طيارة جات بفوق ... قصيدة هاشم صديق

[آخـر المواني]

اقتباس:
المشاركة الأصلية كتبت بواسطة رأفت ميلاد


البتغيظ كلمة (أدب سيئ) دى .. مافى حق تقرير زى ده لقصيدة شعبية موجهة لعموم الأرض الضاربا الزلزال .. زى ما قال ليك بله تُنشر وتردد .. وممكن يتغنى بيها ويطلعوا بيها مظاهرة
يغنيها سريح الجرجير والنعناع البلدى والبنادوا فى دلالة الكراكيب ويرددا العتالة فى الميناء والسكارا فى الأنادى وكماسرة البصات .. الجزء الأكبر من المقهورين فى عصر الإنحطاط زى ما قالت أمال

خليكم فى برجكم العاجى ده وقولوا فى كلام الصفوة الذى يغنى عن جوع .. ده كلام زى طقطقة الرصاص للواطين الجمر .. أنتوا لسة قاعدين فى البركس تشربوا فى الليمون البارد وتفكوا البيرق لامن الكيزان يجوكم بالسيخ .. ولسان حالكم بقول (شنو التخلف ده .. ناس ما عندها منطق حضارى) .. كان كنتوا أهل الفصيدة دى .. كان رديتوهم زى الفيران

بقت فيكم (تحسبو لعب .. تلقاهو ركب) .. هاشم صديق يا معاوية ما طلع من المسار ولا خرف .. الزول بشوف بعيون مليانة بالحقيقة ..



لا فض فوك

كنت داير اقول لايك .. لاكني مضرب (ضم الميم واسكن في الضاد واكسر الراء) عن مفردات الفياسة*




* دا تصريف من فيس بوك

[رأفت ميلاد]

المشاركة الأصلية كتبت بواسطة شبارقة

يا أخوانا ما تتحسسوا من كلمة (جقة) دي ساي .. فهي كلمة سودانية مستحدثة .. وهي عادية إذا ما جردناها من لحمها وشحمها

بنستخدم عادي كلمات من نفس حروف وإستهجاء كلمة جقة .. بنقول : الملاح (أو الطبيخ) قاعد يجقجق في النار (وهو وصف يسيل له اللعاب طوالي ) وهناك أكلة معروفة هي (الجقاجق) وهي تقابل الكمونية (لغير الناطقين بها) ولو أضفتوا ليها قرنين شطة خضراء حيجيكم إحساس زي نقر الأصابع لما ترتاح للموسيقى .

كلام رأفت صحيح فالجقة (المتعارف عليها ) هي المرأة التي تجاوزت سن القعاد بقليل وما زالت محتفظة بجمالها وألقها وغالبا ً بتكون سمينة (تمشي الهوينى كما يمشي الحمار المكادي الوحلان في الطين أو في الميعة كما قال عمنا رأفت)

كلمة جقة ليست شوارعية وليست معيبة ولكنها قد تكون كلمة دكاكينية ... هي كلمة قد تكون مخجلة للبعض الذين يتحسسون من ذاك الوصف عندما يتخيلون المرأة وهي تمشي كما الوجي الوحل ُ

المشاركة الأصلية كتبت بواسطة شليل

سوق كعب هسي يا شباب لو قريتوها ، غانيه ، مكتنزه الأرداف وللا حاجه بالشكل ده.. مش كانت مشت فيكم ومافي زول إتوقف فيها.. ، المفرده دي موجوده في واقعنا ومافي مايمنع إستخدامها في ضرورة شعريه..
لكن هل في ضرورة شعريه لكده ؟
أنا مشهد تصوير عبور الجقه وهي جايه السوق ، جهجهني.. لأنو أول حاجه جات في راسي البحلقه.. وأنا كجمهور ( دفاعات جويه سودانيه ) ما بتستقيم البحلقه دي في سماء جمهورية السودان البلًوشيه و إللي قدت من دبر كم وكمين مرًه.. لمن أعدت القرايه تاني.. لقيت مافي داعي كان أسرح بعيد في مشهد البحلقه لأنو عبور الجقًه مقصورد بيهو : إنو الطيارات الإسرائيلية جات على مهلتها .
كقارئ ما بطًال.. مافي حاجه إستوقفتني غير توظيف مفردة ( الجقًه ).. ما الجقًه في حد ذاتا باقي الكلام حاسي بإنو قريتو في مجلة الصبيان زمااااان ، وللا سمعتو في منلوج ، أو ألقتو على مسامعي السنينه مرة جحا في مرًه من المرائر

