طلعت قبل شوية من معاينة في لجنة الإختيار

عمر عبدالكريم · 29-03-2011, 12:42 PM

المعاينه لي خريجين حاسوب للخدمة بوزارة العمل
بالرغم من إني خريج قديم 2005 لكن الظروف ساقتنا للعمل في الشركات الخاصه حيث عملت في إم تي إن لأكثر من سنتين بعقد (مؤقت) في قسم خدمات المشتركين وماأدراك ماخدمات المشتركين .. وظيفه قاسيه لأقصى درجه , لكن زي مابقول المثل رضينا بالهم والهم مارضى بينا ، سرحتنا الشركه وسلمت القسم لشركه (آوت سورس) وتم إستقدام موظفين جدد برواتب أقل من نصف ماكنا نتقاضاه
قلت حينها لزميلي (سرّحونا قبال مايقوم لينا شعر ياأحمد)
المهم ماأسوقكم بالونسة ساكت زي ماقلت بالرغم من إني خريج قديم إلا إنو دي أول معاينة لي في لجنة الإختيار .. وعلى حسب ماكنت أسمع حفظت نواقض الوضوء وصلاة الجنازه وكل الأدعيه المعروفه وغير المعروفه لأنو كنت متوقع معاينة دينية بعيده تماماً عن التخصص لكن إتفاجأت أولاً بالنظام الشديد في المكتب وبالتعامل الراقي جداً .. وتم تسديد أسئلة المعاينة بعناية في مرمى تخصصي .. في سؤالين بره التخصص الأول عن مكان سكني والثاني عن المسجد الذي أصلي به .
ماعارف بس بالجد على عكس التوتر الطبيعي للمعاينات إرتحت للأشخاص الكانوا باللجنه وإندحت في إجابات بعض الأسئله بإسهاب .

المهم ياأخوانا أدعو لي يشيلوني ... مفروض البوست محتواهو كلو يكون طلب الدعاء ده بس يدي جرت في الكيبورد أعفو لي النقه .

درديري كباشي الامين · 29-03-2011, 12:50 PM

[justify]
يا سلام بس كدا يا باشمهندس والله تستاهل ودعاء وتزكية ونقول للجنة عينوه وما راح تندموا

وموضوعك حمل اكثر من مجرد طلب الدعاء وانما حمل لينا رسالة مضمونها تصحيح مفاهيم وهوس سابق في المعاينات دخل السودان في متاهة ..

كنت اقرا قبل قليل في منتدى كسلا قالوا في وزير اقليمي قاعد في مكتب الاستقبال يآخذ في الحضور Attendence بنفسه ويأمر الموظفين انهم يوقعوا له .
[/justify]

عباس الشريف · 29-03-2011, 12:53 PM

من ارتحت ليهم الجماعه ديل مسكوك الباب دائما الما عايزين اشغلوهو بكونو ظريفيم معاهو تبقي عليك اتنين عدم شغل وقطامه يا الحبيب لو ما كوز احسن ليك اغترب او هاجر قبل ما اتغير تخصص من مهندس وتبقي هاجر كباشي.
لو كوز او فيك رقشة كوز ما بتحتاج لدعواتنا العنوان باين من ظرافة ناس اللجنة.
بعد ده كلو انشاءالله ربنا احقق مرادك كان ما عينوك تلقي احسن منها

عمر عبدالكريم · 29-03-2011, 01:03 PM

درديري
تحياتي
أولاً شكراً على الدعاء الصافي
أنا بطبعي (متفائل)
ضربت للوالده قبل المعاينة لقيتها في كنترول الشهاده السودانيه
قلتليها أدعي لي من مادعت لي طوالي قلبي إنشرح بس التقول قالوا لي تعال بكرة إستلم وظيفتك
إحتمال ده سبب التفاؤل الحقيقي .
لكن ماسمعتو عن معاينات لجنة الإختيار مختلف تماماً وماكان في بالي إطلاقاً أمشي أقدم هناك لكن قلنا الواحد يطرق كل الأبواب . لكن بصدق وجدت شباب متخصصين واسئلتهم مركزه تماماً .

