الحريات الأربعة...جنوب السودان رايح جاي

[أميرى]

منذ أسابيع و الشباب الجنوبيين اللذين أعرفهم و هم يسألونني بحزر
بعد شهر أربعة حيحصل شنو؟
كنت أجيبهم ب:
قطر عجيب بتعرفوهو؟
و أردف العبارة ب بس ماف مشكلة لو درتو كفيل أنا جاهز

في نفسي كنت موقنا أن حكومة البشير أضعف من أن تدير قطار عجيب
ولكن والحق يقال كنت أستمتع بقلقهم البادي علي الأجساد الفارعة

والآن بعد إتفاق الحريات الأربعة الأخير ربما هم من سيستلذ بالقلق البادي علي وجه سكان الكلاكلة و ضواحيها وعلي بقية مواطني الدولة مراعاة فروق القلق

[أميرى]

نهاية شارع الكلاكلة شرق في سوق صغير يعج بالشباب الجنوبي (حكاية بتاعت إتنين مليون جنوبي)
كانوا في سنوات نيفاشا وما قبلها بقليل يثيرون العنف والبلطجة
و عدم الشغلة
بعد أحداث الإتنين الأسود أفل نجمهم و إنكسر صوت عضلاتهم قليلا
بعد الإنفصال صاروا كفتيات صغيرات مذعورات
و نعمت الكلاكلة بآمان حقيقي

قهوة فنجان حجة التومة ربما نجمت عن عودة حليمة لي عادتها القديمة

[أميرى]

البوست دة هموم خاصة لا علاقة له بحزب المؤتمر الوطني ولا عواطف الوحدويين وأشواقهم
وبالطبع ما عندو علاقة بالعنصرية

أنا نظرتي بقت سالبة جدا تجاه الشخصية الجنوبية و ما حبالغ لو قلتا جدا جدا جدا

[خال فاطنة]

البوست دة هموم خاصة لا علاقة له بحزب المؤتمر الوطني ولا عواطف الوحدويين وأشواقهم
وبالطبع ما عندو علاقة بالعنصرية

كويس إنو عملت ساتر يا عمك...لكن..

ما بحلك

الكلاكلة و غيرها تحتضن قنابل أخرى، و مصنع الهامش مدور و مادته الخام لا تنفد...

[عبدالمنعم الطيب حسن]

الكديسة بتاعتك دي من يوم داك لسع مشعللة
غايتو قربت اقنع منك يا ميطي
والليلة تميت الناقصة
والمداخلات البيغادي تكره البلي
يا زول السودان دا
والكلاكلة دي الذات حقت الشعب السوداني دا كلو
والماعجبو ممكن يمشي الجنوب ياخد جنسية وزول بسالك مافي...
اتنين مليون سوداني ممكن يعيشوا في اي كمان
ان شاء الله حلفا ذاتا
نصيحة اخيرة قبال تمشي في الشوارع بدون سستة
عندنا خليفة في واوسي كارب عشرين سوط توالي تكتك متككة ...
لو بقيت على الموضوع اديني خبر نخدمك برضو فانت صديقي وبحبك
وبتحمك لامن تنطلق لابسا ومنقبا

[أميرى]

المشاركة الأصلية كتبت بواسطة خال فاطنة

كويس إنو عملت ساتر يا عمك...لكن..

ما بحلك

الكلاكلة و غيرها تحتضن قنابل أخرى، و مصنع الهامش مدور و مادته الخام لا تنفد...

خال فطانة سلامات
الساتر الله بس الدروة في إنتظار مفاجأة

الهامش لا يزال سوداني الهوي والوثائق و نرجو من الله ألا يستمر صوت التك تاك تك تاك

بس إتا رأيك شنو في الرايح جاي دة و بدون ساتر

[سماح محمد]

يا أميري
في إيطار حديثك عن شجونك الخاصة والمتعلقة بأخواننا الجنوبيين..
مع تثبيت عدم العنصرية والتقاطع مع الوحدويين المهزومين (e.g. سماح محمد )
:

أنا متعاطفة جدا من فئة من الجنوبيين إتربو وعاشو طيلة حياتهم هنا، لم يتخيلو انه يمكن ان يأتي يوم يخبرونهم فيه أن لهم وطن آخر عليهم ان يذهبوا قسرا اليه ولا مكان لهم بيننا

رأيتهم مذعورين..
باكيين..
(سانتو) لابسا الجلابية وقد تربى بيننا..قال لنا: (ياجماعة لكن انا شايقي ! يودوني جنوب ليه؟!..)

