خريجو جامعة أسيوط لمزيد من التواصل

[Wad Elbeck]

اقتباس:
المشاركة الأصلية كتبت بواسطة د عباس الرضى
الاحبة الاسايطة
الود لكم جميعاً وعام ميلادي جديد يطوف علي الكل بالخير
اردت ان اطل بدون عنوان وقد (صبرت ) علي المتاوقة اربعة اعوام عجاف كنت خلالها ( استرق ) السمع لحوارات الاسايطة بالود الذي لايمل معهو ( مظلل )
اَتيكم اليوم والسنة تنحرف غير عابئة بوجد قديم وماضي مترف الذكريات حميم الصدى !!!!!!!!!!!!!!!!!!
لا اطيل ولكني سوف اطل ثانية فمابي من الشوق والعرفان لذكرى لاشك دافعي لعود
سلام مربع



عباس الرضى ..
سلامات وألف مرحب بيك فى بيتك ..
بلا شك وجودك بيننا دفعة وإضافه حقيقية للبوست ..

بالمناسبة وين أخونا فرج وأخبارو شنو؟

[طارق صديق كانديك]

المشاركة الأصلية كتبت بواسطة Wad Elbeck

اقتباس:
المشاركة الأصلية كتبت بواسطة Wad Elbeck

يا أسايطة سلام عليكم ..

أسيوط .. نادى الجيش .. العام 1986 على ما أظن ..

من يمين الشاشة:
الثلاثه الأوائل تسربت أسماؤهم من الذاكرة فلهم العتبى، يليهم الراحل عمار عباس، ودالبيك، مكى الصوفى، عبدالفتاح، موسى ثم الأخ برعى محمد دفع الله فى الصف الأمامى ..

ود البيك صباح الخير ياخي .. والبركة بالشوفة ..

غايتو يا بتنادي للجرسون ... يا بتحِت يدك بعد السفة

تحياتي لكل الاسايطة

[Wad Elbeck]

واحد عصير قصب بسرعة يا شباب ..
طارق سلامات ..
ونوّرت البيت والله ..
لك كل التحايا ..

اقتباس:
غايتو يا بتنادي للجرسون ... يا بتحِت يدك بعد السفة

هههه .. الغريبة لا هذا ولا ذاك ولكن يبدو أن هناك أنغام منبعثه من مكان ما قبل بداية البرنامج ..

[يوسف عبدالله محمد عثمان]

سلامات يا ود البيك مني ومن مصطفي مركز .. بسلم عليك كتير .. لكن غايتو شوقتنا بي عصير القصب بالزات المحل جوار النفق الصغير ونحن جايين من الجامعة كنا نديه زيارة .. خبر هام تم تعيين عبدالله شريف خليفة {تجارة اسيوط } مديرا عاما لوزارة الاقتصاد وحماية المستهلك بولاية الخرطوم .. له التهنئة علي الثقة ونتمني له التوفيق ..

[يوسف عبدالله محمد عثمان]

الخبر كما جاء في الصحف ..

[الزوول]

المشاركة الأصلية كتبت بواسطة د عباس الرضى

الاحبة الاسايطة
الود لكم جميعاً وعام ميلادي جديد يطوف علي الكل بالخير
اردت ان اطل بدون عنوان وقد (صبرت ) علي المتاوقة اربعة اعوام عجاف كنت خلالها ( استرق ) السمع لحوارات الاسايطة بالود الذي لايمل معهو ( مظلل )
اَتيكم اليوم والسنة تنحرف غير عابئة بوجد قديم وماضي مترف الذكريات حميم الصدى !!!!!!!!!!!!!!!!!!
لا اطيل ولكني سوف اطل ثانية فمابي من الشوق والعرفان لذكرى لاشك دافعي لعود
سلام مربع

....

سلامات يا أسايطة
ومرحب بد. عباس الرضي
جيت والله جابك
انت ماك عارف المحل ده الناس الفيهو
راحت عليهم وبقوا يفتشوا في دفاترهم القديمي
عمك عصام كيشو مثلاً
مزربقني في شريط ..ليهو أكتر من 25 سنة
يوبيل فضي عديل كدي
دحين يا عِبسْ
ايامي الكنت السكرتير المالي للجمعية الطبية الصيدلية
ومعاي د.إخلاص محجوب ...تتذكر؟؟؟
انت واحد من الناس ما كنت بتدفع
بالرغم من انو كنت بلبد ليك يوم البريزة
ولكن مافي فايدي ..دايماً زايغ مني
دحين الحساب ولد
دايرين حقنا هنا كلو
مشاركات ..صور ... اي شيء gapgap
يا زول مرحب بيك بين أهلك
...

[يوسف عبدالله محمد عثمان]

ســــــــــــــلام عليكم و رحمة الله وبركاته
يا جماعة الفضايح شنو خلوها مستورة .. الكوكبة كانت منتشرة في اسيوط .. و الناس الشايلين الفرش وحايمين من شقة لي شقة و ناس المدينة الجامعية البزوغو منها ويبيتو بره ..
تحياتنا للاخ عباس الرضي و اخيه فرج تجارة ..واين الموقع وكيف اخباركم .. انشاء الله تكونوا بخير مع تحياتي للزول الظريف ..

