منديل حرير !!! النور يوسف
قيامة دولة المتحولون الانسانية !!! أسعد
خِلِّي العيش حرام - عبر الأجيال !!! أشرف السر
آخر 5 مواضيع إضغط علي او لمشاركة اصدقائك! سودانيات .. تواصل ومحبة > منتـديات سودانيات > منتـــــــــدى الحـــــوار نفسي ابقى رئيس ياخ.. اسم العضو حفظ البيانات؟ كلمة المرور التعليمـــات مركز رفع الملفات البحث مشاركات اليوم اجعل كافة الأقسام مقروءة صفحة 1 من 4 1 2 > Last » أدوات الموضوع انواع عرض الموضوع 10-03-2011, 10:25 PM #[1] طارق جبريل :: كــاتب نشــط:: نفسي ابقى رئيس ياخ.. الحبيبين كيفنكم وحاتكم فترت من الشغل ياخي انا ليلي ونهاري في جريدة الجن لا سوينالنا قريشات لا كمان ارتحنا وحات نضري اشتهيت ابقى رئيس اماني ما قاعدي تعجبني العربيي السودا ديك وبتلمع والعلم يرفرف قدامها علي الملايي الجديدي مفروشي في عنقريب في حوشا فيهو زيفي وهمبريب وتكون ماشي وسط الناس وتقول كدي تتفتح من لااااافوق زي غتا البير وكتين تجي تنشل المويي وتخت النضارات ألات البيرسون ديك وتمرق رويسك ويدينك وتقعد تحي في الجماهير والهوا يدقشك في اضنيك.. والخرابين البي الجنبات ومغزغزلهم سماعات في اضنيهم يحرسوا فيك والجماهير دي تسكت توجوج وتهتفلك وانت لاك عارفو هتاف لاك عارفو نبز وتقعد تشتح في يديك يمين وشمال لامن اباطاتك يعرقن وريحة الصماح دي تجي داقشاك وكله من اجل الجماهير الابية ووكتين تصل الساحة الداير تخطب فيها يقولوا كدي المواتر الزي زينة الحفلات ديلك يوجوجوا ويييييو وييييو ويقولوا كدي يفتحولك الباب.. وتجي نازل كلك تلمع وعصايتك في ايدك وتقولهم جهزولي ساحة كبيري فشان النقزي اصلو نحن نقزينا ماهو زي أليل الجعليين فوق ضهور السيارات ويقوم كدي ود النصري يديها نقرة في الطنبور وتقوم كدي تديها نقزي نقزتين وتترتر من هني لا هني وامة الله دي تنقز معاك وهي الجوع كاتلها ويقوموا يدوك الميكرفون وتقعد تفسي والناس دي توجوج وانت تزيد في الفسو: حا نسويلكم وحا نبنيلكم نضمي كله فسو وطرورة كدي والجماهير دي تقاطعك في الكلام وانت تزيد في الفسو وتختمها بي كم الله اكبر كدي وتنزل تمشي علي قصرك وتقعد في الكنبات المنجدات بالجلد ديلك وتضرب في الكنادش وتستقبل دة وتوصي دة وتدي النصايح وبعداك تمشي علي الاقامة الرئاسية والتباخين يختولك الغدا الماهو خمج وتقعد تلوغد في طيبات الله دي وتنسى اللوبي عفن وصحن البوش وســخــينة الدكوة والعجور بالشطة وعفنة التركين وملاح البطاطس ابو زيتا مطفح وشويتين يجيبولك التفاح والاناناس وتسرح وتتذكر زمن الدوم والقنقليز وتكجم في التفاح وتتمطق.. وتقوم تاخدلك غمدي صغووويري وبعديها تدخل علي الحمام الماهل داك والمقعد الابيض العلي صابونة اللوكس داك وتسكت تمرق في الخيرات الضربتهن قبيل ديلك وتنسى المستراح والضبانة الخدرا التنوني ديك ورجلينك التنمل من القعدة فوق حفرة الادبخانة والعجب ان كان عندك امساك تقعد تتعصر وتعوج في وشك والعرق يخرخر فيك ويتسايل من تالا