نسيتوا طعم القرير بعد الدميرة

[أبوبكر عباس]

الجقة حسب علمي، هى الناقة الكبيرة وحتى إستعمالنا لها في السودان في الزمن الماضي كان عاديا زي ما شرح رأفت.
اللفت إنتباهي وخلاني أتداخل في بوست يتحدث عن الشعر؟؟ هو كثرة إستعمال الأقواس في القصيدة، والأقواس دائما تعني انو الكلمة البين قوسين تحمل معنيين يريد الكاتب أن يضع تورية خلف الأقواس،
وبس

[رأفت ميلاد]

المشاركة الأصلية كتبت بواسطة أسامة معاوية الطيب

لاحظ يا حبيب انو نفس الشرايح دي هي الغنت ورددت وحفظت الملحمة والملاحم اللاحقة ... وبعدين كونو تشوف انو النوع دا موجه للطبقة دي والله العظيم فيهو إساءة للشعر في رقبتو قبل ما تكون الإساءة ليهم
ياخي شعر حميد ومحجوب شريف وهاشم صديق مارق من الشرايح دي وراجع ليها ... ودا سبب تماسكو وجمالو وديمومتو !!!

ما وقع ليك كلامى يا أسامة مع سبق الأصرار والترصد ..
القصيدة ما تفرق من الملحمة ولا أصبح الصبح .. الفرق زمنى سحيق .. ما بين التحليق فى السماء والخفوس فى سابع أرض .. سيبك من قصة عيون الشعر وبحور اللغة وما شابه .. خليك فى الأحساس بوقع الكلمة فى الوكت المناسب والزمن المهبب

أتخيل لامن محجوب شريف يقول ليك:
(أصبح الصبح ولا تسجنو ولا السجان باق) .. بعد ثورة أكتوبر كانت تردد بزهو كامل .. هسة لا تعنى أى حاجة .. وكلام ليس له معنى ..

الحاردلو قال

نحن أولادنا ضلالات ونحن بناتنا محروسات
نط الصبى دق الأرض داير يشقها أتنين

وفى زمن قدو قدو

تغنى الناس بأسى بديع
أنحن أولادنا فسايات ونحن بتاتنا مطلوقات

وجرى النيل خجلاً ..


ما تكسر رقبة الكلام يا أسامة .. أنا ما حددت شرايح .. أنا غنيت القصيدة بالناس الشغلهم بى حلقومم .. البنادوا فى السوق

[ود المامون]

...

.. بعيدا عن شاعرية هاشم صديق ..... كيف نجعل لغة الناس هي لغة الشعر .. ؟ وننزل الشعر من عليائه .. وعزلته .. إلى البسطاء.. والناقمين .. والعاجزين عن التعبير عن انفسهم ....

( .. مشهد من احد ونسة الحضر والبوادي عن الطائرة ) ..

.. السر (ود النقارة ) ... رجل ساخر .. ولماح .. دخل .. يعيد .. علي علوية بت حسن .. قعدوا في الراكوبه .. و الصاج .. والجبنة مدوره ..

.. قالت ليهو.. البلد بقت ممحوقة .. الطائرات تجي شاقة الواطة .. اصلوا سمانا ده مطلوق ساكت ... وين الديش .. والداهي داك الاسمو .. الرادار ليه ما ... ( قام ) .. رد علي الطائرات ..