[مكي محمد الحسن]

السلام عليكم يا صعايده
الله مشتاقين ..لقد فقدت كلمة المرور وأخيراً إسترجعتها عسي ولعل أن اذكرها مرات جايه ...ده لو ما الزهايمر المبكر أصبنا والتحية للجميع ..
د.عباس الرضي , الباشمهندس يوسف عبد الله منورين والله والبيت عمران ...
ود البيك (عصير القصب ) ده لقيت ليك منو نموزج معلب في دكاكين الصينيين طلع (مويه سكر ساكت ) دحين يا أخوي الصور الزي دي بتخلينا (نتمطق ) وزعله ساكت كده الواحد بدل يمشي السودان الصيف ده يقوم يمشي مصر.
د.العوض ان شاء الله إذا ربنا سهل ونزلت الصيف ده البلد بغشاكم في الامارات ان شاء الله نقابلك.
يا صعايده عا أقولكم ايه الدنيا برد مع (-35 مئويه ) وفي الاصقاع الشماليه لكندا بجوار خليج هيدسون فارجو المعزرة ودعتكم الله ولنا عوده

[Wad Elbeck]

اقتباس:
المشاركة الأصلية كتبت بواسطة يوسف عبدالله محمد عثمان
سلامات يا ود البيك مني ومن مصطفي مركز .. بسلم عليك كتير .. لكن غايتو شوقتنا بي عصير القصب بالزات المحل جوار النفق الصغير ونحن جايين من الجامعة كنا نديه زيارة .. خبر هام تم تعيين عبدالله شريف خليفة {تجارة اسيوط } مديرا عاما لوزارة الاقتصاد وحماية المستهلك بولاية الخرطوم .. له التهنئة علي الثقة ونتمني له التوفيق ..


عصير القصب وما أدراكما عصير القصب!!
أو ما كان يسميه البعض ب"ماء العصب" ..
طبعاً زولك الجنب النفق ده كان محطة أساسية للتزوُّد بالوقود، ولو لم تخنى الذاكرة كان إسمه "جنة الفواكه" ..
يوسف .. لك والأخ مصطفى مركز عاطر التحايا ..

[Wad Elbeck]

مكى ..
ليك وحشة يا رجٌلْ ..
ياخى رغماً عن كثرة المشاغل والزمهرير نرجو ألا تطوِّل الغيبة ..

[شبارقة]

المشاركة الأصلية كتبت بواسطة الزوول

ايامي الكنت السكرتير المالي للجمعية الطبية الصيدلية
ومعاي د.إخلاص محجوب ...تتذكر؟؟؟
انت واحد من الناس ما كنت بتدفع
بالرغم من انو كنت بلبد ليك يوم البريزة
...

سلامات يا صعايدة

مرحبا ً بعودة د. عباس الرضي وهلا ومرحبا

ويا أخينا الزوول الجاب عباس الرضي للجمعية الطبية الصيدلية شنو؟

إحتمال رقم (1): إنو الجمعية والمحجوب كانوا عاملين joint venture وناس كيشو كانوا ما عارفين .
إحتمال رقم (2): الزهايمر ضرب واحد فينا

[Musa Jadeed]

اقتباس:
المشاركة الأصلية كتبت بواسطة الزوول
....

سلامات يا أسايطة
ومرحب بد. عباس الرضي
جيت والله جابك
انت ماك عارف المحل ده الناس الفيهو
راحت عليهم وبقوا يفتشوا في دفاترهم القديمي
عمك عصام كيشو مثلاً
مزربقني في شريط ..ليهو أكتر من 25 سنة
يوبيل فضي عديل كدي
دحين يا عِبسْ
ايامي الكنت السكرتير المالي للجمعية الطبية الصيدلية
ومعاي د.إخلاص محجوب ...تتذكر؟؟؟
انت واحد من الناس ما كنت بتدفع
بالرغم من انو كنت بلبد ليك يوم البريزة
ولكن مافي فايدي ..دايماً زايغ مني
دحين الحساب ولد
دايرين حقنا هنا كلو
مشاركات ..صور ... اي شيء gapgap
يا زول مرحب بيك بين أهلك
...

البشاري ألف مبروك الزواج

ومبروك لعبدالله شريف الوظيفة

وأهلا بيك باشمهندس يوسف

واهلا ببلبل البراري (السودانية والكندية)

وبعدين د. العوض دا إتزهمر ولا شنو؟ متين عباس الرضي ترك كلية الحقوق وإلتحق بالجمعية الطبية الصيدلية ولا كان منتسب

ربما

[شبارقة]

د. عباس الرضي

[شبارقة]

المشاركة الأصلية كتبت بواسطة يوسف عبدالله محمد عثمان

ســـــــــــلام ياشباب ..
كمان الزول الماسك الجريدة قد يكون حيدر محمد عبدالله - تجارة - مدني ..
..

سلام يا يوسف

بل هو الأخ / مكي محمد مكي الصوفي

[يوسف عبدالله محمد عثمان]

والله انا زاتي اندهشت من حكاية رسوم الجمعية الطبية الصيدلية دي .. صاحبنا لقي الدال قبل الاسم ولصق الراجل في الجمعية الطبية ..
الاخ مكي محمد الحسن صاحبك نادر محجوب بسلم عليك قابلتو قبل فترة في عزاء في الشعبية وجبنا سيرتك {سيرتك الخايف عليها ههههههههههي يكا }..