راكوبة المجادعات.. النمة والدوباي

[أبو أماني]

يا ربي مقصودة ولا جات بالصدفة..!!
حبائب يتلقوك يتغابـوا فيك العـرفة..
فتحوا لينا عديييل وشوقنا مالي القفة
والسجمان مبسوط كمان دردملو سفة!!
؟؟؟؟؟؟؟؟؟؟؟

اللبيب بالأشارة يفهم!!!

[سجمان]

المشاركة الأصلية كتبت بواسطة جيجي

اها يعني انتوا حتقعدوا تشكروا كدا في بعضكم لمتين

ما قاصدين شكر نلقالنا فوقو دراهم
ولو كسير تلج بالمعنى جينا نساهم
الشكر إن بقيت لي زول بيعرف وفاهم
لي علاج الروح فاق الحبوب ومراهم

[سجمان]

المشاركة الأصلية كتبت بواسطة مي هاشم

من تالا الشروق لمع البرق لي كوّى
أصبح كالسقيم من الحِسار أتلوّى
لمتين للمدينة أوصل هناك أتحوّى
في جاه الرسول السّاد جميع جنى حوّا

صلى الله عليه وسلم

الليلة الرعود فوق راسي سون قوق
أصبح كالسقيم أتلوى كالواسواق
لمتين للمدينة كاتلني ليها الشوق
في جاه الرسول الروح تحلق فوق

عليه أفضل الصلاة والتسليم..

[سجمان]

المشاركة الأصلية كتبت بواسطة أبو أماني

يا ربي مقصودة ولا جات بالصدفة..!!
حبائب يتلقوك يتغابـوا فيك العـرفة..
فتحوا لينا عديييل وشوقنا مالي القفة
والسجمان مبسوط كمان دردملو سفة!!
؟؟؟؟؟؟؟؟؟؟؟

اللبيب بالأشارة يفهم!!!

فرحان بالزيارة والروح هديك عانقّا
من زمن البعاد من الرقاب خانقّا
السفة إن بقيت بعد الفطر شانقّا
ليه بتلومني عاد داير تجيب لي نقّا

[جيجي]

المشاركة الأصلية كتبت بواسطة سجمان

ما قاصدين شكر نلقالنا فوقو دراهم
ولو كسير تلج بالمعنى جينا نساهم
الشكر إن بقيت لي زول بيعرف وفاهم
لي علاج الروح فاق الحبوب ومراهم

الشكر ان بقى لي زول بيعرف وفاهم
تتخازز رويحته ويعمل كمان مافاهم
الفهم ان وفر ماعايزله ياخي ملاحم
ولو كسير تلج عارفاك هميم ومزاحم

[أبو دعد]

المشاركة الأصلية كتبت بواسطة جيجي

الشكر ان بقى لي زول بيعرف وفاهم
تتخازز رويحته ويعمل كمان مافاهم
الفهم ان وفر ماعايزله ياخي ملاحم
ولو كسير تلج عارفاك هميم ومزاحم

كسير التلج ما ليهو تب لزوم
و الشكر معاى اح ووحيح وبزوم
الزول الفاهم شكرنا ليهو رزوم
خلى رمضان اليعدى وتانى انا ملزوم

[أبو دعد]

يا الماشى الهند سلم لى على سجمان
و قول ليهو ات شن عامل مع رمضان
الناس هنا فى رجاك مجهزا الخرفان
كتر لينا من الصندل و بخور ام التيمان

[سجمان]

المشاركة الأصلية كتبت بواسطة جيجي

الشكر ان بقى لي زول بيعرف وفاهم
تتخازز رويحته ويعمل كمان مافاهم
الفهم ان وفر ماعايزله ياخي ملاحم
ولو كسير تلج عارفاك هميم ومزاحم

سمح الزول وكت يلقى البواجبو يواجبو
يبذلو الشكر كيتاً علي المو عاجبو
كسّار التلج دايماً بدسو وحاجبو
زولاً من يشوفك تلقاهو رفّع حاجبو (لايك زس)

[سجمان]

