الشعب لايريد تغيير النظام

[فتحي مسعد حنفي]

المشاركة الأصلية كتبت بواسطة حافظ حسين

و في بوست أخر لم يجف مداده كتب زول الله في رد علي هيثم الشريف
http://sudanyat.org/vb/showthread.php?t=24722


http://sudanyat.org/vb/showthread.php?t=24722

لاحظ عزيزي القاري, السيد زول الله يتكلم بلغة الارقام, ففي هذا البوست أعلن أن 60% من الشعب السوداني مؤتمر وطني , و في المداخلة أعلاه التي كانت عن التوقيع علي البديل الديمقراطي أعلن زول الله أن أكثر من نصف الشعب السوداني غير منظم... تساؤلي هنا لزول الله ليس بسقوط الحكومة أو الشعب دايره يسقطها أو لا .... لكن تساؤل كيف الشعب المسكين في نفس اللحظة يكون 60% مؤتمر وطني, و اكثر من 50% غير منظمين بس دي كيف يا زول الله؟
ثم ثانياً ينوبك ثواب إستندت علي شنو و جبت الارقام دي, بالجد النقطة دي بتهمني جداً لان دا شغلي و أكل عيشي إحتمال في طرق إحصائية جديدة بتجيب أرقام زي كدا.....

فتك بعافية

ياحافظ الانتماء للمؤتمر الوطني انتماء صوري حتي ولو بلغ 90% فهو انتماء فرضته ظروف المعيشة كما حدث في مصر بالنسبة للحزب الوطني قبل الثورة وفي الاتحاد السوفييتي قبل الانهيار وهذه النسبة التي تكلم عنها زول الله هي التي سوف تطيح بالنظام فالعضوية خشم بيوت..
أما بالنسبة لسؤالك فهو صحيح 100% من ناحية احصائية ويحتاج لاجابة..

[أسامة معاوية الطيب]

المشاركة الأصلية كتبت بواسطة زول الله

السطرين الفوق ديل فيهم زبدة الكلام دا كلو
البلد 60% مؤتمر وطني وأغلبهم شباب من30 وحتى 40 عاماً دا غير الناشئين الجدد
الـ 40% موزعين بين احزاب تقليدية -اعتنقوها بالوراثة- وحركات وليدة وغير منتمين.
الوارثين ديل فكرهم لم يتحرك أبعد من سجادة زعمائهم حتى الآن
الحركات الوليدة المعارضة لم تتأهل بعد لكسب ثقة المواطن العادي
الاخيرين الغير منتمين كتلة لابأس بها من الصابرين الملاوزين من "قطع العيش"
وفيهم "التائبين" عن الخوض في دهاليز خبروها سابقاً ولم تؤتي أُكلها
وبرضو ملاوزين من حق "الإيراد"
الثورة في بلدي لن تشتعل بالـ تحريش





اقول قولي هذا واستغفر الله لي............

زول الله ازيك ياخي

أرقام ؟ مش غريب انو الواحد بي جرة قلم يقول جماهير التحرير 53 % بينما جماهير اهلي مروي 33% فقط ؟ والباقين جماهير القطن التشادي ؟؟

ثم إنو ياخي أنا استغرب من زول يخجل من حزبو المنتمي ليهو
قت لي خايف على الشعب من عسرة مابعد الثورة ؟؟ ياخي كتر خيرك والله

ثم إنو استغفر استغفر استغفر

بس اتذكر انو حميد يوم قال
الحجر الأسود ماهو البروة ... وماها مكاوي الكعبة تجيها حين يتكرفس توب التقوى ... والمشروع الديني الخالص ما محتاج لدراسة جدوى ... يا من قال يارب من قلبو رد الخالق دايما ايوة ... دا ملخص ممتاز جدا لمانفيستو الدين كلو ...

ياخي لا يعبد الله من حيث يعصى !!!

