أفراح سودانيات ... جـــاء أوانــها

[عبدالعزيز عبدالله]

الف الف مبروك
جانيت & محمد
وهاد & الجيلي

والله سعدت كثيرا لكم وربنا يتمم ليكم على خير ويبعد عنكم الأعين والحسد

[Sana Mursi]

[frame="7 80"]مليون مبروك
(وهاد:الجيلي) و(جانيت:محمد)
فرحتونا وغسلتوا قلوبنا من الكدر والشوائب
ربنا يسعد ايامكم كلها
الف مبروك سروره ناثرة الفرح عقبال نفرح باولادك
عقبال باقي الشباب[/frame]

[ابوعلي]

الف الف مبروك[blink][glow1=#4d86a1]
جانيت - محمد
وهاد - الجيلي[/glow1][/blink]

ربنا يكمل على خير

[محمد مصطفي]

يا سلام عليك يا سلام ..........
هذي لخالد الحاج وهو في عليائه
جنت الزرعة يا زول ارقد قفا
من الصباح انا بتاوق للبوست وبقراكم والله بين رقراق الدموع
غلبني كيف انسج من الحروف تيجان وورود واهديها ليكم
ياخ انتو عالم جميل ومدهش ... وكل يوم بتدو الزول قناعة انو في مكانو الصاح ومحظوظ بيكم
في شدة الاحزان اتقالدنا وبكينا ... وفي عز افراحنا اتقالدنا واتباركنا وبرضو بكينا
وما بين دموع الحزن ودموع الفرح قاسم مشترك تعبير اكثر صدقاً
جواي كلام وحروف وريد ... لكن ياخ اتلجمتا واتبكم الكيبورد معاي
دحين ياخ حسوني بس انا شن داير اقول ............
ولكم والله من الشكر اجزله ... وخالص ودي
وللغالية العزيزة سارة ... وهي تزف بشارة الخير وتفتح للفرح طاقة
وتكتب بي دموع الفرحة وتغنينا ... تعالو احكيلكم حكاية ريد
التقينا .... والدهشة هي الاتكلمت ... قبل الايادي العيون هي السلمت
هذا حالي حين التقيتها ... جانيت معجونة من طينة السماحة ورسموها بي ريشة الجمال
جعلتني الحبيبة سارة اتبع نهجها ... واقلع من وسط الفرح بعض التسامح
سامحونا واعفو لينا كان اذينا بدون ما نحس ... حتي لو مجرد حرف مزعج
ولكم في داخلي قلب فيه محبتكم ... ولم ينم لي طرفاً ذات يوم وانا اعي اذيتي لاحد
ولسة في الجوف كلام مابي اطلع .......

وللحبيب الجيلي .... والعزيزة وهاد ألف مبروك الخطوبة
وربنا يقرب الميعاد .. علي بيت الغرام تتلمو ... وتنالو مناكم

[Hassan Farah]

الف مبروك

الجيلي ... وهاد
محمد ... جانيت

[فيصل سعد]

http://www.youtube.com/watch?v=H-reG...eature=related

[احمد عبد الرافع]

مليون مبروك للعروسات
وهاد وجانيت
والعريسين محمد والجيلي

وربنا يتم على خير ويجعله أول سلسلة الأفراح إن شاء الله

[بابكر مخير]

المشاركة الأصلية كتبت بواسطة الرشيد اسماعيل محمود

هو إنت جيت...
ياخي الرشيد وعرفناهو..شلته دي منو..؟؟
شلته دي انا قريتها-بعيد عنّك- بمعني أديتو شلّوت..
المهم:
فكرة العرس بالمناسبة عبارة عن استحقاق..
يعني لمّا تستحق بتعرس..
فما تهم.. كلو بي وقتو..