... رد عليها (ود النقارة ) بسخريته المعهودة ... جات شاقة .. ساي .. تتضرع .. زي صاحبتك .. ( الجقة ) .. لمن تجي داخله السوق ...

.. وقال ليها .. هسي (صاجك ) .. ده .. لو ( تاور ) تقدري تعوسي .. بدون ( طايوق ) ... اها .... رادارنا .. زي صاجك ده .. ( بتاور ) .. وبنعوس فيهو .. بدون ...( طايوق ) .. عشان كده .. ما ( بقوم ) ..




* مفردات الصاج ( قام .. تاور ) يرجي الاستعانة بقاموس عكود/ شبارقة ..


.. كل الحب ..

[أسامة معاوية الطيب]

المشاركة الأصلية كتبت بواسطة بابكر عباس

الجقة حسب علمي، هى الناقة الكبيرة وحتى إستعمالنا لها في السودان في الزمن الماضي كان عاديا زي ما شرح رأفت.
اللفت إنتباهي وخلاني أتداخل في بوست يتحدث عن الشعر؟؟ هو كثرة إستعمال الأقواس في القصيدة، والأقواس دائما تعني انو الكلمة البين قوسين تحمل معنيين يريد الكاتب أن يضع تورية خلف الأقواس،
وبس

حبيبنا بابكر ازيك ومرحبا بك في بوست عن الشعر (أصالة عن نفسي ونيابة عن الباقين)
التورية خلف الأقواس أو حتى أمامها ومن بين يديها ومن خلفها لن تحيي نصا ولد ميتا !!
انت رايك شنو في النص ماقبل الاقواس وما بعدها ؟

[رأفت ميلاد]

المشاركة الأصلية كتبت بواسطة سيد احمد محمد علي المامون

...

.. بعيدا عن شاعرية هاشم صديق ..... كيف نجعل لغة الناس هي لغة الشعر .. ؟ وننزل الشعر من عليائه .. وعزلته .. إلى البسطاء.. والناقمين .. والعاجزين عن التعبير عن انفسهم ....

( .. مشهد من احد ونسة الحضر والبوادي عن الطائرة ) ..

.. السر (ود النقارة ) ... رجل ساخر .. ولماح .. دخل .. يعيد .. علي علوية بت حسن .. قعدوا في الراكوبه .. و الصاج .. والجبنة مدوره ..

.. قالت ليهو.. البلد بقت ممحوقة .. الطائرات تجي شاقة الواطة .. اصلوا سمانا ده مطلوق ساكت ... وين الديش .. والداهي داك الاسمو .. الرادار ليه ما ... ( قام ) .. رد علي الطائرات ..

... رد عليها (ود النقارة ) بسخريته المعهودة ... جات شاقة .. ساي .. تتضرع .. زي صاحبتك .. ( الجقة ) .. لمن تجي داخله السوق ...

.. وقال ليها .. هسي (صاجك ) .. ده .. لو ( تاور ) تقدري تعوسي .. بدون ( طايوق ) ... اها .... رادارنا .. زي صاجك ده .. ( بتاور ) .. وبنعوس فيهو .. بدون ...( طايوق ) .. عشان كده .. ما ( بقوم ) ..




* مفردات الصاج ( قام .. تاور ) يرجي الاستعانة بقاموس عكود/ شبارقة ..


.. كل الحب ..

أها يا جنابو النور .. أنشاء الله كلامى كده وصل بدون ردحى .. يعنى الزول يبطل ليكم الكتابة ويعمل ود المأمون قوقل .. يرسل ليهو فى الخاص عشان يترجم ليهو

أبيت والله أرشكم لامن الله يغفر ليكم

[أسامة معاوية الطيب]

المشاركة الأصلية كتبت بواسطة سيد احمد محمد علي المامون

...