وبمناسبة (اللامنتمي) المقتبسا الحبيب حافظ من بوست آخر ... أتمنى ألا تطال المجانية المصطلحات كمان

[أسامة معاوية الطيب]

طيب انت وكت الشعب لايريد تغيير النظام ... المزعلك شنو ؟؟

[مي هاشم]

المشاركة الأصلية كتبت بواسطة Hassan Farah

مـــعـــقـــول !!؟ مدمر ليبيا .. معمرها ! وقبيح تونس .. زينها! وجبان سوريا .. أسدها! ومفسد اليمن .. صالحها! وملعون مصر .. مباركها! واﻷغرب من ذلك أن يكون نذير السودان .. بشيرها! وضرر السودان نافعها! وعطش السودان .. كيزانها! ومارض السودان .. متعافيها! ---

[وهاد ابراهيم محمد]

أجمل ما في هذه الأسافير...
انو كلو مكتوب..!

[خال فاطنة]

بوست زي دا يا زول الله ما بياكل عيش هنا...دا نوع من أنواع البروباغندا الفطيرة التي لا تستند على أس واحد جدير بالإحترام...أرقام منجورة من الرأس غير واعية حتى بإن العالم القاعدة هنا دي بتعرف شنو يعني أرقام.....
لكن النزيدك علم، فترة العبور البتقول عليها دي و لو بلغت سنيناً عددا أفضل من يوم واحد تحت حكم غير راشد...الرحلة إلى الصواب دائما لها تكاليفها و تضحياتها ...هؤلاء الذين خرجوا لم يأمنوا حتى حياتهم، زول بيطلع في مظاهرة ما ضامن حتى يرجع البيت على قيد الحياة تقول لي أكل عيش؟
ملعونة حياة ياخ الحلم فيها لا يتجاوز أكل العيش

[أسعد]

واللاي صحي سودانيين !!
مافي فرق عندهم بين السياسة والكورة ,, لا فرق ,, لا فرق كلو كلو
وها نحن اليوم الوضع اصبح يا هلالابي يا مريخابي وبس
وها قد جاكم من اقصى الغربة رجل يسعى وقال ليكم يا اخوانا حاصل كيت وكيت
وايده رجل اخر ساعي في الغربة ومستظل في ضل الوطن الحارق على كيته وكيته
ولكن!!
وااااخ من لكن اذ ينط مشجعي الفريق الاخر علي زول الله وقالوا ليهو طالما انك ما بتصفق يبقى انت بتشجع فريق اخر وتراخ تراخ تراخ شيء بالكراسي وشيء بقوارير الموية وشيء بفتافيت قصب السكر وبواقي اكياس تسالي
ياخ دقيقة ياخ
زول الله لقد صدقكم القول بشيء من العقلانية في قرأته لمجريات اللعب
آي نعم الثوار قاعدين يدقوا كورة حلوة واييييييييييي شيء
بس العبرة بالاقوان ياخ !!
زول الله جاكم وكتب ليكم ما يجول في خاطر سودانيين كتاااااار خايفين مرحلة ما بعد الثورة
والخوف دا ما جاء شختك بختك سااااي
الخوف دا جاء من الدول الحوالينا التي اظلها ربيعها
اما قصة الارقام المذكورة
عمكم الفرنسي انطوان دي سانت عندو رواية عظيمة اسمها الامير الصغير
تطرق فيها لاشكالية التبرير بالارقام واوعز ذلك التبرير لان الناس الكبار والواعيين لا يؤمنون الا بالارقام والمظهر عندما ذكر قصة الفلكي التركي
اسي انتو زول الله رمى ليكم الكورة في ملعبكم عشان تستغلوا النقطة دي وتفندوها في انو مافي حلاوة بدون نار
لكن وكعهدكم دايما في وجود شبه بينكم وبين الاخوة الحاكمين في انكم تميلون للتصنيف قبل الشروع في المحاورة