عمر عبدالكريم · 29-03-2011, 01:08 PM

ياعباس إزيك
نحنا لاحكومه لامعارضه
مامغيبين عن الحاصل في البلد ومابعيدين عن هموم البلد
عايزين نعيش بس
أحلامنا بسيطه شديد ،،، وظيفه ثابته في مجالك وبيت إيجار معقول وذريه صالحه
ربنا يصلح الحال
وشكراً للدعوة ياحبيب

عصام محمد الحسن · 29-03-2011, 01:15 PM

اقتباس:

المشاركة الأصلية كتبت بواسطة عمر عبدالكريم

المعاينه لي خريجين حاسوب للخدمة بوزارة العمل
بالرغم من إني خريج قديم 2005 لكن الظروف ساقتنا للعمل في الشركات الخاصه حيث عملت في إم تي إن لأكثر من سنتين بعقد (مؤقت) في قسم خدمات المشتركين وماأدراك ماخدمات المشتركين .. وظيفه قاسيه لأقصى درجه , لكن زي مابقول المثل رضينا بالهم والهم مارضى بينا ، سرحتنا الشركه وسلمت القسم لشركه (آوت سورس) وتم إستقدام موظفين جدد برواتب أقل من نصف ماكنا نتقاضاه
قلت حينها لزميلي (سرّحونا قبال مايقوم لينا شعر ياأحمد)
المهم ماأسوقكم بالونسة ساكت زي ماقلت بالرغم من إني خريج قديم إلا إنو دي أول معاينة لي في لجنة الإختيار .. وعلى حسب ماكنت أسمع حفظت نواقض الوضوء وصلاة الجنازه وكل الأدعيه المعروفه وغير المعروفه لأنو كنت متوقع معاينة دينية بعيده تماماً عن التخصص لكن إتفاجأت أولاً بالنظام الشديد في المكتب وبالتعامل الراقي جداً .. وتم تسديد أسئلة المعاينة بعناية في مرمى تخصصي .. في سؤالين بره التخصص الأول عن مكان سكني والثاني عن المسجد الذي أصلي به .
ماعارف بس بالجد على عكس التوتر الطبيعي للمعاينات إرتحت للأشخاص الكانوا باللجنه وإندحت في إجابات بعض الأسئله بإسهاب .

المهم ياأخوانا أدعو لي يشيلوني ... مفروض البوست محتواهو كلو يكون طلب الدعاء ده بس يدي جرت في الكيبورد أعفو لي النقه .

ربنا يوفقك ويجعل الوظيفة من نصيبك
دعوة صادقة من القلب

اروي حامد عبد الله حامد · 29-03-2011, 01:18 PM

اقتباس:

المشاركة الأصلية كتبت بواسطة عباس الشريف

من ارتحت ليهم الجماعه ديل مسكوك الباب دائما الما عايزين اشغلوهو بكونو ظريفيم معاهو تبقي عليك اتنين عدم شغل وقطامه يا الحبيب لو ما كوز احسن ليك اغترب او هاجر قبل ما اتغير تخصص من مهندس وتبقي هاجر كباشي.
لو كوز او فيك رقشة كوز ما بتحتاج لدعواتنا العنوان باين من ظرافة ناس اللجنة.
بعد ده كلو انشاءالله ربنا احقق مرادك كان ما عينوك تلقي احسن منها

غايتو الاطلق عليك اسم ركس نهاااااااااااااااااااااااااائي ماقصر في حقك
اسع في ذمتك دي تدعي لي الولد ولا تحبطه
زول متفائل تشبكوا نق نق نق نق

ركسس خلي الجهجهة

عمر ياولدنا انشاء الله تتوفق وياخدوك وتتوظف وربنا يخلف عيلك بالذرية الصالحة وتفألوا بالخير تجدوه

سر الختم إبراهيم نقد · 29-03-2011, 01:24 PM

عمر تحياتي
المهم ما تيأس، وواصل في تفاؤلك، وإن شاء الله نسمع بيك رقم كبير في عالم الآي تي.