المشاركة الأصلية كتبت بواسطة أبو دعد

يا الماشى الهند سلم لى على سجمان
و قول ليهو ات شن عامل مع رمضان
الناس هنا فى رجاك مجهزا الخرفان
كتر لينا من الصندل و بخور ام التيمان

السجمان أخوك من فاتك إت دركان
لعبوبو الهنود زادوهو في الأحزان
بقيت متل الجِلِيد داك الصبح مطران
وكان قت الصعود من جيت يمين خرمان

[جيجي]

المشاركة الأصلية كتبت بواسطة سجمان

سمح الزول وكت يلقى البواجبو يواجبو
يبذلو الشكر كيتاً علي المو عاجبو
كسّار التلج دايماً بدسو وحاجبو
زولاً من يشوفك تلقاهو رفّع حاجبو (لايك زس)

الشكر البتواجبو عاد شن طعمو
اخير منه قدحا طاعم ملاحو ولقمو
لايك زس يمين.او حتى عاد لو قرمو
والزول ان تقل سايلنت بوصل فهمو

[سجمان]

المشاركة الأصلية كتبت بواسطة جيجي

الشكر البتواجبو عاد شن طعمو
اخير منه قدحا طاعم ملاحو ولقمو
لايك زس يمين.او حتى عاد لو قرمو
والزول ان تقل سايلنت بوصل فهمو

الزول إن بقيت داير يشبّع نهمو
كم ضاق التجارب في ريدنا يامن قهمو
النضم إن سِخِن في الضلعة بخفس سهمو
تشوف الزول هنوووك من ردو باين طهمو

الغمامة ان جات.. تدلا للراجيها
للحارث وطاتو رب العباد مزجيها
تنزل عليهو سلام حتى ان كتر هرجيها
وما حسّابا زول من أصلو كان كاجّيها

[جيجي]

المشاركة الأصلية كتبت بواسطة سجمان

الزول إن بقيت داير يشبّع نهمو
كم ضاق التجارب في ريدنا يامن قهمو
النضم إن سِخِن في الضلعة بخفس سهمو
تشوف الزول هنوووك من ردو باين طهمو

ا

االزول ان بقيت داير يشبع نهمو
لزولي الجميل يرمي وينشن سهمو
الفي ريدك وقع ياخي عاد ماسجمو
ماشاف البنات كيف من دريبك نجعو

[حافظ اسماعيل احمد]

المشاركة الأصلية كتبت بواسطة جيجي

الزول ان بقيت داير يشبع نهمو
لزولي الجميل يرمي وينشن سهمو
الفي ريدك وقع ياخي عاد ماسجموا
ماشاف البنات كيف من دريبك نجعوا

الزول الجميل ما بتغباهو عيوني
صورتي الفي الخيال ماليهو شجوني
بس كيف زول سجمان يأذنلو دخولي
لو فزعتو في الديار بقرش شراه خيولي

[جيجي]

المشاركة الأصلية كتبت بواسطة حافظ اسماعيل احمد

الزول الجميل ما بتغباهو عيوني
صورتي الفي الخيال ماليهو شجوني
بس كيف زول سجمان يأذنلو دخولي
لو فزعتو في الديار بقرش شراه خيولي

الزول الجميل من كلمة ظاهر نوره
ومن فنه الجميل راسم معاه شجونه
سجمان ماعنده زول ماشايفه واقف طوله
ساكي المطرة ساااي لمين وجعله رجوله

[فيصل سعد]

المشاركة الأصلية كتبت بواسطة طارق صديق كانديك

شن تشبه بلا المهره ام لهيجا اذاني
قولة أح تتش جوه وتقيد نيراني
وين الراحة من زولا شوقو شقاني
صِبح عيان عديل نار الوحيح حارقاني

الليلة زفوا الخبر
من جمعة باكرية
و البندق ضرب
شق الفريق نصية

الناس هللت قالت
عديل يا بنية
بت راجلا اصيل
ركازة اللحوية

يا الفارس امانة رقبتك
تبقى ليها فدية
و ما تشمت علينا الناس
الديمة فيك محرية

و ابشروا بالخير ..