يا أم التيمان تعالي إستفرغي هنا

[فتحي مسعد حنفي]

المشاركة الأصلية كتبت بواسطة ام التيمان

بالمناسبة انا قاعدة
اضحك من المداخلات
التى لا تمت للحقيقة
بصلة
ارجوكم لا تكتبوا
و تصبحوا انتم بتاعين النميمة

يا أم التيمان لما حافظ كتبتي كلامك داك عن العلاج النفسي أخد الكلام انو في زول سرب ليك خبر وانتي استغليتي الخبر في ردك عليهو..في احتمال واحد من اتنين..يا شكوك حافظ حقيقة انو فعلا في زول وصل ليك معلومة أو الكلام الانتي كتبتيهو كتبتيهو كرد خطر ليك بدون أي علاقة بمحتواه..
اذا بدل ما تضحكي حقو تجي وتردي عليهو بواحدة من اتنين وما عندنا سبب ولا نية نكضبك..هل فعلا انتي كتبتي كلامك استنادا لمعلومة وصلا ليك زول ولا كتبتي كلام ساكت من باب الرد عشان كلام حافظ استفذاك..والكلام دا أهميتو في انو حافظ شك في زول معين أو أكتر وبناءا عليهو اتخذ قرار ربما فيه ظلم لبعض أصدقائه ومن واجبك كشف حقيقة الأمر بلا مجاملة أو ستر لأحد ولست أنتي من من يخافون قول الحقيقة..

[ام التيمان]

المشاركة الأصلية كتبت بواسطة حافظ حسين

أم التيمان مع بعض الإحترام
صدقيني كلامك القلتيه كله صاح
أنا كنت مريض و قاعد أتعالج عند طبيب نفسي
و ما زعلان منك لانك جبتي الكلام دا للعام لكن
حزين أكتر لنفسي اني سمعت كلام الدكتور و كلمت أحد اصدقائي و هو كلمك في جلسة نميمة ما ....
علي العموم يا أستاذه شكراً ليك و شكراً لأمرؤ اهداني عيوبي
و رجاء كل من عرفني من هنا ينسي خالص لاني من الان سامسسح كل التلفونات و حأقفل تلفوني .... رجاء ما في حد يتصل علي
و تشكرون جميعاً
-------------
نبراس سوف أتيك أينما كنتي و بجيب ليك القروش
اخيراً يا ادارة ممكن تمسحي البوست دا و هذا المكان مناسب جداً لعادل عسوم و أم التيمان و لشلة النميمة

حتى كتابتك لهذه المداخلة
و بتقول انا مريض نفسى و فى واحد كلمك
اتخيلتك بتهظر
و بتغيظ فينى
و الله يا حافظ لم اعرف انك مريض
قلتها ليك مجرد شتيمة
و عادى عندنا الزول لمن اقول كلام شين و ما متوقع
الناس بقولو لى انت مجنون

[فتحي مسعد حنفي]

المشاركة الأصلية كتبت بواسطة ام التيمان

حتى كتابتك لهذه المداخلة
و بتقول انا مريض نفسى و فى واحد كلمك
اتخيلتك بتهظر
و بتغيظ فينى
و الله يا حافظ لم اعرف انك مريض
قلتها ليك مجرد شتيمة
و عادى عندنا الزول لمن اقول كلام شين و ما متوقع
الناس بقولو لى انت مجنون

كدا ياحافظ الصورة وضحت وبقي مافي داعي تتهم زول وتظلمو..حسب معرفتي بأم التيمان بعرف كويس انها بتقول للأعور أعور في عينو عشان كدا أنا مصدق كلاما دا بنسبة 100% وصاحبك الشكيت فيهو حقو تديهو براءة..

[ام التيمان]

المشاركة الأصلية كتبت بواسطة فتحي مسعد حنفي

يا أم التيمان لما حافظ كتبتي كلامك داك عن العلاج النفسي أخد الكلام انو في زول سرب ليك خبر وانتي استغليتي الخبر في ردك عليهو..في احتمال واحد من اتنين..يا شكوك حافظ حقيقة انو فعلا في زول وصل ليك معلومة أو الكلام الانتي كتبتيهو كتبتيهو كرد خطر ليك بدون أي علاقة بمحتواه..
اذا بدل ما تضحكي حقو تجي وتردي عليهو بواحدة من اتنين وما عندنا سبب ولا نية نكضبك..هل فعلا انتي كتبتي كلامك استنادا لمعلومة وصلا ليك زول ولا كتبتي كلام ساكت من باب الرد عشان كلام حافظ استفذاك..والكلام دا أهميتو في انو حافظ شك في زول معين أو أكتر وبناءا عليهو اتخذ قرار ربما فيه ظلم لبعض أصدقائه ومن واجبك كشف حقيقة الأمر بلا مجاملة أو ستر لأحد ولست أنتي من من يخافون قول الحقيقة..

