اقتباس:
|
المشاركة الأصلية كتبت بواسطة bayan
العزيز اخونا سيد
اذكر في مذكرات المجذوب التي كتبها ابو سن
ونشر بعض الرسائل الخاصة
التى تعرضت لطرد الحبشيات من الخرطوم وابعادهن..
يظن البعض ان ما يحدث الان في الخرطوم نتيجة لان البغاء قد اوقف ولم يصر كما كان
حيث يجد الصبية والرجال اماكن معدة لذلك فيكفوا شرهم عن بنات الناس..
في راي المتواضع ان المسألة لها تفسير آخر
فما يحدث الان في السودان
هو ثورة جنسية وصلت متاخرة الى السودان اكثر من ثلاثين عاما
حيث ما يحدث الان ليس كما يدعي البعض انه بغاء..او دعارة..
فقط هو حب فقد عزريته...
لا مقابل مادي له...
اي انه لا يمت الى البغاء والدعارة بصلة...
فقط الحب صار يرادفه الجنس...
يعني اذا فتحت بيوت للدعارة هذا لن ينقذ ما ما يسمونهم بنات الناس..
لان بنات الناس صرن اكثر تحررا...
يوما ناقشنا فكرة الزواج في الفصل وسالت الطلاب هل ياثر عليهم
اذا عرفوا ان من يودون الارتباط بها كان لديها علاقة كاملة مع شخص آخر
تشنج الطلاب العرب..وقالوا هذه عاهرة ولا تصلح ان تكون زوجة
بينما رد شاب ماليزي قائلا: اذا انا لم اكن على بن اب طالب فلا اتوقع ان اتزوج فاطمة بنت الرسول ص
بينما صاح طالب يماني باللغة العربية
يا دكتورة هذا ديوث...
فانا اقولها لكم
لماذا تريدون ان يكون هناك بغاء حتى تفرغون فيه احتياجاتكم
وتريدون ان تتزوجوا نساء عفيفات..
عفوا تعف نساؤكم..
|
سلام اليك يا دكتوره
اتفق معك تماما الحاجات دى كلها حصلت لانو فعلا الحياء بقى ما موجود تعرفى يا دكتوره و الله العظيم اخلف ليكى صادقه انى و لى وقت قريب جدا ما كنت بفتكر انو السودانيه ممكن تضيع روحا بالبساطه دى و طبعا انا زوله متخلفه زى ما بيقولو ما بعرف تفسير للحب غير الحب البعيد تماما عن رغبه النفس و ابتذال الجسد
لحدى ما سكنت لى فى داخليه من الداخليات الخاصه فى الخرطوم و لامن اتصاحبت على بت كدا قعدت تونسنى عن فلانه و فرتكانه و بيعملو شنو و مع اولاد ناس منو و كلام عجيب كدا لاحظى انا زوله قضيت عمرى كلو بره السودان و قريت الجامعه فى بلد متحرر للغايه يعنى
المهم انا كنت بقول ليها يمكن محتاجه و انا بقول فى العباره دى و اصلا ما مقتنعه الحاجه ما بتخلى الزول يكون رخيص المهم انو فلانه دى من الناس الى حتى فى الاجازه ما كانت بتمشى لى اهلا جات يوم تسالنى عن اذا كانت 10 الف درهم بتكفيها عشان تعمل تاتو لى عيونا و توصل شعر فى دبى و قالت لى ما تحسبى تكلفه الطياره او الفندق دا كلو مدفوع لاحظى هى قالت انها طالبه يعنى و اهلا عايشين قبلوم فى السودان دا
المهم انا ما ختيت برضو الظن الكعب و قلت يا زوله يمكن عندا اهل بره بيرسلو ليها لكن طبعا فى مره من المرات اتشاكلت مع واحده برضو كانت ساكنه معاها فى الاوضه و فتوهو كلو
تعرفى انا اسفه و الله انى بتكلم فى الحاجات دى لكن دا الحاصل بتلقى يا دكتوره واحده عاوزه تعيش و ما عندا حاجه تخسرا ما اصلو البت بتخسر مره واحده بس يعنى المهم انو بعد داك عرفت انو اصلا هى كانت غلطت مع الولد الى كان خاطبا و بعدين قذف بها بعيدا كأحدى الساقطات و من هنا كانت المأساه و انا اتذكر لحدى هسه انى كنت جدا متعاطفه معاها و خاصه لامن قعدت تبكى و قالت لى انها كانت بتحبو و اتذكر انو اتناقشنا فى انو الحب لا يبرر الانحراف .. و الانحراف فى المجتمع الشرقى عندو معنى واحد فقط .. ما اكتر لكن صحه لى قولك اعلاه
فى كميه من البنات كانو شايفين انو الحب لا ينفصل عن الرغبه بأى حال و انو اذا الواحده ما عملت كذا مع حبيبا كيف حا يعرف انها بتحبو ؟ ياخى اتخيلى المأساه عليك الله البنات ديل كلهم فى السودان و التفكير العجيب دا فى السودان !
قلت ليهم بس الواحد لامن يطلب كدا معناها اصلا ما بيحب البت عاوز يستغلا بس و لامن يجى يتزوج ما حا يتزوجا لانو فى النهايه ما حا يفهم انها عملت كدا عشان بتحبو
و الله يا دكتوره الوضع مؤسف جدا و اكتر من مؤسف
و خلاص