عمر عبدالكريم · 29-03-2011, 01:36 PM

شكراً عصام على الدعوة الصادقه دي
بالجد ريحتني
دائماً الدعوات تشعرني بالراحه
ربنا يديك الفي مرادك

همس الشوق · 29-03-2011, 01:38 PM

أتمنى ليك من كل قلبي ربنا يوفقك
انت زول راقي وطموح
ربنا يهديهم ويعينوك في تخصصك
لأنه حرام شباب زيكم ما يلاقي فرصه في تخصصه

يا رب بالتوفيق

لكن اول مرتب توزعه لينا هنا إلا عباس الشريف

عباس الشريف · 29-03-2011, 01:40 PM

اقتباس:

المشاركة الأصلية كتبت بواسطة اروي حامد عبد الله حامد

غايتو الاطلق عليك اسم ركس نهاااااااااااااااااااااااااائي ماقصر في حقك
اسع في ذمتك دي تدعي لي الولد ولا تحبطه
زول متفائل تشبكوا نق نق نق نق

ركسس خلي الجهجهة

عمر ياولدنا انشاء الله تتوفق وياخدوك وتتوظف وربنا يخلف عيلك بالذرية الصالحة وتفألوا بالخير تجدوه

اروي سلامات
والله عمر ده زول لذيذ وطيب حكمت الله انا من شفتا البوست حبيت عمر خلي كلامو عن البلد عجبني المقطع ده (( أحلامنا بسيطه شديد ،،، وظيفه ثابته في مجالك وبيت إيجار معقول وذريه صالحه )).
ربنا احقق ليهو الاماني وبدل بيت الايجار انشاءالله ملك.
انا كنت شغال في البنك موظف نضيف وعطور وكرفتات وبدل لبس وبدل علاج وبونص بعد ده كلو يوم خمسه بتكون الماهية شطبت قلتا اتزوج سويت لي اوضة نوم بالدين عرس بيها اخوي غلبني كلو كلو الفق حكاية الزواج ربك رب الخير شالوني الصالح العام بالله حتي اخذت نفس وعرست وسويت اولاد وكمان بيت وعربية حكمت الله احيانا الشغل ما احل ليك مشكله الصالح العام احلها ليك.
عشان كده يا عمر اتوكل علي الله والمكتوب ببقي وكان داير دعوتي بالجد انشاءالله ما اشغلوك ناس لجنة الاختيار وتلقي ليك سفره بره السودان تعدل حالك واهلك قول امين....

عثمان · 29-03-2011, 01:41 PM

ربنا يوفقك يا عمر إنشاء الله
هكذا الحياة مرة تصيب ومرة تخيب
وكل زول بيأخد نصيبو
موفق يا أخوي إنشاء الله

عباس الشريف · 29-03-2011, 01:43 PM

اقتباس:

المشاركة الأصلية كتبت بواسطة همس الشوق

أتمنى ليك من كل قلبي ربنا يوفقك
انت زول راقي وطموح
ربنا يهديهم ويعينوك في تخصصك
لأنه حرام شباب زيكم ما يلاقي فرصه في تخصصه

يا رب بالتوفيق

لكن اول مرتب توزعه لينا هنا إلا عباس الشريف

همس توزيع المرتب خلي انا مني ربع مرتب ليك بس شوفي ليهو طريقه معاكم هناك انشاءالله زيارة بعد داك عمر بفتش الفيزا براهو والشغل وتكوني ساهمتي في شغل عمر وانا ساهمت بي ربع المرتب بتاعي رايك شنو موافقه.

عصام محمد الحسن · 29-03-2011, 01:51 PM

اقتباس:

المشاركة الأصلية كتبت بواسطة عباس الشريف

اروي سلامات
والله عمر ده زول لذيذ وطيب حكمت الله انا من شفتا البوست حبيت عمر خلي كلامو عن البلد عجبني المقطع ده (( أحلامنا بسيطه شديد ،،، وظيفه ثابته في مجالك وبيت إيجار معقول وذريه صالحه )).
ربنا احقق ليهو الاماني وبدل بيت الايجار انشاءالله ملك.
انا كنت شغال في البنك موظف نضيف وعطور وكرفتات وبدل لبس وبدل علاج وبونص بعد ده كلو يوم خمسه بتكون الماهية شطبت قلتا اتزوج سويت لي اوضة نوم بالدين عرس بيها اخوي غلبني كلو كلو الفق حكاية الزواج ربك رب الخير شالوني الصالح العام بالله حتي اخذت نفس وعرست وسويت اولاد وكمان بيت وعربية حكمت الله احيانا الشغل ما احل ليك مشكله الصالح العام احلها ليك.
عشان كده يا عمر اتوكل علي الله والمكتوب ببقي وكان داير دعوتي بالجد انشاءالله ما اشغلوك ناس لجنة الاختيار وتلقي ليك سفره بره السودان تعدل حالك واهلك قول امين....

