خالد عطية .......سودانيات حتماً أبهى بيك

[لنا جعفر]

مرحبتين حباب خالد عطية

أهلا وسهلا بيك في سودانيات

قلم آخر يتش عين الضلام بالضوء
فكيف اذا كانت لنا جعفر هي صاحبة التراحيب ؟
"كبرت كراعنا من الفرح نص في اللارض ونص في النعال"
أو كما قال الدوش ..
شكرا لنا جعفر
تحياتي ومودتي

طارق مساك ورد
أنا الكبيرة بيكم ياطارق وبباهي بيكم
وخالد بيستحق جداً كل ترحيب
ما نتحرمش ياطارق
-----
عارف سبب صداعي ياباشا؟؟؟
هات المعلوم سريع

[لنا جعفر]

مرحبا بك خالد عطية
حللت أهلا و نزلت سهلا
أطيب المني لنا

سعيدة بطلتك ياخالد الصايغ
وممنونة كتير لخطوتك الغالية
مودتي ياصافي

[لنا جعفر]

الخطيب تسلم علي الترحيب .. بس بيني وبينك اخير لي الوردة من البصلة ياخ

خالد عطية طلتك ولاّ القمر؟؟؟
مهند ده قال حديث البصل فوق راي
انت ما بتشبه فخ ورودو ففتح عينك ياخلودي تاكل ملبن
هنا ياخالد في عقبتين
واحدة فيهم اللائحة والتانية الرباطابي الملسون ده
عيّني معاك بودي قارد ان شاء الله شهرين بس
والا موش ح تقدر تغمض عينيك

[الزوول]

يبدو إننا موعودون بقلم بهي
ألف أهلاً يا خالد عطية
وشكلها كدي لنا جعفر دي صعبتها عليك
رفعت سقف التوقعات للسماء
الله يسهل عليك غايتو
...

[أسعد]

عايني

ياخ انتي ما بتعرفي حاجة اسمها
(بريكنغ نيوز)



اسي انا ح اقعد كتيييير كدة لحدي ما تردي علي الخلوق دي كلها؟!!!


ايرضيك انك تتناولي شوق بايت بعصائد الدخن المحلاة بالتمر؟!
ياخ راعي لصلاحية الشوق وكدة ياخ

[لنا جعفر]

أنا أُرحب بمقدم أخونا خالد عطية ترحيباً حاااااااااااااراً
كما لا يفوتني وفي هذه المدة الطويييييييلة التي لم أري فيها قلمك هنا
أن أرحب بعودة قلمك مرة أخري
هذا وإذا جاز سُعالُكِ عني فأنا زهجانك يمكن أو زهجان منك ياااااااااااااا أيتُها السجم

نص الغالي....
اسأل مهند ...أنا بهاتي بيييييييك
ومشتاقة ليك شوق السنين وعندي معاك كمية من الحكي
ماتزهج مني يانص ...واصلاً انت مابتقدر فما تعمل لي دراما زعل .
ضميرك ابيض يا ابو الجكس ...عارفو ابيض وكلك حُسن نية
عندي قطيعة في طرف لساني
فتعال لي بهناك اقولا ليك واخلص ضمير مهند
وديني مشتاقة ليك
لاقيني يانص

[نبراس السيد الدمرداش]

مرحب حباب خالد
البيت بيتك ان شاء الله يطيب بيك ولك المقام
زولا من طرف لنا اكيد ما هين

يا وجه القمر مشتاقين يا حبيبه
وجدي دا شختي ليهو بالله

[لنا جعفر]

انتي ما بتجيبي غير السمحين يالنا..أها دا برضو عندو ديسكو في الخرطوم

عم فتحي مساء الخير
تسلم على الاطراء والترحيب
وخالد بالجد سمح واجملنا كمان
----
انت ياعم فتحي خجلان تقول اني كنت عضو نادي كاثوليكي ؟؟
عادي ما تتحرّج لكن تخيل انه عبودي بالجد قريب خالد؟؟
خالد ود ناس مرسي ياعم فتحي وما مشيت بعيد
تحياتي

[أسعد]

المشاركة الأصلية كتبت بواسطة نبراس السيد الدمرداش

مرحب حباب خالد
البيت بيتك ان شاء الله يطيب بيك ولك المقام
زولا من طرف لنا اكيد ما هين

يا وجه القمر مشتاقين يا حبيبه
وجدي دا شختي ليهو بالله

لن تجرؤ ياخ

اما لو فعلتها
يبقى حقو ندخلها ضمن ذمرة الكيزان طواااالي



واللاي يا نبروسة
شوفت اسمك في البوست تداعت في ورائها صاحبنا الرشيد
بصراحة لمن شكيت في روحي
العلاقة البتخليني اربط وجودك بذكريات الرشيد شنو
بلاي اتاريهو الرشيد دا حلو كدة؟!
غايتو الرشيد في جاه ناس نبراس يلوك في ذاكرتنا سااااااي

[لنا جعفر]

لنا جعفر ..
آلاف التحايا ..
وسلام لك ولمن حولك ..

