وداعاً حافظ حسين .............. ماذا يحدث هنا في سودانيات؟!!!!!

[معتصم الطاهر]

البحنس ليهو زول اشتر منو؟

لكن الأمانة تتسلم لسيد الأمانة

و أمانة ما وقع " راجل "

[بدور التركي]

راجل وبشنباتو

تسلم البطن الولدتك يا محمد
قال اشتر قال
والله انتم الاشترين وما جابين خبر

[بدور التركي]

مفروض بعد دا
تغيروا العنوان
وداعا دعمنا الفني... هذا ما حصل بسودانيات

[جيجي]

المشاركة الأصلية كتبت بواسطة أشتر

مداخلات زي دي بتفتقر للمسؤولية والنقاش الجاد في تدشين معلومة تُخرِج نتائج مرجوه .. وبتدخل في نطاق السكلبة من إناث من المفترض أن يحملن وردة تُزكي أنف محارب ليرد عليهن بـ خلاص أرضاً سلاح .. وطبعا شبّال كارب بالمقابل …
إتن بتكتبن ليكن كم سنة ؟؟؟ الشي ما مرقتن مننا بحاجة تسد رمق الدهاء !!!!!!!
إقطع سنين كيدكن ورا وقدّام !!!

استغفر الله العظيم
على اي حال رائك دا مابهمني
وكفى

[أميرى]

أشتر يا صاحب
نكتب بسم الله فنطرد الف شيطان و شيطان فهل قلتها ولو سرا؟أخشي يا صاحب أن الف شيطان وشيطان رافقو حرفك خطوة خطوة بل ركبوا سرج حروفك ودلدلو رجليهم فرحين
يا أشتر عرفتك سمحا إذا كتبت سمحا إذا خاصمت سمحا في كل دروبك التي أعرف والتي لا
كثير من القسوة وال (أنا) في مداخلتك يا صاحب
كثير منها يا صاحب
اللهم إني أتبرأ إليك مما كتب أشتر
أغفر لي صاحبي مداخلتي هذه و عدها من مناصحة الصحاب بعضهم بعضا أو كف بصرك عنها فما يسوءك يسوءني
و غفر الله لي ولك يا صاحب
دوما أنا هنا معك حبا و كرامة يا صاحب
و تبا لك ياخ

[سارة]

وكت تقيف العبرة ما بين الحروف العاصية والدمع المطر
عطش الدفاتر للحروف تمطر علي جوف السطور دمعة كدر

عبدالله جعفر

اميرى يا صاحب احتجت وجدا ان استلف توقيعك فسامحنى

[بدور التركي]

يا اميري
انت ناسي نحن في رمضان والشياطين مربوطين من اضنينم

بس احتمال يجيكم بعد العيد
هو وشيطانو

[سجمان]

عارف نفسي بلقاك.. والسكة زاتا وعرفتك..
هشيت علي قلبي طارن منو عصفورين..
وركّن فيهو همين..
وا وجعتك..
وكتين تحس منزوع من القلب اليقين
وا وجعت الزول الوراك ماسك الرسن..
قاصيك دليل..

ما ضهبنا وراك ولا دقينا بيبان بالغلط..
لا جينا في حلمك نكوس أفراحنا في جواك عبط..
حسينا فيك .. وفينا حسيت .. ريدنا في جواك نبت..
ما تقول مشيت..
السكة بعدك ماب تقود ..
واللهبة يا خلي البتضوي..
لسة راجياك بالوقود..
وانا لسة لابسك فيني جلداً ماهو ني..
ولا حتى بعرف غير ضياك في الحلة ضي..
كان مرة زول داسلك طرف..
وبحر الزعل جواك سرف
السمكة بتنط بالترف..
في الدنيا دي..
مافي زول شايلو شي..

عارفني بلقاك ..
في يقين حرف الغنا
البقتات علي..
حسك المدود علي مد البصر..
بلقاك وكت حرفك يحز جواك
تمرقو بلا كدر ..
بلقاك وكت تنشف حلاقيم الغنا
وتمرق عليها كما المطر..
بلقاكا يا اغنيات السابلة..
والحيل الفتر..

وا شهقة الغيمة الهنا
وكتين تكون جاياك تكب
لحظة صفاك متحينة..
مين البيحلب فينا ضرع الغيم بلاك
مين البسوق نهر الغنا
ويسوك النغمات سواك ..

عارفك..
يا خلي ما بتشيل غبينة
وحتى ما بحمل قليبك
كلمة شينة..
نحن قصرنا فـ حقوقك
إنت ما قصرت فينا..

[Sana Mursi]

والله يا اشتر انا الحزن ماليني بصوره ما تتخيلها و مخنوقه عديل

[ناصر يوسف]

إنتو القطريين ديل فتحوا باب التأشيرات للدوحة دي ولا لسسسسسسسسسه ...

