( كاكي ) الليلة ،،، عليييييييك الله فرحني ياخ ،،

[ناصر يوسف]

يا أبو بكر كاكي الليلة يوم الخميس ده
الساعة 8 بتوقيت لندن
يعني عشرة بتوقي الخرطوم
كلنا حنكون قدام شاشات التلفزيون وقلوبنا معاك
ودعواتنا لربنا رب العِزَه إنو ينصرك وتجيب ذهبية 800 مِتر
عليك الله يا كاكي ما تخزلني ياخ
علييييييييييييييك الله فَرِّحني ياخ أنا أصلو لي فترة من الفرح الجد جد داك ياخ

أللهم أنصر أخوي أبو بكركاكي يا رب واجعل أللهم الميدالية الذهبية لسباق 800 متر اليوم بلندن من نصيبه يا الله
أللهم آمين

[أسامة معاوية الطيب]

دا برضو مقفول في وش الردود ؟
واللا بترد ؟
عشان الواحد يحدد يتصرف كيف

[حجة امنة]

الله كريم يا ناصر يا أخوي gap

ربنا يفرحك و يفرحنا

بحق جاه هذا الشهر العظيم

[قيس شحاتة]

المشاركة الأصلية كتبت بواسطة أسامة معاوية الطيب

دا برضو مقفول في وش الردود ؟
واللا بترد ؟
عشان الواحد يحدد يتصرف كيف

أم إنك زول بتاع لبط صحيح
البوست دا بوصلتو ما مفقودة يا أسامة، ومزاجو بعد ذهبية كاكي إن شاء الله حايكون مستقيم تمام.. يعني ليس هناك ما يدعو للريبة

[عبدو منصور]

ناصر
سلامات
ما براك بنفس هذة المشاعر كلنا
مع الفتى الابنوسى
800 متر فقط هى حجم الابتسامة التى تعلوا ثغر السودان
ما أحوجنا الى هذا النصر
حتى ننسى سعر كيلو الطماطم ( الراكبة مع اللحمة فى سرج واحد )
وحتى نمسح هذا الحزن الذى عشعش أمدا
وحتى .....

مع كاكى
حتى النصر

[أسامة معاوية الطيب]

المشاركة الأصلية كتبت بواسطة قيس الصديق شحاته

أم إنك زول بتاع لبط صحيح
البوست دا بوصلتو ما مفقودة يا أسامة، ومزاجو بعد ذهبية كاكي إن شاء الله حايكون مستقيم تمام.. يعني ليس هناك ما يدعو للريبة

لا مادام حا يكون مستقيم تمام إذن فليس هناك ما يدعو للريبة
قت لي الليلة كم شوال ؟ عشان نبدا الستوت كمان

[ماريل]

المشاركة الأصلية كتبت بواسطة عبدو منصور

ناصر
سلامات
ما براك بنفس هذة المشاعر كلنا
مع الفتى الابنوسى
800 متر فقط هى حجم الابتسامة التى تعلوا ثغر السودان
ما أحوجنا الى هذا النصر
حتى ننسى سعر كيلو الطماطم ( الراكبة مع اللحمة فى سرج واحد )
وحتى نمسح هذا الحزن الذى عشعش أمدا
وحتى .....

مع كاكى
حتى النصر

يا زول انت كت غاتس وين
عموما بركة الجيت
ماااااااااااشفت اختك ما خلت الشلاقة وبقت تعرف تكتب
و(البطن بقت ما بطرانة وبس ياخى...بقت المغسة دار تشقها عدييييييييييل)
عودا حميدا يا عبدو منصور

[رأفت ميلاد]

المشاركة الأصلية كتبت بواسطة أسامة معاوية الطيب
دا برضو مقفول في وش الردود ؟
واللا بترد ؟
عشان الواحد يحدد يتصرف كيف

المشاركة الأصلية كتبت بواسطة قيس الصديق شحاته
أم إنك زول بتاع لبط صحيح
البوست دا بوصلتو ما مفقودة يا أسامة، ومزاجو بعد ذهبية كاكي إن شاء الله حايكون مستقيم تمام.. يعني ليس هناك ما يدعو للريبة

المشاركة الأصلية كتبت بواسطة أسامة معاوية الطيب
لا مادام حا يكون مستقيم تمام إذن فليس هناك ما يدعو للريبة
قت لي الليلة كم شوال ؟ عشان نبدا الستوت كمان