للأسف..في كل المشاهد..هنالك الكثير من الضحايا

تحياتي

[أميرى]

المشاركة الأصلية كتبت بواسطة عبدالمنعم الطيب حسن

الكديسة بتاعتك دي من يوم داك لسع مشعللة
غايتو قربت اقنع منك يا ميطي
والليلة تميت الناقصة
والمداخلات البيغادي تكره البلي
يا زول السودان دا
والكلاكلة دي الذات حقت الشعب السوداني دا كلو
والماعجبو ممكن يمشي الجنوب ياخد جنسية وزول بسالك مافي...
اتنين مليون سوداني ممكن يعيشوا في اي كمان
ان شاء الله حلفا ذاتا
نصيحة اخيرة قبال تمشي في الشوارع بدون سستة
عندنا خليفة في واوسي كارب عشرين سوط توالي تكتك متككة ...
لو بقيت على الموضوع اديني خبر نخدمك برضو فانت صديقي وبحبك
وبتحمك لامن تنطلق لابسا ومنقبا

منعم سلامات
شفت مداخلتك وقارنتها بتاريخ اليوم فما لقيتها لافقة
فأحلتها برفق لإرشيف ما قبل حداشر يوليو ٢٠١١
بالمناسبة عندي إسبير سكند هاند بحالة جيدة لآلة الزمن المعطوبة اللتي بحوزتك

هم لسة سودانيين يا منعم؟

...
بعيدا عن السست والميطي
إزيك يا صديقي

[أميرى]

المشاركة الأصلية كتبت بواسطة سماح محمد

يا أميري
في إيطار حديثك عن شجونك الخاصة والمتعلقة بأخواننا الجنوبيين..
مع تثبيت عدم العنصرية والتقاطع مع الوحدويين المهزومين (e.g. سماح محمد )
:

أنا متعاطفة جدا من فئة من الجنوبيين إتربو وعاشو طيلة حياتهم هنا، لم يتخيلو انه يمكن ان يأتي يوم يخبرونهم فيه أن لهم وطن آخر عليهم ان يذهبوا قسرا اليه ولا مكان لهم بيننا

رأيتهم مذعورين..
باكيين..
(سانتو) لابسا الجلابية وقد تربى بيننا..قال لنا: (ياجماعة لكن انا شايقي ! يودوني جنوب ليه؟!..)

للأسف..في كل المشاهد..هنالك الكثير من الضحايا

تحياتي

سماح يا صديقة سلامات
زمان كانو بجيبو لقطة كدة لي قرنق بقول فيها يا جماعة
يوم شفتوا دولة بمشي مسجد ولا كنيسة
داير أقول زيو كدة
يا سماح يوم شفتي دولة بيبكي و يحزن؟

الجنوبي الذي إختار دولته الخاصة عليه أن يذهب بشجونه بحزنه بكراهيتو بأفراحه
فنحن أيضا لنا أحزاننا الخاصة
و ليس من متسع لذاد جديد من البكاء علي أحد

...
الدولة تهتم لأمنها القومي أكثر
من مسح دموع الضحايا
أو هكذا ينبغي لها

وتحياتي للجنوبي (الشايقي) المستلب

[أبو دعد]

الفرق شنو بين الحريات الاربعة و الجنسية المزدوجة؟
الفرق شنو بين مذكرة التفاهم و اتفاقية السلام؟
الفرق شنو بين الحزب الشيوعى السودانى و الحزب الشيوعى الصينى؟
الفرق شنو بين مؤتمر كاودا و مؤتمر الدوخة؟
الفرق شنو بين ابيى و حلايب؟

[عادل عسوم]