رقبتك ووكتين تطلع تلقى رجلينك منملي وواجعاك تقول كنت بتسوي في سويدي وصماحك يرمي الصقر.. تنسى دة كله وتقعد في المقعد المريح داك اليشهيك الهُرار (اكرمكم الله) وتقول كدي تديها غتسة في البانيو المرشوش بالكلونيا وتقوم كدي تدخل علي الجاكوزي والموية دي تفور فيك زي القاعدين يسلقوا فيك وتقوم تتمشك بالليفي الليها مساكات ديك ماها متل الليفي ام بذر ديك وتقوم تتنشف بالبشاكير العلي الجلاليب ديك وليها تكي وتنسى بشاكير الجن ديك لا تعرفها بشكير ولا تعرفها صنفرة وتلقى الكريمات دي مطنبجة وتسكت تتمسح وتدلك في صلعتك وتطنبج اباطاتك بالريحي السمحي موش البخاخ العلي النفتالين داك ويسويلك حرارة في ابطيك وتقول كدي تنضف اضنينك بالخرابة الفي راسو قطن داك وتنسى بعبيص اعواد الكبريت في اضانك والحركة ألت حلقك معاها كض كض كض كض وتمرق علي الاوضي الفسيحي ألتك وتشوف داير تلبس شنو ومنو الحا يجي يغنيلك وسط الاقامة الرئاسية دي الرسول فيكم وروني ابقى رئيس كيفن طارق جبريل مشاهدة ملفه الشخصي إرسال رسالة خاصة إلى طارق جبريل البحث عن المشاركات التي كتبها طارق جبريل 10-03-2011, 10:33 PM #[2] wadosman :: كــاتب نشــط:: اقتباس: المشاركة الأصلية كتبت بواسطة طارق جبريل الحبيبين كيفنكم وحاتكم فترت من الشغل ياخي انا ليلي ونهاري في جريدة الجن لا سوينالنا قريشات لا كمان ارتحنا وحات نضري اشتهيت ابقى رئيس اماني ما قاعدي تعجبني العربيي السودا ديك وبتلمع والعلم يرفرف قدامها علي الملايي الجديدي مفروشي في عنقريب في حوشا فيهو زيفي وهمبريب وتكون ماشي وسط الناس وتقول كدي تتفتح من لااااافوق زي غتا البير وكتين تجي تنشل المويي وتخت النضارات ألات البيرسون ديك وتمرق رويسك ويدينك وتقعد تحي في الجماهير والهوا يدقشك في اضنيك.. والخرابين البي الجنبات ومغزغزلهم سماعات في اضنيهم يحرسوا فيك والجماهير دي تسكت توجوج وتهتفلك وانت لاك عارفو هتاف لاك عارفو نبز وتقعد تشتح في يديك يمين وشمال لامن اباطاتك يعرقن وريحة الصماح دي تجي داقشاك وكله من اجل الجماهير الابية ووكتين تصل الساحة الداير تخطب فيها يقولوا كدي المواتر الزي زينة الحفلات ديلك يوجوجوا ويييييو وييييو ويقولوا كدي يفتحولك الباب.. وتجي نازل كلك تلمع وعصايتك في ايدك وتقولهم جهزولي ساحة كبيري فشان النقزي اصلو نحن نقزينا ماهو زي أليل الجعليين فوق ضهور السيارات ويقوم كدي ود النصري يديها نقرة في الطنبور وتقوم كدي تديها نقزي نقزتين وتترتر من هني لا هني وامة الله دي تنقز معاك وهي الجوع كاتلها ويقوموا يدوك الميكرفون وتقعد تفسي والناس دي توجوج وانت تزيد في الفسو: حا نسويلكم وحا نبنيلكم نضمي كله فسو وطرورة كدي والجماهير دي تقاطعك في الكلام وانت تزيد في الفسو وتختمها بي كم الله اكبر كدي وتنزل تمشي علي قصرك وتقعد في الكنبات المنجدات بالجلد ديلك وتضرب في الكنادش وتستقبل دة وتوصي دة وتدي النصايح وبعداك تمشي علي الاقامة الرئاسية والتباخين يختولك الغدا