دا من ناحية
من ناحية اخرى لا خوف على الثورة من المحبطين والمخذلين كلو كلو
اصلن الثورة دي قدر زيها وزي انبلاج الفجر وااااحد
اسي حصل مرة سمعت ليكم فجر اتأخر عشان في ناس احبطوهو وقالوا ليهو ان الليل اشد منك تماسكا وقوة؟؟!!
وانا اؤمن ايمانا منقطع النظير انو زوال الانقاذ حياخد وقت اكتر من سوء احتمالكم
ولكن هو زائل لانو الثورة مستمرة

من ناحية تالتة
السودان راجياهو بلاوي بعد نجاح الثورة
وسيموت بعد الثورة ليحيا حياة جديدة ومفعمة بالحياة
وستقوم قيامته بعد الثورة لينعم في جنته التي تعقب قيامته

عليه الثورة خلوها ,,, فالثورة ما بتحتاج ثورة عقولكم
لانها بقت وولعت ، والنار دايما بتشتعل من مستصغر الشرر
بس السودان ح يحتاج ليكم للاعداد لمرحلة ما بعد نجاح الثورة

http://www.youtube.com/watch?v=VeqUu...feature=relmfu

[أسعد]

وللعلم اود الاشارة الى اننا باذن الله سنكون اول دولة تفرد وتفرض فيها الصين عضلاتها

[أسعد]

نجاح الاخوان المسلمين في مصر يعني نهاية الكيزان في السودان
لانو جماعتين في منطقة واحدة بغرقو المنطقة ومعاها قطر زاتو
قلتها منذ عدة ايام انو الشيخ حمد بن خليفة الثاني سيركل البشير ويتخلى عنه
لانو اصبح كرت محروق بعد ان قام بدوره المنوط به في تعضيد دور الاخوان في مصر
وكان هذا التعضيد عبر التبرعات العينية والنقدية التي لا تخفى عليكم
والان بعد ان نجح الاخوان سيستغنى العم حمد بن خليفة عن الكيزان
وستقلب الجزيرة ظهر المجن لنظام الخرطوم
وبالمقابل ستلقى الصين بعدها وعتدها لتأيد نظام الكيزان تحت بند (نكون او لا نكون)
السودان حاليا من اهم الكروت الدولية للصين العظيمة
اذا الامر اكبر من ما هو عليه
لربما يكون ميلاد الثورة عسيرا ولكنه بكل تأكيد سيكون مولدا عظيما وناجحا يغير مسار السودان من تاريخ السجمان لمستقبل مشرف وعظيم

[Hassan Farah]

اقتباس:
المشاركة الأصلية كتبت بواسطة فتحي مسعد حنفي

أبدا والله ياحسن لكن أنا زول واقعي وما داير أوهم نفسي ساكت..أنا قلت المفروض يحصل شنو وهو انو الأحزاب العقائدية ذات الثقل لازم تنزل الشارع والبأكد كلامي انو مافي ولا مظاهرة طلعت في العاصمة خلال ال 48 ساعة الماضية ودا عشان مافي جهة بتوجه الناس وترتب طلوع المظاهرات..
الحكاية كانت برمجة بتاعة شباب زهجانين عايزين يملو فراغم والظاهر الزهجة راحت..مازلنا في انتظار الفرج وكل شيئ وارد..خلونا نستني الحيحصل يوم الجمعة بعد الصلاة..

