
رجعي البوست دا يا سمراء

[ناصر يوسف]

المشاركة الأصلية كتبت بواسطة محمد فرح

سمراء تحياتي
غالبية الشعب السوداني يحب البشير ويحترمه جداً جداً وسعيد بما وصلت إليه البلاد من تطور وتوفر للخدمات والسلع الأساسيه
في جزء تاني بقول إنو الحكومة الحاليه أفضل السيئين
وفي جزء تالت ده ماشغال بي أي حاجه جاري بس ورا لقمة عيشو ومهموم بي قضاياهو الشخصيه
في جزء رابع بسيييط جداً أغلبهم لاجئين سياسيين في أمريكا وأوروبا وبعض فلول الشيوعيين بالداخل وناس قطاع الشمال ديل بعضهم عندهم (غُبن) شخصي ضد الحكومة الحاليه وبعضهم بسقط فشلة الشخصي على الحكومه ديل ياهم البتسميعهم في بعض المنتديات ومواقع الإنترنت وهم قلة شديد في إعتقادي مستحيل يعملوا مظاهره لأنوا المظاهرة بتحتاج لي نصاب معين لازم يكتمل أنا حددتو بي 500 نفر

مؤونة عام من الود

[أسعد]

يا سمراء
في بوست قبل كدة فتحو اخونا بدرالدين عن فشل مظاهرات ميدان عقرب
كنت رديت ليهو بهذا الرد

بدر الدين تحياتي
انت عارف إنه نتاج الطوفان الحاصل في مصر حالياً ليس وليد اللحظة بل هو عمل سنين طوال من المظاهرات السلمية والتي جوبهت باعتراضات غير سلمية من قبل الأمن أحياناً وأحياناً اخرى يتم تحديد مكان تظاهرتهم ... فامام البرلمان المصري تم تقسيم ارصفته للتظاهرات السلمية ، منذ اكثر من 6 سنوات مصر تعيش حالة من المظاهرات السلمية المتوالية من دون كلل أو ملل .
وعندما فاض الكيل كانت النتيجة ما تراه حاليا على القنوات الفضائيه
هل تعلم أنه في أول يوم للمظاهرات الحالية والتي كانت يوم الثلاثاء 25يناير وعند التاسعة صباحاً كان أول تجمع لا يتعدى الخمسين متظاهر وكان يصيحون (واحد أتنين ... الشعب المصري فين؟!) فكان رد أحد الصحفيين الأجانب بلغة عربية ركيكة -بعد ان اصابته الخيبة جراء قلة المتظاهرين- فقال لهم (الشأأب المصري روخ نوم) ... وما إن مضت ساعتين حتى كانت التظاهرة تهدر بألاف المتظاهرين والتي اليوم تحولت إلى ملايين

فياخي الحمد الله كونه لم ينجح أحد في الصمود أمام عصابة الانقاذ
ولكن حتماً ستتكرر المحاولات والتي بدورها ستبصبح شعلة مضيئة لتنوير الشعب السوداني النائم أو المنوم
فصيحات كل تظاهرة ستصحي ضمير العشرات ... وعشرات زائد عشرات بتساوي مئات ، ومئات زائد مئات بتساوي آلاف ، وآلاف زائد آلاف بتساوي ملايين كما هي بحسابات النظرية المصرية

يا سمراء
ما يحدث شيء عادي جداً
وبالطبع لازم من فشل
لانها دي لفة طويلة وفيها بتبين الخيل الأصيلة
ولحدي ما يجي اليوم الشارع يمرق بدون انتماء لألوية حزبية أو قبلية أو جهوية
ما يحدث حالياً يضر الاحزاب في بت أم روحها

[الجيلى أحمد]

