راكوبة المجادعات.. النمة والدوباي

[احمد زين]

المشاركة الأصلية كتبت بواسطة مواهب

من غير اليمين دا بى هواهو سبانى
غالبنى السكات وخلا الكلام يجفانى
من بعد الركاز البشهدنبوا أخوانى
فارقت العقل باريت دريبا" تانى

زاهد في الحباة ما دام حبيبي جفاني
وخبري الينتشر يسمعبو قاصي وداني
اكان ما جاد علي بي نظرة منو رماني
لا اسفا علي .. وانعوني يا اخواني

[طارق صديق كانديك]

المشاركة الأصلية كتبت بواسطة مواهب

من غير اليمين دا بى هواهو سبانى
غالبنى السكات وخلا الكلام يجفانى
من بعد الركاز البشهدنبوا أخوانى
فارقت العقل باريت دريبا" تانى

المشاركة الأصلية كتبت بواسطة أحمد محمد زين حسين

زاهد في الحباة ما دام حبيبي جفاني
وخبري الينتشر يسمعبو قاصي وداني
اكان ما جاد علي بي نظرة منو رماني
لا اسفا علي .. وانعوني يا اخواني

زايد في الحنين ماتقولو كاني وماني
ام طيفا يمش .. وعُقبا سَحَر يغشاني
يسوي التّح عديل برّاق عيونو أذاني
يخفِس في القليب الزّيو مافي مثاني

[مواهب عبد العزيز نقد الله]

[QUOTE=أحمد محمد زين حسين;429015]زاهد في الحباة ما دام حبيبي جفاني
وخبري الينتشر يسمعبو قاصي وداني
اكان ما جاد علي بي نظرة منو رماني
لا اسفا علي .. وانعوني يا اخواني[
ات رايك سديد احفظ وشوف قانونى
الزول ان جفاك ما تبكى ليهو تنونى
يا يرجع براه ولا اليهج من كونى
وان يعرف لقيمتى بهدى ليهو عيونى

[سارة]

المشاركة الأصلية كتبت بواسطة أحمد محمد زين حسين

من غير اليمين . بي قيد عيونو اسرنا
وبي نور الخدود ... الكملنو صبرنا
كان ما الموت حرام ونخاف نقلو قدرنا
كنا سدرنا في ريدو ... ورهنا عمرنا

من غير اليمين بـ ضى عيونو ملكنا

يوم طًل وظهر جهجه صبرنا هلكنا

ريقو عسل نحل قبال شربنا شرقنا

يوم تلفن عشا ليلة القدر زارتنا

[طارق صديق كانديك]

المشاركة الأصلية كتبت بواسطة أحمد محمد زين حسين

من غير اليمين . بي قيد عيونو اسرنا
وبي نور الخدود ... الكملنو صبرنا
كان ما الموت حرام ونخاف نقلو قدرنا
كنا سدرنا في ريدو ... ورهنا عمرنا

المشاركة الأصلية كتبت بواسطة سارة

من غير اليمين بـ ضى عيونو ملكنا

يوم طًل وظهر جهجه صبرنا هلكنا

ريقو عسل نحل قبال شربنا شرقنا

يوم تلفن عشا ليلة القدر زارتنا

زايد في الجفا حتّ الصبر قارشنا
مسداركم قّسَم مليان حليفة هرشنا
قدرما نقول نتوب متلهمنو فرشنا
ومن تالا الوحيح نقنت وصلنا عرشنا


تاني تجو

[عكــود]

يوم فدعت يمينا قام الكفل لاقاها
ويوم جدعت شمالا جوز البرتكان صدّاها*
ود العين مزغلل بين السدير وقفاها
مِتِل كورة التنس لاعباً حريف صدّاها

* حصرياً للكاديلاك

[سارة]

المشاركة الأصلية كتبت بواسطة طارق صديق كانديك

زايد في الجفا حتّ الصبر قارشنا
مسداركم قّسَم مليان حليفة هرشنا
قدرما نقول نتوب متلهمنو فرشنا
ومن تالا الوحيح نقنت وصلنا عرشنا


تاني تجو

زايد فى جفاهو وبـ سمرتو محرقنا
مسداركم بـ حليفتو ما وصف حيرتنا
غرز نشاب عيونو جوة القليب جارحنا
قدر ما نقول نتوب حروفنا دى بتفضحنا



