SCAPTIONOZ

[تماضر حمزة]

المشاركة الأصلية كتبت بواسطة scaptionoz

اقتباس:
المشاركة الأصلية كتبت بواسطة أشتر
خيالك نهائي ما ساقك مشاك في الحتة دي !!!
ياخ دي أحلى استهلالية مرقت مني مؤخراً ...
عنان خيالك المرة دي مالو حرن ؟؟؟
عايني ...
تعالي نص الليل شفق دي حتة كدا فيها كمية من الانوثة الفارهة
وطبعا الحتة دي مقصود بيها ذوات البشرة البيضا وكدا ...
وأشتر هنا اطلق الشفق واراد لونه الذي يتمثل في حمرة الخدين ممزوج بروج كدا من كريستيان ديور من ضمن تشكيلة البرتقالي الفاتح للأحمر القاني ...
والمسألة برمتها* كدا نوع الخجل المحبب لدى الكثيرين في تناول الكائن الرهيف بمنتهى الأمانة ...
والله انا جادي في كلامي دا ...
نقوم شنو ...
نطلق العنان ...

برمتها دي راجعة لي على فكرة ... وأصل الكلمة رِمة
رمة وطقشتو خلعة ...



عاين يا فردة...
شفقك سبق شفقتك...وشفقتك دى عاين ليها بالعين السحرية البتسحر بنات افكارى وافكارك...
وتاكيدا لكلامك الفوق ده الملولو افكار ده...لممن عاطف خيرى بقول:
والبنات طفو الرتاين وولعن؟!
تصدقنى لو قلتا ليك بتولع فينى افكار بتجى مارقة من قاطوع كلام عدمان شوفة اصبع حروفو؟
البت الفوق دى بتعرف القاطوع؟
اقطع لى ضراع حرفى ده لو قالت بتعرفو...
اقول ليك حاجة يااااااااااخى...بالجنبة كده وفى قمة النواصى مشتاااااااااااااقين ياخ

اشترنا،
مع انو كدة بثبت اني من الشتر لكن مابيناتنا
أهو من عاشر أشتراً أربعين سطراً
قطع شك صرنا منكم وصرنا لاعلاقة لها البتة بالمصرر الوارد ذكرو اعلا بي كم مداخلة من الاقتباس اعلاه أهن في ذلك كم مداخلة؟
لو قلت 10 بسقطك؟؟ لانو السؤال ده درجتو كبيرة خالّي بالك ؟

وال10 زاتا أنواع بضم الصفر طبعا
في 10 زمالة و10 جيرة و10 تلفون و10 نت
واحلى ال 10ات على الاطلاق 10ك
عليك الله ماسالك اكتر من حنكك الفوق ده؟
أقلّو دخلناو في قاطوع صاحبكم الفوق ده اب شعرا عندنا ليو رقبة
فدخل مطمئنا واتكى جنب الكركاروالصاروخ والخُمرة والبخورات والمنسيات والسحارة الجوّاها خبايا تنعش المربوط بتفاصيل الزمن السمح وريحة توب الحبوبة الذي لايخلو من عُقد السفوفات و...أقول ليك شئ؟؟النواصي زاااتا ماعندها قمة

[أشتر]

يا هتراشة الكلم الجميل والاندياحات المتاحة المرتاحة … آآمنّا بالذي سوّاكِ أنثى فرقطت ثم الرواكد وما خلّت لينا شيتن نقولو غير الهروب لى حاجة مننا وفينا لحاجة فيك … تمتطي الجوطة ...
قتي لي لا علاقة لكم البتة ؟؟؟
سالك ونص …
كلامك دا ذكرني بود اختي الشليق .. هرشتو ذات مرة فاذا به يباغتني بـ انا بريدك يا كالو … انقري ما كتلو ؟؟؟ وشبع موت .. ثم واصل فعلته الشيطانية غير آبه لقلب خالو الكتلو …
وانا زول قلبي موّاااات بالمناسبة … احتمال يكون ميّت حاليا وما واخد بالي … لكنو بدق .. أكتر من اتنين وسبعين دقة .. ودي ميزة قلّ ما تلقيها في زول قلبو موّات !!!
أها ...
قمة النكهة .. عندما لا تستطيع تذوقها …
هكذا تبدو .. وهكذا تستمر … .. ما لم نفتقد كنهها …
حاجة كدا !!!
اسكاب دا ليهو زمن قال يا هو يا هي …

[أشتر]

المشاركة الأصلية كتبت بواسطة scaptionoz

والبنات طفو الرتاين وولعن؟!

