قاموس المفردات العامية فى اشعار حميد

[طارق صديق كانديك]

المشاركة الأصلية كتبت بواسطة طيبان

ويا عملات المثل :
بطريقتك دي بنخسر القضيّة . شفّعنا بريئين نعم ، لكن شنو جردل القداسة الكبّيتو فوقهم ؟؟

غايتو لو اديتونا (نونك بإطمئنان هنا ) معاكم وجهة نظر، تكونوا ماقصرتوا.

أتفق مع تفسير طيبان، ومن قبله الأخت ماريل وأضيف: أن(راشد) الذي (طنطن) من احضار المداحين وكان رده في تمام (الوعي) حين ربط المداحين بالحج، يمكنه أن يعي بإطمئنان أيضاً أن (الشوق) بت سرّو تُجيد الرقص المرتبط بالغنايين.

وفي تقديري أن الحديث بلسان راشد أكسب هذه القصيدة قوة على قوتها.

ولعل في السرارة أو القرابة البعيدة ما يشجع على الرقص بحرية أكبر مما لو كانت التي ترقص هي (عمتو).

[أسامة معاوية الطيب]

المشاركة الأصلية كتبت بواسطة طارق صديق كانديك

غايتو لو اديتونا (نونك بإطمئنان هنا ) معاكم وجهة نظر، تكونوا ماقصرتوا.

أتفق مع تفسير طيبان، ومن قبله الأخت ماريل وأضيف: أن(راشد) الذي (طنطن) من احضار المداحين وكان رده في تمام (الوعي) حين ربط المداحين بالحج، يمكنه أن يعي بإطمئنان أيضاً أن (الشوق) بت سرّو تُجيد الرقص المرتبط بالغنايين.

وفي تقديري أن الحديث بلسان راشد أكسب هذه القصيدة قوة على قوتها.

ولعل في السرارة أو القرابة البعيدة ما يشجع على الرقص بحرية أكبر مما لو كانت التي ترقص هي (عمتو).

جميل
ياخي زي اللمة دي ما قعد تتلقي بي هينة والله
فرق بين ربط الطفل بين المديح والحج وبين (وعيه) بذلك ... هو يربط الاشياء فطريا لكنه لايعي أبعادها
حتى وإن اخذت رأي طيبان و(راحة) كانديك لذلك ... هو من نوع الربط الفطري انو الشوق بت سرنا رقاصة ليس لوعي كامل بقيمة رقصها !!! أنا طبعا حريص على عدم إفساد فطرته ... وإن كانت فطرة طيبان فاسدة من زمنو الطفل خلونا على الاقل نحافظ على فطرة راشد ياخي

[أسامة معاوية الطيب]

المشاركة الأصلية كتبت بواسطة بابكر عباس

نفهم من كدا، انو حُميد الشاعر تقمص "راشد" الطفل لدرجة إنفصال تام عن حٌميد الراشد؟

بابكر
سر نجاح حميد كشاعر إنو اتقمص راشد في خلق حالة فطرية نضيفة حولو ... عشان لما يتدخل حميد الشاعر أيدولوجيا أو سياسيا أو فكريا يتسق إيصالها ...
هي أم تتحدث عن ولدها ... أقراها في السياق دا بعيدا عن حميد وراشد ... حتى لا تجر المعاني جرأ لزاويتك (الحرجة) دي!!!
وطبعا دا في الآخر محاولة لإعادة قراءة قصيدة يعني ماها (مولارية)*


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
نقطة ضعفي في البراهين والخطين التحت الجواب

[طيبان]

المشاركة الأصلية كتبت بواسطة أسامة معاوية الطيب

جميل
وإن كانت فطرة طيبان فاسدة من زمنو الطفل خلونا على الاقل نحافظ على فطرة راشد ياخي

يا أسامة ملف الطفولة دا لو فتحناهو أنا متأكّد انّك ح تخسر ..