ابنجو مع العفش

[مواهب عبد العزيز نقد الله]

المشاركة الأصلية كتبت بواسطة سارة

زايد فى جفاهو وبـ سمرتو محرقنا
مسداركم بـ حليفتو ما وصف حيرتنا
غرز نشاب عيونو جوة القليب جارحنا
قدر ما نقول نتوب حروفنا دى بتفضحنا



ابنجو مع العفش

زايد فى الجفا قسما تقول فى غارة
كل ما اقول قرب ألاقهو فات واضارى
لمتبن اللقاء والسلام بحرارة
شارد التقول انا توم وهو بس تقول الفارة
فى اشارة فاضحة لتوم اند جيرى

[طارق صديق كانديك]

المشاركة الأصلية كتبت بواسطة عكــود

يوم فدعت يمينا قام الكفل لاقاها
ويوم جدعت شمالا جوز البرتكان صدّاها*
ود العين مزغلل بين السدير وقفاها
مِتِل كورة التنس لاعباً حريف صدّاها

* حصرياً للكاديلاك

والله ياعمدة الجابتك مي هينة تاااااب

---

الكاحلات عيونا العمدة التقول لولاها
تمشي وتنفدع التنية مي قاصداها
ياصيدة الخلا الشايلة النفيسة معاها
مافضلت شئ غير بس توصف فاها

[طارق صديق كانديك]

ود الزين .. اخوي العمدة جا مقالدنا
ما تهبر تمش .. سوي النضم جالدنا
جاب سيرة الكفل بي ذكرو ما اتجلدنا
لكناهو الصبر .. عِلا الوحيح زاردنا

[مرافي]

المشاركة الأصلية كتبت بواسطة عكــود

يوم فدعت يمينا قام الكفل لاقاها
ويوم جدعت شمالا جوز البرتكان صدّاها*
ود العين مزغلل بين السدير وقفاها
مِتِل كورة التنس لاعباً حريف صدّاها

* حصرياً للكاديلاك

سمحة هي الجاب العمدة اوصافا
كسرت فيهو ضلعة يوم قبلت بقفاها
يوم قبلت طفر منو القليب بوراها
مابين فدعة وجدعة ضاق عليهو براحا

[مرافي]

المشاركة الأصلية كتبت بواسطة طارق صديق كانديك

ود الزين .. اخوي العمدة جا مقالدنا
ما تهبر تمش .. سوي النضم جالدنا
جاب سيرة الكفل بي ذكرو ما اتجلدنا
لكناهو الصبر .. عِلا الوحيح زاردنا

مالك الليلة اتجرست واتبهدلت ياود كانديك
تنادي في ود الزين يناضم.العمدة. ويجيك
سوي سواتك واتجلد لوك الصبر لو يكفيك
من سيرة الكفل مالو طش عقلك ووحيحو كاويك

[طارق صديق كانديك]

المشاركة الأصلية كتبت بواسطة مرافي

مالك الليلة اتجرست واتبهدلت ياود كانديك
تنادي في ود الزين يناضم.العمدة. ويجيك
سوي سواتك واتجلد لوك الصبر لو يكفيك
من سيرة الكفل مالو طش عقلك ووحيحو كاويك

والله لقيتك ما ساهلة يامرافي

--

الوصف القبيل خلا القليب يتباكا
هزاني وبهز بالرااااحة جبل التاكا
الزول المتل دمور في ايد الحاكا
يمشي وينتني ده اللاك كبِدنا لواكا

[محمد الحاج]

بقيت اجمع فى ابل السنين واداور
ناقة الزمن كل ما اقوم عليها تغاور
الخلانى اكتب وامحى وللشعر متحاور
الخات على وسمو اخالف فى القلب محاور

[أبو دعد]

المشاركة الأصلية كتبت بواسطة محمد الحاج

بقيت اجمع فى ابل السنين واداور
ناقة الزمن كل ما اقوم عليها تغاور
الخلانى اكتب وامحى وللشعر متحاور
الخات على وسمو اخالف فى القلب محاور

الخلانى كل يوم اكتب و امحا
الزول الباينى فى فد. لمحا
شن بشبه بلا المهرا الجامحا
ان جافنا قلوبنا ليهو مسامحا