شكرآ ياوجدى

كل الثورات التى حدثت كانت نتاج تراكمات لاحتجاجات وتظاهرات لسنين طويلة , ولم تخرج أبدآ ثورة من فقط عدة دعوات ..
الذين يظنون أن ثورات مصر وتونس وليبيا , قد كانت وليدة اللحظة عليهم مراجعة معلوماتهم ومتابعتهم لما يجرى فى هذه البلدان ,
فعلى مدار سنوات طويلة نظمت المعارضة المصرية والشباب هناك مجموعات متفرقة من المظاهرات والاحتجاجات و فشل جلها بسبب القبضة الامنية لنظام مبارك والتى تفوق مئات المرات قبضة جهاز أمن البشير ولكنها استطاعت دائمى أن توصل صوتها بقوة على الصعيد المحلى أو العالمى, وفى نهاية الامر تفتقت عن تنظيم عالى من الشباب وتوحد للشعارات , ثم من بعد تاثرت ايجابآ وبقوة دفع عالية بالثورة التى انطلقت قبلها فى تونس..
ولانذهب بعيدآ
فاالانتفاضة الآخيرة على ذات المتاسلمين وقوانين سبتمبر, كانت نتاج تراكمات ثورية وتظاهرات واعتصامات أنتهت بالعصيان المدنى الشامل ,
ولم تكن البتة وليدة ولحظة أو غضبة عابرة ..

الانتفاضة قادمة لامحالة ,
وسيكسر طوق الاحباط هذا بالعمل الجاد , والتنظيم الدقيق,
والتنسيق بين القوى السياسية ومجموعات الشباب

[طارق الحسن محمد]

المشاركة الأصلية كتبت بواسطة الجيلى أحمد

شكرآ ياوجدى

كل الثورات التى حدثت كانت نتاج تراكمات لاحتجاجات وتظاهرات لسنين طويلة , ولم تخرج أبدآ ثورة من فقط عدة دعوات ..
الذين يظنون أن ثورات مصر وتونس وليبيا , قد كانت وليدة اللحظة عليهم مراجعة معلوماتهم ومتابعتهم لما يجرى فى هذه البلدان ,
فعلى مدار سنوات طويلة نظمت المعارضة المصرية والشباب هناك مجموعات متفرقة من المظاهرات والاحتجاجات و فشل جلها بسبب القبضة الامنية لنظام مبارك والتى تفوق مئات المرات قبضة جهاز أمن البشير ولكنها استطاعت دائمى أن توصل صوتها بقوة على الصعيد المحلى أو العالمى, وفى نهاية الامر تفتقت عن تنظيم عالى من الشباب وتوحد للشعارات , ثم من بعد تاثرت ايجابآ وبقوة دفع عالية بالثورة التى انطلقت قبلها فى تونس..
ولانذهب بعيدآ
فاالانتفاضة الآخيرة على ذات المتاسلمين وقوانين سبتمبر, كانت نتاج تراكمات ثورية وتظاهرات واعتصامات أنتهت بالعصيان المدنى الشامل ,
ولم تكن البتة وليدة ولحظة أو غضبة عابرة ..

الانتفاضة قادمة لامحالة ,
وسيكسر طوق الاحباط هذا بالعمل الجاد , والتنظيم الدقيق,
والتنسيق بين القوى السياسية ومجموعات الشباب

[مبر محمود]

هسى انا كدى بى عقلى اثور عشان اسلم الحكومة لى نقد الصادق الترابى المرغنى -- والله الا امش معاهم المقابر للدفن وبس --

سلام يا النقر، دفعاً بالحوار للأمام، أرجو أن تقوم بتقديم مقترحات، للخروج بالبلاد من حالة الإحتقان الذي ترزح فيه الأن

[ود الخير]

المشاركة الأصلية كتبت بواسطة جيجي

راشنه بجمكسين

الشعب جعان
لكنه كسلان
يقوم ياكل
اضم تساؤلي لتساؤولك

يا إخوانا يا هيييييييييي يا ناس. يا عاللللللللللللللم

والله كلام زي دا ولا بالهزار ما عاوزه والمفروض أية
سوداني يحرق ليك ويحرق للرباك زانو
الله يحرقك ويحرق أعصابك وكان فيك عرق مصريين
الله يحرقك ويحرق مصر كلها معاك

سمرا المعذرة لكن كدا كتير .
عقولنا وحقوقنا قنعنا منها باقي لينا اعصابنا
دي عايشيين بيها

احتراما ليك كإمراة كان الرد مؤدبا
واحتراما للاخت سمرا دي اخر مرة امرر ليك
فيها اساءة للسودان

اذا اردت سوف اعمل ليك بحث
كامل في كل مشاركاتك التي تصدر منها
ريحة كرهك وفظاعة لسانك في حق بني بلدي

السودان