ح أخش غريق شويّة وأقول لك .
راشد دا واضح من القصيدة انّو عمرو خاشّي على ستة سنوات ..والطفل ماهو برئ براءة مطلقة في السن دي .
قلنا ستّة تقريبا للأسباب الآتية :
1- شفـّعنا زمان في الغالب بيطهّروهم وهم خاشّين المدرسة .
2- طنطنة راشد دي وربطو للمديح بالحج ، معناها حاضر وواعي بي كم موسم وارتبط في ذهنو انو المدّاحين ديل بجيبوهم لما يجي زول من الحج ، قطع شك راشد دا واعي لو بي حجتين تلاتة .
3- التومات أصغر من راشد ، وصفهن في النص (هُباش بالحيل ) ، لكن مدركات ومتداخلات في المجتمع البرّة ، حايمات بالحلّة ، (جنّي يرطنن قالن نحن الخواجات ) ،مرقن تابعن الحدث الكبير عن قرب واستمعن لرطانة الخواجات وجن لي أمّهن يرطنن ، الكلام دا الطفل بيعملوا بعد التلاتة سنوات ، ويمكن علي أربعة سنة ، راشد لو أكبر منهن بي سنتين عمرو ح يكون حوالي 6 سنوات ..

وفي العمر دا ليهو الحق يكون فارز مهارات الشوق بت سرّهم .
الشوق دي في النص ماها طفلة ، لا ,الشوق دي مرة كبيرة غالبا سمحة ومجيّهة وفوق دا كلّو رقّاصة ، والأهم عاجبة راشد وندادتو ، لأنّهم بالفطرة بيحبوا الهجيج والرقيص ،وراشد واثق من انّو رقيصها مميّز ،لأنو استدعاها هي من دون جميع نسوان الحلّة ، بل واعتبر انّو طهورتو دي لازم تكون بالغنّانين عشان الشوق ترقص ،يعني هو مو سائل في الغنايين ذاتهم ..
تقول لي برئ ؟ برئ انت دا

_

الموضوع في رأيي مرتبط بالفطرة ..وبس .

[سماح محمد]

غايتو في إرهاب ثقافي حاصل

كدي قبل أسامة معاوية ما يجي يهرشني أنا شايقية من مورة..يلا نخت الكورة واطة
وعلاقتي بالبلد ضعيفة
لكن المفردتين مارات علي من خلال حديث الاهل (السر..والسريّة) ، يعني لما يقول فلان (سرنا) يعني من أهلنا البُعاد، ولما يقولو فلان من (سريّة) ناس فلان هنا بيكونو بيعكسو حالة استرقاق بعيدة ونتجت منها أُسر في المنطقة ولكنها مازالت مميزة بتلك التسمية..
السياق الجات بيهو (الشوق بت سرنا) في القصيدة واضح لي انها بتعني القرابة..
لكن اللفظين مربكين في تشابههم؛ وأنا واحدة من الناس بتربكني لما أقول فلان من (أسرارنا) بخاف انها تُفهم من الاشتقاق داك ببعدو العنصري وكدة.

غايتو بس الزول غزّة عودو
وآآآآي شوايقة لندن ياماريل ومادايرة أي طعمية

تحياتي للجميع
شكرا على البوست السمح
ولحميـــد حبيبنا الرحمة

[اسامات]

المشاركة الأصلية كتبت بواسطة أحمد طه

طيبان سلامات ، و الشوق بحر

كلمة سرنا تعني القرابة البعيدة كما ذكرت، وهي أيضاً تعني (الخادم)
و أظن أن هذا هو المعنى الذي رمى إليه حميد رحمه الله في قوله:
شان الشوق بت سرنا ترقص

أنا مطمئن لرأيي هذا من سياق النص الذي وردت فيه الكلمة

كدي اسأل عباس ود علوية

بعدين اسم (الدهشان) في نوري موجود ، قد يكون (لقب) و أنا أعرف أكثر من شخص من نوري يلقب بالدهشان

قال محمد الحسن الحسين (حميد)
حليل المترة يا الدهشان -- حليل العدّي في الروشان

(الروشان هو الدندهوب) ، و المترة المقصودة هي مترة الماحي بالباجور جنوب
________________________

بالمناسبة : كثير ممن تسمّى ب (محمد الحسن) في نوري يطلق عليه لقب (حمّيد)، عندك مثلا : محمد الحسن محمد صالح (أخو أحمد ورشة)، محمد الحسن الحسين
(نسيب عبدالعظيم الطاهر) ، محمد الحسن الطيب الجعفري .... الخ
ديل كلهم (حمّيد)

انا كنت عاوز اقول كدي بس ما قدرت ..
ياهاااا زاااتا القاصدها حميد

شكرا احمد ..

.