.. بعيدا عن شاعرية هاشم صديق ..... كيف نجعل لغة الناس هي لغة الشعر .. ؟ وننزل الشعر من عليائه .. وعزلته .. إلى البسطاء.. والناقمين .. والعاجزين عن التعبير عن انفسهم ....

( .. مشهد من احد ونسة الحضر والبوادي عن الطائرة ) ..

.. السر (ود النقارة ) ... رجل ساخر .. ولماح .. دخل .. يعيد .. علي علوية بت حسن .. قعدوا في الراكوبه .. و الصاج .. والجبنة مدوره ..

.. قالت ليهو.. البلد بقت ممحوقة .. الطائرات تجي شاقة الواطة .. اصلوا سمانا ده مطلوق ساكت ... وين الديش .. والداهي داك الاسمو .. الرادار ليه ما ... ( قام ) .. رد علي الطائرات ..

... رد عليها (ود النقارة ) بسخريته المعهودة ... جات شاقة .. ساي .. تتضرع .. زي صاحبتك .. ( الجقة ) .. لمن تجي داخله السوق ...

.. وقال ليها .. هسي (صاجك ) .. ده .. لو ( تاور ) تقدري تعوسي .. بدون ( طايوق ) ... اها .... رادارنا .. زي صاجك ده .. ( بتاور ) .. وبنعوس فيهو .. بدون ...( طايوق ) .. عشان كده .. ما ( بقوم ) ..




* مفردات الصاج ( قام .. تاور ) يرجي الاستعانة بقاموس عكود/ شبارقة ..


.. كل الحب ..

حبيبنا سيدأحمد ازيك ياخي
كلامك دا وقع لي في جرح وحا يبعدني من برجي العاجي القعدني فيهو رأفت ميلاد مع سبق الإصرار والحاجات
فكرتك جيدة ولكنها تنزل بالشعر للعادي ولا تصعد بالعادي للشعر ... ودي المعادلة الصعبة
شوف حميد لمان قال فيما قال " بعتو شفيعكم للراسمال ؟ هاكم دي " ويتبع النص حركة تتعمل في الخيال لحركة كشح الواطة في العيون ... هي من نفس ونسة زولتك دي لي زولك داك ... بس معاها شيلة الناس لسما الشعر ... مش رمي الشعر في واطة الله
ياخي انا تماضر حمزة دي ماقعد تشوفني واللا شنو ؟

[رأفت ميلاد]

المشاركة الأصلية كتبت بواسطة أسامة معاوية الطيب

حبيبنا بابكر ازيك ومرحبا بك في بوست عن الشعر (أصالة عن نفسي ونيابة عن الباقين)
التورية خلف الأقواس أو حتى أمامها ومن بين يديها ومن خلفها لن تحيي نصا ولد ميتا !!
انت رايك شنو في النص ماقبل الاقواس وما بعدها ؟

يموت حيلك ياخ

طقطقة الرصاص ياخ الأطرش بحس بيها فى رجفة الواطة ..

[أسامة معاوية الطيب]

المشاركة الأصلية كتبت بواسطة رأفت ميلاد

ما وقع ليك كلامى يا أسامة مع سبق الأصرار والترصد ..
القصيدة ما تفرق من الملحمة ولا أصبح الصبح .. الفرق زمنى سحيق .. ما بين التحليق فى السماء والخفوس فى سابع أرض .. سيبك من قصة عيون الشعر وبحور اللغة وما شابه .. خليك فى الأحساس بوقع الكلمة فى الوكت المناسب والزمن المهبب

أتخيل لامن محجوب شريف يقول ليك:
(أصبح الصبح ولا تسجنو ولا السجان باق) .. بعد ثورة أكتوبر كانت تردد بزهو كامل .. هسة لا تعنى أى حاجة .. وكلام ليس له معنى ..