الماهو خمج وتقعد تلوغد في طيبات الله دي وتنسى اللوبي عفن وصحن البوش وســخــينة الدكوة والعجور بالشطة وعفنة التركين وملاح البطاطس ابو زيتا مطفح وشويتين يجيبولك التفاح والاناناس وتسرح وتتذكر زمن الدوم والقنقليز وتكجم في التفاح وتتمطق.. وتقوم تاخدلك غمدي صغووويري وبعديها تدخل علي الحمام الماهل داك والمقعد الابيض العلي صابونة اللوكس داك وتسكت تمرق في الخيرات الضربتهن قبيل ديلك وتنسى المستراح والضبانة الخدرا التنوني ديك ورجلينك التنمل من القعدة فوق حفرة الادبخانة والعجب ان كان عندك امساك تقعد تتعصر وتعوج في وشك والعرق يخرخر فيك ويتسايل من تالا رقبتك ووكتين تطلع تلقى رجلينك منملي وواجعاك تقول كنت بتسوي في سويدي وصماحك يرمي الصقر.. تنسى دة كله وتقعد في المقعد المريح داك اليشهيك الهُرار (اكرمكم الله) وتقول كدي تديها غتسة في البانيو المرشوش بالكلونيا وتقوم كدي تدخل علي الجاكوزي والموية دي تفور فيك زي القاعدين يسلقوا فيك وتقوم تتمشك بالليفي الليها مساكات ديك ماها متل الليفي ام بذر ديك وتقوم تتنشف بالبشاكير العلي الجلاليب ديك وليها تكي وتنسى بشاكير الجن ديك لا تعرفها بشكير ولا تعرفها صنفرة وتلقى الكريمات دي مطنبجة وتسكت تتمسح وتدلك في صلعتك وتطنبج اباطاتك بالريحي السمحي موش البخاخ العلي النفتالين داك ويسويلك حرارة في ابطيك وتقول كدي تنضف اضنينك بالخرابة الفي راسو قطن داك وتنسى بعبيص اعواد الكبريت في اضانك والحركة ألت حلقك معاها كض كض كض كض وتمرق علي الاوضي الفسيحي ألتك وتشوف داير تلبس شنو ومنو الحا يجي يغنيلك وسط الاقامة الرئاسية دي الرسول فيكم وروني ابقى رئيس كيفن ههههههههههههههههههه ود جبريل... سلاااام يلا من دربك دا و ابو جنزير,,, wadosman مشاهدة ملفه الشخصي إرسال رسالة خاصة إلى wadosman البحث عن المشاركات التي كتبها wadosman 10-03-2011, 10:42 PM #[3] همس الشوق :: كــاتب نشــط:: يا ود جبرين عليك الله ما داير ليك حرم الرئيس والله نفسي أبقى حرم الرئيس التوقيع: [frame="1 80"]أنا إمراة لا أنحنى لكى ألتقط ماسقط من عينى ابداً[/frame] همس الشوق مشاهدة ملفه الشخصي إرسال رسالة خاصة إلى همس الشوق البحث عن المشاركات التي كتبها همس الشوق 10-03-2011, 10:43 PM #[4] طارق جبريل :: كــاتب نشــط:: اقتباس: المشاركة الأصلية كتبت بواسطة wadosman ههههههههههههههههههه ود جبريل... سلاااام يلا من دربك دا و ابو جنزير,,, اووووووووووووه محمد هول ناس عثمان انت حي آآآيابا يعلم الله مشتهي ونستك وغناك يا الحبيب ماني دايرلي رئاستا صعبي كدي شوفلي ويحيتا ساهلي طارق جبريل مشاهدة ملفه الشخصي إرسال رسالة خاصة إلى طارق جبريل البحث عن المشاركات التي كتبها طارق جبريل 10-03-2011, 10:44 PM #[5] طارق جبريل :: كــاتب نشــط:: اقتباس: المشاركة الأصلية كتبت بواسطة همس الشوق يا ود جبرين عليك الله ما داير ليك حرم الرئيس والله نفسي أبقى حرم الرئيس هووووووووي يا خرابة انا