[أزهري سيف الدين]

المشاركة الأصلية كتبت بواسطة بابكر عباس

ليش؟

الشاعر قال: راشد حالف ما يطهر إلا أبوهو وعمتو يحضروا، ونجيب الغنايين عشان الشوق بت سرهم ترقص. عمتو القريبة نسبا تجي وتبهجم بالحضور، مجرد الحضور! والشوق البعيدة نسبا تجي وتبهجم بالرقص؟! معروف في ذلك الزمان والمكان، رقيص البعيدين في مناسبة زي الطهور دا، علامة خفة، وأغلب الظن انو البقدرن يتجرأن ويعملنها بكونن من الناس الذين يعتبرون في ذلك المكان والزمان من الأقل مكانة إجتماعية.

صحيح حميد راجل تقدمي، لكن اللاوعي مرات بيكون متأخر شوية.

سلامات يا بابكر ومشتاقين

المعروف وقتها في المناطق ديك؛ حفلات الطهورة كانت ليها شنّة ورنّة، يعني الناس بجيبو فنانين مشهورين للطهورة. والدَارَة ما كانت حِكِر على الأهل القُراب بس، يعني رقيص الأقارب البُعاد (الأسرار) ما كان خِفّة.
دا كلام ناس كتار عاشوا في ذلك الزمان والمكان.
كلامك دا أقرب للوضع الراهن، لأنو الرقيص الآن بقى نادر، والرقاصات بقو بالإيجار.

فلو دي الحجة البنيت عليها رأيك، أعتقد حتحتاج تراجعو. 

تحياتي
..

[أزهري سيف الدين]

تحياتي يا أحمد سليمان وأسامة
أنا في رايي إنو (بت سرّنا) مقصود بيها (بت قريبتنا).
كدي أسألوا عباس ود علوية وأرجعوا لينا.
غايتو إلا المرحوم حمّيد يكون قال بي لسانو إنو قاصد بيها (سرّية).

...

[اسامات]

اسامة معاوية بركة الجيت ياخ ومشتاقين
ويا والله طارق عباس سوّالو صفحة في الفيسبوك لي برنامج حس الدليب الفي اذاعة البيت السوداني ..
نواصل في سرد قصيدة ست الدار

.

الناس الفي الفيها ...
ومرة يدّعن .... ومرة نديها
وموسى الفَطقة موّدر شبطو
وفطّة عكفة مع الخواجة
الخواجة يقوم .. عكفة يصفق
يرقد يقعد عكفة يصفق ..
طق طق طق
يسكت.. يرطن .. عكفة يصفق
طق طق طق
قام العمدة وشيهو اتغير
حمّر فيهو عيونو وطيّر
الخواجة مرق يتسيّر صفق عكفة
العمدة اتحيّر
ولغاية الليلي السقا يشولت
واطات الله دي ست رشّاها
ما في غنوتاً ما غناها
ما في مدحتاً ما سواها
حمارو صبح لحق أمات طه
دمّع وسب والأمريكان
جنس بدع
زولك ده يحيّر
ينزع توب فوق توب ويغير
توب الفلهمه تلقى يجرجر
و توب الدين شفاف وقصير
تقع الحارة مراكبو تغرّب
عند الجد كان أدّه ينقنق
وقت الفارغة يشيل ويبعزق
وكل الدنيا مدودي ملاريا
أي بشر يخدم صــــايدا
خلق الله طول ليلا تساري
حـُمى الشارع من تـــبدأ
من راس داك تلُب فوق ده
و المستشفى زيارتك زفـّة
الاهمال وبعوضة تنقــّد
رقّد خرّج ... خرّج رقــّد
خمسة حُـقن بندول ودرب
حُمّى غريبي .. الاغرب وين
قامت ندوة قبل يومين
وكان يا الزين راي ناس الدين
انو قدر مكتوب ويصيب
قلنا سمح
نطرى الله يختانا قريب
قالوا اكلوا زبيب
بيض كبدة حليب
قالوا اكلوا التين
اكلوا الزيتون
رشـّو الحشرات
واشربو عرديب
وكل الحسبوك باكر جلبوك
جابوك من وين
من وين جابوك
شوف عينا التين
شفنا الزيتون
كرتون .. كرتون زي طور سنين
علب البف باف اصناف .. اصناف
والمطعم جيب بيض .. كبدة .. حليب
جنس اساليب جنس الاعيب
وبعدين يا الزين يا الزين لمتين

.