اقتباس:

وكان داير دعوتي بالجد انشاءالله ما اشغلوك ناس لجنة الاختيار وتلقي ليك سفره بره السودان تعدل حالك واهلك قول امين....

والله تكون مقلبتو مقلب دولي وإنشاء الله
يعدل حالو وحال اهلو في بلدو
ويكفيهو شر الغربة والترحال
(اسأل مجرب)

خالد غالي · 29-03-2011, 01:52 PM

والله ماعايز احبطك ... لكن قووول شالوك اها الوظيفة حكومية يعني حايدوك كم ؟؟
مرتبات الوظائف الحكومية دي احتمال تكفيك مواصلات لكن قطعا لن توفر لك حق الفطور !!

على العموم ربنا يوفقك ويقدر ليك الخير حيث كان ويرضيك به

29-03-2011, 12:42 PM	#[1]
عمر عبدالكريم :: كــاتب نشــط::	طلعت قبل شوية من معاينة في لجنة الإختيار المعاينه لي خريجين حاسوب للخدمة بوزارة العمل بالرغم من إني خريج قديم 2005 لكن الظروف ساقتنا للعمل في الشركات الخاصه حيث عملت في إم تي إن لأكثر من سنتين بعقد (مؤقت) في قسم خدمات المشتركين وماأدراك ماخدمات المشتركين .. وظيفه قاسيه لأقصى درجه , لكن زي مابقول المثل رضينا بالهم والهم مارضى بينا ، سرحتنا الشركه وسلمت القسم لشركه (آوت سورس) وتم إستقدام موظفين جدد برواتب أقل من نصف ماكنا نتقاضاه قلت حينها لزميلي (سرّحونا قبال مايقوم لينا شعر ياأحمد) المهم ماأسوقكم بالونسة ساكت زي ماقلت بالرغم من إني خريج قديم إلا إنو دي أول معاينة لي في لجنة الإختيار .. وعلى حسب ماكنت أسمع حفظت نواقض الوضوء وصلاة الجنازه وكل الأدعيه المعروفه وغير المعروفه لأنو كنت متوقع معاينة دينية بعيده تماماً عن التخصص لكن إتفاجأت أولاً بالنظام الشديد في المكتب وبالتعامل الراقي جداً .. وتم تسديد أسئلة المعاينة بعناية في مرمى تخصصي .. في سؤالين بره التخصص الأول عن مكان سكني والثاني عن المسجد الذي أصلي به . ماعارف بس بالجد على عكس التوتر الطبيعي للمعاينات إرتحت للأشخاص الكانوا باللجنه وإندحت في إجابات بعض الأسئله بإسهاب . المهم ياأخوانا أدعو لي يشيلوني ... مفروض البوست محتواهو كلو يكون طلب الدعاء ده بس يدي جرت في الكيبورد أعفو لي النقه .
عمر عبدالكريم :: كــاتب نشــط::

29-03-2011, 12:50 PM	#[2]
درديري كباشي الامين :: كــاتب نشــط::	[justify] يا سلام بس كدا يا باشمهندس والله تستاهل ودعاء وتزكية ونقول للجنة عينوه وما راح تندموا وموضوعك حمل اكثر من مجرد طلب الدعاء وانما حمل لينا رسالة مضمونها تصحيح مفاهيم وهوس سابق في المعاينات دخل السودان في متاهة .. كنت اقرا قبل قليل في منتدى كسلا قالوا في وزير اقليمي قاعد في مكتب الاستقبال يآخذ في الحضور Attendence بنفسه ويأمر الموظفين انهم يوقعوا له . [/justify]
درديري كباشي الامين :: كــاتب نشــط::