الحاردلو قال

نحن أولادنا ضلالات ونحن بناتنا محروسات
نط الصبى دق الأرض داير يشقها أتنين

وفى زمن قدو قدو

تغنى الناس بأسى بديع
أنحن أولادنا فسايات ونحن بتاتنا مطلوقات

وجرى النيل خجلاً ..


ما تكسر رقبة الكلام يا أسامة .. أنا ما حددت شرايح .. أنا غنيت القصيدة بالناس الشغلهم بى حلقومم .. البنادوا فى السوق

ودي مهمة الشاعر الجيد ليس الشاعر المساير للعادي ... واعتقد دا الاختلاف الجوهري بيناتنا يا حبيب

[سارة]

المشاركة الأصلية كتبت بواسطة أسامة معاوية الطيب

حبيبنا سيدأحمد ازيك ياخي
كلامك دا وقع لي في جرح وحا يبعدني من برجي العاجي القعدني فيهو رأفت ميلاد مع سبق الإصرار والحاجات
فكرتك جيدة ولكنها تنزل بالشعر للعادي ولا تصعد بالعادي للشعر ... ودي المعادلة الصعبة
شوف حميد لمان قال فيما قال " بعتو شفيعكم للراسمال ؟ هاكم دي " ويتبع النص حركة تتعمل في الخيال لحركة كشح الواطة في العيون ... هي من نفس ونسة زولتك دي لي زولك داك ... بس معاها شيلة الناس لسما الشعر ... مش رمي الشعر في واطة الله
ياخي انا تماضر حمزة دي ماقعد تشوفني واللا شنو ؟

مبالغة يا اساكة مبالغة يا صاحب

[أبوبكر عباس]

المشاركة الأصلية كتبت بواسطة أسامة معاوية الطيب

انت رايك شنو في النص ماقبل الاقواس وما بعدها ؟

سلام يا أسامة
مرة زمان علقت على أغنية أبو عركي البقول فيها: "الحمامات الحزينة قامت أدتا برتكانة"
الجماعة زعلوا مني، من الزمن داك بطلت أعلق على كتابات الشعراء والفنانين الكبار!

[رأفت ميلاد]

هسة يا شبارقة أعدلا كيف وأسامة معاوية أقتبسا

المشاركة الأصلية كتبت بواسطة شبارقة

الشاعر / محمد مفتاح الفيتوري وليس محجوب شريف ... صحصح معانا يا عمك

الغريبة أسامة ذاتو يوم عدلنى فى الخاص .. حاجة عجيبة الناس ديل ترشهم بدون تردد وهم يعدلوك غماتى .. موش يمكن يكونوا بخافوا منى .. أنا أب زرد

شكراً حقيقى يا شبارقة ..

هسة الأمين العام ممكن يدينى شهر لنشر رسالة خاصة يا زول أنا أستأذنت شبارقة وشاهد ضميرى المات فى اليرموك

[أسامة معاوية الطيب]

المشاركة الأصلية كتبت بواسطة بابكر عباس

سلام يا أسامة
"مرة زمان علقت على أغنية أبو عركي البقول فيها: الحمامات الحزينة قامت أدتا برتكانة"
الجماعة زعلوا مني، من الزمن داك بطلت أعلق على كتابات الشعراء والفنانين الكبار!

حبيبنا بابكر مشكلتنا إننا بوعي وبدون وعي قدسنا مناطق ليست مقدسة ... فأضحى النقد حربا ... وتبعا لذلك اصبحت صلواتنا كلها صلاة خوف ... تكون بتصلي ومتحسس مسدسك ... أو مسدسك متحسسك
وفي الحالتين اصبحنا في النازل!!!

[رأفت ميلاد]

المشاركة الأصلية كتبت بواسطة أسامة معاوية الطيب

ودي مهمة الشاعر الجيد ليس الشاعر المساير للعادي ... واعتقد دا الاختلاف الجوهري بيناتنا يا حبيب

يا أسامة الشاعر الجيد هو البقدر يخطاب الكل .. أرجع تانى لسيناريو ود المأمون