غايتو بلحيل قاعد تبرد لى بطنى على حشاى ياود جبريل
ياطارق النحدثك بى اخيانك اولاد آدم ديل
النصيحى لابعجبهم العجب ولا الصيام فى اى شهر خلقو الله !!
ان بقت البنية ممصرنة ...ياها المنبوشة متل نبيشتك دى
وان الله اداها وكتر فى عطاهو ....وحاتك فد جنبة بتقبل عليها مافى من جنس
البقرة ، الدفار ، القيامة الراحلة ، وكتير من المصطلحات المهينة
مع انو والنصيحى تتقال البنيات اسع شغالات بلع تقيل فى حبو النجمة والهجمة والردمة
وماشابه ذلك حتى يحزن حزو مالكات الطبيعى ..
والعجب كمان البقومن يفقدن الامل كلو كلو ، الواحدة تمشى تشترى شوف عينى ديل
وتلبسو ، وتجى قادله وحاتك ولا قسمة فى دارة !!
غايتو واحدة ياطارق من المغنيات (ناس ورا ورا ورا ) ديلك جات النصيحى بجنس
شى لامن النسوان قعدن يتقارصن ويتقاطعن فى نفر القيامة وزراعة موسى وعيسى المرقت دى ....وتعال شوفلك جنس رهزى ونقذى !! التقول سجلو ليها بيع وشراء
....انا وحاتك خفته عليها من الفضيحى ان بقت اتخجت شديد !
غايتو انا نصيحتى لاى عريس جاى ...يطالب بى شهادة منشاء وقطع غيار
وشهادة بحث