أميري
كنتُ من الحادبين على الوحدة والمدافعين عنها الى عهد قريب!
ذلك برغم هذه الحادثة:
خلال بناء بيتي اتصل بي شقيقي وأخبرني بأنه وجد أسرة جنوبية تفترش الطابق الأرضي من البيت (الهيكل) ويرفضون الخروج منها...
رجوته أن ينتظر حضوري بعد اسبوعين خلال اجازتي السنوية وسأرى الأمر
تحدثت مع (جون) فرفض الخروج ومالبث أن أتاني شاب مهندم يقود عربة برادو وأراني ورقة عليها ترويسة الحركة الشعبية وتفيد بأنه محامي الأسرة!
ثم تحدث الي باللغة الانجليزية -وبعنجهية عجيبة-قائلا ان كنت أريدهم أن يخرجوا فعليّ أن أدفع لهم مبلغ عشر ملايين جنيه ثم أحضر (دفار) على نفقتي الخاصة لنقل عفشهم!
ذهبت الى القسم الشرقي وقدمت بلاغا...
فما كان من الضابط (الشمالي) الاّ أن نصحني قائلا:
ياابن العم بصراحة لو (مستعجل) على طلوعهم أعمل تسوية مع محامي الحركة الشعبية دا وخلص نفسك لأنو الموضوع دا حيجرجرك كتير ويمكن تدفع أكتر!!!
حدث ذلك قبل التصويت على الانفصال...
ولم تجد جهودي كلها لاخراجهم...
الى أن كان أعلان نتيجة التصويت على الانفصال وكانت النتيجة المعروفة...
تفاجأت باتصال من شقيقي يقول لي بأن الأسرة قد غادرت البيت لوحدها!
...
سأعود لا حقا بحول الله للكتابة عن أسباب (قبولي) بنتيجة الانفصال الذي اراده ...
وكذلك عن رايي في الحريات الاربع
مودتي لك ولضيوفك

[شهاب]

اقتباس:
المشاركة الأصلية كتبت بواسطة عادل عسوم
أميري
كنتُ من الحادبين على الوحدة والمدافعين عنها الى عهد قريب!
ذلك برغم هذه الحادثة:
خلال بناء بيتي اتصل بي شقيقي وأخبرني بأنه وجد أسرة جنوبية تفترش الطابق الأرضي من البيت (الهيكل) ويرفضون الخروج منها...
رجوته أن ينتظر حضوري بعد اسبوعين خلال اجازتي السنوية وسأرى الأمر
تحدثت مع (جون) فرفض الخروج ومالبث أن أتاني شاب مهندم يقود عربة برادو وأراني ورقة عليها ترويسة الحركة الشعبية وتفيد بأنه محامي الأسرة!
ثم تحدث الي باللغة الانجليزية -وبعنجهية عجيبة-قائلا ان كنت أريدهم أن يخرجوا فعليّ أن أدفع لهم مبلغ عشر ملايين جنيه ثم أحضر (دفار) على نفقتي الخاصة لنقل عفشهم!
ذهبت الى القسم الشرقي وقدمت بلاغا...
فما كان من الضابط (الشمالي) الاّ أن نصحني قائلا:
ياابن العم بصراحة لو (مستعجل) على طلوعهم أعمل تسوية مع محامي الحركة الشعبية دا وخلص نفسك لأنو الموضوع دا حيجرجرك كتير ويمكن تدفع أكتر!!!
حدث ذلك قبل التصويت على الانفصال...
ولم تجد جهودي كلها لاخراجهم...
الى أن كان أعلان نتيجة التصويت على الانفصال وكانت النتيجة المعروفة...
تفاجأت باتصال من شقيقي يقول لي بأن الأسرة قد غادرت البيت لوحدها!
...
سأعود لا حقا بحول الله للكتابة عن أسباب (قبولي) بنتيجة الانفصال الذي اراده ...
وكذلك عن رايي في الحريات الاربع
مودتي لك ولضيوفك



نفهم انك قبلت بالانفصال عشان تبني بيتك

ننتظر باقي مداخلتك
بس ما تطول شديد بالله

في كلام كتييير حارقني عاوز اقول بس نلزم صبر أيوب حتي تنتهي من باقي الكلام

[عبدالمنعم الطيب حسن]

المشاركة الأصلية كتبت بواسطة أميرى

منعم سلامات
شفت مداخلتك وقارنتها بتاريخ اليوم فما لقيتها لافقة
فأحلتها برفق لإرشيف ما قبل حداشر يوليو ٢٠١١
بالمناسبة عندي إسبير سكند هاند بحالة جيدة لآلة الزمن المعطوبة اللتي بحوزتك

هم لسة سودانيين يا منعم؟

...
بعيدا عن السست والميطي
إزيك يا صديقي

ولي بكرة سودانيين والكلام كتير حول الانفصال بقرار سياسي والوجدان الشعبي متماسك
انت لانك عنصري شوية حالة مستثناة
لكن الشعب هنا وهناك مع وحدة ترجع بكرة
ودونك حالة اليمن والمانيا و...
والحريات الاربع دي ما وحدة الا ربع ....
وبعدين انا خايف انت الالة الزمنية بتاعتك مغبشة شوية لو اعتقدت ان مجرد قرار الانفصال اصبح الاتنين مليون جنوبي في الكلاكلة ما سودانيين ،
مبروك التحالف الجديد مع عادل عسوم ونبارك له بالمناسبة البيت الطابقين
وان شاء يكون في حوش بانقا كافوري ...
ولو الكديسة لسع مشعللة الخليفة ابو سوط جاهز بس توكل ولا تتاخر حتى لا تتفاقم الحالة وتتعبنا ...

[عادل عسوم]

اقتباس:
المشاركة الأصلية كتبت بواسطة شهاب
اقتباس:
المشاركة الأصلية كتبت بواسطة عادل عسوم
أميري
كنتُ من الحادبين على الوحدة والمدافعين عنها الى عهد قريب!
ذلك برغم هذه الحادثة:
خلال بناء بيتي اتصل بي شقيقي وأخبرني بأنه وجد أسرة جنوبية تفترش الطابق الأرضي من البيت (الهيكل) ويرفضون الخروج منها...
رجوته أن ينتظر حضوري بعد اسبوعين خلال اجازتي السنوية وسأرى الأمر
تحدثت مع (جون) فرفض الخروج ومالبث أن أتاني شاب مهندم يقود عربة برادو وأراني ورقة عليها ترويسة الحركة الشعبية وتفيد بأنه محامي الأسرة!
ثم تحدث الي باللغة الانجليزية -وبعنجهية عجيبة-قائلا ان كنت أريدهم أن يخرجوا فعليّ أن أدفع لهم مبلغ عشر ملايين جنيه ثم أحضر (دفار) على نفقتي الخاصة لنقل عفشهم!
ذهبت الى القسم الشرقي وقدمت بلاغا...
فما كان من الضابط (الشمالي) الاّ أن نصحني قائلا:
ياابن العم بصراحة لو (مستعجل) على طلوعهم أعمل تسوية مع محامي الحركة الشعبية دا وخلص نفسك لأنو الموضوع دا حيجرجرك كتير ويمكن تدفع أكتر!!!
حدث ذلك قبل التصويت على الانفصال...
ولم تجد جهودي كلها لاخراجهم...
الى أن كان أعلان نتيجة التصويت على الانفصال وكانت النتيجة المعروفة...
تفاجأت باتصال من شقيقي يقول لي بأن الأسرة قد غادرت البيت لوحدها!
...
سأعود لا حقا بحول الله للكتابة عن أسباب (قبولي) بنتيجة الانفصال الذي اراده ...
وكذلك عن رايي في الحريات الاربع
مودتي لك ولضيوفك



نفهم انك قبلت بالانفصال عشان تبني بيتك

ننتظر باقي مداخلتك
بس ما تطول شديد بالله

في كلام كتييير حارقني عاوز اقول بس نلزم صبر أيوب حتي تنتهي من باقي الكلام




ما شاء الله علي فهم(كم) ياشهاب
المشاركة الخامسة ليك وعندك كلام كتير حارقك؟
دع ايوب عليه السلام وقول قولك...
فصدر (سودانيات) واسع ياعزيزي
كن بخير

[عادل عسوم]

اقتباس:
المشاركة الأصلية كتبت بواسطة عبدالمنعم الطيب حسن
ولي بكرة سودانيين والكلام كتير حول الانفصال بقرار سياسي والوجدان الشعبي متماسك
انت لانك عنصري شوية حالة مستثناة
لكن الشعب هنا وهناك مع وحدة ترجع بكرة
ودونك حالة اليمن والمانيا و...
والحريات الاربع دي ما وحدة الا ربع ....
وبعدين انا خايف انت الالة الزمنية بتاعتك مغبشة شوية لو اعتقدت ان مجرد قرار الانفصال اصبح الاتنين مليون جنوبي في الكلاكلة ما سودانيين ،
مبروك التحالف الجديد مع عادل عسوم ونبارك له بالمناسبة البيت الطابقين
وان شاء يكون في حوش بانقا كافوري ...
ولو الكديسة لسع مشعللة الخليفة ابو سوط جاهز بس توكل ولا تتاخر حتى لا تتفاقم الحالة وتتعبنا ...



السلام عليك ياعبدالمنعم
لا أملك بيت طابقين والله
وياريت تفصل شوية في موضوع التحالف المذكور لاني ما عندي خبر بيهو
وهل هناك تحالفات موجودة بالفعل في سودانيات؟!
تحياتي الى اهل واوسي