البولّعن ديل قطع شك دي غِيرة ساي من الرتاين وإلا ما كانن طفوها ...
طيب البنيّات التبُق يسون شنو ... يشعللن فينا ويداون هذا اللهيب بالكي ؟؟؟ ولّ شنو الدبارة ...
يعلم الله يا ود أمي اشتقت لصوتك دا في ام بي ثري فهل ممكن ؟؟

[تماضر حمزة]

المشاركة الأصلية كتبت بواسطة أشتر

البولّعن ديل قطع شك دي غِيرة ساي من الرتاين وإلا ما كانن طفوها ...
طيب البنيّات التبُق يسون شنو ... يشعللن فينا ويداون هذا اللهيب بالكي ؟؟؟ ولّ شنو الدبارة ...
يعلم الله يا ود أمي اشتقت لصوتك دا في ام بي ثري فهل ممكن ؟؟

وليه يااشتر ماتاخدا من حتة تانية
زاوية أكتر حرفنة كدة
تخيّل انو البنيات ديل مامدّن يد ولا نفخن في الرتاين ديل
بس لحظة حضورن طفت الرتاين شعلتا فعل كدة من غير ترصّد
مااابيدّهن
شن بسوّن
اذا طلّتن
مسّخت على الرتاين ضوّهن؟؟
مااااااابي يدّهن!

الببقّن ديك شاحدة الكريم يحرقنك
بس ان شاءالله ماتقول تشششش* ساعتا! مفترض تزيد بقتن اذا كنت زيّهن

* تششش الصوت البنسمع اذا شئ حار هبش شئ بارد!

[شهد]

عاينو جاي يا اشتر ويا تماضر
هن طفن الرتاين بي نورن ،، يعني محقنو وسحقنو
دخلن على ضو الرتاين بالساحق والبلا المتلاحق

وخلن اللالاية ضي الرتينة تبقبق غيرة سااااااااي

هسع لمن تولعو ليكم شمعة والكهربا قاطعة
وفجأة الكهربا تقوم تجي ،، تاني بتشوفو الشمعة
غايتو في الحالة دي خسارة دموع الشمعة فوقكم

[شهد]

scaptionoz

وين الناس اعواد الصندل

[فتحي مسعد حنفي]

المشاركة الأصلية كتبت بواسطة أشتر

تعالي نص الليل شفق …
تعالي من أضيق نفق …
تعالي بالشوق الـمِوسّم في ملامحو اللهفة بتّاوق شبق …
تلقي الخلايا توهّطك .. وتقاسّمك زي متقاسمو الفقرا النبق …
هل جيتي من جواك إليْ ؟؟؟ هل خمتك ؟؟ في وحدتك ؟؟ شنو كدا ما عارف
هل رغبتك هي الساقتِك ؟؟؟ ولّ الحنين بى طبعو داك دفرك علي ؟؟؟

ياخ غلبتني لو مشيت زدتها ببشتنا ساي !!!
(وش فارد إكليم الشوق إقليم)

غايتو أنا بعرف في شفق المغربية لكن شفق نص الليل دي الا عند محمود تيمور..طبعا دا لو فهمت انا بتكلم عن شنو
هو المجنون الا يشيل حجار يطقع بيها ولا الكلمة هي البتفلق الحجر ..مش هي الكلمة برضو سحر

[تماضر حمزة]

المشاركة الأصلية كتبت بواسطة فتحي مسعد حنفي

غايتو أنا بعرف في شفق المغربية لكن شفق نص الليل دي الا عند محمود تيمور..طبعا دا لو فهمت انا بتكلم عن شنو
هو المجنون الا يشيل حجار يطقع بيها ولا الكلمة هي البتفلق الحجر ..مش هي الكلمة برضو سحر

يافتحي صباحاتك ورد،
الكلمة من خُلق البشر..
واحدي أحلى من العسل..وواحدي من المر..أمر
واحدي بتوديك بحر
وماينوبك غير عطش وواحدي بتخليك تطش ومنّها البيها بتفش
كان ريدة لي زول غلبك تصارحو
أو زعلة من زول لازمن تواجهو
ومرّات تخت فيها العتب والحروف ببقن عتب
ياطلّعتك حد الغضب يانزّلتك بي كل أدب
ومرّات بنزهج دون سبب
ومرّات دموعنا تنزل في الكلام ومرّات بيتقطّر عسل
والحصل
انو الكلام طايع أصابع
والأصابع ماااااازي بعضهن




نتمّها بعدين أصابعيني تعبوا

[تماضر حمزة]

المشاركة الأصلية كتبت بواسطة شهد

عاينو جاي يا اشتر ويا تماضر
هن طفن الرتاين بي نورن ،، يعني محقنو وسحقنو
دخلن على ضو الرتاين بالساحق والبلا المتلاحق

وخلن اللالاية ضي الرتينة تبقبق غيرة سااااااااي

هسع لمن تولعو ليكم شمعة والكهربا قاطعة
وفجأة الكهربا تقوم تجي ،، تاني بتشوفو الشمعة
غايتو في الحالة دي خسارة دموع الشمعة فوقكم

ياشهد في توارد تفسيرات بيناتنا
عليه
أكبر الظن انو اسمك شايل منك حتّة


طبعا ده المدح البيصب في ذات المادح لكن باللفة

[أشتر]

المشاركة الأصلية كتبت بواسطة تماضر حمزة

وليه يااشتر ماتاخدا من حتة تانية
زاوية أكتر حرفنة كدة
تخيّل انو البنيات ديل مامدّن يد ولا نفخن في الرتاين ديل
بس لحظة حضورن طفت الرتاين شعلتا فعل كدة من غير ترصّد
مااابيدّهن
شن بسوّن
اذا طلّتن
مسّخت على الرتاين ضوّهن؟؟
مااااااابي يدّهن!