ال

يا فتحى
انا من ما بديت اكتب فى المنتدى دا ما بررت كلامى لى عضو
لكن بوست حافظ خلانى اعمل كدى لانو حسيت الموقف اصبح صعب
و بدل كوماج اخد منحنى اخر
فيه تهم و نميمة
لم اعرف حافظ مريض و لا اعرف اصدقاء حافظ و لم يكلمنى احد عن حافظ ابدآ
و لم اسأل زول عنه يوم و لم اجيب سيرتو مع زول خير و لا شر
و لا اعرف عنه اى شئ الا ما يكتبه فى البورد فقط
و الله لو عارفة حافظ مريض ما امسه بى قشة
و لا انا طرف فى مشكلة بنسبة لى حافظ
هو نبزنى حار شدييييييد
انا قولت لى كدا
عشان اغيظو بس
شكرأ فتحى

[ام التيمان]

المشاركة الأصلية كتبت بواسطة AMAL

من يتاجر بأوجاع الناس يتاجر بأعضائهم

بس اطلعى انتى منها
يا انتهازية يا فتانة زى ما قالت نبراس
كل الحاجات تبقى كويسة

[فتحي مسعد حنفي]

المشاركة الأصلية كتبت بواسطة ام التيمان

بس اطلعى انتى منها
يا انتهازية يا فتانة زى ما قالت نبراس
كل الحاجات تبقى كويسة

هسة كلامك دا ما فتنة؟؟؟؟؟؟مالك دايرة تدخلي نبراس في مشكلة؟

[ام التيمان]

المشاركة الأصلية كتبت بواسطة خضر حسين خليل

أمس القريبة دي ياحافظ كنت في مستشفي طه بعشر بالخرطوم بحري لزيارة صديق ذهب إلي هناك لإحساسه بأنه في حوجة ماسة لمراجعة طبيب نفسي ، واحد وعشرون يوماً بتمام الكمال قضاها صديقي هناك أذهب له وأجده يكتب لا غير ، كانت رغبته في الكتابة قد تضاءلت حتي إنعدمت مؤخراً .... الآن أحس أنني أيضاً في حوجة ماسة لشهر علي الأقل في ذات المشفي لخلل أحسه ينخر في روحي ، وأنا علي يقين إني سأفعلها قريباً . لا يهمني ولن يهمني رأي الناس في ذلك قدر ما يهمني أن أري للحياة معني جديد . صديقنا عاصم الحزين كتب عن تجربته في المشفي وإحتفي به الناس أيما إحتفاء . يقيني ياحافظ أن القيل والقال لن يتوقفا فهي دورة الحياة يا صديقي .
إنت ما الزول البحنسوك يا حافظ ولا الزول الممكن يتخارج بي وشيهو من دريبات الناس ولا الزول البقفل تلفوني حتي من الناس أنا أعرف أنك أجمل وأقوي من كده .
وباكر بشد ليك سلك وأبقي راجل ما ترد علي .


مودتي التي تعلم

انت صديق جميل يا خضر
و حافظ
انسان ذكى و لماح و شفيف
و كاتب كبير
قلبو مليان محبة للضعفاء و الفقراء
و مساعدة المحتاجين
نكن له محبة عظيمة
و لا يمكن ان نجرحه بى كلمة
فقط حصلت لحظة زعل
و المرض ليس عيب من منا ليس به داء
او يوجد فى بيتة مريض
هذه سنة الحياة
نمرض
و لكل داء
دواء

[حسين عبدالجليل]

المشاركة الأصلية كتبت بواسطة ام التيمان

و حافظ
انسان ذكى و لماح و شفيف
و كاتب كبير
قلبو مليان محبة للضعفاء و الفقراء
و مساعدة المحتاجين
نكن له محبة عظيمة
و لا يمكن ان نجرحه بى كلمة
فقط حصلت لحظة زعل
و المرض ليس عيب من منا ليس به داء
او يوجد فى بيتة مريض
هذه سنة الحياة
نمرض
و لكل داء
دواء

كلام جميل جدا ياأم التيمان , أسأل الله الخير لك و لحافظ ولكل الأخوة و الأخوات بالمنتدي .

وأتمني - رغم إنو هذه أمنية مستحيلة - أن يكتب كل منا مايشاء وفق اللوائح التي إرتضيناها و نتوقف عن تصيد أخطاء الآخرين . ونركز علي ماينفع الناس من قول طيب أو فعل طيب , كالمشروع الخيري الذي إقترحه شليل , و حافظ هو أحد أعمدة هذا المشروع الخيري.

