السامع يكتب واحد
[media]http://www.sudanyat.org/upload/uploads/`3anait.wma[/media]
وكت غنيييت
وقلت فراااق
فراقك يالحبيب قد حان
نداوة حسّك الرويان تسيل عبر الحلق ريحان
وكت تهبش تفاصيلو تصبح بالحراق فتران
كفن القلوب
مترار بيغزل نبضو بالألحان
مرقت من اللحن زعلان
انا
وشوقك
حيط بالحيط
كما الجيران
نونّس زييين نقرقب قهوتين الكيف و..البن الصبغ جسمك حلو الألوان
اشاغل ذاتي بي صوتك وابكي من الوله فرحان
مدفق دمعي في الواطة وتراب الحوش صبح رويان
ومنو البسقي الحنين كان قام
وبعد مااتوسّط الحيشان
اكان الروح ابت تسكت
بعد ماكت يقين وايمان
بالزول الصبح مافي وخيالو يصر يسوق عقلك معاهو كمان
ومالسوق الحيمشيلو سوى اعصاب عزف قربك عليها كمان
واكان الشوق شغل وكتي وملاهو لعب بعد سوّى البدن ميدان
وكبا خيل الحنين مرتاح على القلب الملان اقوان
ومامرتاح
اذا فتك وين تاني الخُطى بترتاح؟
ووين ألقالي بس شبراً بلا نصّو بعد ماكنت ليّ براح
وبقول بي صراح
بلا جيتك شن نفع الشمس بتغيب اذا فقدت معاك صباح؟
وماكان الحلم بمرق اذا بسمك عليو مالاح
صحيح ياصاح
أنا البعدك ملاني جراح
قدر ماتكتب الرملة وكت جيتك تجيها رياح
تماضر حمزة دي بعد اسكابش واشترنا مسخت عليّ ياخ