[اسامات]

وحميد قاص من الدرجة الاولي .. فهو قد استطاع ان يبرز مهاراته الفائقة جدا في نقل الاحداث بصورة ممتازة ..ينقلك الي المشهد احيانا ً وينقل اليك المشهد احيان اخري ..
يحرص علي ان لايفوتك اي مشهد من تلك الاحداث .. فهو يتعبر ان اي من تلك المشاهد يكون ضروريا جدا في ابراز ناحية من النص ..
يبدو ذلك واضحا ً في عدد من نصوصه التي يمكن ان نطلق عليها انها درامية من الدرجة الاولي ..
تري من اين لحميد بهذه العبقرية ..؟؟

.

[أبوبكر عباس]

المشاركة الأصلية كتبت بواسطة أزهري سيف الدين

المعروف وقتها في المناطق ديك؛ حفلات الطهورة كانت ليها شنّة ورنّة، يعني الناس بجيبو فنانين مشهورين للطهورة. والدَارَة ما كانت حِكِر على الأهل القُراب بس، يعني رقيص الأقارب البُعاد (الأسرار) ما كان خِفّة.
دا كلام ناس كتار عاشوا في ذلك الزمان والمكان.
كلامك دا أقرب للوضع الراهن، لأنو الرقيص الآن بقى نادر، والرقاصات بقو بالإيجار.

فلو دي الحجة البنيت عليها رأيك، أعتقد حتحتاج تراجعو. 

تحياتي
..

داير يا أزهري أشيد بدقتك في الحوار وقرايتك الجيدة للمحاور بتاعك.
فعلا مداخلتي مبنية على رقيص الشوق البعيدة وإشتهارها بالرقيص بشكل عام. ويبدو انو كلامي كان بعيد عن مراد حُميد. شكرا يا أمير، ولو عملت لي منتدى، انت الوحيد من سودانيات دي، البرسل ليهو دعوة.

[أسامة معاوية الطيب]

المشاركة الأصلية كتبت بواسطة بابكر عباس

ولو عملت لي منتدى، انت الوحيد من سودانيات دي، البرسل ليهو دعوة.

بابكر صباح الخير
شايفك زمااان كان عندك فكرة تشتري سودانيات ... لو الفكرة لسع في معناها نقدم في الجزيرة الرياضية نحن
ياخي نحن ما بنقدر نضايقك بس انت كمان ما تضايقنا ياخي
قفة الأحكام الجاهزة دي ختها شوية ارتاح في عضمك دا وقوم تاني شيلا ... يعني ماشة تطير ؟

[أسامة معاوية الطيب]

المشاركة الأصلية كتبت بواسطة أحمد طه

طيبان سلامات ، و الشوق بحر

كلمة سرنا تعني القرابة البعيدة كما ذكرت، وهي أيضاً تعني (الخادم)
و أظن أن هذا هو المعنى الذي رمى إليه حميد رحمه الله في قوله:
شان الشوق بت سرنا ترقص

أنا مطمئن لرأيي هذا من سياق النص الذي وردت فيه الكلمة
كدي اسأل عباس ود علوية

بعدين اسم (الدهشان) في نوري موجود ، قد يكون (لقب) و أنا أعرف أكثر من شخص من نوري يلقب بالدهشان

قال محمد الحسن الحسين (حميد)
حليل المترة يا الدهشان -- حليل العدّي في الروشان

(الروشان هو الدندهوب) ، و المترة المقصودة هي مترة الماحي بالباجور جنوب
________________________

بالمناسبة : كثير ممن تسمّى ب (محمد الحسن) في نوري يطلق عليه لقب (حمّيد)، عندك مثلا : محمد الحسن محمد صالح (أخو أحمد ورشة)، محمد الحسن الحسين
(نسيب عبدالعظيم الطاهر) ، محمد الحسن الطيب الجعفري .... الخ
ديل كلهم (حمّيد)

احمد سليمان حبابك
تعرف جيدا إني صغير تماما قدام رؤيتك ... لكن أسوي شنو ؟؟

( جواب أول )