"هو إنت جيت"
ولا












"جنيت"
ولقيت قدر ما رجيت

هل هي دهشة ولا صدمة ولا فرحة،
اللسان إنعقد
والأصابعين إنشلت
والفهم رآآآآآآآآآآآآآآآآآح..
الشمس تطلع من الغرب
ما مهم
المطر يتفجر من الأرض
ما مهم...
لكن المهم، أنه الحكاية جّْد...
ولف بين قلوب متشابهة, عكس ما قالوا "نظرية المغنطيس" المتضادين يلتصقان..
وجمع بين بشر، نظريا هم بشر وحقيقة ملايكة، ,,,,,,

الراجينها شنهو، طيب
ما معناها ذريتهم من الملايكآ، حتملى الأرض ويا بنو بشر شوفو ليكم "مجرة" ...........

كدي لمن أفوق من الصدمة السعيدة وتخف الإندهاشة وتروق الفرحة وجموع المهنئة، الهاشة باشة، تخف..
"نجي" ونتكلم بي رواقة في خبر الهنآ...
دآ يا سرو
مش كدآ أجمل من الجمال ظاتهو..


وود أبو العقل ما تنشغلي بو،،
دآ هو العقل وأبوهو كمان...
بنفرح بيهو قريب وذي ديلآ..
ويتحقق الحلم بي البتستاهلوا ويقدرها..

[تحفة حوا]

المشاركة الأصلية كتبت بواسطة ;378726

عاليـــــــــــــــا من اجلكم يا أحبة

المشاركة الأصلية كتبت بواسطة ;378818

فرح فرح القي الرايحة
وبكيت قدر مالله اداني

مبرووووك شباب

المشاركة الأصلية كتبت بواسطة ا

يا سلام ياخي..
والله يا آمال ما عرفت أكتب شنو ولا أقول شنو..
الموضوع ده ما مجرّد ناس اتخطبو لبعض..خلينا نشوف البعد الوجداني في المسألة..
حقو الناس تنظر لبعيد وترجع تشوف سودانيات دي مشت قدر شنو..؟؟
وقدرت تأسس شنو..؟؟ الرمزية في الموضوع انو سودانيات بقت ليست فقط مجرّد نافذة للكتابة والحوار والتواصل الانساني.. ياخي الموضوع أكبر من كدة..ضخم جدّا..وليه آمال تبكي فرحاً من اجل ناس ما شافتهم ولا بتعرفهم معرفة شخصيّة..وليه الرشيد اتبكّم من الفرحة..وليه وليه وليه..(يا النسيت أيّامنا ليه)..وليه سارة ليها ايّام بتبكي فرحاً..وليه حالة السعادة الحقيقية اللابسة المنتدي وناس المنتدي..ياخي الموضوع أجمل وأكبر من كدة..
الموضوع محتاج وقفة عشان نشوف إنو الشعارات قاعدة تتطبق رغم العوائق الكتيرة..
يا آمال الزول الفنان البرسم في لوحة..عشان يتأكد من تمازج الألوان وهارمونية المشاهد، لازمو أنو ياخد خطوة للوراء عشان يشوف من زاوية تانية..وهكذا البنّاء والمهندس..خطوة واحدة تكفي للتقييم..
ضروري نرجع لورا عشان نشوف انو النتائج البنشوفها قدّامنا دي ما جات عبث ساي..
ولا ضربة حظ أو مصادفة..الناس القبلكم أسسو.. وإنتو يا آمال ..إنتو كلكم ناس سودانيات وجنودها ومحاربيها القدامي حملتم هذا العبء وعبرتم من هنا وهناك حتي أثمرت مجهوداتكم جميعاً في ما نراه حاليّا..
ياخي التحيّة لكل المحاربين القدامي..
التحية لخالد الحاج حيث الحقيقة المطلقة..
التحيّة للأجيال التي حملت الفكرة وواصلت في سقياها..
وللأجيال اللاحقة التي واصلت في تعزيز الفكرة ومواصلة تعهد المبادي وفلسفة التواصل الانساني العظيمة هذي.
لكل من عمل من أجل ان يكون التواصل خلاقاً مثمراً..
أنا بس داير الناس تنتبه للفكرة حال إنها عظيمة جدّا..ما ساهلة ياخي..والله ما ساهلة..
غايتو الفي بالي كتير بس ما عرفت أقولو صاح..
المهم:
ياخي لسع هناك متكأ لنا في هذه الحياة.
لسع ياخي.