أها أنا جيت وبجيب معاى أنتيمتى بدل فاقد .. الليلة إلا تكاكى أنت

[أسامة معاوية الطيب]

المشاركة الأصلية كتبت بواسطة رأفت ميلاد

أها أنا جيت وبجيب معاى أنتيمتى بدل فاقد .. الليلة إلا تكاكى أنت

حتى يطمئن الجميع على قدرتنا على فتل البوستات (حتى ذات الطابع الوطني منها )
ربنا ينصر كاكي ... ويخارج البوست من تحت ايدينا ديل
كيشو وين الزمن دا ؟

[كيشو]

المشاركة الأصلية كتبت بواسطة أسامة معاوية الطيب

حتى يطمئن الجميع على قدرتنا على فتل البوستات (حتى ذات الطابع الوطني منها )
ربنا ينصر كاكي ... ويخارج البوست من تحت ايدينا ديل
كيشو وين الزمن دا ؟

[justify]كيشو قااعد
بتفرج لي في عزف منفرد بي جاي
وود كانديك كان عندو مسغبة واقعة لي في يدو، غايتو الليلة اتخارج منها[/justify]

[رأفت ميلاد]

المشاركة الأصلية كتبت بواسطة كيشو
[justify]كيشو قااعد[/justify][justify][/justify][justify][/justify][justify][/justify][justify]
بتفرج لي في عزف منفرد بي جاي
وود كانديك كان عندو مسغبة واقعة لي في يدو، غايتو الليلة اتخارج منها[/justify]

ود كانديك سيبك منو .. لقى ليك كاوندا قعد يمصمص فى الطحينية وحمارتو رابطة فى الشجرة الجمب دكان ناس عواض غايتو الجيلى كان ضحى ليهو بأسبوعين وجانا هنا .. زولك بكاكى بكاكى

[كيشو]

المشاركة الأصلية كتبت بواسطة رأفت ميلاد

ود كانديك سيبك منو .. لقى ليك كاوندا قعد يمصمص فى الطحينية وحمارتو رابطة فى الشجرة الجمب دكان ناس عواض غايتو الجيلى كان ضحى ليهو بأسبوعين وجانا هنا .. زولك بكاكى بكاكى

[justify]تصدق الوليد لي هسه ما مشيت عليهو؟ ياخ الزمن زاتو بقى ما بكفي
قلنا نهظر مع ود كانديك شوية، عندو حاجات كدا بكون داسيها سنين
الجيلي عاجباهو نظرة كاكي وتعليق المذيع الهولندي، ويكون الليلة منتظر نفس النظرة[/justify]

[الجيلى أحمد]

غايتو الجيلى كان ضحى ليهو بأسبوعين وجانا هنا .. زولك بكاكى بكاكى

ياجماعة,
شوفو لينا زول يمسك لينا البوصلة, قبل ما نجى خاشين..

________________
وبعدين يارأفت انت عارف ناصر دا صاحبى, وبعرف أعوقو من وين

______________________

هسه ياناصر قول انو كاكى فاز بالذهبية بتاعت السباق, (سو وات؟)

[الجيلى أحمد]

المشاركة الأصلية كتبت بواسطة قيس الصديق شحاته

يعني ليس هناك ما يدعو للريبة

مافى حاجة بتدعو للريبة غير حركات الصحفيين الجديدة دى
شايف عمودك زى عمود المستشفى , (أى حاجة فيهو)
(صور, تسالى, شعر , وبتصلح كمان عناقريب)

[الجيلى أحمد]

الجيلي عاجباهو نظرة كاكي وتعليق المذيع الهولندي، ويكون الليلة منتظر نفس النظرة

طبعآ ياكيشو الحاجة الجميلة فى الجماعة ديل انو تعليقاتهم باردة جدآ , عشان كدا بتكون ساكارستيك بشكل مدوى وجميل , ياأخى (نظرة) ولدنا للزول الكان داير يزاحمو نظرة كارثية ..وعجبتنى بالجد ,
وفعلآ ياصديقى
انى لها لمن المنتظرين مساء اليوم
________

كدى بالله واحد يعمل لينا check للبوصلة قبل ما نواصل