بسم الحاضر والمستقبل
ست الدار بت أحمد تكتب:
ليك يا الزين ود حامد شوقنا
أما بعد ،
المبعوتة المنك .. وصلت
ورُح فكيت الطلب الفوقنا
وباقي الدين يا الزين خلصتو
قدر الفضّل .. مصروف راشد والتومات
والجايات من جاي .. لا جاي
زي ما قت لك قبال ده
شهر إتنين حا نطهر راشد
شهر إتنين المدرسة تجـّز
الله يبعد العارضي تجينا
وراشد حالف ما يطّهر
إلا أبوهو وعمتو تحضر
وإلا يجيبو الغنايين
شان الشوق بت سرنا ترقص
قتلو نجيب المداحين
طنطن .. أنا جاي من الحج
وعارف راشد لما يطنطن
كل الدنيا الفيي تطنطن
غايتو بشر .. بس ربو يهون
ما كلمتك بالتومات
أول البارح جني يرطنن
قالن نحنا الخواجات
اتبسملت.. مرق حصلت
لقيت لك جعفر زارد البيت بالخواجات
يبقى حداشر وخواجية
ناس البلد الكسرو عليهن
صدو يقلبو في إيديهن
عدمانين من إسم حكيم
والا خبيراً للمشروع
.......ز

كدي اشرح لي السياق الطمنك دا خلنا نتطمن معاك

وسأعود إن بقيت اطمنت واللا لا

[أسامة معاوية الطيب]

المشاركة الأصلية كتبت بواسطة طيبان

يا أسامة ملف الطفولة دا لو فتحناهو أنا متأكّد انّك ح تخسر ..

ح أخش غريق شويّة وأقول لك .
راشد دا واضح من القصيدة انّو عمرو خاشّي على ستة سنوات ..والطفل ماهو برئ براءة مطلقة في السن دي .
قلنا ستّة تقريبا للأسباب الآتية :
1- شفـّعنا زمان في الغالب بيطهّروهم وهم خاشّين المدرسة .
2- طنطنة راشد دي وربطو للمديح بالحج ، معناها حاضر وواعي بي كم موسم وارتبط في ذهنو انو المدّاحين ديل بجيبوهم لما يجي زول من الحج ، قطع شك راشد دا واعي لو بي حجتين تلاتة .
3- التومات أصغر من راشد ، وصفهن في النص (هُباش بالحيل ) ، لكن مدركات ومتداخلات في المجتمع البرّة ، حايمات بالحلّة ، (جنّي يرطنن قالن نحن الخواجات ) ،مرقن تابعن الحدث الكبير عن قرب واستمعن لرطانة الخواجات وجن لي أمّهن يرطنن ، الكلام دا الطفل بيعملوا بعد التلاتة سنوات ، ويمكن علي أربعة سنة ، راشد لو أكبر منهن بي سنتين عمرو ح يكون حوالي 6 سنوات ..

وفي العمر دا ليهو الحق يكون فارز مهارات الشوق بت سرّهم .
الشوق دي في النص ماها طفلة ، لا ,الشوق دي مرة كبيرة غالبا سمحة ومجيّهة وفوق دا كلّو رقّاصة ، والأهم عاجبة راشد وندادتو ، لأنّهم بالفطرة بيحبوا الهجيج والرقيص ،وراشد واثق من انّو رقيصها مميّز ،لأنو استدعاها هي من دون جميع نسوان الحلّة ، بل واعتبر انّو طهورتو دي لازم تكون بالغنّانين عشان الشوق ترقص ،يعني هو مو سائل في الغنايين ذاتهم ..
تقول لي برئ ؟ برئ انت دا

_

الموضوع في رأيي مرتبط بالفطرة ..وبس .