لليلي ما مسكت الرئاسة دايري تطمعي فيني دحين خليني اللتشهد طارق جبريل مشاهدة ملفه الشخصي إرسال رسالة خاصة إلى طارق جبريل البحث عن المشاركات التي كتبها طارق جبريل 10-03-2011, 10:45 PM #[6] مرافي :: كــاتب نشــط:: الاخ طارق سلااام ماكن ياخوي ربنا يديك قروشن كتيرة وتسوي كل القلتو الا رئيس دي انسها آآآآخرا كوم تراب... هروب ومزازه دايربها شنوو الله يقطعا التوقيع: [frame="1 80"]خلقنا للحياة ِ وللمماتِ ومن هذين كلُّ الحادثاتِ ومَهْدُ المرءِ في أَيدي الروَاقي كنعش المرءِ بينَ النائحات وما سَلِمَ الوليدُ من اشْتكاء فهل يخلو المعمَّرُ من أَذاة ؟ أحمد شوقي [/frame] مرافي مشاهدة ملفه الشخصي إرسال رسالة خاصة إلى مرافي البحث عن المشاركات التي كتبها مرافي 10-03-2011, 10:50 PM #[7] ناصر يوسف :: كــاتب نشــط:: الله يجازي محنك يا ود جبريل تغتس وتجينا بي لسانك الفاكي منك ده حوووووووووووووووووووولا غايتو زماااانك كدي كان بقول ليك تدخل الكلية الحربية وتسويلك إنقلاب وياهو ود عثمان قالك تمش علي ميدان ابو جنزير عِلا الإتنين هسي ماااااااااااافي بَبَّح الديش نقلو فتاشه وإنت تفتش في رويحتك المافي دي وأبو جنزير جنزروهو بناس الأمِن والبوليص أها والله إلا يجيك نبي الله الخضر ولا تنتظر رمضان الجاي يممممممممممممممممكن تجيك ليلة القَدُر قلت لي ... تنسى دة كله وتقعد في المقعد المريح داك اليشهيك الهُرار (اكرمكم الله) ههههههههههههه والله ضحكتني لآمن صحيت الجنبي التوقيع: ما بال أمتنا العبوس قد ضل راعيها الجَلَوس .. الجُلوس زي الأم ما ظلت تعوس يدها تفتش عن ملاليم الفلوس والمال يمشيها الهويني بين جلباب المجوس من التيوس النجوس ناصر يوسف مشاهدة ملفه الشخصي إرسال رسالة خاصة إلى ناصر يوسف البحث عن المشاركات التي كتبها ناصر يوسف 10-03-2011, 11:01 PM #[8] Sana Mursi :: كــاتب نشــط:: مادام ابو جنزير جنزروه على قول ناصر فعلى ميدان المولد وميدان محطة سبعه بين الامتداد والصحافه وميدان الشهداء وميدان الكلاكله اللفه واي ميدان فيك يا العاصمه المثلثه المتلتله. بس ما تنسانا بعدين تقلع لي فيلا في كافوري من اخوان الرئيس التوقيع: الي جنات الخلد يا خالد Sana Mursi مشاهدة ملفه الشخصي إرسال رسالة خاصة إلى Sana Mursi البحث عن المشاركات التي كتبها Sana Mursi 10-03-2011, 11:21 PM #[9] سارة :: كــاتب نشــط:: ود جبرين المطوفش انت يايابا شكيت محنك رئاسة شنو يالمضروب ات قايلها هى هاملها ساكت؟؟ كان ما بقيت سمين وليك فقر رئاسة شنو البتمسكها؟؟