الببقّن ديك شاحدة الكريم يحرقنك
بس ان شاءالله ماتقول تشششش* ساعتا! مفترض تزيد بقتن اذا كنت زيّهن

* تششش الصوت البنسمع اذا شئ حار هبش شئ بارد!

حِليلن هِن
حليلن البطفن الرتاين ويولعن الكمائن ...
الكماين دي تبع الطوب عشان ما تمشو بعيد وكدا
هي يا يمة هاااااي حِليلِن هِن (دي عبارة استهجان طوااالي على لسان حبوبتي لامن تشوف العوج)
حليل الغملة وست الشملة
حليل الكبرتوها وفي ليلا كلفتوها
رتاين شنو كمان البتستجيب للغبش ديل ؟؟؟ !!!
تششش دي آخر مرة سمعناها ما بنتذكر متين ذاتو ...
حِليلن البِتِشن ويهشن ويكشن ...
إتي بتتكلمي ساي ولّ شنو يا بت حمزة !!!
هي الرتاين ذاتا ما بتموت بالنفخ زي ما ولعوها بالنفخ ...
الضو الحقيقي قاااااعد جوانا بس كيف نشعل فتيل الحواس لكي يشعلل الاحساس .. وبقْ
زحي بعيد ما نَبٌق فيك نلحِّقِك أماتو !!!

[تماضر حمزة]

[أشتر]

المشاركة الأصلية كتبت بواسطة شهد

عاينو جاي يا اشتر ويا تماضر
هن طفن الرتاين بي نورن ،، يعني محقنو وسحقنو
دخلن على ضو الرتاين بالساحق والبلا المتلاحق

وخلن اللالاية ضي الرتينة تبقبق غيرة سااااااااي

هسع لمن تولعو ليكم شمعة والكهربا قاطعة
وفجأة الكهربا تقوم تجي ،، تاني بتشوفو الشمعة
غايتو في الحالة دي خسارة دموع الشمعة فوقكم

يعني هسي لو قلتي هناية ديك جات ومع جيتها كدا طفت الرتاين نورا ..
تفتكري انا الهِويّن دا بقول شنو ... ان هذه الانسانة كُج !!!
هي ذاتا بتقعد تكابس الدرب بى وين وتقعد تطاقش لامن الله يغفر ليها ...
واحتمال ما يغفر ليها !!!
دا لو ما كسرت ليها كم حاجة .. وخاطرنا !!!

[أشتر]

المشاركة الأصلية كتبت بواسطة شهد

scaptionoz

وين الناس اعواد الصندل

ايوا كدا ياخ بلا رتاين بلا ضو ...
وميزة الصندل في الضلام بتشم ريحتو ...
بعد نبُق طبعن
غايتو جنس غرور وجنس حالة ... سأبة شديد !!!
شكرا ياخ على السؤال ...
والواحد ما داير يقوم على الواح تلجو في هذه العجالى لأنو شنو ...
كسيرنا بكسر طوالي

[أشتر]

المشاركة الأصلية كتبت بواسطة فتحي مسعد حنفي

غايتو أنا بعرف في شفق المغربية لكن شفق نص الليل دي الا عند محمود تيمور..طبعا دا لو فهمت انا بتكلم عن شنو
هو المجنون الا يشيل حجار يطقع بيها ولا الكلمة هي البتفلق الحجر ..مش هي الكلمة برضو سحر

يعني إلا أقوم اشرح ليك تاني ولّ شنو ؟؟؟
ما قلنا فكرتنا عن الشفق وبعد كدا إتا وضميرك وخيالك ...
شطاح بتفهم قصدي ما شطاح خليك مرتاح وساعدنا بسكوتك ...
هو إتو بعد دا مالكم ومال الشفق والأماني السندسية وذات الشامة ؟؟؟
ارجع كم مداخلة بتعرف أشتر مشى وين ؟؟؟
ولو لاقيتو عليك الله قوليهو انما الأعمال بالنيّات ...
وشكرا

[شهد]

اقتباس:
المشاركة الأصلية كتبت بواسطة تماضر حمزة
ياشهد في توارد تفسيرات بيناتنا
عليه
أكبر الظن انو اسمك شايل منك حتّة


طبعا ده المدح البيصب في ذات المادح لكن باللفة

انا واسمي شايلين المحنة وهمنا نبني جنة
غايتو يا طماطم كان قلنا شهد ولا قلنا تبري ياهو شبهك

وبالله ما نوصيك على الرتاين