راكوبة المجادعات.. النمة والدوباي

[طارق صديق كانديك]

المشاركة الأصلية كتبت بواسطة سجمان

حباب " موجه"
قلم.. أنيق..
رسول حرف البطانة..
ونغم مسدار..

مرحبتين حباب الموجة وين ماطالت
مرحب بالسحاب امات بروقن شالت
القول الموزّن منو النفوس كم كالت
يا السجمان حباب النمة وين ماقالت

[سجمان]

المشاركة الأصلية كتبت بواسطة طارق صديق كانديك

مرحبتين حباب الموجة وين ماطالت
مرحب بالسحاب امات بروقن شالت
القول الموزّن منو النفوس كم كالت
يا السجمان حباب النمة وين ماقالت

حباب الفي النضم زايد تمامة الكيف
الجاد الوصف في أم قرقداً عليف
حمد الله بسلامة وجرحك أصبح كيف
والكلحوك عيونم يا رب يزيدو نزيف

[جيجي]

عليكم الله بس ابعدوا لينا من الصدور والحاجات دي
وشوفوا لينا الراس وماجاوره
وبالعدم انشاء الله الضلافين
مرحب موجة حبابك الف

[سجمان]

المشاركة الأصلية كتبت بواسطة جيجي

عليكم الله بس ابعدوا لينا من الصدور والحاجات دي
وشوفوا لينا الراس وماجاوره
وبالعدم انشاء الله الضلافين
مرحب موجة حبابك الف

دا بوست ترحييييييب يا خوانا
عشان ما يختلت عليكم الاختساس..

[عبده سعد]

المشاركة الأصلية كتبت بواسطة سجمان

حباب الفي النضم زايد تمامة الكيف
الجاد الوصف في أم قرقداً عليف
حمد الله بسلامة وجرحك أصبح كيف
والكلحوك عيونم يا رب يزيدو نزيف

وزى ناس (جيجى ) بنوافق رضاهن كيف .
دايرين مانوصف ونكرب الوصيف .
الراس والضلوف الباقى قول يالطيف .
عاد شن بى سوى كان الزول (حليو وظريف)؟

[سجمان]

المشاركة الأصلية كتبت بواسطة عبده سعد

وزى ناس (جيجى ) بنوافق رضاهن كيف .
دايرين مانوصف ونكرب الوصيف .
الراس والضلوف الباقى قول يالطيف .
عاد شن بى سوى كان الزول (حليو وظريف)؟

الزول في الوصف ماعون وزايد لمعة
عليو حلة بصل مسبوكة ديك يالدمعة
لو ما خايف اتفضح ولّ أجيب لي سمعة
كنت مع الرغيفة من فاهو باخد كمعة

[طارق صديق كانديك]

المشاركة الأصلية كتبت بواسطة سجمان

حباب الفي النضم زايد تمامة الكيف
الجاد الوصف في أم قرقداً عليف
حمد الله بسلامة وجرحك أصبح كيف
والكلحوك عيونم يا رب يزيدو نزيف

حامدنو الكريم .. ونعمو ماليه القيف
الغزلان تعافر.. فوق بندرا والريف
البان انتنى .. أما الخصر هفهيف
الكاحلات عيونن النظرة ضربة سيف

[سجمان]

المشاركة الأصلية كتبت بواسطة طارق صديق كانديك

حامدنو الكريم .. ونعمو ماليه القيف
الغزلان تعافر.. فوق بندرا والريف
البان انتنى .. أما الخصر هفهيف
الكاحلات عيونن النظرة ضربة سيف

مشتولة الفساقي يا خلي ريدا شَغَلْنا
خشت في العبادة بعد تركنا شُغلنا
من الشيب ضرب عاودنا لي مشغلنا
وجهت السدير مكسيم جلل واشعلنا

[ناصر يوسف]

حبابها موجه بيناتنا تقدل تقول كل الكلام
حبابها بت الأصول تدخل تقول من غير سلام
وكل الجايي منك حبابو ويا سلام
يا سلام لو شفنا حروفها تِترصَ مِن قبل السلام


سجمان يا صديقي

سبق وقلت ليك أنا من المُتعاطين لشعر المربعات بس ما عندي فوقو فَرقة كتابة

أكتبوا وغذوا روحنا دي بجميل الكلام

أكتبوا وجيبوا موجه دي هني برضو تكتب

[طارق صديق كانديك]

المشاركة الأصلية كتبت بواسطة سجمان

مشتولة الفساقي يا خلي ريدا شَغَلْنا
خشت في العبادة بعد تركنا شُغلنا
من الشيب ضرب عاودنا لي مشغلنا
وجهت السدير مكسيم جلل واشعلنا

هاجت واندفق مِسك العطور انشرا
ماجت وانطرح مني العقل لي برا
مشتولة المطور المن شوفتا بنتسرا
باقوتة اليماني الفي العيون منصرا

[nezam aldeen]

ألف حبابها موجة البي الفرح تتحف
‏
من بلدا" عزيزة و بالكرم تتلف
‏
كان هدهد سليمان كان
بقول "نهجم"
‏
كان سميتو "هدهد" الزول حليق الكف
‏
‏
قلنا نحاول نرحب ذي مالناس بترحب
وماقتلت التجربة قلما قط
‏
‏
سجمان تحية ليك ولموجة

[سجمان]

المشاركة الأصلية كتبت بواسطة ناصر يوسف

حبابها موجه بيناتنا تقدل تقول كل الكلام
حبابها بت الأصول تدخل تقول من غير سلام
وكل الجايي منك حبابو ويا سلام
يا سلام لو شفنا حروفها تِترصَ مِن قبل السلام
سجمان يا صديقي
سبق وقلت ليك أنا من المُتعاطين لشعر المربعات بس ما عندي فوقو فَرقة كتابة
أكتبوا وغذوا روحنا دي بجميل الكلام

أكتبوا وجيبوا موجه دي هني برضو تكتب

الليلة الصباح يا خلي زايد فوحو
من هلت وشيك جاب النسيم منفوحو
يا رب يا كريم ناصر تزيدو شروحو
والدعوات دوام يا رب تكافي تروحو

[عبده سعد]

كانديك جد كلامك زين منقا عفيف .
النضم الحلو ثاقب ووقعو خفيف .
مشحون بالمعانى ولابد عليها نقيف.
سجمان قال بوستو ترحيب صدانا من القيف .

[طارق صديق كانديك]

المشاركة الأصلية كتبت بواسطة عبده سعد

كانديك جد كلامك زين منقا عفيف .
النضم الحلو ثاقب ووقعو خفيف .
مشحون بالمعانى ولابد عليها نقيف.
سجمان قال بوستو ترحيب صدانا من القيف .

ود سعد الاصم .. هاك قولا بلا تكليف
شكرك والكلام .. زادن على تشريف
سجمان شيخ عرب راسي وحرفو وريف
قول جيب النضم .. لازم نتموا الكيف

[سمراء]

مرحب الموجه الزولة اللذيذة
ونورتى الديار