يا فتحى يا اخى انت فجأة تخليت عن كل مخزونك السياسى ومقدراتك التحليلية اتلخمت وسيطرت عليك الانطباعات السطحية فنزلت كلامك المهبب دا....نسيت انك بحكم التجربة كلامك له وزن وتأثير خطير سلبا وايجابا على النظام وعلى معنويات الشباب الثائر...هل تستطيع ان تقدرمدى الضرر الذى حصل...تغيير نظام شرس ومتوحش كتم انفاس الناس لمدة 23 سنة ليس بالامر السهل ... بالله عليك اقرأ كلام محمد كريشان دا.... البشير والمصير محمد كريشان صحيفة القدس العربي الرئيس السوداني عمر البشير حر في أن يعتبر ما يجري في بلاده منذ قرابة الأسبوعين جزءا من 'الربيع العربي' أم لا، لكن من حق غيره أن يراه بلا شك خريفا جليّا لنظامه. من ألطاف الله أن لا أحد، إلى حد الآن، سقط قتيلا في المواجهات الحاصلة بين جموع من المواطنين وقوات الأمن في غالبية المدن السودانية على خلفية رفع الدعم عن المحروقات، ولكن إن حصل ذلك فلن تتوقف المظاهرات بل ستزداد شراسة. أما بقية أركان سيناريو ما حدث في أكثر من دولة عربية فمتوفر في السودان وأوله إنكار وجود أزمة في البلاد والعجرفة في التعاطي مع هؤلاء الذين ينزلون إلى الشوارع بعد أن ضاق بهم الحال إلى حد الانفجار. كثير مما حصل في تونس وليبيا ومصر وسورية ازدادت حدته بسبب الرعونة وعدم المسؤولية في تصريحات قادته عندما شرعوا في رمي الأوصاف على مواطنيهم الغاضبين من سياساتهم الاجتماعية والسياسية. هؤلاء المحتجون في السودان هم من 'شذاذ الآفاق' في تقدير البشير، وهم كذلك من 'المخذلين والمتآمرين والعملاء' و'فقاقيع ستزول'. أكثر من ذلك، منّ البشير على هؤلاء بأنه لم يستعمل معهم وسائل القمع الأقوى التي لديه لأنه لو أراد ذلك لبعث لهم كتائب 'المجاهدين' التي كانت يرسلها لمحاربة أهل الجنوب من 'الكفار' قبل أن يستقل هؤلاء العام الماضي فيحرموا البلد من مليارات الدولارات ومن ثلاثة أرباع احتياطيها النفطي. ومع ذلك، فإن بعض التقارير تشير إلى أن النظام بدأ يستعمل هو الآخر 'شبيحته' لنرى في النهاية الطبعة السودانية لهذا الرهط من الناس بعد أن عرفنا الطبعة المصرية والليبية واليمنية وبالطبع السورية التي ما زالت إبداعاتها الإجرامية اليومية متواصلة. 'إذا أراد شعب السودان أن ينتفض فسينتفض بأجمعه'... هكذا رأى البشير الذي يرى أن الشعب ما زال ملتفا حول قيادته بدليل أنه تجول، كما قال، في بعض أحياء العاصمة في سيارة مكشوفة فلما رآه بعضهم هتف 'الله أكبر'!! أي منطق سياسي هذا؟!! وأي مسؤولية تليق بأعلى هرم الدولة عندما لا يجد ما يقوله سوى أنه 'لا يخاف أن يقلعونا من الحكم.. لا أمريكا ولا غيرها.. لأن الحكم من عند الله والسعيد من يموت ميتة وجيهة' وأن 'الملك لله يعطيه من يشاء وينزعه مما يشاء'!!؟ . إذن هو يقود السودان بإرادة إلاهية ولن يترك دفة الأمور فيها إلا إذا أراد رب العالمين عكس ذلك. أي توظيف أسوأ من هذا عندما تجعل الرحمان الرحيم ضامنا لدكتاتورية عسكرية دينية مستمرة لأكثر من عشرين عاما؟!! فترة لم تقدم فيها قيادة 'المشروع الحضاري' للبلاد سوى المزيد من التفقير والتخلف والعزلة الدولية والتفريط في جزء عزيز من البلد ثم الانقلاب لقمع أبناء الشطر المتبقي منه عندما انتفض بعضهم احتجاجا على إجراءات رأوا أنها تزيد من إفقارهم مقابل فساد أهل السلطة الذي وصل إلى حد الهتاف ضد 'لص كافـــوري'. كافوري هذه، منطقة في العاصمة الخرطوم يقول أهل السودان، إن الرئيس خصصها لأهله وعشيرته بعد أن أتى بهم من منطقة 'حوش بانقا' الفقيرة في شمال البلاد، فتحولت بهم ولهم إلى منطقة من أرقى وأغلى ما هو قائم في العاصمة. لا أحد من رؤساء تونس وليبيا ومصر واليمن المطاح بهم، أو من هم في الطريق بلا شك، امتلك الجرأة ليحترم شعبه في أول ظهور له بعد بدء الاحتجاجات ضدهم. كلهم أخذتهم العزة بالإثم، لم يمتلكوا حتى شطارة محاولة احتواء حالة الغضب وتقديم التنازلات عندما تكون الأمور ما زالت في بدايتها قبل أن تفلت من أيديهم. البشير يعيد نفس السيناريو!! ما فعله مثلا لم يتجاوز إعفاءه لجميع مستشاريه التسعة وذلك في 'إطار إعادة هيكلة الحكم والإدارة'. طبعا هو خارج هذا السياق... لأنه باق بإرادة رب العباد الذي يريد 'توريطه' في ظلم حرّمه رب العالمين على نفسه وحرّمه على عباده.. ولكن أكثر الناس لا يعلمون.

