أفراح سودانيات ... جـــاء أوانــها

[سارة]

بكل ما حملت القلوب من محبة لمؤسس هذا المكان وبقدر ما حزنت تلك
القلوب على فقد اعزاء رحلوا عن دنيانا هذه القلوب تجتمع فى احلى
كرنفال بهيج نذف من خلاله اجمل التهانى واحلى التبريكات لنجوم
سودانيات

نبارك خطوبة الحلوين شديييييييييد

جانيت ومحمد مصطفى

والجيلى ووهـــــــــاد

[عكــود]

فلتغسل الأفراح صدأ الأحزان

ألف مبروك
جانيت/محمد
وهاد/الجيلي

و كل الأمنيات العذبة.

[أسامة معاوية الطيب]

وسعيد جدا انا أكون أول المهنئين هنا
هنا دي الرشيد دائما بيخت تحتا خط ما عارف ليه
وربنا يديم الأفراح


أنا أكون اول المهنئين بي وين ؟؟

[عكــود]

أسامة إزيّك،

فاول أوّل: ماك أوّل المهنئين
فاول تاني: الرشيد بيختّها مكان رابط

هسّع خلّيتني أضغط علي ألّتك القاطعا بنزين دي، في الفاضي!

[احمد سيداحمد]

مبرووووووووك وربنا يتمم علي خير

[سارة]

دى هدية لوليدى محمد ولاخوى الصغير والحبيب الى قلبى الجيلى

[الرشيد اسماعيل محمود]

المشاركة الأصلية كتبت بواسطة سارة

والجيلى ووهـــــــــاد

بالله..
كدة يا دوب إتأكدت إنو الدمازين دي دولة مجاورة..
شريحتي شبكة زين..وكذا المخطوبة أعلاه..
وطيّب...!!!
ممكن نلقي العذر-بهشاشة كدة- للمخطوبة ونبرّر بفكرة إنها خجلانة..
أها الخاطب..!!
حيقول لي أنا برّة السودان..في سكسونيا السفلي..
وطيّب أنا جوّة السودان..ولا في العليا..؟؟
ما كلنا برّة..!!(أوع تشيل ليك ضمّة وتختها فوق الباء)..بتكدّسنا الاتنين خلي بالك.
المهم:
أوّل مرّة في حياتي يتحاور الشوق بالزعل..
الشوق لملاقاة الحلوين اعلاه والمباركة وجهاً لوجه..
والزّعل بتذكيرهم لي بأنني ما زلت علي هامش الصداقة.
ــــ
المداخلة من بوست ناصر الجوّة داك.

[ناصر يوسف]

نعم ساره
هو موسم الأفراح يأتي ليغسل الأحزان
هذه أوانك يت فرح فلتتوغل بين المسام
مبروك لهذه الثنائيات المُبهره
مبروك .. جانيت
مبروك .. وهاد
مبروك .. محمد
مبروك .. الجيلي
مبروك .. لسودانيات الفرح

[آيات]

المشاركة الأصلية كتبت بواسطة عكــود

أسامة إزيّك،

فاول أوّل: ماك أوّل المهنئين
فاول تاني: الرشيد بيختّها مكان رابط

هسّع خلّيتني أضغط علي ألّتك القاطعا بنزين دي، في الفاضي!

عكود وأسامة
ههههههه
ياخ والله أنتو أعسل ناس
الف الف مبروك .. وربنا يتمم على خير .. وبالرفاه والبنين

[الرشيد اسماعيل محمود]

المشاركة الأصلية كتبت بواسطة عكــود

هسّع خلّيتني أضغط علي ألّتك القاطعا بنزين دي، في الفاضي!

العجب أنا يا عمدة..
دست عليها المرّة الأولي أبت تقوم..
قلت يمكن بتقوم دفرة، تاني دُستها..
أتاريها قاطعة بنزين..

[أسامة معاوية الطيب]

المشاركة الأصلية كتبت بواسطة عكــود

أسامة إزيّك،

فاول أوّل: ماك أوّل المهنئين
فاول تاني: الرشيد بيختّها مكان رابط

هسّع خلّيتني أضغط علي ألّتك القاطعا بنزين دي، في الفاضي!

فيما يخص الفاول الأول عالجتو في مداخلتي ذاتا ... واكتفى الحكم بالتنبيه الشفاهي ...
اما بخصوص الفاول التاني وانا اقول الرشيد دا بيتكلم في الروابط دي كتير كدا مالو ؟ مرة مش قال الحب دا براهو رابط ؟ تعرف الرشيد بيكون لعب روابط كتير ... وشكلو بيحب الروابط الإقليمية القاعد ليها في الدمازين دي
بعدين ياخ سؤال ؟ انت بترد على المداخلة قبل سيدا ينزلا كيف ؟

[النور يوسف محمد]

المشاركة الأصلية كتبت بواسطة الرشيد اسماعيل محمود

بالله..
كدة يا دوب إتأكدت إنو الدمازين دي دولة مجاورة..
شريحتي شبكة زين..وكذا المخطوبة أعلاه..
وطيّب...!!!
.

بسم الله الرحمن الرحيم
قلنا ليك الحفلة فرتكت تعال لِم الكراسى
قلتا أفضى وأجيكم ... أها فضيت وللاّ لسسسا ...

[الرشيد اسماعيل محمود]

المشاركة الأصلية كتبت بواسطة أسامة معاوية الطيب

بعدين ياخ سؤال ؟ انت بترد على المداخلة قبل سيدا ينزلا كيف ؟

مبالغة جد جد..

[سارة]

ما احلاها هذه الايام وما اسعدنى بها
قبل ايام بكيت وانا اسمع من محمد وجانيت وقبل امس من وهاد وحبيبها
الطافش الولهان......
فليعلم العالم كله اننا فرحين سعيدين مبسوطين ...عاشقين حتى الثمالة

اى زول انا زعلانة منه ولا شاكلتو ولا دايرة اشاكله انا عافية ليهو

وديشكم كلكم من طرف
نظام جعلتية
و
وكدا

عفو عـــــــــــــــــــــــام لله والرسول

[عكــود]

المشاركة الأصلية كتبت بواسطة آيات

عكود وأسامة
ههههههه
ياخ والله أنتو أعسل ناس
الف الف مبروك .. وربنا يتمم على خير .. وبالرفاه والبنين

سلام يا آيات،

بتعديلك ده فوّتي عليْ باص، مارادونا ما يلعبو.
أريتني كان إقتبستها قبل التعديل و لحّقتها مداخلة أسامة الإتمحرك قبل التعديل!

مرة مش قال الحب دا براهو رابط ؟

الرشيد فتاويهو في الحب كتيرة، لامِن الدكتور منعو البحلقة،
بحلقتو فاحصة ياخ!