[مرافي]

قرأت حروفك وما تحت الحروف
واعترتني غصة سدت مسارب العشم
محمد لك احتراماً وودا

[أبوبكر عباس]

المشاركة الأصلية كتبت بواسطة أشتر

مداخلات عبدالجليل سليمان في البوست دا ماب تستحق مني رد لأنها فطيرة وبعيدة عن الموضوع وماسك ليهو في جاسوسية قاطعا من راسو بالاضافة لمرقاتو بحمد والمرقة الياها واللائحة وما أدراك والتي ورد امتعاضي منها أعلاه !!! ويا ريت يعرف الفرق بين التحري والاستخبارات والتجسس حتين احتمال نديهو وش !!! وش شنو كمان البديهو !! قنعان من وشي أنا !!!!
البيت دا بنيتو طوبة طوبة عشان يكتب فيهو وغيرو بدون ما أطالبكم بحق الأسمنت … والبناي دا شايل قِدّتو العطشانة وبى ى ى ى ريقا الناشف دا وماشي منكم .. إتجدعو فيهو زي ما دايرين … بس ما تكرفسو الملايات ولا الوشوش !!!…
يا زول أنا لا بعرفك ولا عندي نية أعرفك .. لا حاليا ولا في المستقبل البعيد .. فما تملاني فقر ساي !!!
كلامي دا ما كنت داير اقولو ليك لكن لسان الحال غلب !!!!


هيئة المحنساتية بالمعروف بالله يحتفظو لينا بتحانيسم لأعضاء آخرين قلوبهم وجلة جدا وقاعدين على شفا جرفٍ هار !!!!

و الله زعلان منك!
يا أخي دفاعي المستميت عن المشرف الفني و محاولتي تفهيم العرب ديل إختساساتك و إبعاد الإدارة عن إختساساتك، تضيع شمار ساكت!
و زعلان منك تاني لانو كنت متوقعك تجي تردح لي في عبد الجليل دا زي اربعة صفحات تكفينا بيهن مشاكسة سنة لقدام!
السبعة سطور فوقو ما مابنها، لكن الفيك إتعرفت! و البركة في إسكابشنوز

[الجيلى أحمد]

المشاركة الأصلية كتبت بواسطة أشتر

قد تجبرنا الظروف الصعبة أن نتّخذ ما لا نريد .. نتمنى الكثير ولكن !!! المستطاع أقل … (أشتر)

قوم لف يااخى

مثل عامل زى طرقة كسرة رموها فى تراب لاتقدر تاكلا لاتقدر تنضفا....(الجيلى أحمد)

_______________
تجاوز ياصاحب
تجاوز

ولسه الدرب طويل
والفيك يامحمد لسه بالا أطول وخيرا وافر

فالى الأمام اذآ

[بدر الطائف]

المشاركة الأصلية كتبت بواسطة أشتر

بسم الله الرحمن الرحيم

على فكرة أنا مشترك في منتديات عربية يوم واحد ما ناقشو مسألة اللوائح دي زي ما طلّعو زيتا السودانيين وشغلتم عن المعني الحقيقي للتواجد في منتدى الهدف منو أسمى من لوائح الغرض منها تنظيمي لا أكتر ولا أقل …
ليه نقوم نهرد لهاتنا بالحديث عنها عندما يتزحزح تطبيقها قليلا جهة اليسار أو ما تقتضيه الضرورة ؟؟؟ مُنزلة هي قالو ليك ؟؟؟؟

تعرف يا اشتر زمان كنت عضوء فى رابطه طلاب بتاعت منطقة محددة وكان الغرض والهدف من الرابطه واضح جدا جدا. المصيبه انه كل الاجمتاعات بتاعت مجلس ادارة الرابطه كانت بتكون عباره عن جدل طويل وعقيم فى اللائحه وطبعا الشباب ماشاء الله عليهم كل واحد عاوز يبرز عضلانه الفكرية. وبتلقاهم فاهمين وحافظين ليك اللائحه دى بند بند.وفى ناس لما يجو داخلين الاجتماعات لازم يكون كتيب الدستور فى يده.

[قيقراوي]

طيب الناس ديل ما دام موجودين في مدينة واحدة المانع شنو يتعرّفو على بعض ؟؟؟

اشتر

مليون حاجة مافي هنا يا حنين!؟
ياخ زول جاييكم طالب يد السغيرة .. تدوهو البكر!؟
عضوية المنديات - باي ديفولت - بتعني ( الكتابة ) في ملمحها الاعظم ..
بعد داك بجي التفاعل / التواصل / التعارف .. اللخ
منو القال ليكم انو أي زول بسجل عاوز يتعرف بالناس هو!؟
امكن ما داير مش؟ .. امكن بالتحديد ما داير مع الناس الفي مكان اقامتو ..
ياخ مش حر هو؟ ..
هو فلم " بيتنا " د امكن ما خشاهو ذاتو ياخ!!
شنو طوالي فاتحين ليو الصالون!؟








------

اشتر يا اخوي اقرأ مناصحة اخوك ( أميري ) دي كوييييس ..
و الله اني لا اراه الا من الحادبين