غايتو في المنتديات دي مابتجينا فيها عوجة لو وضعنا نصب أعيننا الآية الكريمة " لا خَيْرَ فِي كَثِيرٍ مِنْ نَجْوَاهُمْ إلا مَنْ أَمَرَ بِصَدَقَةٍ أَوْ مَعْرُوفٍ أَوْ إِصْلاحٍ بَيْنَ النَّاسِ وَمَنْ يَفْعَلْ ذَلِكَ ابْتِغَاءَ مَرْضَاةِ اللَّهِ فَسَوْفَ نُؤْتِيهِ أَجْرًا عَظِيمًا‏}‏.

[فتحي مسعد حنفي]

المشاركة الأصلية كتبت بواسطة حسين عبدالجليل

كلام جميل جدا ياأم التيمان , أسأل الله الخير لك و لحافظ ولكل الأخوة و الأخوات بالمنتدي .

وأتمني - رغم إنو هذه أمنية مستحيلة - أن يكتب كل منا مايشاء وفق اللوائح التي إرتضيناها و نتوقف عن تصيد أخطاء الآخرين . ونركز علي ماينفع الناس من قول طيب أو فعل طيب , كالمشروع الخيري الذي إقترحه شليل , و حافظ هو أحد أعمدة هذا المشروع الخيري.

غايتو في المنتديات دي مابتجينا فيها عوجة لو وضعنا نصب أعيننا الآية الكريمة " لا خَيْرَ فِي كَثِيرٍ مِنْ نَجْوَاهُمْ إلا مَنْ أَمَرَ بِصَدَقَةٍ أَوْ مَعْرُوفٍ أَوْ إِصْلاحٍ بَيْنَ النَّاسِ وَمَنْ يَفْعَلْ ذَلِكَ ابْتِغَاءَ مَرْضَاةِ اللَّهِ فَسَوْفَ نُؤْتِيهِ أَجْرًا عَظِيمًا‏}‏.

شوفتك تسر البال ياحسين..المداخلة دي باليمين ولا بالشمال ولا مأجر ليك زول للطباعة

[حسين عبدالجليل]

المشاركة الأصلية كتبت بواسطة فتحي مسعد حنفي

شوفتك تسر البال ياحسين..المداخلة دي باليمين ولا بالشمال ولا مأجر ليك زول للطباعة

تعرف يافتحي أنا باكتب من الشغل - تنقيط بالماوس ساكت - الساعة عندي حوالي ٩ مساء الجمعة , بعد دا حأسوق لي أكثر من 30 ميل عشان أصل البيت .

ماعارف ليه ملاحظ أغلب الكوماجات بتبدأ بعد الساعة 4 مساء عندي - يعني بعد 11 مساء هناك - عشان كدا النوم البدري كويس أو كما قال الشيخ فرح .

[نبراس السيد الدمرداش]

المشاركة الأصلية كتبت بواسطة ام التيمان

بس اطلعى انتى منها
يا انتهازية يا فتانة زى ما قالت نبراس
كل الحاجات تبقى كويسة

يا امهم صباحك خير
غايتو لو بتهظري مع بت الشيخ ما مشكله
لكن لو جاده ارجو انك تمرقيني من نصكم وما تستدلي بتعليقي لانو اتقال في سياق محدد..ما بيني وبين بت ابوي الشيخ بسمح لي اقول ليها يا فتانه ومتاكده من فهمها وتقبلها ليها وفعلا دا الحصل لما كتبتها ليها بهناك

[AMAL]

المشاركة الأصلية كتبت بواسطة نبراس السيد الدمرداش

يا امهم صباحك خير
غايتو لو بتهظري مع بت الشيخ ما مشكله
لكن لو جاده ارجو انك تمرقيني من نصكم وما تستدلي بتعليقي لانو اتقال في سياق محدد..ما بيني وبين بت ابوي الشيخ بسمح لي اقول ليها يا فتانه ومتاكده من فهمها وتقبلها ليها وفعلا دا الحصل لما كتبتها ليها بهناك

شكرا يا ياواضحة ودغرية




الحسانية ديل الله عفاني من مباراتهم
no more donkey race

[أمين عام سودانيات]

بسم الله الرحمن الرحيم



سيتم إغلاق هذا المفترع أمام التداخل لمراجعته ...
ولتتمكن الأمانة العامة من كتابة مرئياتها فى غضون الساعات القادمة ..