وأهلاً بخالد
نجمة فى ليل الرياض ..
فليل الرياض مازال ( مضطرب الخطى منكسر الفؤاد )
أهلاً بك فى أمسياته الممتدة .
وقبل ذلك أهلاً بك فى سودانيات ...

وليك من السلام مثله يانور
اتمناك بخير وفي تمااااام الغتاتة
ومشكور ع الخطاوي اليانعة
خالد ده اتوصو بيهو ويتوصى بيكم في ليالي الرياض
ح تصاحبو بعض اكيد
خالد جدع وشيّال تقيلة
تحايا وود

[نبراس السيد الدمرداش]

المشاركة الأصلية كتبت بواسطة وجدي الأسعد الأسعد

لن تجرؤ ياخ

اما لو فعلتها
يبقى حقو ندخلها ضمن ذمرة الكيزان طواااالي



واللاي يا نبروسة
شوفت اسمك في البوست تداعت في ورائها صاحبنا الرشيد
بصراحة لمن شكيت في روحي
العلاقة البتخليني اربط وجودك بذكريات الرشيد شنو
بلاي اتاريهو الرشيد دا حلو كدة؟!
غايتو الرشيد في جاه ناس نبراس يلوك في ذاكرتنا سااااااي

وجدينا الاسعد
ما انا مشتاقه ليك ولقفشاتك
قلت كدي النلكزك ولا شنو ما بعرف حقت الفيس ديك
المهم ياخي والله بختي بس ان شاء الله ما راجل اختي
انا والرشيد سوا اني اذا لسعيده سعاده بت المنى الابوها دفعا و المولى رفعا
اصلو الرشيد دا حبيب البي الشمين

[لنا جعفر]

مرحبتين حبابك خالد عطية
لنا يا حبيبة تحياتي

يارحاااااااااااب
شووووق وافتقاد ووحشة....
شوفتك بالدنيا حبيبة قلبي
وتسلم خطاويك البتسوقك لي
محبتي وخليني اشوفك ياغالية

[لنا جعفر]

شكراً لنا لتقديم خالد لنا.
وليك وحشة.

آلاف الترحيبات يا خالد والدار دارك.

سيد الناس الفايتهم مساااافة عكود
انا المشتاقة ليك وليك مليار وحشة
في البال والخاطر دوم ياكبير بس خطاويني مقصرة
اتمناك بخير وبلقاك قريب
سلمتا وغنمتا عكود

[wadosman]

الف مرحب بـــ خالد
نتمنى ان يطيب لك المقام فى حوش سودانياات الكبير...

[لنا جعفر]

عايني

ياخ انتي ما بتعرفي حاجة اسمها
(بريكنغ نيوز)
اسي انا ح اقعد كتيييير كدة لحدي ما تردي علي الخلوق دي كلها؟!!!
ايرضيك انك تتناولي شوق بايت بعصائد الدخن المحلاة بالتمر؟!
ياخ راعي لصلاحية الشوق وكدة ياخ

مساك اسعد يا أسعد
الغياب بيقلل فرص البريكنغ ياوجدي
ثم انه انت اساساً ما سمعتا بي انه ود البدري سمييين؟؟
حقو تكلمني بثقافتي المغتربة عن الذات السودانية
قول لي شدي...سلاب ...كابيدة...ايه عصائد البتاع دي؟؟
ماف شوق بيفسد ....لكن ممكن يفسد حس العدالة جواي لو فطيت الشباب
فخليك محضر خير وخلينا نتقل ونجيك بمهلنا

لن تجرؤ ياخ
اما لو فعلتها
يبقى حقو ندخلها ضمن ذمرة الكيزان طواااالي

انا زلمة بستجيب للاستفزاز سريع بس منعني الشديد القوي
من الاستجابة للاستفزاز المرة دي
عموماً اني احذرك وانذرك نفسي
زمرة الكيزان دي سهللللللة كده؟؟
المسألة محتاجة فتاوى امنية وتواريخ وهتاف مغتغت وفاضي وخمج
والا انت لااااازم تهبشني في وتري يعني؟؟؟
واللاي معاييرك محتاجة حس امني وح تودي اصحابك ديل في داهية
لو تابعوك...قال كيزان قال
انا زمرة دي سمعتها وين يامهند الخطيب؟؟؟
تحايا ياوجدي واسمي ده ارهقتو اقواس