فعلا سودانيات عالم من المحبة والتواصل
حتى من غير الناس تشوف الناس
خوة جميلة وامومة عجيبة ( تودي دار العجزة بس ما مهم )

وزي ما قال الفنان نحنا ناس عايشين حياتنا بالنية السليمة وكل زول عايزين سعادتو وتشهد الايام علينا
وما ضر لو جعلوا العلاقة في غد بين الشعوب مودة وإخاء

لعمري هذا ما يحدث

الله يرحم خالد الحاج
والتحية للجميع هنا

[الرشيد اسماعيل محمود]

المشاركة الأصلية كتبت بواسطة سارة

اتجدعنوا يلا وخلوا حركات الديش دى

خلونا نفككم كلكم بنبلة واحدة

إنتو قعدتنا دي بالله مضايقاكم شديد كدة يعني..
لمّا دايرين تفكونا بنبلة واحدة..
في المدرسة بيندهو من الأوّل للعاشر مع التصفيق والإعجاب..
الباقي للفصول دور..
نبلة واحدة تجيب أجلك..

[زول الله]

محمد المصطفى / جانيت
الجيلي / وهاد
بارك الله لكم وبارك فيكم وجمع بينكم بخير
مليون من المباركات والتهاني والأمنيات بحياة تحف السعادة نواصيها


نصيحة أخوية:
قصروا مشاويركم و أدخلوا بيوتكم عمروها يرحمكم الله













أقول قولي هذا واستغفر الله لي ولك ياخالد الحاج.............

[قيقراوي]

المشاركة الأصلية كتبت بواسطة عكــود

يا سلام عليك يا الرشيد ياخي . .
و يا سلام.
كلام زي الدهب و يرجّب الواحد والله.

على جنب:
أي نعم آمال ما شافت الجيلي، بس قالت إتكلّمت معاهو و بالأمارة قالت "صوتو برئئئئئ" - تخيّل!

اعزز المعلومة القالتا آمال دي ..

انا برضو استبرات صوت العريس جيلي القوم

يا سلام على الرشيد و كلام الرشيد - دا بدعم نظريتي بتاعة انسنة الاسماء يا سماح - يا سلام عليك انت ذاتك ياخ

يا سلام على سارة ( لوووووول انا غايتو الاسم دا كان حبيتو ما خاتي و لا تثريب علي كلو كلو )
يا سلام على آمال
ياخ يا سلام عليكم كلكم بدون فرز

و سلام و سلام لمن صنعوا الفرح دا
و منحونا قدرة الفرح الجرئ في زمن عز فيهو

دمتم و دامت سودانيات وطن استثنائي للمحبة



------
واحد من معسكر مناوئ في بورد جار، لمن ضربت ليو قال اكتر حاجة مستغرب ليها انو صوتي انا ما خبيث

[عبده سعد]

نهديكم باقات من التبريكات والتهانى العزبة.
وربنا يسعدكم وأنتم تبدأون بناء عش للتلاقى على دروب الحياة .
سودانيات بيت الكل تتهلل أساريرها ويغمرها الفرح .
أها تااااانى مبروك.

[هيثم علي الشفيع]

يا سلااااااااااااااااام ياخ

الواحد يغيب ليو يومين يجي يلقي إتنين×إتنين-ماشالله- خطبوا؟؟؟؟؟

يعني كان غبت شهر بلقاهو زواج جماعي؟؟؟؟؟؟؟؟

ألف مبروك محمد والجيلي الفوز بجانيت ووهاد والعكس بالعكس

ومبروك لكل أهل سودانيات وربنا يديم أفراحكم إن شالله

[المليجي]

الف الف مبروك وربنا يتمم ليهم على خير
اريتو حالي