راكوبة المجادعات.. النمة والدوباي

[سجمان]

المشاركة الأصلية كتبت بواسطة نبراس السيد الدمرداش

يعلم الله شفتهن قبل دقايق على شاشة النيل الازرق

ناس النيل كلامن يا نيبو فيهو عجايب
المكياج وحاتك دافعات عليهو ضرائب
ما خلن عسل مخلوط معاهو الرائب
داير القالي واحدة لكين خزلني النايب#



#إشارة للعمر..

[احمد زين]

المشاركة الأصلية كتبت بواسطة سجمان

تلاتة شهور تمام والعين مفارقة غميدة
وكل ما مر ليل الشوق يزيد تنهيدة
زولاً في القلب اطيافو فيني حشيدة
حد ما يكون غفل ذكراهو تدي نقيدة

وكيف الشورة يا اخوي إن بقتلي بعيدة
شوفة المن صباها مندية وفرهيــدة
السبب المخلــي افكــاري ديمة شريدة
فيها دلال مع نفرة غـــزال وعنيــدة

[نبراس السيد الدمرداش]

المشاركة الأصلية كتبت بواسطة سجمان

ناس النيل كلامن يا نيبو فيهو عجايب
المكياج وحاتك دافعات عليهو ضرائب
ما خلن عسل مخلوط معاهو الرائب
داير القالي واحدة لكين خزلني النايب#



#إشارة للعمر..

لالالالالالالالالالا
ديل لا بدره لا احمر
ديل بنات امهرا يعلم الله بلا المهرات ما بشبهن شيء

ياخي ما بعرف لنمكم دا

[سجمان]

المشاركة الأصلية كتبت بواسطة أحمد محمد زين حسين

وكيف الشورة يا اخوي إن بقتلي بعيدة
شوفة المن صباها مندية وفرهيــدة
السبب المخلــي افكــاري ديمة شريدة
فيها دلال مع نفرة غـــزال وعنيــدة

تعكّل من بعيد أرياحا عابكة الجو
مطرق خيزران جسيمو طاع باللو
كان مو النبي الكريم عرّف عمايل لو
لفاقت في الجمال كل الذين علو

[سجمان]

المشاركة الأصلية كتبت بواسطة نبراس السيد الدمرداش

لالالالالالالالالالا
ديل لا بدره لا احمر
ديل بنات امهرا يعلم الله بلا المهرات ما بشبهن شيء

ياخي ما بعرف لنمكم دا

ديل المتل بلبل قزاز في لمعو
والليل أب كبس نارنو صارن شمعو
لو شافن فؤاد كيفن بنقدر قمعو
وود العين وحاتك فد شوفة هتّف دمعو

[احمد زين]

المشاركة الأصلية كتبت بواسطة نبراس السيد الدمرداش

لالالالالالالالالالا
ديل لا بدره لا احمر
ديل بنات امهرا يعلم الله بلا المهرات ما بشبهن شيء

ياخي ما بعرف لنمكم دا

في وشوشن تقول شبه القزازةاللامعة
وفي لونن بياض مع صفرة صافية وفاقعة
سليلات امهرة الموية عيونن ناقعة
دايرقربهن وبعدو التدكني صاقعة

[سجمان]

المشاركة الأصلية كتبت بواسطة أحمد محمد زين حسين

دايرقربهن وبعدو التدكني صاقعة

برية يا يابا



اضحك الله سنك

[ود الخير]

المشاركة الأصلية كتبت بواسطة أحمد محمد زين حسين

في وشوشن تقول شبه القزازةاللامعة
وفي لونن بياض مع صفرة صافية وفاقعة
سليلات امهرة الموية عيونن ناقعة
دايرقربهن وبعدو التدكني صاقعة

هلاّ هلاّ
كلامك سمح شديد
لكن الكلام دا ممنوع صرفه خارج الحدود
كل عام وأنتم بخير

[سجمان]

المشاركة الأصلية كتبت بواسطة ود الخير

هلاّ هلاّ
كلامك سمح شديد
لكن الكلام دا ممنوع صرفه خارج الحدود
كل عام وأنتم بخير

حباب ود الخير وكل سنة وإنت طيب

[طارق صديق كانديك]

ياخي متعكم الله بالمحبة والجمال ..

والله دكتور في دي بالغت:

دايرقربهن وبعدو التدكني صاقعة

[سجمان]

ماها الفي البنات خفيفة نسمة تشيلا
لا جترة بتخوجل في القَلّة ميهة تقيلا
الخُلق الجميل والزوق دوام إكليلا
ضوق ليما العسل معطونة فيو قنديلا

[احمد زين]

المشاركة الأصلية كتبت بواسطة طارق صديق كانديك

ياخي متعكم الله بالمحبة والجمال ..

والله دكتور في دي بالغت:

كل سنة وانت طيب يا جميل

جيب زيو وبطل حركات نيبو وود الخير دي

[طارق صديق كانديك]

المشاركة الأصلية كتبت بواسطة أحمد محمد زين حسين

كل سنة وانت طيب يا جميل

جيب زيو وبطل حركات نيبو وود الخير دي

وانت طيب ياخي


أها أمسك:

المشاركة الأصلية كتبت بواسطة أحمد محمد زين حسين

في وشوشن تقول شبه القزازةاللامعة
وفي لونن بياض مع صفرة صافية وفاقعة
سليلات امهرة الموية عيونن ناقعة
دايرقربهن وبعدو التدكني صاقعة

زي فرخ القطا تنقز تميل جنحاتا
وفي لونن سمار ليهو القلوب تتهاتا
العجب العجيب وكتين تلاقي سابتا
تسوي التح عدييل نرقد جميعا واطا

[سجمان]

المشاركة الأصلية كتبت بواسطة أحمد محمد زين حسين

وكيف الشورة يا اخوي إن بقتلي بعيدة
شوفة المن صباها مندية وفرهيــدة
السبب المخلــي افكــاري ديمة شريدة
فيها دلال مع نفرة غـــزال وعنيــدة

المتل النخل مالت ومال جريدا
جهجهت الوريد حين ماشة تلت إيدا
ما بتنال رضاها مهمن كتبت قصيدة
وقضيتك يالحبيب لابد من تصعيدة

[طارق صديق كانديك]

المشاركة الأصلية كتبت بواسطة سجمان

ماها الفي البنات خفيفة نسمة تشيلا
لا جترة بتخوجل في القَلّة ميهة تقيلا
الخُلق الجميل والزوق دوام إكليلا
ضوق ليما العسل معطونة فيو قنديلا

شن تشبه بلا الملكة التخِيل تتقدل
بسمها يضوي والديس النزل يتهدل
وود العين سهم ضارب حالي اتبدل
لازمنو الصبر خايفين بلاه نتبهدل