[ناصر يوسف]

لبلد 60% مؤتمر وطني وأغلبهم شباب من30 وحتى 40 عاماً دا غير الناشئين الجدد
الـ 40% موزعين بين احزاب تقليدية -اعتنقوها بالوراثة- وحركات وليدة وغير منتمين.

المعادلة دي ما مظبوطة يا سجم الرماد إنت

أها إلا لو أنا والزي حالتي دي ما محسوبين من أهل ذلكم البلد السودان الشقيق

[زول الله]

والله دا حال يستعجب ليهو الغريب عديل كدا
هسه الجوطة دي كلها عشان ارقام ؟؟؟
يعني واحد ماعاجباو الارقام عشان هي أكل عيشو وقام إختزل كل الموضوع فيها
طيب ياسيد انا قطعتها من راسي دا حسب ماأراهـ بعيوني الاتنين من دلائل واضحة
وبذلك إقتنعت بيها فحاول تجيب أرقامك ودلالاتك عشان امسحها لسعادتك
والتاني يتهمني بالخجل من إنتمائي
يعني يهمك إنتمائي للدرجة دي؟؟
فلتعلم إني لا انتمي إلا لهذا الوطن فقط لاغير
والانتماء للمؤتمر الوطني شرف لم اناله يوماً يارجل وإن كنت اتمنى لكن فات الأوان
اما استغفاري فتلك قصة أخرى أقدم من خصومتك مع هذا النظام ولاشأن لك بها
وواحد تالت يصنفها كمعادلة مامزبوطة
طيب ورينا معادلتك ياشاب
خلاص دا كل الطلعتو بيهو هنا؟؟؟

ارى وأكرر هذا الشعب لايحكمه إلا العسكر
الانقاذ ذاهبة كغيرها من النظم ولو إختلفت أو تشابهت طرق ذهابها فالكراسي لاتدوم
لكن بالطريقة دي بعد ذهاب الانقاذ ستأتينا ألف إنقاذ اخرى
أركزوا ليها من خلف كيبوردات النضال
وكفاية تنظير يامستنيرين




اقول قولي هذا واستغفر الله لي..............

[فتحي مسعد حنفي]

المشاركة الأصلية كتبت بواسطة Hassan Farah

اقتباس:
المشاركة الأصلية كتبت بواسطة فتحي مسعد حنفي
[I][SIZE=6][COLOR=Blue]

ياحسن فرح عليك الله ما تكتب لي كلام كتير كدا وتطير حبة السمسمية الفي راسي..
ياخ باختصار أنا ما عندي استعداد أكتب البعجب الناس ويريحم وأكون بكضب عليهم..أنا بكتب الشايفو ولامسو بدون رتوش ولا أوهام.زالشعب جواهو نيران مشتعلة ما قادرين يطلعوها برة والثورة جاية جاية لكن ما هسع بالمظاهرات البتسمع بيها دي وسيبك من كلام من صغار الشرر..دا واقع في الحياة الحقيقية موش موضوع انشاء..
أقرا كلام وجدي الأسعد لأنو أقرب كلام للواقع..خذوا الحكمة من أفواه المجانين