29-03-2011, 12:53 PM	#[3]
عباس الشريف Banned	من ارتحت ليهم الجماعه ديل مسكوك الباب دائما الما عايزين اشغلوهو بكونو ظريفيم معاهو تبقي عليك اتنين عدم شغل وقطامه يا الحبيب لو ما كوز احسن ليك اغترب او هاجر قبل ما اتغير تخصص من مهندس وتبقي هاجر كباشي. لو كوز او فيك رقشة كوز ما بتحتاج لدعواتنا العنوان باين من ظرافة ناس اللجنة. بعد ده كلو انشاءالله ربنا احقق مرادك كان ما عينوك تلقي احسن منها
عباس الشريف Banned

29-03-2011, 01:03 PM	#[4]
عمر عبدالكريم :: كــاتب نشــط::	درديري تحياتي أولاً شكراً على الدعاء الصافي أنا بطبعي (متفائل) ضربت للوالده قبل المعاينة لقيتها في كنترول الشهاده السودانيه قلتليها أدعي لي من مادعت لي طوالي قلبي إنشرح بس التقول قالوا لي تعال بكرة إستلم وظيفتك إحتمال ده سبب التفاؤل الحقيقي . لكن ماسمعتو عن معاينات لجنة الإختيار مختلف تماماً وماكان في بالي إطلاقاً أمشي أقدم هناك لكن قلنا الواحد يطرق كل الأبواب . لكن بصدق وجدت شباب متخصصين واسئلتهم مركزه تماماً .
عمر عبدالكريم :: كــاتب نشــط::

29-03-2011, 01:08 PM	#[5]
عمر عبدالكريم :: كــاتب نشــط::	ياعباس إزيك نحنا لاحكومه لامعارضه مامغيبين عن الحاصل في البلد ومابعيدين عن هموم البلد عايزين نعيش بس أحلامنا بسيطه شديد ،،، وظيفه ثابته في مجالك وبيت إيجار معقول وذريه صالحه ربنا يصلح الحال وشكراً للدعوة ياحبيب
عمر عبدالكريم :: كــاتب نشــط::

29-03-2011, 01:24 PM	#[8]
سر الختم إبراهيم نقد :: كــاتب نشــط::	عمر تحياتي المهم ما تيأس، وواصل في تفاؤلك، وإن شاء الله نسمع بيك رقم كبير في عالم الآي تي.
سر الختم إبراهيم نقد :: كــاتب نشــط::

29-03-2011, 01:36 PM	#[9]
عمر عبدالكريم :: كــاتب نشــط::	شكراً عصام على الدعوة الصادقه دي بالجد ريحتني دائماً الدعوات تشعرني بالراحه ربنا يديك الفي مرادك
عمر عبدالكريم :: كــاتب نشــط::

29-03-2011, 01:38 PM	#[10]
همس الشوق :: كــاتب نشــط::	أتمنى ليك من كل قلبي ربنا يوفقك انت زول راقي وطموح ربنا يهديهم ويعينوك في تخصصك لأنه حرام شباب زيكم ما يلاقي فرصه في تخصصه يا رب بالتوفيق لكن اول مرتب توزعه لينا هنا إلا عباس الشريف
همس الشوق :: كــاتب نشــط::	التوقيع: [frame="1 80"]أنا إمراة لا أنحنى لكى ألتقط ماسقط من عينى ابداً[/frame]

29-03-2011, 01:41 PM	#[12]
عثمان :: كــاتب نشــط::	ربنا يوفقك يا عمر إنشاء الله هكذا الحياة مرة تصيب ومرة تخيب وكل زول بيأخد نصيبو موفق يا أخوي إنشاء الله
عثمان :: كــاتب نشــط::

29-03-2011, 01:52 PM	#[15]
خالد غالي :: كــاتب نشــط::	والله ماعايز احبطك ... لكن قووول شالوك اها الوظيفة حكومية يعني حايدوك كم ؟؟ مرتبات الوظائف الحكومية دي احتمال تكفيك مواصلات لكن قطعا لن توفر لك حق الفطور !! على العموم ربنا يوفقك ويقدر ليك الخير حيث كان ويرضيك به
خالد غالي :: كــاتب نشــط::

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري