راكوبة المجادعات.. النمة والدوباي

[أبو دعد]

اين انتم

[أبو دعد]

البارح بعد الليل ما برد و نجمو هود
عقبان عاودنى و جعى القديم و على عود
طرانى الفى مشيهو بتنى و فى حديثو بتهود
كبس الهم على و خلى ليلى كلو.... مسود

[3ashig Alneel]

اقتباس:
المشاركة الأصلية كتبت بواسطة سارة
يا طير أن سريت لـ حبيبى أسجع وغنى
قول ليهو الحبيب محزون وليك مستنى
من بعدو وجفاهو جــــرن الدموع بًلنى
لو فى الطيف يمر أو مرة يســال عًنى



ونقول معاك:

يا طير الحبيب الجاب خبارو أظني
سائلك يوم تعود تهديهو شوقي وحني
قول ليهو العشوق لي خمرتك مستني
شان يسكر معاك بالريدة ... سكرة يني

[أبو دعد]

[QUOTE=3ashig Alneel;449613]اقتباس:
المشاركة الأصلية كتبت بواسطة سارة
يا طير أن سريت لـ حبيبى أسجع وغنى
قول ليهو الحبيب محزون وليك مستنى
من بعدو وجفاهو جــــرن الدموع بًلنى
لو فى الطيف يمر أو مرة يســال عًنى


يا طير ياساجع فوق سيسبان متنى
ماك عارف عيونى بالدموع فضحنى
عقبان جروحى القديمة بالانين عاودنى
لاشفت بعد صوتك عافية لا كتلنى

[اشرف السر]

This is beautiful Forum, beautiful Sudanyat

[مي هاشم]

الخبر اللكيد .. انقسم الوطن بعد ما كان مليون ميل
واتشرتم كمان..وما ينفع نقول يا حليل!!
وانقسمو الرجال ..منو التاني بيعدل الميل؟!!
منو اليبقالنا درقة ونفخر بيو نشد الحيل؟!!

[مي هاشم]

صفات الرّجال فوق حِبّي مجموعه
أب راياً سديد وكلِمتو مسموعه
ساهرت الليالي من فرقو موجوعه
مكفي قلبي وراه والعين ساحة بدموعا

[طارق صديق كانديك]

الزول البسو في المشية عوم الوزة
كمل صبري تب بعد الثبات والركزة
قدرما اقول اتوب بي شوفتو اخد هزة
ما بسلاهو هن جزيت الجبال فد جزة

[طارق صديق كانديك]

المشاركة الأصلية كتبت بواسطة مي هاشم

صفات الرّجال فوق حِبّي مجموعه
أب راياً سديد وكلِمتو مسموعه
ساهرت الليالي من فرقو موجوعه
مكفي قلبي وراه والعين ساحة بدموعا

السهر البشيل النوم يخلى العين تبيت مدموعه
ما مكتوب عليك يا السمحة يوت في ربوعا
فيك قلبا حنين ،عفة ، وكمان مربوعه
ما تضوقي العذاب ماتقومي يوم مفزوعه

[مي هاشم]

المشاركة الأصلية كتبت بواسطة طارق صديق كانديك

السهر البشيل النوم يخلى العين تبيت مدموعه
ما مكتوب عليك يا السمحة يوت في ربوعا
فيك قلبا حنين ،عفة ، وكمان مربوعه
ما تضوقي العذاب ماتقومي يوم مفزوعه

السهر البشيل النوم ويبكّي العين
مكتوب علي دوام ما لَي عليهو مُعين
عمل قلبي الشليق ودّرني في سبعين
أستاهل عذابي ................


وأي حاجة تحصل لي

[نهلة محكر]

طارني الصحاب ولا البعد نسّاهم
في بالم بمر ... ولا ما بغشاهم
ملهوف القليب ديمة بس يطراهم
تشرق شمسو بيهم .. نايم على ذكراهم

[مي هاشم]

المشاركة الأصلية كتبت بواسطة نهلة محكر

طارني الصحاب ولا البعد نسّاهم
في بالم بمر ... ولا ما بغشاهم
ملهوف القليب ديمة بس يطراهم
تشرق شمسو بيهم .. نايم على ذكراهم

طارنّك صحابك والبُعُد ما بنسّيهم
في بالُم تمرّي.. تصابحي وتماسيهم
ملهوف قليبك ليهم بشوقو يوت حاسّيهم
تشرق شمسو بيهم..بالشوق حُلل تكسيهم

[مي هاشم]

المشاركة الأصلية كتبت بواسطة طارق صديق كانديك

الزول البسو في المشية عوم الوزة
كمل صبري تب بعد الثبات والركزة
قدرما اقول اتوب بي شوفتو اخد هزة
ما بسلاهو هن جزيت الجبال فد جزة

الزول البسو في المشية قدلة ورفلة
كمل صبري تب زي العريس في الحفلة
قدر ما اقول أتوب بي شوفتو آخد جفلة
ما بسلاهو لا بقدر معاهو القفلة

[مي هاشم]

قِليبي على الحِبَيِّب ديمه نازِف فَصدو
ما بِبرا الألم مِن قُربو أو كان صَدو
يزرع في الحنين وأنينو نِحن نحَصدو
صالينا العذاب ماعرفنا رايو وقصدو



حاجة تحيّر بالليل ده!
لكن الله كريم..

[طارق صديق كانديك]

المشاركة الأصلية كتبت بواسطة مي هاشم

قِليبي على الحِبَيِّب ديمه نازِف فَصدو
ما بِبرا الألم مِن قُربو أو كان صَدو
يزرع في الحنين وأنينو نِحن نحَصدو
صالينا العذاب ماعرفنا رايو وقصدو

الناس ما تنوم يعني ؟


قليبي على الحبيب الليلة زايد رصدو
الزّارع الحنين يلقاهو بكرة يحصدو
الخلاني شفتا الويل مدنكل قصدو
يلعبّك جناح جرااااي يغلبك صدو