[حافظ حسين]

والله دا حال يستعجب ليهو الغريب عديل كدا
هسه الجوطة دي كلها عشان ارقام ؟؟؟
يعني واحد ماعاجباو الارقام عشان هي أكل عيشو وقام إختزل كل الموضوع فيها
طيب ياسيد انا قطعتها من راسي دا حسب ماأراهـ بعيوني الاتنين من دلائل واضحة
وبذلك إقتنعت بيها فحاول تجيب أرقامك ودلالاتك عشان امسحها لسعادتك

الله الله يا زول الله مش بيقولوا البينة علي من أدعي و اليمين علي من أنكر ... هسي انا أنكرت أرقامك المقطوعة حسب دق الكيبورد و علي يمين و بحلف بكل قوة عين أنو دي ارقام منجورة, كونك تطلع 110% من الشعب السوداني مؤتمر وطني و غير منتمين دي نقول عليها شنو؟
و بعدين أنت عندك هدف محدد من بوستك دا بدليل أنك إجتهدت و جبت أرقام بس للأسف الحظ ما ساعدك عليه يا أستاذ انت عليك البينة يعني تجيب Justification لأرقامك دي ما أنا البجيب ليك أرقام عشان تمسح حقاتك... لا يا أستاذ ارقامك في الحفظ و الصون و ما عندي ليك و لا رقم بس مطالب تجيب ليها بينه تسندها .... أم فيما يختص بكلام وجدي الأسعد فأنه يصب في مجري الكلام الغير مؤسس علي الإطلاق ... و يا وجدي قبل ما تدق الكيبورد فكر شوية و ما تجمع كل الناس بكلمة نحن و خاصة أنا شخصياً بشهد ليك أنك زول فرداني و دوماً ما تعلي مكانة العقل .....
بجي راجع تاني

[حافظ حسين]

المشاركة الأصلية كتبت بواسطة فتحي مسعد حنفي

أبدا والله ياحسن لكن أنا زول واقعي وما داير أوهم نفسي ساكت..أنا قلت المفروض يحصل شنو وهو انو الأحزاب العقائدية ذات الثقل لازم تنزل الشارع والبأكد كلامي انو مافي ولا مظاهرة طلعت في العاصمة خلال ال 48 ساعة الماضية ودا عشان مافي جهة بتوجه الناس وترتب طلوع المظاهرات..
الحكاية كانت برمجة بتاعة شباب زهجانين عايزين يملو فراغم والظاهر الزهجة راحت..مازلنا في انتظار الفرج وكل شيئ وارد..خلونا نستني الحيحصل يوم الجمعة بعد الصلاة..

و ديني هذا اسوأ ما قرأته و ربما ما سمعته في هذه الأيام و ربما لا يفوقه سوءً الا كلام البشير .... يا راجل شنو حكاية شباب زهجانين عايزين يملوا فراغهم ديل و الزهجة راحت.... دا كلام غريب و كلام غير مسئول كونه يصدر منك يا عم فتحي... يا خي الزهجانين ديل ممكن يسكروا و ينسوا.... ممكن يتصطلوا و يفرحوا, لكن الجابرهم شنو علي البمبان, الإعتقال, الجلد, و الموت....
عارف يا فتحي من مجموع الزهجانين ديل لحد هسي في ناس في المعتقلات و عدد الزهاجي المعتقلين بزيد ما بنقص....
الزهجانين ديل فيهم ست مرضع أعتقلوها 24 ساعة و خلت طفلتها الرضيعة دا كلها زهج و بس دايرة تفرق و التحية ليك يا كريمة أينما كنتي؟
الزهجانين ديل يا فتحي فيهم 10 شباب من العيلفون حاكموهم و جلدوهم 15 جلدة لكل واحد بس زهجة و فكتها الجلد.....

و زي ما قالت وهاد كله مكتوب و محفوظ