حبيبنا يشهد الله جيتني في قفلتي
انا كت ماشي على التومات عشان أعضد فكرتي حول راشد
طبعا راشد في القصيدة انا قاسمو لي حالتين - هو والتومات - قربت أخت لي فاصلة منقوطة قت بابكر يفرح ... فمسحتها
أها
راشد كطفل الحالة البتخصو في رقبتو مقصود بها حالة الطفولة وفطريتا (فيما يخص الكلام المنسوب ليه ) الكلام البتقولو امو (ست الدار) بيكون فيهو اسقاطات حميد والتي عمد على إنزالها بلسان إمرأة عادية حتى يكسبها بعدها المجتمعي المتجذر !!!
يعني لما يقول (حالف ما يتطهر إلا ابوهو وعمتو تحضر ... وتجي الشوق ترقص ... وما يجيبو المداحين وهكذا طلبات طفولية محضة دون اكتراث لما وراء الأكمة !!! يخلق بيئة سليمة معافى فطرية تسمح بتقبل ما ستجيء ست الدار لاحقا بطرح افكارها من خلاله ويبدو حينها كيف أن الطرح متسق مع المجتمع وليس منبتا عنه !!!
(وعارف راشد لما يطنطن ... من هنا يتضح لنا راشد الرمز !!! وتتقافز الأفكار )
التومات بنفس المستوى ( جن يرطنن كطفلات لاقتن كلمي برة جن شايلاتنها وداخلات ... هكذا ببساطة ) ولكن الإسقاط يتتالى في فضح ست الدار لحالة المجتمع التي استغلها العمدة (كرأس سياسي ) ليوجه الثقافات ... باتجاه حشد أفكار التدخل في بنية المجتمع وإغراقه بالغريب والدخيل ليس لأي انتماء يخص الفكرة ولكن لمجرد التكسب والذي ينتهي بالتواطؤ على سرقة تاريخه وآثاره ... مع انتباه المجتمع ممثلا في (ست الدار) لما يحدث دون القدرة على تغييرو !!!

وهنا يتضح أن راشد يشتغل على إشعال فكرتين محوريتين
الفكرة الأولى تنقية صورة المجتمع وإعادته لحالته الفطرية لكشف التدخل الغريب فيها
الفكرة استخدامه كرمز لبدء ثورة الرفض من خلاله (هذا باستصحاب أن راشد الاسم يعود كاسم حركي لعبدالخالق محجوب كما سمعت من روايات لست متأكدا من صدقيتها ولكنها واقعة لي في جرح)
وإن كنا قد ارتحنا للتدرج دا يبقى تحميل اختيارو للشوق شان ترقص في طهورتو اكتر مما تقدم من تدرج يصبح مُخل وفيه محاولة (واعية أو دون واعية) لإدخال حميد (الشخص) في القصيدة وقراءة أي بيت ورد فيها من باب توجه حميد السياسي!! والفكري !! وانو لو كتب جامع معناها قاصد (عدم الجامع ) لانو هو زاتو شن عرفو بالجامع !!! ويبقى الموضوع موضوع تاني خالص
بعدين ورد في بعض روايات القصيدة (الشول بت سرنا ترقص) هنا يمكن أن ننقسم لفريقين في شرح السرارة دي باعتبار دلالة الاسم وربطها بفكرة السرية ... وحينها أيضا كنت سأكون مرتاح جدا لأن حتى الشول يمكن أن تكون قد دخلت للنص باعتبار ان الشوق هو الاسم الأول - طبعافي حال ثبت أن الشول هي الأسم الأول الوارد في النص يبقى حميد جاوب !!! بمعنى إنو لاحظ حساسية ما تجاها وتعدد التفاسير وقام باستبدالها - في مناسبة أخرى كان يريد أن يشير فيها لتقارب دماء السودانيين - كما درج أن يفعل ويؤمن - فأدخل اسما ينتمي للجنوب وجعله قريبا لفتاة تتحدث من أقاصي الشمال !!!

أو هكذا يتراءى لي


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ
القراياة الهادية دي مهداة لبابكر عباس ... تجده بخير

[أبوبكر عباس]

المشاركة الأصلية كتبت بواسطة أسامة معاوية الطيب

- ياخي نحن ما بنقدر نضايقك بس انت كمان ما تضايقنا ياخي
- قفة الأحكام الجاهزة دي ختها شوية ارتاح في عضمك دا وقوم تاني شيلا ... يعني ماشة تطير ؟

- أصلا مهمتي في المنتدى دا، مضايقة (الساكنين) والثوار فيهو، وإثارة شكوك حول المقدس (حِميد مثالا).
- يا أخي، أنا أحكامي غير جاهزة وقاعد أجتهد فيها وفي معظم الأحيان قاعدة تكون من (بنات) أفكاري. انت ممكن تقول لي: قفة اليقينية (يا عملات الصائغ) ختها شوية.
وبرضو بقول ليك: أبيت، اليقينية والجلافة بتحفز الزول البحاور فيك وبتخليهو يجهز كل أسلحتو (يا عملات ماريل لمنعم) ويجيك.

أحكام جاهزة آل!

شفتا كلام حميد حول الدخلاء؟