قادر الله احسن ليك اقعد ليك حكاويك قال ضبان اخدر شكيت محنك يايابا اخيتك ستى نور التوقيع: تـجـــاربنا بـالـحيـــاة تــألـــمنـا.... ولــكنــها بــلا شــك تــعلــمنـا لك الرحمة ياخالد ولنا صبرا جميلا سارة مشاهدة ملفه الشخصي إرسال رسالة خاصة إلى سارة البحث عن المشاركات التي كتبها سارة 10-03-2011, 11:27 PM #[10] سماح محمد :: كــاتب نشــط:: هههههههههههههههه يا جماعة متل الخمجي والنقزي ده ما بيدورلو ميادين ونضال ده دايرلو تليبي فوق أحلام الناس كدي (حين غفلة).. اليوصفلو الدرب زولا نجيض غيري .. التوقيع: دنيـــا لا يملكها من يملكها.. أغنى أهليها سادتها الفقراء.. الخاسر من لم يأخذ منها ما تعطيه على إستحياء.. والغافل من ظن الأشياء هي الأشياء... الفيتوري سماح محمد مشاهدة ملفه الشخصي البحث عن المشاركات التي كتبها سماح محمد 11-03-2011, 12:06 AM #[11] احمد سيداحمد :: كــاتب نشــط:: طارق سلامات لو داير تبقي ما عليك الا تلم معاك مجموعة بتاعت مغفلين لحدي ما يوصلوك الرئاسة وتفكهم عكس الهوا التوقيع: من يعيش في سلام مع نفسه فهو يعيش دائماً في سلام مع اﻵخرين إنه ﻻ يستطيع أن يكره ، وﻻ يخطر بذهنه أن يرفع سلاحاً في وجه أحد إنه قد يطلق ضحكةً أو يترنّم بأُغنية ، ولكنه أبداً ﻻ يفكّر في أن يطلق رصاصة . وإنما تولد الكراهية للآخرين حينما تولد الكراهية للنفس. د.مصطفى محمود احمد سيداحمد مشاهدة ملفه الشخصي إرسال رسالة خاصة إلى احمد سيداحمد البحث عن المشاركات التي كتبها احمد سيداحمد 11-03-2011, 12:53 AM #[12] محمد مصطفي :: كــاتب نشــط:: عاد الرئاسة ام هرار دي اريتنا ما نشوفة المشكلة مش في الهيلمان الموجود حول الرئيس المشكلة في الاطمئنان يا صاحب حياة الروؤساء بؤس وشقاء والله ما تشوف الجعجعة والنقزي البسوهو ده ما اظن اكون عندهم نفس زاتو عشان ياكل واظن القروش البجمعا في عهد السلطة غالباً بتكون ثمن عيشو في امان خارج السلطة يا اخوي شوف ليك ادبخانة ساي واتكرف البخار الطالع من تحتك والله اكرم مليون مرة من ادبخانات الرخام اقلاها ياخ بتكون مطمئن وفي النهاية الهُرار ياهو الهُرار ( اكرمكم الله جميعاً ) عاطر تحياتي يا ودجبرين التوقيع: أتوق لينابيع شعر ، تتهيأ مفردات الحب فيها للتحليق بعيدا داخل احلامي أشواق يضحك الفجر لها وتضمها مدائن الفرح اشراق ضرار ستبقي في قلوبنا ابداً يا خال محمد مصطفي مشاهدة ملفه الشخصي إرسال رسالة خاصة إلى محمد مصطفي البحث عن المشاركات التي كتبها محمد مصطفي 11-03-2011, 05:35 AM #[13] احمد عبد الرافع :: كــاتب نشــط:: يا رئيس هههههههههه أهه من أسي النحدثك الشعب يريد إسقاط الرئيس الشعب يريد إسقاط الرئيس احمد عبد الرافع مشاهدة ملفه الشخصي إرسال رسالة خاصة إلى احمد عبد الرافع البحث عن المشاركات التي كتبها احمد عبد الرافع 11-03-2011, 10:15 AM #[14] طارق جبريل :: كــاتب نشــط:: اقتباس: المشاركة الأصلية كتبت بواسطة مرافي الاخ طارق سلااام ماكن ياخوي ربنا يديك قروشن كتيرة وتسوي كل القلتو الا رئيس دي انسها آآآآخرا كوم تراب... هروب ومزازه دايربها شنوو الله يقطعا القروش ما بناباها يا مرافئ لكن الفيك اتعرفت طارق جبريل مشاهدة ملفه الشخصي إرسال رسالة خاصة إلى طارق جبريل البحث عن المشاركات التي كتبها طارق جبريل 11-03-2011, 10:16 AM #[15] طارق جبريل :: كــاتب نشــط:: اقتباس: المشاركة الأصلية كتبت