[أمين عام سودانيات]

بسم الله الرحمن الرحيم


بعد الإطلاع على مجريات هذا البوست
ولتكتمل الصورة وتتضح الرؤية وحتى يتم تفهم مراميه ,
أسبابه ودواعيه لابد من الرجوع الى السجالات التى دارت فى بوست ( الشياطين والجن .. ) لعادل عسوم ..
إذ من الواضح أن جوهره مبنى على ما دار هناك ..
والمفترع فى توافقه أو عدم توافقه مع اللائحة سيتم التقرير فيه ضمن السياق ومذكرتنا سترسل كما هو معلوم عبر الآلية التى إعتدنا واعتاد عليها السادة الأعضاء , غير أن الأمانة العامة ترى أنه من الأنسب وضع مرئياتها فى أعماقة المتصلة بما دونه الأخ حافظ فى المشاركة رقم 2 والتى نرى أنه يضع فيها بصورة أو اخرى جميل علاقاته وروائع بنانه على موازين الفعل وردوده ..

بدءً فالأخ حافظ
من الأعضاء الذين رفدوا هذا المنبر بدررالكلام وخلاصة الفكر والتنوع
وكثير ما ينتظر المارون حرثه الأخضر ويقتفى العابرون سيل مداده المطير ..
وليس من قبيل التجمل أن نقول أنه من نفر يقودون الوعى ,
يصقلونه حين يلمسون بوادر توفره ويزرعونه ولو على أمل ..
وكم من ( كوة ) ضوء فى هذا الفضاء كان له فى إشعال فتيلها القدح المعلى ..
وكم من نافذة أمل حمل ظلها بين بنانه ونفثات اليراع ..

غير أن مثل هذه الرؤى ومآلاتها ترهق المرتجى والمأمول ..

ألهبت أم التيمان وأضرمت نيران أحرفها فى المشاركة أدناه رقم (57 ) من بوست ( الشياطين والجن .. لعادل عسوم )

السيرة هينة
انت امشى شوف ليك دكتور
نفسى اشوف حالتك المتأخرة دى
يا قليل الادب

والتى جاءت رد على مداخلة حافظ رقم 56 من ذات البوست

عليك الله إتخارجي من هنا
و أمشي شوفي ليك سيرة باريها
يا كاتبة يا كبيرة الكلام دا عليك كبير
أتخارجي و نحن في انتظار سيد البوست

الراجح أنه بناء على هذه المشاركة (57) مضافاً إليها المداخلة رقم 64 التالية

انت واحد معقد من نفسو
و انا بعذرك

بنى حافظ ظنه أن معلوماً لديه أخطرها بما أوردته فيها ..
ومن ثم بنى قراره المتمدد ( قسوةً ) فى مساحات التواصل والهازم (ظلماً ) لعلائق ترعرعت ونمت فى جنبات هذا المكان ..

رغم نفى العضو أم التيمان وتبريرها الذى ليس لنا سوى تصديقه
إلا أنى أرى أن ما قمت بتسويدة قرينة دالة قادت حافظ الى ذلك الفهم ..
وقيامها بختم مداخلتها بـ ( يا قليل الأدب ) منذ بداية السجال
يشير الى أم التيمان مازالت سادره فى ليلها الطويل ..
وأن حالنا فى كل نصائحنا كناطح صخرة لن يحصد سوى مزيد من التأزم والنكوص ..

نؤمن تماماً أن التلويح بمعلومة ٍ (خاصة )
بغض النظر عن صحتها , كذبها , إيجابها , سلبها , قبولها , رفضها ..
أمر لا يستقيم وسلوك مرفوض غير مبرر لائحياً وليس من ( الأخلاق ) فى شئ ..

ولكن ..
هل يقود هذا ــ صحت الرواية من هذا الطرف أو ذاك ــ الى كل هذا النزوع ؟؟

مال هذا المفترع إبتداءً من عنوانه الى القول الخشن والعبارة المؤذية
ستتخذ الأمانة العامة ما يلزم في ما دار فيه بين أم التيمان وحافظ مقروناً بتلك السجالات المتبادلة فى بوست الشياطين لعادل عسوم ..

وسيبقى مغلقاً أمام التداخل لنفاد مردوده ..
وكذلك سيبقى مغلقاً مفترع أم التيمان ( حافظ الشفاف... )
الذى لا يألو المتتبع جهداً فى فهم مراميه ..
وسترسل الأمانة العامة مذكرتها للمعنين بالأمر وفق ما أتفق عليه ..

فى تقديرى ..
أننا نحتاج الى وقفة ..
وقفة مع النفس والجمال ..
وقفة لمعرفة ماذا نريد أن نقطف من هذا الفضاء ونجنى ..
أشواك السطور قبل أن تدمى أناملنا فإنها تدمى القلوب ..
وكلماتنا الجارحة تؤرق أملنا بحلم جميل ..
من مثل هذا المنبر وغيره نأخذ زادنا لنؤسس فهماً متقدماً لكيف يكون التحاور ..

شكرى وتقديرى لكم جميعاً ..