بواسطة ناصر يوسف الله يجازي محنك يا ود جبريل تغتس وتجينا بي لسانك الفاكي منك ده حوووووووووووووووووووولا غايتو زماااانك كدي كان بقول ليك تدخل الكلية الحربية وتسويلك إنقلاب وياهو ود عثمان قالك تمش علي ميدان ابو جنزير عِلا الإتنين هسي ماااااااااااافي بَبَّح الديش نقلو فتاشه وإنت تفتش في رويحتك المافي دي وأبو جنزير جنزروهو بناس الأمِن والبوليص أها والله إلا يجيك نبي الله الخضر ولا تنتظر رمضان الجاي يممممممممممممممممكن تجيك ليلة القَدُر قلت لي ... تنسى دة كله وتقعد في المقعد المريح داك اليشهيك الهُرار (اكرمكم الله) ههههههههههههه والله ضحكتني لآمن صحيت الجنبي نان يا ود يوسف باقيلك اسوي شنو نسكت نرجع للادبخانة البتقول جنبلق جنبلق ديك طارق جبريل مشاهدة ملفه الشخصي إرسال رسالة خاصة إلى طارق جبريل البحث عن المشاركات التي كتبها طارق جبريل صفحة 1 من 4 1 2 > Last » تعليقات الفيسبوك « الموضوع السابق | الموضوع التالي » أدوات الموضوع مشاهدة صفحة طباعة الموضوع أرسل هذا الموضوع إلى صديق انواع عرض الموضوع العرض العادي الانتقال إلى العرض المتطور الانتقال إلى العرض الشجري تعليمات المشاركة لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules الانتقال السريع لوحة تحكم العضو الرسائل الخاصة الاشتراكات المتواجدون الآن البحث في المنتدى الصفحة الرئيسية للمنتدى منتـديات سودانيات منتـــــــــدى الحـــــوار خـــــــالد الـحــــــاج موضوعات خـــــــالـد الحـــــــــاج ما كُتــب عن خـــــــالد الحــــــاج صــــــــــــــــور مكتبات مكتبة لسان الدين الخطيب محمدخير عباس (لسان الدين الخطيب) مكتبة أسامة معاوية الطيب مكتبة الجيلي أحمد مكتبة معتصم محمد الطاهر أحمد قنيف (معتصم الطاهر) مكتبة محي الدين عوض نمر (nezam aldeen) مكتبة لنا جعفر محجوب (لنا جعفر) مكتبة شوقي بدري إشراقات وخواطر بركة ساكن عالم عباس جمال محمد إبراهيم عبدالله الشقليني أبوجهينة عجب الفيا نــــــوافــــــــــــــذ الســــــرد والحكــايـــــة مسابقة القصة القصيرة 2009 مسابقة القصة القصيرة 2013 كلمـــــــات المكتبة الالكترونية خاطرة أوراق صـــــالة فنــــون فعــــاليات إصــدارات جديــدة الكمبيــــــــــوتــر برامج الحماية ومكافحة الفايروسات البرامج الكاملة برامج الملتميديا والجرافيكس قسم الاسطوانات التجميعية قسم طلبات البرامج والمشاكل والأسئلة قسم الدروس وشروح البرامج منتــــدي التوثيق ارشيف ضيف على مائدة سودانيات مكتبة سودانيات للصور صور السودان الجديدة صور السودان القديمة وجوه سودانية صور متنوعة المكتبة الالكترونية نفــاج خالــد الحــاج التصميم Mohammed Abuagla الساعة الآن 11:02 AM. زوار سودانيات من تاريخ 2011/7/11 اتصل بنا / مقترحات القراء - سودانيات - الأرشيف - الأعلى Powered by vBulletin® Version 3.8.8 Beta 2Copyright ©2000 - 2026, vBulletin Solutions, Inc.
ههههههههههههههههههه
